౨. సఙ్ఖ్యావారో

సుద్ధం

౮౦. హేతుయా చత్తారి, ఆరమ్మణే చత్తారి, అధిపతియా పఞ్చ, అనన్తరే చత్తారి, సమనన్తరే చత్తారి, సహజాతే పఞ్చ, అఞ్ఞమఞ్ఞే ద్వే, నిస్సయే సత్త, ఉపనిస్సయే చత్తారి, పురేజాతే ద్వే, పచ్ఛాజాతే ద్వే, ఆసేవనే ద్వే, కమ్మే చత్తారి, విపాకే ఏకం, ఆహారే చత్తారి, ఇన్ద్రియే చత్తారి, ఝానే చత్తారి, మగ్గే చత్తారి, సమ్పయుత్తే ద్వే, విప్పయుత్తే తీణి, అత్థియా సత్త, నత్థియా చత్తారి, విగతే చత్తారి, అవిగతే సత్త.

అనులోమం.

పచ్చనీయుద్ధారో

౮౧. పరామాససమ్పయుత్తో ధమ్మో పరామాససమ్పయుత్తస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో. (౧)

పరామాససమ్పయుత్తో ధమ్మో పరామాసవిప్పయుత్తస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో… పచ్ఛాజాతపచ్చయేన పచ్చయో… కమ్మపచ్చయేన పచ్చయో. (౨)

పరామాససమ్పయుత్తో ధమ్మో పరామాససమ్పయుత్తస్స చ పరామాసవిప్పయుత్తస్స చ ధమ్మస్స సహజాతపచ్చయేన పచ్చయో. (౩)

౮౨. పరామాసవిప్పయుత్తో ధమ్మో పరామాసవిప్పయుత్తస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో… పురేజాతపచ్చయేన పచ్చయో… పచ్ఛాజాతపచ్చయేన పచ్చయో… కమ్మపచ్చయేన పచ్చయో… ఆహారపచ్చయేన పచ్చయో… ఇన్ద్రియపచ్చయేన పచ్చయో. (౧)

పరామాసవిప్పయుత్తో ధమ్మో పరామాససమ్పయుత్తస్స ధమ్మస్స ఆరమ్మణపచ్చయేన పచ్చయో… ఉపనిస్సయపచ్చయేన పచ్చయో… పురేజాతపచ్చయేన పచ్చయో. (౨)

పరామాససమ్పయుత్తో చ పరామాసవిప్పయుత్తో చ ధమ్మా పరామాససమ్పయుత్తస్స ధమ్మస్స సహజాతం, పురేజాతం. (౧)

పరామాససమ్పయుత్తో చ పరామాసవిప్పయుత్తో చ ధమ్మా పరామాసవిప్పయుత్తస్స ధమ్మస్స సహజాతం, పచ్ఛాజాతం, ఆహారం, ఇన్ద్రియం. (౨)