౧. విభఙ్గవారో

హేతుపచ్చయో

౧౧౫. ఆసవఞ్చేవ ఆసవసమ్పయుత్తఞ్చ ధమ్మం పటిచ్చ ఆసవో చేవ ఆసవసమ్పయుత్తో చ ధమ్మో ఉప్పజ్జతి హేతుపచ్చయా – కామాసవం పటిచ్చ దిట్ఠాసవో అవిజ్జాసవో (చక్కం బన్ధితబ్బం). భవాసవం పటిచ్చ అవిజ్జాసవో (చక్కం బన్ధితబ్బం). దిట్ఠాసవం పటిచ్చ అవిజ్జాసవో. (౧)

ఆసవఞ్చేవ ఆసవసమ్పయుత్తఞ్చ ధమ్మం పటిచ్చ ఆసవసమ్పయుత్తో చేవ నో చ ఆసవో ధమ్మో ఉప్పజ్జతి హేతుపచ్చయా – ఆసవే పటిచ్చ సమ్పయుత్తకా ఖన్ధా. (౨)

ఆసవఞ్చేవ ఆసవసమ్పయుత్తఞ్చ ధమ్మం పటిచ్చ ఆసవో చేవ ఆసవసమ్పయుత్తో చ ఆసవసమ్పయుత్తో చేవ నో చ ఆసవో చ ధమ్మా ఉప్పజ్జన్తి హేతుపచ్చయా – ఆసవసమ్పయుత్తం కామాసవం పటిచ్చ దిట్ఠాసవో అవిజ్జాసవో సమ్పయుత్తకా చ ఖన్ధా (సబ్బం చక్కం). (౩)

౧౧౬. ఆసవసమ్పయుత్తఞ్చేవ నో చ ఆసవం ధమ్మం పటిచ్చ ఆసవసమ్పయుత్తో చేవ నో చ ఆసవో ధమ్మో ఉప్పజ్జతి హేతుపచ్చయా – ఆసవసమ్పయుత్తఞ్చేవ నో చ ఆసవం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే…. (౧)

ఆసవసమ్పయుత్తఞ్చేవ నో చ ఆసవం ధమ్మం పటిచ్చ ఆసవో చేవ ఆసవసమ్పయుత్తో చ ధమ్మో ఉప్పజ్జతి హేతుపచ్చయా – ఆసవసమ్పయుత్తఞ్చేవ నో చ ఆసవే ఖన్ధే పటిచ్చ ఆసవా. (౨)

ఆసవసమ్పయుత్తఞ్చేవ నో చ ఆసవం ధమ్మం పటిచ్చ ఆసవో చేవ ఆసవసమ్పయుత్తో చ ఆసవసమ్పయుత్తో చేవ నో చ ఆసవో చ ధమ్మా ఉప్పజ్జన్తి హేతుపచ్చయా – ఆసవసమ్పయుత్తఞ్చేవ నో చ ఆసవం ఏకం ఖన్ధం పటిచ్చ తయో ఖన్ధా ఆసవా చ…పే… ద్వే ఖన్ధే…పే…. (౩)

౧౧౭. ఆసవఞ్చేవ ఆసవసమ్పయుత్తఞ్చ ఆసవసమ్పయుత్తఞ్చేవ నో చ ఆసవఞ్చ ధమ్మం పటిచ్చ ఆసవో చేవ ఆసవసమ్పయుత్తో చ ధమ్మో ఉప్పజ్జతి హేతుపచ్చయా – కామాసవఞ్చ సమ్పయుత్తకే చ ఖన్ధే పటిచ్చ దిట్ఠాసవో అవిజ్జాసవో (సబ్బం చక్కం). (౧)

ఆసవఞ్చేవ ఆసవసమ్పయుత్తఞ్చ ఆసవసమ్పయుత్తఞ్చేవ నో చ ఆసవఞ్చ ధమ్మం పటిచ్చ ఆసవసమ్పయుత్తో చేవ నో చ ఆసవో ధమ్మో ఉప్పజ్జతి హేతుపచ్చయా – ఆసవసమ్పయుత్తఞ్చేవ నో చ ఆసవం ఏకం ఖన్ధఞ్చ ఆసవే చ పటిచ్చ తయో ఖన్ధా…పే… ద్వే ఖన్ధే…పే…. (౨)

ఆసవఞ్చేవ ఆసవసమ్పయుత్తఞ్చ ఆసవసమ్పయుత్తఞ్చేవ నో చ ఆసవఞ్చ ధమ్మం పటిచ్చ ఆసవో చేవ ఆసవసమ్పయుత్తో చ ఆసవసమ్పయుత్తో చేవ నో చ ఆసవో చ ధమ్మా ఉప్పజ్జన్తి హేతుపచ్చయా – ఆసవసమ్పయుత్తఞ్చేవ నో చ ఆసవం ఏకం ఖన్ధఞ్చ కామాసవఞ్చ పటిచ్చ తయో ఖన్ధా దిట్ఠాసవో అవిజ్జాసవో…పే… ద్వే ఖన్ధే…పే…. (౩)

(చక్కం. ఏవం సబ్బే పచ్చయా కాతబ్బా.)