౧. విభఙ్గవారో

హేతుపచ్చయో

౫౪. పరామాససమ్పయుత్తం ధమ్మం పచ్చయా పరామాససమ్పయుత్తో ధమ్మో ఉప్పజ్జతి హేతుపచ్చయా… తీణి (పటిచ్చవారసదిసో).

పరామాసవిప్పయుత్తం ధమ్మం పచ్చయా పరామాసవిప్పయుత్తో ధమ్మో ఉప్పజ్జతి హేతుపచ్చయా – పరామాసవిప్పయుత్తం ఏకం ఖన్ధం పచ్చయా తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… పటిసన్ధిక్ఖణే…పే… (యావ అజ్ఝత్తికా మహాభూతా) వత్థుం పచ్చయా పరామాసవిప్పయుత్తా ఖన్ధా. (౧)

పరామాసవిప్పయుత్తం ధమ్మం పచ్చయా పరామాససమ్పయుత్తో ధమ్మో ఉప్పజ్జతి హేతుపచ్చయా – వత్థుం పచ్చయా పరామాససమ్పయుత్తకా ఖన్ధా. (౨)

పరామాసవిప్పయుత్తం ధమ్మం పచ్చయా పరామాససమ్పయుత్తో చ పరామాసవిప్పయుత్తో చ ధమ్మా ఉప్పజ్జన్తి హేతుపచ్చయా – వత్థుం పచ్చయా పరామాససమ్పయుత్తకా ఖన్ధా, మహాభూతే పచ్చయా చిత్తసముట్ఠానం రూపం. (౩)

౫౫. పరామాససమ్పయుత్తఞ్చ పరామాసవిప్పయుత్తఞ్చ ధమ్మం పచ్చయా పరామాససమ్పయుత్తో ధమ్మో ఉప్పజ్జతి హేతుపచ్చయా – పరామాససమ్పయుత్తం ఏకం ఖన్ధఞ్చ వత్థుఞ్చ పచ్చయా తయో ఖన్ధా…పే… ద్వే ఖన్ధే…పే…. (౧)

పరామాససమ్పయుత్తఞ్చ పరామాసవిప్పయుత్తఞ్చ ధమ్మం పచ్చయా పరామాసవిప్పయుత్తో ధమ్మో ఉప్పజ్జతి హేతుపచ్చయా – పరామాససమ్పయుత్తే ఖన్ధే చ మహాభూతే చ పచ్చయా చిత్తసముట్ఠానం రూపం. (౨)

పరామాససమ్పయుత్తఞ్చ పరామాసవిప్పయుత్తఞ్చ ధమ్మం పచ్చయా పరామాససమ్పయుత్తో చ పరామాసవిప్పయుత్తో చ ధమ్మా ఉప్పజ్జన్తి హేతుపచ్చయా – పరామాససమ్పయుత్తం ఏకం ఖన్ధఞ్చ వత్థుఞ్చ పచ్చయా తయో ఖన్ధా…పే… ద్వే ఖన్ధే…పే… పరామాససమ్పయుత్తే ఖన్ధే చ మహాభూతే చ పచ్చయా చిత్తసముట్ఠానం రూపం (సంఖిత్తం). (౩)