౧. విభఙ్గవారో

హేతుపచ్చయో

౫౯. నీవరణసమ్పయుత్తం ధమ్మం పచ్చయా నీవరణసమ్పయుత్తో ధమ్మో ఉప్పజ్జతి హేతుపచ్చయా… తీణి.

నీవరణవిప్పయుత్తం ధమ్మం పచ్చయా నీవరణవిప్పయుత్తో ధమ్మో ఉప్పజ్జతి హేతుపచ్చయా – నీవరణవిప్పయుత్తం ఏకం ఖన్ధం పచ్చయా తయో ఖన్ధా చిత్తసముట్ఠానఞ్చ రూపం …పే… ద్వే ఖన్ధే…పే… పటిసన్ధిక్ఖణే…పే… ఏకం మహాభూతం…పే… వత్థుం పచ్చయా నీవరణవిప్పయుత్తా ఖన్ధా. (౧)

నీవరణవిప్పయుత్తం ధమ్మం పచ్చయా నీవరణసమ్పయుత్తో ధమ్మో ఉప్పజ్జతి హేతుపచ్చయా – వత్థుం పచ్చయా నీవరణసమ్పయుత్తా ఖన్ధా. (౨)

నీవరణవిప్పయుత్తం ధమ్మం పచ్చయా నీవరణసమ్పయుత్తో చ నీవరణవిప్పయుత్తో చ ధమ్మా ఉప్పజ్జన్తి హేతుపచ్చయా – వత్థుం పచ్చయా నీవరణసమ్పయుత్తా ఖన్ధా, మహాభూతే పచ్చయా చిత్తసముట్ఠానం రూపం. (౩)

౬౦. నీవరణసమ్పయుత్తఞ్చ నీవరణవిప్పయుత్తఞ్చ ధమ్మం పచ్చయా నీవరణసమ్పయుత్తో ధమ్మో ఉప్పజ్జతి హేతుపచ్చయా – నీవరణసమ్పయుత్తం ఏకం ఖన్ధఞ్చ వత్థుఞ్చ పచ్చయా తయో ఖన్ధా…పే… ద్వే ఖన్ధే…పే…. (౧)

నీవరణసమ్పయుత్తఞ్చ నీవరణవిప్పయుత్తఞ్చ ధమ్మం పచ్చయా నీవరణవిప్పయుత్తో ధమ్మో ఉప్పజ్జతి హేతుపచ్చయా – నీవరణసమ్పయుత్తే ఖన్ధే చ మహాభూతే చ పచ్చయా చిత్తసముట్ఠానం రూపం. (౨)

నీవరణసమ్పయుత్తఞ్చ నీవరణవిప్పయుత్తఞ్చ ధమ్మం పచ్చయా నీవరణసమ్పయుత్తో చ నీవరణవిప్పయుత్తో చ ధమ్మా ఉప్పజ్జన్తి హేతుపచ్చయా – నీవరణసమ్పయుత్తం ఏకం ఖన్ధఞ్చ వత్థుఞ్చ పచ్చయా తయో ఖన్ధా…పే… ద్వే ఖన్ధే…పే… నీవరణసమ్పయుత్తే ఖన్ధే చ మహాభూతే చ పచ్చయా చిత్తసముట్ఠానం రూపం (సంఖిత్తం). (౩)