౧-౪. పచ్చయచతుక్కం

౨౧. నీవరణం ధమ్మం సంసట్ఠో నీవరణో ధమ్మో ఉప్పజ్జతి హేతుపచ్చయా – కామచ్ఛన్దనీవరణం సంసట్ఠం థినమిద్ధనీవరణం ఉద్ధచ్చనీవరణం అవిజ్జానీవరణం (చక్కం. సబ్బం నీవరణం విత్థారేతబ్బం).

౨౨. హేతుయా నవ, ఆరమ్మణే నవ (సబ్బత్థ నవ), విపాకే ఏకం…పే… అవిగతే నవ.

అనులోమం.

౨౩. నీవరణం ధమ్మం సంసట్ఠో నీవరణో ధమ్మో ఉప్పజ్జతి నహేతుపచ్చయా – విచికిచ్ఛానీవరణం సంసట్ఠం అవిజ్జానీవరణం, ఉద్ధచ్చనీవరణం సంసట్ఠం అవిజ్జానీవరణం (సంఖిత్తం).

౨౪. నహేతుయా చత్తారి, నఅధిపతియా నవ, నపురేజాతే నవ, నపచ్ఛాజాతే నవ, నఆసేవనే నవ, నకమ్మే తీణి, నవిపాకే నవ, నఝానే ఏకం, నమగ్గే ఏకం, నవిప్పయుత్తే నవ.

పచ్చనీయం.