౧. విభఙ్గవారో

హేతుపచ్చయో

౮౭. పరామట్ఠో చేవ నో చ పరామాసో ధమ్మో పరామట్ఠస్స చేవ నో చ పరామాసస్స ధమ్మస్స హేతుపచ్చయేన పచ్చయో – పరామట్ఠా చేవ నో చ పరామాసా హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో; పటిసన్ధిక్ఖణే…పే…. (౧)

పరామట్ఠో చేవ నో చ పరామాసో ధమ్మో పరామాసస్స చేవ పరామట్ఠస్స చ ధమ్మస్స హేతుపచ్చయేన పచ్చయో – పరామట్ఠా చేవ నో చ పరామాసా హేతూ పరామాసస్స హేతుపచ్చయేన పచ్చయో. (౨)

పరామట్ఠో చేవ నో చ పరామాసో ధమ్మో పరామాసస్స చేవ పరామట్ఠస్స చ పరామట్ఠస్స చేవ నో చ పరామాసస్స చ ధమ్మస్స హేతుపచ్చయేన పచ్చయో – పరామట్ఠా చేవ నో చ పరామాసా హేతూ సమ్పయుత్తకానం ఖన్ధానం పరామాసస్స చ చిత్తసముట్ఠానానఞ్చ రూపానం హేతుపచ్చయేన పచ్చయో. (౩)

ఆరమ్మణపచ్చయో

౮౮. పరామాసో చేవ పరామట్ఠో చ ధమ్మో పరామాసస్స చేవ పరామట్ఠస్స చ ధమ్మస్స ఆరమ్మణపచ్చయేన పచ్చయో… తీణి (ఆరబ్భ కాతబ్బాని పరామాసదుకసదిసం).

౮౯. పరామట్ఠో చేవ నో చ పరామాసో ధమ్మో పరామట్ఠస్స చేవ నో చ పరామాసస్స ధమ్మస్స ఆరమ్మణపచ్చయేన పచ్చయో – దానం…పే… సీలం…పే… ఉపోసథకమ్మం కత్వా తం పచ్చవేక్ఖతి, అస్సాదేతి అభినన్దతి, తం ఆరబ్భ రాగో…పే… విచికిచ్ఛా, ఉద్ధచ్చం, దోమనస్సం ఉప్పజ్జతి, పుబ్బే…పే… ఝానా…పే… అరియా గోత్రభుం పచ్చవేక్ఖన్తి, వోదానం పచ్చవేక్ఖన్తి, పహీనే కిలేసే…పే… విక్ఖమ్భితే కిలేసే…పే… పుబ్బే…పే… చక్ఖుం…పే… వత్థుం పరామట్ఠే చేవ నో చ పరామాసే ఖన్ధే అనిచ్చతో…పే… దోమనస్సం ఉప్పజ్జతి. దిబ్బేన చక్ఖునా రూపం పస్సతి (యావ ఆవజ్జనా సబ్బం కాతబ్బం). (౧)

పరామట్ఠో చేవ నో చ పరామాసో ధమ్మో పరామాసస్స చేవ పరామట్ఠస్స చ ధమ్మస్స ఆరమ్మణపచ్చయేన పచ్చయో – దానం…పే… సీలం…పే… ఉపోసథకమ్మం…పే… పుబ్బే…పే… ఝానా…పే… చక్ఖుం…పే… వత్థుం పరామట్ఠే చేవ నో చ పరామాసే ఖన్ధే అస్సాదేతి అభినన్దతి, తం ఆరబ్భ దిట్ఠి ఉప్పజ్జతి. (౨)

పరామట్ఠో చేవ నో చ పరామాసో ధమ్మో పరామాసస్స చేవ పరామట్ఠస్స చ పరామట్ఠస్స చేవ నో చ పరామాసస్స చ ధమ్మస్స ఆరమ్మణపచ్చయేన పచ్చయో – దానం…పే… సీలం…పే… ఉపోసథకమ్మం…పే… పుబ్బే…పే… ఝానా…పే… చక్ఖుం…పే… వత్థుం పరామట్ఠే చేవ నో చ పరామాసే ఖన్ధే అస్సాదేతి అభినన్దతి, తం ఆరబ్భ పరామాసో చ సమ్పయుత్తకా చ ఖన్ధా ఉప్పజ్జన్తి. (౩)

(ఏవం ఇతరేపి తీణి ఆరబ్భ కాతబ్బాని. ఇమం దుకం పరామాసదుకసదిసం. లోకుత్తరం యహిం న లబ్భతి తహిం న కాతబ్బం.)

పరామాసపరామట్ఠదుకం నిట్ఠితం.