౮. నీవరణగోచ్ఛకం

౪౪. నీవరణదుకం

౧. పటిచ్చవారో

౧. పచ్చయానులోమం

౧. విభఙ్గవారో

హేతుపచ్చయో

౧. నీవరణం ధమ్మం పటిచ్చ నీవరణో ధమ్మో ఉప్పజ్జతి హేతుపచ్చయా – కామచ్ఛన్దనీవరణం పటిచ్చ థినమిద్ధనీవరణం [థీనమిద్ధనీవరణం (స్యా.)] ఉద్ధచ్చనీవరణం అవిజ్జానీవరణం, కామచ్ఛన్దనీవరణం పటిచ్చ ఉద్ధచ్చనీవరణం అవిజ్జానీవరణం, బ్యాపాదనీవరణం పటిచ్చ థినమిద్ధనీవరణం ఉద్ధచ్చనీవరణం అవిజ్జానీవరణం, బ్యాపాదనీవరణం పటిచ్చ ఉద్ధచ్చనీవరణం అవిజ్జానీవరణం, బ్యాపాదనీవరణం పటిచ్చ థినమిద్ధనీవరణం ఉద్ధచ్చనీవరణం కుక్కుచ్చనీవరణం అవిజ్జానీవరణం, బ్యాపాదనీవరణం పటిచ్చ ఉద్ధచ్చనీవరణం కుక్కుచ్చనీవరణం అవిజ్జానీవరణం, విచికిచ్ఛానీవరణం పటిచ్చ ఉద్ధచ్చనీవరణం, ఉద్ధచ్చనీవరణం పటిచ్చ అవిజ్జానీవరణం. (౧)

నీవరణం ధమ్మం పటిచ్చ నోనీవరణో ధమ్మో ఉప్పజ్జతి హేతుపచ్చయా – నీవరణే పటిచ్చ సమ్పయుత్తకా ఖన్ధా చిత్తసముట్ఠానఞ్చ రూపం. (౨)

నీవరణం ధమ్మం పటిచ్చ నీవరణో చ నోనీవరణో చ ధమ్మా ఉప్పజ్జన్తి హేతుపచ్చయా – కామచ్ఛన్దనీవరణం పటిచ్చ థినమిద్ధనీవరణం ఉద్ధచ్చనీవరణం అవిజ్జానీవరణం సమ్పయుత్తకా చ ఖన్ధా చిత్తసముట్ఠానఞ్చ రూపం (చక్కం). (౩)

౨. నోనీవరణం ధమ్మం పటిచ్చ నోనీవరణో ధమ్మో ఉప్పజ్జతి హేతుపచ్చయా – నోనీవరణం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… పటిసన్ధిక్ఖణే…పే…. (౧)

నోనీవరణం ధమ్మం పటిచ్చ నీవరణో ధమ్మో ఉప్పజ్జతి హేతుపచ్చయా – నోనీవరణే ఖన్ధే పటిచ్చ నీవరణా. (౨)

నోనీవరణం ధమ్మం పటిచ్చ నీవరణో చ నోనీవరణో చ ధమ్మా ఉప్పజ్జన్తి హేతుపచ్చయా – నోనీవరణం ఏకం ఖన్ధం పటిచ్చ తయో ఖన్ధా నీవరణా చ చిత్తసముట్ఠానఞ్చ రూపం…పే… ద్వే ఖన్ధే…పే…. (౩)

౩. నీవరణఞ్చ నోనీవరణఞ్చ ధమ్మం పటిచ్చ నీవరణో ధమ్మో ఉప్పజ్జతి హేతుపచ్చయా – కామచ్ఛన్దనీవరణఞ్చ సమ్పయుత్తకే చ ఖన్ధే పటిచ్చ థినమిద్ధనీవరణం ఉద్ధచ్చనీవరణం అవిజ్జానీవరణం (చక్కం). (౧)

నీవరణఞ్చ నోనీవరణఞ్చ ధమ్మం పటిచ్చ నోనీవరణో ధమ్మో ఉప్పజ్జతి హేతుపచ్చయా – నోనీవరణం ఏకం ఖన్ధఞ్చ నీవరణఞ్చ పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే చ…పే… నీవరణే చ మహాభూతే చ పటిచ్చ చిత్తసముట్ఠానం రూపం. (౨)

నీవరణఞ్చ నోనీవరణఞ్చ ధమ్మం పటిచ్చ నీవరణో చ నోనీవరణో చ ధమ్మా ఉప్పజ్జన్తి హేతుపచ్చయా – నోనీవరణం ఏకం ఖన్ధఞ్చ కామచ్ఛన్దనీవరణఞ్చ పటిచ్చ తయో ఖన్ధా థినమిద్ధనీవరణం ఉద్ధచ్చనీవరణం అవిజ్జానీవరణం…పే… ద్వే ఖన్ధే చ…పే… (చక్కం. సంఖిత్తం). (౩)

౧. పచ్చయానులోమం

౨. సఙ్ఖ్యావారో

సుద్ధం

౪. హేతుయా నవ, ఆరమ్మణే నవ, అధిపతియా నవ, అనన్తరే నవ, సమనన్తరే నవ (సబ్బత్థ నవ), విపాకే ఏకం, ఆహారే నవ…పే… అవిగతే నవ.

అనులోమం.

౨. పచ్చయపచ్చనీయం

౧. విభఙ్గవారో

నహేతుపచ్చయో

౫. నీవరణం ధమ్మం పటిచ్చ నీవరణో ధమ్మో ఉప్పజ్జతి నహేతుపచ్చయా – విచికిచ్ఛానీవరణం పటిచ్చ అవిజ్జానీవరణం, ఉద్ధచ్చనీవరణం పటిచ్చ అవిజ్జానీవరణం. (౧)

నోనీవరణం ధమ్మం పటిచ్చ నోనీవరణో ధమ్మో ఉప్పజ్జతి నహేతుపచ్చయా – అహేతుకం నోనీవరణం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే…పే… అహేతుకపటిసన్ధిక్ఖణే…పే… (యావ అసఞ్ఞసత్తా). (౧)

నోనీవరణం ధమ్మం పటిచ్చ నీవరణో ధమ్మో ఉప్పజ్జతి నహేతుపచ్చయా – విచికిచ్ఛాసహగతే ఉద్ధచ్చసహగతే ఖన్ధే పటిచ్చ అవిజ్జానీవరణం. (౨)

౬. నీవరణఞ్చ నోనీవరణఞ్చ ధమ్మం పటిచ్చ నీవరణో ధమ్మో ఉప్పజ్జతి నహేతుపచ్చయా – విచికిచ్ఛానీవరణఞ్చ సమ్పయుత్తకే చ ఖన్ధే పటిచ్చ అవిజ్జానీవరణం, ఉద్ధచ్చనీవరణఞ్చ సమ్పయుత్తకే చ ఖన్ధే పటిచ్చ అవిజ్జానీవరణం. (౧)

నఆరమ్మణపచ్చయాది

౭. నీవరణం ధమ్మం పటిచ్చ నోనీవరణో ధమ్మో ఉప్పజ్జతి నఆరమ్మణపచ్చయా – నీవరణే పటిచ్చ చిత్తసముట్ఠానం రూపం. (౧)

నోనీవరణం ధమ్మం పటిచ్చ నోనీవరణో ధమ్మో ఉప్పజ్జతి నఆరమ్మణపచ్చయా – నోనీవరణే ఖన్ధే పటిచ్చ చిత్తసముట్ఠానం రూపం; పటిసన్ధిక్ఖణే…పే… (యావ అసఞ్ఞసత్తా). (౧)

నీవరణఞ్చ నోనీవరణఞ్చ ధమ్మం పటిచ్చ నోనీవరణో ధమ్మో ఉప్పజ్జతి నఆరమ్మణపచ్చయా – నీవరణే చ సమ్పయుత్తకే చ ఖన్ధే పటిచ్చ చిత్తసముట్ఠానం రూపం (సంఖిత్తం)… నఅధిపతిపచ్చయా… నఅనన్తరపచ్చయా… నసమనన్తరపచ్చయా… నఅఞ్ఞమఞ్ఞపచ్చయా… నఉపనిస్సయపచ్చయా.

నపురేజాతపచ్చయో

౮. నీవరణం ధమ్మం పటిచ్చ నీవరణో ధమ్మో ఉప్పజ్జతి నపురేజాతపచ్చయా – అరూపే కామచ్ఛన్దనీవరణం పటిచ్చ థినమిద్ధనీవరణం ఉద్ధచ్చనీవరణం అవిజ్జానీవరణం, అరూపే కామచ్ఛన్దనీవరణం పటిచ్చ ఉద్ధచ్చనీవరణం అవిజ్జానీవరణం, అరూపే విచికిచ్ఛానీవరణం పటిచ్చ ఉద్ధచ్చనీవరణం అవిజ్జానీవరణం, అరూపే ఉద్ధచ్చనీవరణం పటిచ్చ అవిజ్జానీవరణం. (౧)

నీవరణం ధమ్మం పటిచ్చ నోనీవరణో ధమ్మో ఉప్పజ్జతి నపురేజాతపచ్చయా – అరూపే నీవరణే పటిచ్చ సమ్పయుత్తకా ఖన్ధా, నీవరణే పటిచ్చ చిత్తసముట్ఠానం రూపం. (అవసేసా పఞ్హా సబ్బే విత్థారేతబ్బా. అరూపం పఠమం కాతబ్బం, రూపం పచ్ఛా యథా లభతి.)

౯. నీవరణఞ్చ నోనీవరణఞ్చ ధమ్మం పటిచ్చ నీవరణో ధమ్మో ఉప్పజ్జతి నపురేజాతపచ్చయా – అరూపే నోనీవరణే ఖన్ధే చ కామచ్ఛన్దనీవరణఞ్చ పటిచ్చ థినమిద్ధనీవరణం ఉద్ధచ్చనీవరణం (చక్కం). (౧)

నీవరణఞ్చ నోనీవరణఞ్చ ధమ్మం పటిచ్చ నోనీవరణో ధమ్మో ఉప్పజ్జతి నపురేజాతపచ్చయా – అరూపే నోనీవరణం ఏకం ఖన్ధఞ్చ నీవరణే చ పటిచ్చ తయో ఖన్ధా…పే… ద్వే ఖన్ధే చ…పే… నీవరణే చ సమ్పయుత్తకే చ ఖన్ధే పటిచ్చ చిత్తసముట్ఠానం రూపం, నీవరణే చ మహాభూతే చ పటిచ్చ చిత్తసముట్ఠానం రూపం. (౨)

నీవరణఞ్చ నోనీవరణఞ్చ ధమ్మం పటిచ్చ నీవరణో చ నోనీవరణో చ ధమ్మా ఉప్పజ్జన్తి నపురేజాతపచ్చయా – అరూపే నోనీవరణం ఏకం ఖన్ధఞ్చ కామచ్ఛన్దనీవరణఞ్చ పటిచ్చ తయో ఖన్ధా థినమిద్ధనీవరణం ఉద్ధచ్చనీవరణం అవిజ్జానీవరణం (చక్కం. సంఖిత్తం). (౩)

౨. పచ్చయపచ్చనీయం

౨. సఙ్ఖ్యావారో

సుద్ధం

౧౦. నహేతుయా చత్తారి, నఆరమ్మణే తీణి, నఅధిపతియా నవ, నఅనన్తరే తీణి, నసమనన్తరే తీణి, నఅఞ్ఞమఞ్ఞే తీణి, నఉపనిస్సయే తీణి, నపురేజాతే నవ, నపచ్ఛాజాతే నవ, నఆసేవనే నవ, నకమ్మే తీణి, నవిపాకే నవ, నఆహారే ఏకం, నఇన్ద్రియే ఏకం, నఝానే ఏకం, నమగ్గే ఏకం, నసమ్పయుత్తే తీణి, నవిప్పయుత్తే నవ, నోనత్థియా తీణి, నోవిగతే తీణి.

౩. పచ్చయానులోమపచ్చనీయం

౧౧. హేతుపచ్చయా నఆరమ్మణే తీణి, నఅధిపతియా నవ (సంఖిత్తం).

౪. పచ్చయపచ్చనీయానులోమం

౧౨. నహేతుపచ్చయా ఆరమ్మణే చత్తారి…పే… మగ్గే తీణి…పే… అవిగతే చత్తారి.

౨. సహజాతవారో

(సహజాతవారోపి ఏవం విత్థారేతబ్బో).

౩. పచ్చయవారో

౧. పచ్చయానులోమం

౧. విభఙ్గవారో

హేతుపచ్చయో

౧౩. నీవరణం ధమ్మం పచ్చయా నీవరణో ధమ్మో ఉప్పజ్జతి హేతుపచ్చయా… తీణి.

నోనీవరణం ధమ్మం పచ్చయా నోనీవరణో ధమ్మో ఉప్పజ్జతి హేతుపచ్చయా – నోనీవరణం ఏకం ఖన్ధం పచ్చయా తయో ఖన్ధా చిత్తసముట్ఠానఞ్చ రూపం…పే… (యావ అజ్ఝత్తికా మహాభూతా), వత్థుం పచ్చయా నోనీవరణా ఖన్ధా. (౧)

నోనీవరణం ధమ్మం పచ్చయా నీవరణో ధమ్మో ఉప్పజ్జతి హేతుపచ్చయా – నోనీవరణే ఖన్ధే పచ్చయా నీవరణా, వత్థుం పచ్చయా నీవరణా. (౨)

నోనీవరణం ధమ్మం పచ్చయా నీవరణో చ నోనీవరణో చ ధమ్మా ఉప్పజ్జన్తి హేతుపచ్చయా – నోనీవరణం ఏకం ఖన్ధం పచ్చయా తయో ఖన్ధా నీవరణా చ చిత్తసముట్ఠానఞ్చ రూపం…పే… ద్వే ఖన్ధే…పే… వత్థుం పచ్చయా నీవరణా, మహాభూతే పచ్చయా చిత్తసముట్ఠానం రూపం, వత్థుం పచ్చయా నీవరణా చ సమ్పయుత్తకా చ ఖన్ధా. (౩)

౧౪. నీవరణఞ్చ నోనీవరణఞ్చ ధమ్మం పచ్చయా నీవరణో ధమ్మో ఉప్పజ్జతి హేతుపచ్చయా – కామచ్ఛన్దనీవరణఞ్చ సమ్పయుత్తకే చ ఖన్ధే పచ్చయా థినమిద్ధనీవరణం ఉద్ధచ్చనీవరణం అవిజ్జానీవరణం (చక్కం). కామచ్ఛన్దనీవరణఞ్చ వత్థుఞ్చ పచ్చయా థినమిద్ధనీవరణం ఉద్ధచ్చనీవరణం అవిజ్జానీవరణం (చక్కం). (౧)

నీవరణఞ్చ నోనీవరణఞ్చ ధమ్మం పచ్చయా నోనీవరణో ధమ్మో ఉప్పజ్జతి హేతుపచ్చయా – నోనీవరణం ఏకం ఖన్ధఞ్చ నీవరణఞ్చ పచ్చయా తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… నీవరణఞ్చ వత్థుఞ్చ పచ్చయా సమ్పయుత్తకా ఖన్ధా, నీవరణఞ్చ సమ్పయుత్తకే చ ఖన్ధే పచ్చయా చిత్తసముట్ఠానం రూపం, నీవరణే చ మహాభూతే చ పచ్చయా చిత్తసముట్ఠానం రూపం. (౨)

నీవరణఞ్చ నోనీవరణఞ్చ ధమ్మం పచ్చయా నీవరణో చ నోనీవరణో చ ధమ్మా ఉప్పజ్జన్తి హేతుపచ్చయా – నోనీవరణం ఏకం ఖన్ధఞ్చ కామచ్ఛన్దనీవరణఞ్చ పచ్చయా తయో ఖన్ధా థినమిద్ధనీవరణం ఉద్ధచ్చనీవరణం అవిజ్జానీవరణం…పే… ద్వే ఖన్ధే …పే… (చక్కం). కామచ్ఛన్దనీవరణఞ్చ వత్థుఞ్చ పచ్చయా థినమిద్ధనీవరణం ఉద్ధచ్చనీవరణం అవిజ్జానీవరణం సమ్పయుత్తకా చ ఖన్ధా (చక్కం. సంఖిత్తం). (౩)

౧. పచ్చయానులోమం

౨. సఙ్ఖ్యావారో

౧౫. హేతుయా నవ, ఆరమ్మణే నవ (సబ్బత్థ నవ), విపాకే ఏకం…పే… అవిగతే నవ.

అనులోమం.

౨. పచ్చయపచ్చనీయం

౧. విభఙ్గవారో

నహేతుపచ్చయో

౧౬. నీవరణం ధమ్మం పచ్చయా నీవరణో ధమ్మో ఉప్పజ్జతి నహేతుపచ్చయా – విచికిచ్ఛానీవరణం పచ్చయా అవిజ్జానీవరణం, ఉద్ధచ్చనీవరణం పచ్చయా అవిజ్జానీవరణం. (౧)

నోనీవరణం ధమ్మం పచ్చయా నోనీవరణో ధమ్మో ఉప్పజ్జతి నహేతుపచ్చయా – అహేతుకం నోనీవరణం ఏకం ఖన్ధం పచ్చయా తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… (యావ అసఞ్ఞసత్తా) చక్ఖాయతనం పచ్చయా చక్ఖువిఞ్ఞాణం…పే… కాయాయతనం పచ్చయా కాయవిఞ్ఞాణం, వత్థుం పచ్చయా అహేతుకా నోనీవరణా ఖన్ధా. (౧)

నోనీవరణం ధమ్మం పచ్చయా నీవరణో ధమ్మో ఉప్పజ్జతి నహేతుపచ్చయా – విచికిచ్ఛాసహగతే ఉద్ధచ్చసహగతే ఖన్ధే పచ్చయా అవిజ్జానీవరణం, వత్థుం పచ్చయా అవిజ్జానీవరణం. (౨)

౧౭. నీవరణఞ్చ నోనీవరణఞ్చ ధమ్మం పచ్చయా నీవరణో ధమ్మో ఉప్పజ్జతి నహేతుపచ్చయా – విచికిచ్ఛానీవరణఞ్చ సమ్పయుత్తకే చ ఖన్ధే పచ్చయా అవిజ్జానీవరణం, ఉద్ధచ్చనీవరణఞ్చ సమ్పయుత్తకే చ ఖన్ధే పచ్చయా అవిజ్జానీవరణం, విచికిచ్ఛానీవరణఞ్చ వత్థుఞ్చ పచ్చయా అవిజ్జానీవరణం, ఉద్ధచ్చనీవరణఞ్చ వత్థుఞ్చ పచ్చయా అవిజ్జానీవరణం (సంఖిత్తం). (౧)

౨. పచ్చయపచ్చనీయం

౨. సఙ్ఖ్యావారో

సుద్ధం

౧౮. నహేతుయా చత్తారి, నఆరమ్మణే తీణి, నఅధిపతియా నవ, నఅనన్తరే తీణి, నసమనన్తరే తీణి, నఅఞ్ఞమఞ్ఞే తీణి, నఉపనిస్సయే తీణి, నపురేజాతే నవ, నపచ్ఛాజాతే నవ, నఆసేవనే నవ, నకమ్మే తీణి, నవిపాకే నవ, నఆహారే ఏకం, నఇన్ద్రియే ఏకం, నఝానే ఏకం, నమగ్గే ఏకం, నసమ్పయుత్తే తీణి, నవిప్పయుత్తే నవ, నోనత్థియా తీణి, నోవిగతే తీణి.

౩. పచ్చయానులోమపచ్చనీయం

౧౯. హేతుపచ్చయా నఆరమ్మణే తీణి, నఅధిపతియా నవ (సంఖిత్తం).

౪. పచ్చయపచ్చనీయానులోమం

౨౦. నహేతుపచ్చయా ఆరమ్మణే చత్తారి, అనన్తరే చత్తారి, సమనన్తరే చత్తారి…పే… మగ్గే తీణి, అవిగతే చత్తారి.

౫. సంసట్ఠవారో

౧-౪. పచ్చయచతుక్కం

౨౧. నీవరణం ధమ్మం సంసట్ఠో నీవరణో ధమ్మో ఉప్పజ్జతి హేతుపచ్చయా – కామచ్ఛన్దనీవరణం సంసట్ఠం థినమిద్ధనీవరణం ఉద్ధచ్చనీవరణం అవిజ్జానీవరణం (చక్కం. సబ్బం నీవరణం విత్థారేతబ్బం).

౨౨. హేతుయా నవ, ఆరమ్మణే నవ (సబ్బత్థ నవ), విపాకే ఏకం…పే… అవిగతే నవ.

అనులోమం.

౨౩. నీవరణం ధమ్మం సంసట్ఠో నీవరణో ధమ్మో ఉప్పజ్జతి నహేతుపచ్చయా – విచికిచ్ఛానీవరణం సంసట్ఠం అవిజ్జానీవరణం, ఉద్ధచ్చనీవరణం సంసట్ఠం అవిజ్జానీవరణం (సంఖిత్తం).

౨౪. నహేతుయా చత్తారి, నఅధిపతియా నవ, నపురేజాతే నవ, నపచ్ఛాజాతే నవ, నఆసేవనే నవ, నకమ్మే తీణి, నవిపాకే నవ, నఝానే ఏకం, నమగ్గే ఏకం, నవిప్పయుత్తే నవ.

పచ్చనీయం.

౬. సమ్పయుత్తవారో

(ఏవం ఇతరే ద్వే గణనాపి సమ్పయుత్తవారోపి కాతబ్బో.)

౭. పఞ్హావారో

౧. పచ్చయానులోమం

౧. విభఙ్గవారో

హేతుపచ్చయో

౨౫. నీవరణో ధమ్మో నీవరణస్స ధమ్మస్స హేతుపచ్చయేన పచ్చయో – నీవరణా హేతూ సమ్పయుత్తకానం నీవరణానం హేతుపచ్చయేన పచ్చయో. (౧)

నీవరణో ధమ్మో నోనీవరణస్స ధమ్మస్స హేతుపచ్చయేన పచ్చయో – నీవరణా హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో. (౨)

నీవరణో ధమ్మో నీవరణస్స చ నోనీవరణస్స చ ధమ్మస్స హేతుపచ్చయేన పచ్చయో – నీవరణా హేతూ సమ్పయుత్తకానం ఖన్ధానం నీవరణానఞ్చ చిత్తసముట్ఠానానఞ్చ రూపానం హేతుపచ్చయేన పచ్చయో. (౩)

నోనీవరణో ధమ్మో నోనీవరణస్స ధమ్మస్స హేతుపచ్చయేన పచ్చయో – నోనీవరణా హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో; పటిసన్ధిక్ఖణే…పే…. (౧)

ఆరమ్మణపచ్చయో

౨౬. నీవరణో ధమ్మో నీవరణస్స ధమ్మస్స ఆరమ్మణపచ్చయేన పచ్చయో – నీవరణే ఆరబ్భ నీవరణా ఉప్పజ్జన్తి. (మూలం పుచ్ఛితబ్బం) నీవరణే ఆరబ్భ నోనీవరణా ఖన్ధా ఉప్పజ్జన్తి. (మూలం కాతబ్బం) నీవరణే ఆరబ్భ నీవరణా చ సమ్పయుత్తకా చ ఖన్ధా ఉప్పజ్జన్తి. (౩)

౨౭. నోనీవరణో ధమ్మో నోనీవరణస్స ధమ్మస్స ఆరమ్మణపచ్చయేన పచ్చయో – దానం…పే… సీలం…పే… ఉపోసథకమ్మం కత్వా తం పచ్చవేక్ఖతి, పుబ్బే సుచిణ్ణాని…పే… ఝానా వుట్ఠహిత్వా ఝానం…పే… అరియా మగ్గా వుట్ఠహిత్వా మగ్గం…పే… ఫలం…పే… నిబ్బానం…పే… నిబ్బానం గోత్రభుస్స, వోదానస్స, మగ్గస్స, ఫలస్స, ఆవజ్జనాయ ఆరమ్మణపచ్చయేన పచ్చయో; అరియా నోనీవరణే పహీనే కిలేసే పచ్చవేక్ఖన్తి, విక్ఖమ్భితే కిలేసే…పే… పుబ్బే సముదాచిణ్ణే…పే… చక్ఖుం…పే… వత్థుం నోనీవరణే ఖన్ధే అనిచ్చతో…పే… దోమనస్సం ఉప్పజ్జతి; దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి. చేతోపరియఞాణేన నోనీవరణచిత్తసమఙ్గిస్స చిత్తం జానాతి, ఆకాసానఞ్చాయతనం విఞ్ఞాణఞ్చాయతనస్స…పే… ఆకిఞ్చఞ్ఞాయతనం నేవసఞ్ఞానాసఞ్ఞాయతనస్స…పే… రూపాయతనం చక్ఖువిఞ్ఞాణస్స…పే… ఫోట్ఠబ్బాయతనం కాయవిఞ్ఞాణస్స…పే… నోనీవరణా ఖన్ధా ఇద్ధివిధఞాణస్స, చేతోపరియఞాణస్స, పుబ్బేనివాసానుస్సతిఞాణస్స, యథాకమ్మూపగఞాణస్స, అనాగతంసఞాణస్స, ఆవజ్జనాయ ఆరమ్మణపచ్చయేన పచ్చయో. (౧)

నోనీవరణో ధమ్మో నీవరణస్స ధమ్మస్స ఆరమ్మణపచ్చయేన పచ్చయో – దానం…పే… సీలం…పే… ఉపోసథకమ్మం…పే… పుబ్బే సుచిణ్ణాని…పే… ఝానా…పే… చక్ఖుం…పే… వత్థుం నోనీవరణే ఖన్ధే అస్సాదేతి అభినన్దతి, తం ఆరబ్భ రాగో ఉప్పజ్జతి, దిట్ఠి …పే… విచికిచ్ఛా…పే… ఉద్ధచ్చం…పే… దోమనస్సం ఉప్పజ్జతి. (౨)

నోనీవరణో ధమ్మో నీవరణస్స చ నోనీవరణస్స చ ధమ్మస్స ఆరమ్మణపచ్చయేన పచ్చయో – దానం…పే… సీలం…పే… ఉపోసథకమ్మం…పే… పుబ్బే సుచిణ్ణాని…పే… ఝానా…పే… చక్ఖుం…పే… వత్థుం నోనీవరణే ఖన్ధే అస్సాదేతి అభినన్దతి, తం ఆరబ్భ నీవరణా చ సమ్పయుత్తకా చ ఖన్ధా ఉప్పజ్జన్తి. (౩)

నీవరణో చ నోనీవరణో చ ధమ్మా నీవరణస్స ధమ్మస్స ఆరమ్మణపచ్చయేన పచ్చయో… తీణి (ఆరబ్భ కాతబ్బా).

అధిపతిపచ్చయో

౨౮. నీవరణో ధమ్మో నీవరణస్స ధమ్మస్స అధిపతిపచ్చయేన పచ్చయో. ఆరమ్మణాధిపతి – నీవరణే గరుం కత్వా నీవరణా ఉప్పజ్జన్తి… తీణి (ఆరమ్మణసదిసం). (౩)

౨౯. నోనీవరణో ధమ్మో నోనీవరణస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – దానం…పే… సీలం…పే… ఉపోసథకమ్మం కత్వా తం గరుం కత్వా పచ్చవేక్ఖతి, పుబ్బే సుచిణ్ణాని…పే… ఝానా…పే… అరియా మగ్గా వుట్ఠహిత్వా మగ్గం…పే… ఫలం…పే… నిబ్బానం…పే… నిబ్బానం గోత్రభుస్స, వోదానస్స, మగ్గస్స, ఫలస్స అధిపతిపచ్చయేన పచ్చయో; చక్ఖుం…పే… వత్థుం నోనీవరణే ఖన్ధే గరుం కత్వా అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి. సహజాతాధిపతి – నోనీవరణాధిపతి సమ్పయుత్తకానం ఖన్ధానం చిత్తసముట్ఠానానఞ్చ రూపానం అధిపతిపచ్చయేన పచ్చయో. (౧)

నోనీవరణో ధమ్మో నీవరణస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – దానం…పే… సీలం…పే… ఉపోసథకమ్మం…పే… పుబ్బే…పే… ఝానా…పే… చక్ఖుం…పే… వత్థుం నోనీవరణే ఖన్ధే గరుం కత్వా అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి. సహజాతాధిపతి – నోనీవరణాధిపతి సమ్పయుత్తకానం నీవరణానం అధిపతిపచ్చయేన పచ్చయో. (౨)

నోనీవరణో ధమ్మో నీవరణస్స చ నోనీవరణస్స చ ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – దానం…పే… సీలం…పే… ఉపోసథకమ్మం…పే… పుబ్బే…పే… ఝానా…పే… చక్ఖుం…పే… వత్థుం నోనీవరణే ఖన్ధే గరుం కత్వా అస్సాదేతి అభినన్దతి, తం గరుం కత్వా నీవరణా చ సమ్పయుత్తకా చ ఖన్ధా ఉప్పజ్జన్తి. సహజాతాధిపతి – నోనీవరణాధిపతి సమ్పయుత్తకానం ఖన్ధానం నీవరణానఞ్చ చిత్తసముట్ఠానానఞ్చ రూపానం అధిపతిపచ్చయేన పచ్చయో. (౩)

నీవరణో చ నోనీవరణో చ ధమ్మా నీవరణస్స ధమ్మస్స అధిపతిపచ్చయేన పచ్చయో – ఆరమ్మణాధిపతి… తీణి (ఆరమ్మణాధిపతియేవ).

అనన్తరపచ్చయో

౩౦. నీవరణో ధమ్మో నీవరణస్స ధమ్మస్స అనన్తరపచ్చయేన పచ్చయో – పురిమా పురిమా నీవరణా పచ్ఛిమానం పచ్ఛిమానం నీవరణానం అనన్తరపచ్చయేన పచ్చయో. (మూలం పుచ్ఛితబ్బం) పురిమా పురిమా నీవరణా పచ్ఛిమానం పచ్ఛిమానం నోనీవరణానం ఖన్ధానం అనన్తరపచ్చయేన పచ్చయో; నీవరణా వుట్ఠానస్స అనన్తరపచ్చయేన పచ్చయో. (మూలం పుచ్ఛితబ్బం) పురిమా పురిమా నీవరణా పచ్ఛిమానం పచ్ఛిమానం నీవరణానం సమ్పయుత్తకానఞ్చ ఖన్ధానం అనన్తరపచ్చయేన పచ్చయో. (౩)

౩౧. నోనీవరణో ధమ్మో నోనీవరణస్స ధమ్మస్స అనన్తరపచ్చయేన పచ్చయో – పురిమా పురిమా నోనీవరణా ఖన్ధా పచ్ఛిమానం పచ్ఛిమానం నోనీవరణానం ఖన్ధానం అనన్తరపచ్చయేన పచ్చయో…పే… నిరోధా వుట్ఠహన్తస్స నేవసఞ్ఞానాసఞ్ఞాయతనం ఫలసమాపత్తియా అనన్తరపచ్చయేన పచ్చయో. (మూలం పుచ్ఛితబ్బం ) పురిమా పురిమా నోనీవరణా ఖన్ధా పచ్ఛిమానం పచ్ఛిమానం నీవరణానం అనన్తరపచ్చయేన పచ్చయో; ఆవజ్జనా నీవరణానం అనన్తరపచ్చయేన పచ్చయో. (మూలం పుచ్ఛితబ్బం) పురిమా పురిమా నోనీవరణా ఖన్ధా పచ్ఛిమానం పచ్ఛిమానం నీవరణానం సమ్పయుత్తకానఞ్చ ఖన్ధానం అనన్తరపచ్చయేన పచ్చయో; ఆవజ్జనా నీవరణానం సమ్పయుత్తకానఞ్చ ఖన్ధానం అనన్తరపచ్చయేన పచ్చయో. (౩)

౩౨. నీవరణో చ నోనీవరణో చ ధమ్మా నీవరణస్స ధమ్మస్స అనన్తరపచ్చయేన పచ్చయో – పురిమా పురిమా నీవరణా చ సమ్పయుత్తకా చ ఖన్ధా పచ్ఛిమానం పచ్ఛిమానం నీవరణానం అనన్తరపచ్చయేన పచ్చయో. (మూలం పుచ్ఛితబ్బం) పురిమా పురిమా నీవరణా చ సమ్పయుత్తకా చ ఖన్ధా పచ్ఛిమానం పచ్ఛిమానం నోనీవరణానం ఖన్ధానం అనన్తరపచ్చయేన పచ్చయో; నీవరణా చ సమ్పయుత్తకా చ ఖన్ధా వుట్ఠానస్స అనన్తరపచ్చయేన పచ్చయో. (మూలం పుచ్ఛితబ్బం) పురిమా పురిమా నీవరణా చ సమ్పయుత్తకా చ ఖన్ధా పచ్ఛిమానం పచ్ఛిమానం నీవరణానఞ్చ సమ్పయుత్తకానఞ్చ ఖన్ధానం అనన్తరపచ్చయేన పచ్చయో. (౩)

సమనన్తరపచ్చయాది

౩౩. నీవరణో ధమ్మో నీవరణస్స ధమ్మస్స సమనన్తరపచ్చయేన పచ్చయో… సహజాతపచ్చయేన పచ్చయో… అఞ్ఞమఞ్ఞపచ్చయేన పచ్చయో… నిస్సయపచ్చయేన పచ్చయో.

ఉపనిస్సయపచ్చయో

౩౪. నీవరణో ధమ్మో నీవరణస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – నీవరణాని నీవరణానం ఉపనిస్సయపచ్చయేన పచ్చయో… తీణి.

౩౫. నోనీవరణో ధమ్మో నోనీవరణస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – సద్ధం ఉపనిస్సాయ దానం దేతి…పే… సీలం…పే… ఉపోసథకమ్మం…పే… ఝానం ఉప్పాదేతి, విపస్సనం…పే… మగ్గం…పే… అభిఞ్ఞం…పే… సమాపత్తిం ఉప్పాదేతి, మానం జప్పేతి, దిట్ఠిం గణ్హాతి; సీలం…పే… పఞ్ఞం…పే… మానం… దిట్ఠిం… పత్థనం… కాయికం సుఖం… కాయికం దుక్ఖం… ఉతుం… భోజనం… సేనాసనం ఉపనిస్సాయ దానం దేతి…పే… సఙ్ఘం భిన్దతి; సద్ధా …పే… సేనాసనం సద్ధాయ…పే… పఞ్ఞాయ, రాగస్స…పే… పత్థనాయ, కాయికస్స సుఖస్స, కాయికస్స దుక్ఖస్స, మగ్గస్స, ఫలసమాపత్తియా ఉపనిస్సయపచ్చయేన పచ్చయో. (౧)

నోనీవరణో ధమ్మో నీవరణస్స ధమ్మస్స ఉపనిస్సయపచ్చయేన పచ్చయో (తీణి ఉపనిస్సయా). పకతూపనిస్సయో – సద్ధం ఉపనిస్సాయ మానం జప్పేతి, దిట్ఠిం గణ్హాతి; సీలం…పే… సేనాసనం ఉపనిస్సాయ పాణం హనతి…పే… సఙ్ఘం భిన్దతి; సద్ధా…పే… సేనాసనం రాగస్స…పే… పత్థనాయ ఉపనిస్సయపచ్చయేన పచ్చయో. (౨)

నోనీవరణో ధమ్మో నీవరణస్స చ నోనీవరణస్స చ ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – సద్ధం ఉపనిస్సాయ మానం జప్పేతి, దిట్ఠిం గణ్హాతి; సీలం…పే… సేనాసనం ఉపనిస్సాయ పాణం హనతి…పే… సఙ్ఘం భిన్దతి; సద్ధా…పే… సేనాసనం నీవరణానం సమ్పయుత్తకానఞ్చ ఖన్ధానం ఉపనిస్సయపచ్చయేన పచ్చయో. (౩)

నీవరణో చ నోనీవరణో చ ధమ్మా నీవరణస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – నీవరణా చ సమ్పయుత్తకా చ ఖన్ధా నీవరణానం ఉపనిస్సయపచ్చయేన పచ్చయో… తీణి.

పురేజాతపచ్చయో

౩౬. నోనీవరణో ధమ్మో నోనీవరణస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం…పే… వత్థుం అనిచ్చతో…పే… దోమనస్సం ఉప్పజ్జతి…పే… తీణి (పురేజాతం ఆరమ్మణసదిసం కుసలాకుసలస్స విభజితబ్బం).

పచ్ఛాజాత-ఆసేవనపచ్చయా

౩౭. నీవరణో ధమ్మో నోనీవరణస్స ధమ్మస్స పచ్ఛాజాతపచ్చయేన పచ్చయో… తీణి… ఆసేవనపచ్చయేన పచ్చయో… నవ.

కమ్మపచ్చయో

౩౮. నోనీవరణో ధమ్మో నోనీవరణస్స ధమ్మస్స కమ్మపచ్చయేన పచ్చయో – సహజాతా, నానాక్ఖణికా. సహజాతా – నోనీవరణా చేతనా సమ్పయుత్తకానం ఖన్ధానం చిత్తసముట్ఠానానఞ్చ రూపానం కమ్మపచ్చయేన పచ్చయో; పటిసన్ధిక్ఖణే…పే…. నానాక్ఖణికా – నోనీవరణా చేతనా విపాకానం ఖన్ధానం కటత్తా చ రూపానం కమ్మపచ్చయేన పచ్చయో. (మూలం పుచ్ఛితబ్బం) నోనీవరణా చేతనా సమ్పయుత్తకానం నీవరణానం కమ్మపచ్చయేన పచ్చయో. (మూలం పుచ్ఛితబ్బం) నోనీవరణా చేతనా సమ్పయుత్తకానం ఖన్ధానం నీవరణానఞ్చ చిత్తసముట్ఠానానఞ్చ రూపానం కమ్మపచ్చయేన పచ్చయో. (౩)

విపాకపచ్చయాది

౩౯. నోనీవరణో ధమ్మో నోనీవరణస్స ధమ్మస్స విపాకపచ్చయేన పచ్చయో… ఏకం… ఆహారపచ్చయేన పచ్చయో… ఇన్ద్రియపచ్చయేన పచ్చయో… ఝానపచ్చయేన పచ్చయో… మగ్గపచ్చయేన పచ్చయో… సమ్పయుత్తపచ్చయేన పచ్చయో.

విప్పయుత్తపచ్చయో

౪౦. నీవరణో ధమ్మో నోనీవరణస్స ధమ్మస్స విప్పయుత్తపచ్చయేన పచ్చయో – సహజాతం, పచ్ఛాజాతం (ఏవం అవసేసా చత్తారి పఞ్హా కాతబ్బా).

అత్థిపచ్చయో

౪౧. నీవరణో ధమ్మో నీవరణస్స ధమ్మస్స అత్థిపచ్చయేన పచ్చయో – కామచ్ఛన్దనీవరణం థినమిద్ధనీవరణస్స ఉద్ధచ్చనీవరణస్స అవిజ్జానీవరణస్స అత్థిపచ్చయేన పచ్చయో (చక్కం). (౧)

నీవరణో ధమ్మో నోనీవరణస్స ధమ్మస్స అత్థిపచ్చయేన పచ్చయో – సహజాతం, పచ్ఛాజాతం (ఏవం నీవరణమూలే తీణి ). (౩)

౪౨. నోనీవరణో ధమ్మో నోనీవరణస్స ధమ్మస్స అత్థిపచ్చయేన పచ్చయో – సహజాతం, పురేజాతం, పచ్ఛాజాతం, ఆహారం, ఇన్ద్రియం (సంఖిత్తం). (౧)

నోనీవరణో ధమ్మో నీవరణస్స ధమ్మస్స అత్థిపచ్చయేన పచ్చయో – సహజాతం, పురేజాతం (సంఖిత్తం). (౨)

నోనీవరణో ధమ్మో నీవరణస్స చ నోనీవరణస్స చ ధమ్మస్స అత్థిపచ్చయేన పచ్చయో – సహజాతం, పురేజాతం (సంఖిత్తం) (౩)

౪౩. నీవరణో చ నోనీవరణో చ ధమ్మా నీవరణస్స ధమ్మస్స అత్థిపచ్చయేన పచ్చయో – సహజాతం, పురేజాతం. సహజాతం – కామచ్ఛన్దనీవరణఞ్చ సమ్పయుత్తకా చ ఖన్ధా థినమిద్ధనీవరణస్స ఉద్ధచ్చనీవరణస్స అవిజ్జానీవరణస్స అత్థిపచ్చయేన పచ్చయో; కామచ్ఛన్దనీవరణఞ్చ వత్థు చ థినమిద్ధనీవరణస్స ఉద్ధచ్చనీవరణస్స అవిజ్జానీవరణస్స అత్థిపచ్చయేన పచ్చయో. (౧)

నీవరణో చ నోనీవరణో చ ధమ్మా నోనీవరణస్స ధమ్మస్స అత్థిపచ్చయేన పచ్చయో – సహజాతం, పురేజాతం, పచ్ఛాజాతం, ఆహారం, ఇన్ద్రియం. సహజాతో – నోనీవరణో ఏకో ఖన్ధో చ నీవరణా చ తిణ్ణన్నం ఖన్ధానం చిత్తసముట్ఠానానఞ్చ రూపానం అత్థిపచ్చయేన పచ్చయో…పే… ద్వే ఖన్ధా…పే… నీవరణా చ వత్థు చ నోనీవరణానం ఖన్ధానం అత్థిపచ్చయేన పచ్చయో; నీవరణా చ సమ్పయుత్తకా చ ఖన్ధా చిత్తసముట్ఠానానం రూపానం అత్థిపచ్చయేన పచ్చయో; నీవరణా చ మహాభూతా చ చిత్తసముట్ఠానానం రూపానం అత్థిపచ్చయేన పచ్చయో. పచ్ఛాజాతా – నీవరణా చ సమ్పయుత్తకా చ ఖన్ధా పురేజాతస్స ఇమస్స కాయస్స అత్థిపచ్చయేన పచ్చయో. పచ్ఛాజాతా – నీవరణా చ సమ్పయుత్తకా ఖన్ధా చ కబళీకారో ఆహారో చ ఇమస్స కాయస్స అత్థిపచ్చయేన పచ్చయో. పచ్ఛాజాతా – నీవరణా చ సమ్పయుత్తకా ఖన్ధా చ రూపజీవితిన్ద్రియఞ్చ కటత్తారూపానం అత్థిపచ్చయేన పచ్చయో. (౨)

నీవరణో చ నోనీవరణో చ ధమ్మా నీవరణస్స చ నోనీవరణస్స చ ధమ్మస్స అత్థిపచ్చయేన పచ్చయో – సహజాతం, పురేజాతం. సహజాతో – నోనీవరణో ఏకో ఖన్ధో చ కామచ్ఛన్దనీవరణఞ్చ తిణ్ణన్నం ఖన్ధానం థినమిద్ధనీవరణస్స ఉద్ధచ్చనీవరణస్స అవిజ్జానీవరణస్స చ చిత్తసముట్ఠానానఞ్చ రూపానం అత్థిపచ్చయేన పచ్చయో; ద్వే ఖన్ధా చ…పే… కామచ్ఛన్దనీవరణఞ్చ వత్థు చ థినమిద్ధనీవరణస్స ఉద్ధచ్చనీవరణస్స అవిజ్జానీవరణస్స చ సమ్పయుత్తకానఞ్చ ఖన్ధానం అత్థిపచ్చయేన పచ్చయో (చక్కం). (౩)

౧. పచ్చయానులోమం

౨. సఙ్ఖ్యావారో

సుద్ధం

౪౪. హేతుయా చత్తారి, ఆరమ్మణే నవ, అధిపతియా నవ, అనన్తరే నవ, సమనన్తరే నవ, సహజాతే నవ, అఞ్ఞమఞ్ఞే నవ, నిస్సయే నవ, ఉపనిస్సయే నవ, పురేజాతే తీణి, పచ్ఛాజాతే తీణి, ఆసేవనే నవ, కమ్మే తీణి, విపాకే ఏకం, ఆహారే తీణి, ఇన్ద్రియే తీణి, ఝానే తీణి, మగ్గే తీణి, సమ్పయుత్తే నవ, విప్పయుత్తే పఞ్చ, అత్థియా నవ, నత్థియా నవ, విగతే నవ, అవిగతే నవ.

అనులోమం.

పచ్చనీయుద్ధారో

౪౫. నీవరణో ధమ్మో నీవరణస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో. (౧)

నీవరణో ధమ్మో నోనీవరణస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో… పచ్ఛాజాతపచ్చయేన పచ్చయో. (౨)

నీవరణో ధమ్మో నీవరణస్స చ నోనీవరణస్స చ ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో. (౩)

౪౬. నోనీవరణో ధమ్మో నోనీవరణస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో… పురేజాతపచ్చయేన పచ్చయో… పచ్ఛాజాతపచ్చయేన పచ్చయో… కమ్మపచ్చయేన పచ్చయో… ఆహారపచ్చయేన పచ్చయో… ఇన్ద్రియపచ్చయేన పచ్చయో. (౧)

నోనీవరణో ధమ్మో నీవరణస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో… పురేజాతపచ్చయేన పచ్చయో. (౨)

నోనీవరణో ధమ్మో నీవరణస్స చ నోనీవరణస్స చ ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో… పురేజాతపచ్చయేన పచ్చయో. (౩)