౩. ఆసవగోచ్ఛకం

౧౪. ఆసవదుకం

౧. పటిచ్చవారో

౧. పచ్చయానులోమం

౧. విభఙ్గవారో

హేతుపచ్చయో

౧. ఆసవం ధమ్మం పటిచ్చ ఆసవో ధమ్మో ఉప్పజ్జతి హేతుపచ్చయా – కామాసవం పటిచ్చ దిట్ఠాసవో అవిజ్జాసవో, దిట్ఠాసవం పటిచ్చ కామాసవో అవిజ్జాసవో, అవిజ్జాసవం పటిచ్చ కామాసవో దిట్ఠాసవో, భవాసవం పటిచ్చ అవిజ్జాసవో, దిట్ఠాసవం పటిచ్చ అవిజ్జాసవో (ఏకేకమ్పి చక్కం కాతబ్బం). (౧)

ఆసవం ధమ్మం పటిచ్చ నోఆసవో ధమ్మో ఉప్పజ్జతి హేతుపచ్చయా – ఆసవం పటిచ్చ ఆసవసమ్పయుత్తకా ఖన్ధా చిత్తసముట్ఠానఞ్చ రూపం. (౨)

ఆసవం ధమ్మం పటిచ్చ ఆసవో చ నోఆసవో చ ధమ్మా ఉప్పజ్జన్తి హేతుపచ్చయా – కామాసవం పటిచ్చ దిట్ఠాసవో అవిజ్జాసవో సమ్పయుత్తకా చ ఖన్ధా చిత్తసముట్ఠానఞ్చ రూపం (చక్కం). (౩)

౨. నోఆసవం ధమ్మం పటిచ్చ నోఆసవో ధమ్మో ఉప్పజ్జతి హేతుపచ్చయా – నోఆసవం ఏకం ఖన్ధం పటిచ్చ తయో ఖన్ధా చిత్తసముట్ఠానం రూపం…పే… ద్వే ఖన్ధే…పే… పటిసన్ధిక్ఖణే…పే… ఖన్ధే పటిచ్చ వత్థు, వత్థుం పటిచ్చ ఖన్ధా, ఏకం మహాభూతం…పే… మహాభూతే పటిచ్చ చిత్తసముట్ఠానం రూపం కటత్తారూపం ఉపాదారూపం. (౧)

నోఆసవం ధమ్మం పటిచ్చ ఆసవో ధమ్మో ఉప్పజ్జతి హేతుపచ్చయా – నోఆసవే ఖన్ధే పటిచ్చ ఆసవా. (౨)

నోఆసవం ధమ్మం పటిచ్చ ఆసవో చ నోఆసవో చ ధమ్మా ఉప్పజ్జన్తి హేతుపచ్చయా – నోఆసవం ఏకం ఖన్ధం పటిచ్చ తయో ఖన్ధా ఆసవా చ చిత్తసముట్ఠానఞ్చ రూపం…పే… ద్వే ఖన్ధే…పే…. (౩)

౩. ఆసవఞ్చ నోఆసవఞ్చ ధమ్మం పటిచ్చ ఆసవో ధమ్మో ఉప్పజ్జతి హేతుపచ్చయా – కామాసవఞ్చ సమ్పయుత్తకే చ ఖన్ధే పటిచ్చ దిట్ఠాసవో అవిజ్జాసవో (చక్కం బన్ధితబ్బం). (౧)

ఆసవఞ్చ నోఆసవఞ్చ ధమ్మం పటిచ్చ నోఆసవో ధమ్మో ఉప్పజ్జతి హేతుపచ్చయా – నోఆసవం ఏకం ఖన్ధఞ్చ ఆసవే చ పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే…. (౨)

ఆసవఞ్చ నోఆసవఞ్చ ధమ్మం పటిచ్చ ఆసవో చ నోఆసవో చ ధమ్మా ఉప్పజ్జన్తి హేతుపచ్చయా – నోఆసవం ఏకం ఖన్ధఞ్చ కామాసవఞ్చ పటిచ్చ తయో ఖన్ధా దిట్ఠాసవో అవిజ్జాసవో చిత్తసముట్ఠానఞ్చ రూపం…పే… ద్వే ఖన్ధే చ…పే… (చక్కం. సంఖిత్తం). (౩)

౧. పచ్చయానులోమం

౨. సఙ్ఖ్యావారో

౪. హేతుయా నవ, ఆరమ్మణే నవ (సబ్బత్థ నవ), విపాకే ఏకం, ఆహారే నవ…పే… అవిగతే నవ.

అనులోమం.

౨. పచ్చయపచ్చనీయం

౧. విభఙ్గవారో

నహేతుపచ్చయో

౫. నోఆసవం ధమ్మం పటిచ్చ నోఆసవో ధమ్మో ఉప్పజ్జతి నహేతుపచ్చయా – అహేతుకం నోఆసవం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… అహేతుకపటిసన్ధిక్ఖణే…పే… ఖన్ధే పటిచ్చ వత్థు, వత్థుం పటిచ్చ ఖన్ధా, ఏకం మహాభూతం…పే… (యావ అసఞ్ఞసత్తా). (౧)

నోఆసవం ధమ్మం పటిచ్చ ఆసవో ధమ్మో ఉప్పజ్జతి నహేతుపచ్చయా – విచికిచ్ఛాసహగతే ఉద్ధచ్చసహగతే ఖన్ధే పటిచ్చ విచికిచ్ఛాసహగతో ఉద్ధచ్చసహగతో మోహో. (౨)

నఆరమ్మణపచ్చయో

౬. ఆసవం ధమ్మం పటిచ్చ నోఆసవో ధమ్మో ఉప్పజ్జతి నఆరమ్మణపచ్చయా – ఆసవే పటిచ్చ చిత్తసముట్ఠానం రూపం. (౧)

నోఆసవం ధమ్మం పటిచ్చ నోఆసవో ధమ్మో ఉప్పజ్జతి నఆరమ్మణపచ్చయా – నోఆసవే ఖన్ధే పటిచ్చ చిత్తసముట్ఠానం రూపం; పటిసన్ధిక్ఖణే…పే… ఖన్ధే పటిచ్చ వత్థు, ఏకం మహాభూతం…పే… (యావ అసఞ్ఞసత్తా). (౧)

ఆసవఞ్చ నోఆసవఞ్చ ధమ్మం పటిచ్చ నోఆసవో ధమ్మో ఉప్పజ్జతి నఆరమ్మణపచ్చయా – ఆసవే చ సమ్పయుత్తకే చ ఖన్ధే పటిచ్చ చిత్తసముట్ఠానం రూపం (సంఖిత్తం). (౧)

౨. పచ్చయపచ్చనీయం

౨. సఙ్ఖ్యావారో

సుద్ధం

౭. నహేతుయా ద్వే, నఆరమ్మణే తీణి, నఅధిపతియా నవ, నఅనన్తరే తీణి, నసమనన్తరే తీణి, నఅఞ్ఞమఞ్ఞే తీణి, నఉపనిస్సయే తీణి, నపురేజాతే నవ, నపచ్ఛాజాతే నవ, నఆసేవనే నవ, నకమ్మే తీణి, నవిపాకే నవ, నఆహారే ఏకం, నఇన్ద్రియే ఏకం, నఝానే ఏకం, నమగ్గే ఏకం, నసమ్పయుత్తే తీణి, నవిప్పయుత్తే నవ, నోనత్థియా తీణి, నోవిగతే తీణి.

పచ్చనీయం.

౩. పచ్చయానులోమపచ్చనీయం

హేతుదుకం

౮. హేతుపచ్చయా నఆరమ్మణే తీణి, నఅధిపతియా నవ, నఅనన్తరే తీణి, నసమనన్తరే తీణి, నఅఞ్ఞమఞ్ఞే తీణి, నఉపనిస్సయే తీణి, నపురేజాతే నవ, నపచ్ఛాజాతే నవ, నఆసేవనే నవ, నకమ్మే తీణి, నవిపాకే నవ, నసమ్పయుత్తే తీణి, నవిప్పయుత్తే నవ, నోనత్థియా తీణి, నోవిగతే తీణి.

అనులోమపచ్చనీయం.

౪. పచ్చయపచ్చనీయానులోమం

నహేతుదుకం

౯. నహేతుపచ్చయా ఆరమ్మణే ద్వే, అనన్తరే ద్వే…పే… విపాకే ఏకం…పే… మగ్గే ఏకం…పే… అవిగతే ద్వే.

పచ్చనీయానులోమం.

౨. సహజాతవారో

(సహజాతవారో పటిచ్చవారసదిసో.)

౩. పచ్చయవారో

౧. పచ్చయానులోమం

౧. విభఙ్గవారో

హేతుపచ్చయో

౧౦. ఆసవం ధమ్మం పచ్చయా ఆసవో ధమ్మో ఉప్పజ్జతి హేతుపచ్చయా (ఆసవమూలకం తీణి, పటిచ్చసదిసా).

నోఆసవం ధమ్మం పచ్చయా నోఆసవో ధమ్మో ఉప్పజ్జతి హేతుపచ్చయా – నోఆసవం ఏకం ఖన్ధం పచ్చయా తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… పటిసన్ధిక్ఖణే…పే… ఖన్ధే పచ్చయా వత్థు, వత్థుం పచ్చయా ఖన్ధా, మహాభూతే పచ్చయా చిత్తసముట్ఠానం రూపం కటత్తారూపం ఉపాదారూపం, వత్థుం పచ్చయా నోఆసవా ఖన్ధా. (౧)

నోఆసవం ధమ్మం పచ్చయా ఆసవో ధమ్మో ఉప్పజ్జతి హేతుపచ్చయా – నోఆసవే ఖన్ధే పచ్చయా ఆసవా, వత్థుం పచ్చయా ఆసవా. (౨)

నోఆసవం ధమ్మం పచ్చయా ఆసవో చ నోఆసవో చ ధమ్మా ఉప్పజ్జన్తి హేతుపచ్చయా – నోఆసవం ఏకం ఖన్ధం పచ్చయా తయో ఖన్ధా ఆసవా చ చిత్తసముట్ఠానఞ్చ రూపం…పే… ద్వే ఖన్ధే…పే… వత్థుం పచ్చయా ఆసవా సమ్పయుత్తకా చ ఖన్ధా. (౩)

౧౧. ఆసవఞ్చ నోఆసవఞ్చ ధమ్మం పచ్చయా ఆసవో ధమ్మో ఉప్పజ్జతి హేతుపచ్చయా – కామాసవఞ్చ సమ్పయుత్తకే చ ఖన్ధే పచ్చయా దిట్ఠాసవో అవిజ్జాసవో (చక్కం). కామాసవఞ్చ వత్థుఞ్చ పచ్చయా దిట్ఠాసవో అవిజ్జాసవో (చక్కం). (౧)

ఆసవఞ్చ నోఆసవఞ్చ ధమ్మం పచ్చయా నోఆసవో ధమ్మో ఉప్పజ్జతి హేతుపచ్చయా – నోఆసవం ఏకం ఖన్ధఞ్చ ఆసవే చ పచ్చయా తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… ఆసవఞ్చ వత్థుఞ్చ పచ్చయా నోఆసవా ఖన్ధా. (౨)

ఆసవఞ్చ నోఆసవఞ్చ ధమ్మం పచ్చయా ఆసవో చ నోఆసవో చ ధమ్మా ఉప్పజ్జన్తి హేతుపచ్చయా – నోఆసవం ఏకం ఖన్ధఞ్చ కామాసవఞ్చ పచ్చయా తయో ఖన్ధా దిట్ఠాసవో అవిజ్జాసవో చిత్తసముట్ఠానఞ్చ రూపం…పే… ద్వే ఖన్ధే…పే… (చక్కం). కామాసవఞ్చ వత్థుఞ్చ పచ్చయా దిట్ఠాసవో అవిజ్జాసవో సమ్పయుత్తకా చ ఖన్ధా (చక్కం. సంఖిత్తం). (౩)

౧. పచ్చయానులోమం

౨. సఙ్ఖ్యావారో

౧౨. హేతుయా నవ, ఆరమ్మణే నవ, అధిపతియా నవ…పే… విపాకే ఏకం…పే… అవిగతే నవ.

అనులోమం.

౨. పచ్చయపచ్చనీయం

౧. విభఙ్గవారో

నహేతుపచ్చయో

౧౩. నోఆసవం ధమ్మం పచ్చయా నోఆసవో ధమ్మో ఉప్పజ్జతి నహేతుపచ్చయా – అహేతుకం నోఆసవం ఏకం ఖన్ధం పచ్చయా తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… అహేతుకపటిసన్ధిక్ఖణే…పే… (యావ అసఞ్ఞసత్తా) చక్ఖాయతనం పచ్చయా చక్ఖువిఞ్ఞాణం…పే… కాయాయతనం పచ్చయా కాయవిఞ్ఞాణం… వత్థుం పచ్చయా అహేతుకా నోఆసవా ఖన్ధా. (౧)

నోఆసవం ధమ్మం పచ్చయా ఆసవో ధమ్మో ఉప్పజ్జతి నహేతుపచ్చయా – విచికిచ్ఛాసహగతే ఉద్ధచ్చసహగతే ఖన్ధే చ వత్థుఞ్చ పచ్చయా విచికిచ్ఛాసహగతో ఉద్ధచ్చసహగతో మోహో. (౨)

౨. పచ్చయపచ్చనీయం

౨. సఙ్ఖ్యావారో

౧౪. నహేతుయా ద్వే, నఆరమ్మణే తీణి, నఅధిపతియా నవ…పే… నకమ్మే తీణి…పే… నవిప్పయుత్తే నవ, నోనత్థియా తీణి, నోవిగతే తీణి (ఏవం సబ్బే గణనా గణేతబ్బా).

౪. నిస్సయవారో

(నిస్సయవారో పచ్చయవారసదిసో.)

౫. సంసట్ఠవారో

౧-౪. పచ్చయానులోమాది

౧౫. ఆసవం ధమ్మం సంసట్ఠో ఆసవో ధమ్మో ఉప్పజ్జతి హేతుపచ్చయా – కామాసవం సంసట్ఠో దిట్ఠాసవో అవిజ్జాసవో (చక్కం. సంఖిత్తం).

హేతుయా నవ, ఆరమ్మణే నవ (సబ్బత్థ నవ), విపాకే ఏకం…పే… అవిగతే నవ.

నహేతుయా ద్వే, నఅధిపతియా నవ, నపురేజాతే నవ, నపచ్ఛాజాతే నవ, నఆసేవనే నవ, నకమ్మే తీణి, నవిపాకే నవ, నఝానే ఏకం, నమగ్గే ఏకం, నవిప్పయుత్తే నవ.

౬. సమ్పయుత్తవారో

(గణనాపి సమ్పయుత్తవారోపి సంసట్ఠవారసదిసో.)

౭. పఞ్హావారో

౧. పచ్చయానులోమం

౧. విభఙ్గవారో

హేతుపచ్చయో

౧౬. ఆసవో ధమ్మో ఆసవస్స ధమ్మస్స హేతుపచ్చయేన పచ్చయో – కామాసవో దిట్ఠాసవస్స అవిజ్జాసవస్స హేతుపచ్చయేన పచ్చయో; భవాసవో అవిజ్జాసవస్స హేతుపచ్చయేన పచ్చయో (చక్కం). (౧)

ఆసవో ధమ్మో నోఆసవస్స ధమ్మస్స హేతుపచ్చయేన పచ్చయో – ఆసవా హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో. (౨)

ఆసవో ధమ్మో ఆసవస్స చ నోఆసవస్స చ ధమ్మస్స హేతుపచ్చయేన పచ్చయో – కామాసవో దిట్ఠాసవస్స అవిజ్జాసవస్స సమ్పయుత్తకానఞ్చ ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో. (౩)

౧౭. నోఆసవో ధమ్మో నోఆసవస్స ధమ్మస్స హేతుపచ్చయేన పచ్చయో – నోఆసవా హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో; పటిసన్ధిక్ఖణే…పే…. (౧)

నోఆసవో ధమ్మో ఆసవస్స ధమ్మస్స హేతుపచ్చయేన పచ్చయో – నోఆసవా హేతూ సమ్పయుత్తకానం ఆసవానం హేతుపచ్చయేన పచ్చయో. (౨)

నోఆసవో ధమ్మో ఆసవస్స చ నోఆసవస్స చ ధమ్మస్స హేతుపచ్చయేన పచ్చయో – నోఆసవా హేతూ సమ్పయుత్తకానం ఖన్ధానం ఆసవానం చిత్తసముట్ఠానానఞ్చ రూపానం హేతుపచ్చయేన పచ్చయో. (౩)

ఆసవో చ నోఆసవో చ ధమ్మా నోఆసవస్స ధమ్మస్స హేతుపచ్చయేన పచ్చయో – ఆసవా చ నోఆసవా చ హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో. (౧)

ఆరమ్మణపచ్చయో

౧౮. ఆసవో ధమ్మో ఆసవస్స ధమ్మస్స ఆరమ్మణపచ్చయేన పచ్చయో – ఆసవే ఆరబ్భ ఆసవా ఉప్పజ్జన్తి. (౧)

ఆసవో ధమ్మో నోఆసవస్స ధమ్మస్స ఆరమ్మణపచ్చయేన పచ్చయో – ఆసవే ఆరబ్భ నోఆసవా ఖన్ధా ఉప్పజ్జన్తి. (౨)

ఆసవో ధమ్మో ఆసవస్స చ నోఆసవస్స చ ధమ్మస్స ఆరమ్మణపచ్చయేన పచ్చయో – ఆసవే ఆరబ్భ ఆసవా చ సమ్పయుత్తకా చ ఖన్ధా ఉప్పజ్జన్తి. (౩)

౧౯. నోఆసవో ధమ్మో నోఆసవస్స ధమ్మస్స ఆరమ్మణపచ్చయేన పచ్చయో – దానం…పే… సీలం…పే… ఉపోసథకమ్మం…పే… పుబ్బే…పే… ఝానా…పే… అరియా మగ్గా వుట్ఠహిత్వా మగ్గం పచ్చవేక్ఖన్తి, ఫలం పచ్చవేక్ఖన్తి, నిబ్బానం పచ్చవేక్ఖన్తి; నిబ్బానం గోత్రభుస్స, వోదానస్స, మగ్గస్స, ఫలస్స, ఆవజ్జనాయ ఆరమ్మణపచ్చయేన పచ్చయో; అరియా నోఆసవే పహీనే కిలేసే…పే… విక్ఖమ్భితే కిలేసే…పే… పుబ్బే సముదాచిణ్ణే కిలేసే జానన్తి, చక్ఖుం…పే… వత్థుం నోఆసవే ఖన్ధే అనిచ్చతో…పే… దోమనస్సం ఉప్పజ్జతి; దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి, చేతోపరియఞాణేన నోఆసవచిత్తసమఙ్గిస్స చిత్తం జానాతి, ఆకాసానఞ్చాయతనం విఞ్ఞాణఞ్చాయతనస్స…పే… ఆకిఞ్చఞ్ఞాయతనం నేవసఞ్ఞానాసఞ్ఞాయతనస్స…పే… రూపాయతనం చక్ఖువిఞ్ఞాణస్స…పే… ఫోట్ఠబ్బాయతనం కాయవిఞ్ఞాణస్స…పే… నోఆసవా ఖన్ధా ఇద్ధివిధఞాణస్స, చేతోపరియఞాణస్స, పుబ్బేనివాసానుస్సతిఞాణస్స, యథాకమ్మూపగఞాణస్స, అనాగతంసఞాణస్స, ఆవజ్జనాయ ఆరమ్మణపచ్చయేన పచ్చయో. (౧)

నోఆసవో ధమ్మో ఆసవస్స ధమ్మస్స ఆరమ్మణపచ్చయేన పచ్చయో – దానం దత్వా…పే… తం అస్సాదేతి అభినన్దతి, తం ఆరబ్భ ఆసవా ఉప్పజ్జన్తి, సీలం…పే… ఉపోసథకమ్మం…పే… పుబ్బే…పే… ఝానా…పే… చక్ఖుం…పే… వత్థుం నోఆసవే ఖన్ధే అస్సాదేతి అభినన్దతి, తం ఆరబ్భ ఆసవా ఉప్పజ్జన్తి. (౨)

నోఆసవో ధమ్మో ఆసవస్స చ నోఆసవస్స చ ధమ్మస్స ఆరమ్మణపచ్చయేన పచ్చయో – దానం దత్వా…పే… (దుతియగమనం) నోఆసవే ఖన్ధే అస్సాదేతి అభినన్దతి, తం ఆరబ్భ ఆసవా చ సమ్పయుత్తకా చ ఖన్ధా ఉప్పజ్జన్తి. (౩)

౨౦. ఆసవో చ నోఆసవో చ ధమ్మా ఆసవస్స ధమ్మస్స ఆరమ్మణపచ్చయేన పచ్చయో – ఆసవే చ సమ్పయుత్తకే చ ఖన్ధే ఆరబ్భ ఆసవా ఉప్పజ్జన్తి. (౧)

ఆసవో చ నోఆసవో చ ధమ్మా నోఆసవస్స ధమ్మస్స ఆరమ్మణపచ్చయేన పచ్చయో – ఆసవే చ సమ్పయుత్తకే చ ఖన్ధే ఆరబ్భ నోఆసవా ఖన్ధా ఉప్పజ్జన్తి. (౨)

ఆసవో చ నోఆసవో చ ధమ్మా ఆసవస్స చ నోఆసవస్స చ ధమ్మస్స ఆరమ్మణపచ్చయేన పచ్చయో – ఆసవే చ సమ్పయుత్తకే చ ఖన్ధే ఆరబ్భ ఆసవా చ సమ్పయుత్తకా చ ఖన్ధా ఉప్పజ్జన్తి. (౩)

అధిపతిపచ్చయో

౨౧. ఆసవో ధమ్మో ఆసవస్స ధమ్మస్స అధిపతిపచ్చయేన పచ్చయో. ఆరమ్మణాధిపతి – ఆసవే గరుం కత్వా ఆసవా ఉప్పజ్జన్తి (తీణి ఆరమ్మణసదిసా, గరుకారమ్మణా కాతబ్బా).

నోఆసవో ధమ్మో నోఆసవస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – దానం…పే… సీలం…పే… ఉపోసథకమ్మం…పే… పుబ్బే…పే… ఝానా…పే… అరియా మగ్గా…పే… ఫలం…పే… నిబ్బానం గరుం…పే… నిబ్బానం గోత్రభుస్స, వోదానస్స, మగ్గస్స, ఫలస్స అధిపతిపచ్చయేన పచ్చయో; చక్ఖుం…పే… వత్థుం నోఆసవే ఖన్ధే గరుం కత్వా అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి. సహజాతాధిపతి – నోఆసవా అధిపతి సమ్పయుత్తకానం ఖన్ధానం చిత్తసముట్ఠానానఞ్చ రూపానం అధిపతిపచ్చయేన పచ్చయో. (౧)

నోఆసవో ధమ్మో ఆసవస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – దానం…పే… నోఆసవే ఖన్ధే గరుం కత్వా అస్సాదేతి అభినన్దతి, తం గరుం కత్వా ఆసవా ఉప్పజ్జన్తి. సహజాతాధిపతి – నోఆసవా అధిపతి సమ్పయుత్తకానం ఆసవానం అధిపతిపచ్చయేన పచ్చయో. (౨)

నోఆసవో ధమ్మో ఆసవస్స చ నోఆసవస్స చ ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – దానం…పే… నోఆసవే ఖన్ధే గరుం కత్వా అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి. సహజాతాధిపతి – నోఆసవా అధిపతి సమ్పయుత్తకానం ఖన్ధానం ఆసవానం చిత్తసముట్ఠానానఞ్చ రూపానం అధిపతిపచ్చయేన పచ్చయో. (౩)

ఆసవో చ నోఆసవో చ ధమ్మా ఆసవస్స ధమ్మస్స అధిపతిపచ్చయేన పచ్చయో. ఆరమ్మణాధిపతి – ఆసవే చ సమ్పయుత్తకే చ ఖన్ధే గరుం కత్వా అస్సాదేతి…పే… ఆసవా ఉప్పజ్జన్తి (తీణి, గరుకారమ్మణా).

అనన్తరపచ్చయో

౨౨. ఆసవో ధమ్మో ఆసవస్స ధమ్మస్స అనన్తరపచ్చయేన పచ్చయో – పురిమా పురిమా ఆసవా పచ్ఛిమానం పచ్ఛిమానం ఆసవానం అనన్తరపచ్చయేన పచ్చయో. (౧)

ఆసవో ధమ్మో నోఆసవస్స ధమ్మస్స అనన్తరపచ్చయేన పచ్చయో – పురిమా పురిమా ఆసవా పచ్ఛిమానం పచ్ఛిమానం నోఆసవానం ఖన్ధానం అనన్తరపచ్చయేన పచ్చయో; ఆసవా వుట్ఠానస్స అనన్తరపచ్చయేన పచ్చయో. (౨)

ఆసవో ధమ్మో ఆసవస్స చ నోఆసవస్స చ ధమ్మస్స అనన్తరపచ్చయేన పచ్చయో – పురిమా పురిమా ఆసవా పచ్ఛిమానం పచ్ఛిమానం ఆసవానం సమ్పయుత్తకానఞ్చ ఖన్ధానం అనన్తరపచ్చయేన పచ్చయో. (౩)

౨౩. నోఆసవో ధమ్మో నోఆసవస్స ధమ్మస్స అనన్తరపచ్చయేన పచ్చయో – పురిమా పురిమా నోఆసవా ఖన్ధా పచ్ఛిమానం పచ్ఛిమానం నోఆసవానం ఖన్ధానం అనన్తరపచ్చయేన పచ్చయో; అనులోమం గోత్రభుస్స…పే… ఫలసమాపత్తియా అనన్తరపచ్చయేన పచ్చయో. (౧)

నోఆసవో ధమ్మో ఆసవస్స ధమ్మస్స అనన్తరపచ్చయేన పచ్చయో – పురిమా పురిమా నోఆసవా ఖన్ధా పచ్ఛిమానం పచ్ఛిమానం ఆసవానం అనన్తరపచ్చయేన పచ్చయో; ఆవజ్జనా ఆసవానం అనన్తరపచ్చయేన పచ్చయో. (౨)

నోఆసవో ధమ్మో ఆసవస్స చ నోఆసవస్స చ ధమ్మస్స అనన్తరపచ్చయేన పచ్చయో – పురిమా పురిమా నోఆసవా ఖన్ధా పచ్ఛిమానం పచ్ఛిమానం ఆసవానం సమ్పయుత్తకానఞ్చ ఖన్ధానం అనన్తరపచ్చయేన పచ్చయో. (౩)

౨౪. ఆసవో చ నోఆసవో చ ధమ్మా ఆసవస్స ధమ్మస్స అనన్తరపచ్చయేన పచ్చయో… తీణి.

సమనన్తరపచ్చయాది

౨౫. ఆసవో ధమ్మో ఆసవస్స ధమ్మస్స సమనన్తరపచ్చయేన పచ్చయో… సహజాతపచ్చయేన పచ్చయో… నవ… అఞ్ఞమఞ్ఞపచ్చయేన పచ్చయో… నవ… నిస్సయపచ్చయేన పచ్చయో… నవ (వత్థు చ దస్సేతబ్బం).

ఉపనిస్సయపచ్చయో

౨౬. ఆసవో ధమ్మో ఆసవస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – ఆసవా ఆసవానం ఉపనిస్సయపచ్చయేన పచ్చయో (తీణి).

౨౭. నోఆసవో ధమ్మో నోఆసవస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – సద్ధం ఉపనిస్సాయ దానం దేతి…పే… సమాపత్తిం ఉప్పాదేతి, మానం జప్పేతి, దిట్ఠిం గణ్హాతి; సీలం…పే… సేనాసనం ఉపనిస్సాయ దానం దేతి…పే… సఙ్ఘం భిన్దతి; సద్ధా…పే… సేనాసనం సద్ధాయ…పే… ఫలసమాపత్తియా ఉపనిస్సయపచ్చయేన పచ్చయో. (౧)

నోఆసవో ధమ్మో ఆసవస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – సద్ధం ఉపనిస్సాయ మానం జప్పేతి, దిట్ఠిం గణ్హాతి; సీలం…పే… సఙ్ఘం భిన్దతి, సద్ధా…పే… సేనాసనం రాగస్స…పే… పత్థనాయ ఉపనిస్సయపచ్చయేన పచ్చయో. (౨)

నోఆసవో ధమ్మో ఆసవస్స చ నోఆసవస్స చ ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – సద్ధం ఉపనిస్సాయ మానం జప్పేతి, దిట్ఠిం గణ్హాతి; సీలం…పే… సేనాసనం ఉపనిస్సాయ…పే… పాణం హనతి…పే… సఙ్ఘం భిన్దతి, సద్ధా…పే… సేనాసనం రాగస్స…పే… పత్థనాయ ఉపనిస్సయపచ్చయేన పచ్చయో. (౩)

ఆసవో చ నోఆసవో చ ధమ్మా ఆసవస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో… తీణి.

పురేజాతపచ్చయో

౨౮. నోఆసవో ధమ్మో నోఆసవస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం …పే… వత్థుం (ఏవం విత్థారేతబ్బం), ఫోట్ఠబ్బాయతనం కాయవిఞ్ఞాణస్స పురేజాతపచ్చయేన పచ్చయో. వత్థుపురేజాతం – చక్ఖాయతనం చక్ఖువిఞ్ఞాణస్స…పే… కాయాయతనం కాయవిఞ్ఞాణస్స, వత్థు నోఆసవానం ఖన్ధానం పురేజాతపచ్చయేన పచ్చయో. (౧)

నోఆసవో ధమ్మో ఆసవస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం…పే… వత్థుం అస్సాదేతి అభినన్దతి, తం ఆరబ్భ ఆసవా ఉప్పజ్జన్తి. వత్థుపురేజాతం – వత్థు ఆసవానం పురేజాతపచ్చయేన పచ్చయో. (౨)

నోఆసవో ధమ్మో ఆసవస్స చ నోఆసవస్స చ ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం…పే… వత్థుం అస్సాదేతి అభినన్దతి, తం ఆరబ్భ ఆసవా చ సమ్పయుత్తకా చ ఖన్ధా ఉప్పజ్జన్తి. వత్థుపురేజాతం – వత్థు ఆసవానఞ్చ ఆసవసమ్పయుత్తకానఞ్చ ఖన్ధానం పురేజాతపచ్చయేన పచ్చయో. (౩)

పచ్ఛాజాతపచ్చయో

౨౯. ఆసవో ధమ్మో నోఆసవస్స ధమ్మస్స పచ్ఛాజాతపచ్చయేన పచ్చయో – పచ్ఛాజాతా ఆసవా పురేజాతస్స ఇమస్స కాయస్స పచ్ఛాజాతపచ్చయేన పచ్చయో. (౧)

నోఆసవో ధమ్మో నోఆసవస్స ధమ్మస్స పచ్ఛాజాతపచ్చయేన పచ్చయో – పచ్ఛాజాతా నోఆసవా ఖన్ధా పురేజాతస్స ఇమస్స కాయస్స పచ్ఛాజాతపచ్చయేన పచ్చయో. (౧)

ఆసవో చ నోఆసవో చ ధమ్మా నోఆసవస్స ధమ్మస్స పచ్ఛాజాతపచ్చయేన పచ్చయో – పచ్ఛాజాతా ఆసవా చ సమ్పయుత్తకా చ ఖన్ధా పురేజాతస్స ఇమస్స కాయస్స పచ్ఛాజాతపచ్చయేన పచ్చయో. (౧)

ఆసేవనపచ్చయో

౩౦. ఆసవో ధమ్మో ఆసవస్స ధమ్మస్స ఆసేవనపచ్చయేన పచ్చయో… నవ.

కమ్మపచ్చయో

౩౧. నోఆసవో ధమ్మో నోఆసవస్స ధమ్మస్స కమ్మపచ్చయేన పచ్చయో – సహజాతా, నానాక్ఖణికా. సహజాతా – నోఆసవా చేతనా సమ్పయుత్తకానం ఖన్ధానం చిత్తసముట్ఠానానఞ్చ రూపానం కమ్మపచ్చయేన పచ్చయో; పటిసన్ధిక్ఖణే…పే…. నానాక్ఖణికా – నోఆసవా చేతనా విపాకానం ఖన్ధానం కటత్తా చ రూపానం కమ్మపచ్చయేన పచ్చయో. (౧)

నోఆసవో ధమ్మో ఆసవస్స ధమ్మస్స కమ్మపచ్చయేన పచ్చయో – నోఆసవా చేతనా సమ్పయుత్తకానం ఆసవానం కమ్మపచ్చయేన పచ్చయో. (౨)

నోఆసవో ధమ్మో ఆసవస్స చ నోఆసవస్స చ ధమ్మస్స కమ్మపచ్చయేన పచ్చయో – నోఆసవా చేతనా సమ్పయుత్తకానం ఖన్ధానం ఆసవానం చిత్తసముట్ఠానానఞ్చ రూపానం కమ్మపచ్చయేన పచ్చయో. (౩)

విపాకాహారపచ్చయా

౩౨. నోఆసవో ధమ్మో నోఆసవస్స ధమ్మస్స విపాకపచ్చయేన పచ్చయో… ఏకం, ఆహారపచ్చయేన పచ్చయో – నోఆసవా ఆహారా సమ్పయుత్తకానం ఖన్ధానం చిత్తసముట్ఠానానఞ్చ రూపానం ఆహారపచ్చయేన పచ్చయో; పటిసన్ధిక్ఖణే…పే… కబళీకారో ఆహారో ఇమస్స కాయస్స ఆహారపచ్చయేన పచ్చయో. (౧)

నోఆసవో ధమ్మో ఆసవస్స ధమ్మస్స ఆహారపచ్చయేన పచ్చయో – నోఆసవా ఆహారా సమ్పయుత్తకానం ఆసవానం ఆహారపచ్చయేన పచ్చయో. (౨)

నోఆసవో ధమ్మో ఆసవస్స చ నోఆసవస్స చ ధమ్మస్స ఆహారపచ్చయేన పచ్చయో – నోఆసవా ఆహారా సమ్పయుత్తకానం ఖన్ధానం ఆసవానం చిత్తసముట్ఠానానఞ్చ రూపానం ఆహారపచ్చయేన పచ్చయో. (౩)

ఇన్ద్రియపచ్చయాది

౩౩. నోఆసవో ధమ్మో నోఆసవస్స ధమ్మస్స ఇన్ద్రియపచ్చయేన పచ్చయో – నోఆసవా ఇన్ద్రియా సమ్పయుత్తకానం ఖన్ధానం చిత్తసముట్ఠానానఞ్చ రూపానం ఇన్ద్రియపచ్చయేన పచ్చయో; పటిసన్ధిక్ఖణే…పే… చక్ఖున్ద్రియం చక్ఖువిఞ్ఞాణస్స…పే… కాయిన్ద్రియం కాయవిఞ్ఞాణస్స…పే… రూపజీవితిన్ద్రియం కటత్తారూపానం ఇన్ద్రియపచ్చయేన పచ్చయో… తీణి… ఝానపచ్చయేన పచ్చయో… తీణి… మగ్గపచ్చయేన పచ్చయో… నవ… సమ్పయుత్తపచ్చయేన పచ్చయో… నవ.

విప్పయుత్తపచ్చయో

౩౪. ఆసవో ధమ్మో నోఆసవస్స ధమ్మస్స విప్పయుత్తపచ్చయేన పచ్చయో – సహజాతం, పచ్ఛాజాతం. సహజాతా – ఆసవా చిత్తసముట్ఠానానం రూపానం విప్పయుత్తపచ్చయేన పచ్చయో. పచ్ఛాజాతా – ఆసవా పురేజాతస్స ఇమస్స కాయస్స విప్పయుత్తపచ్చయేన పచ్చయో. (౧)

౩౫. నోఆసవో ధమ్మో నోఆసవస్స ధమ్మస్స విప్పయుత్తపచ్చయేన పచ్చయో – సహజాతం, పురేజాతం, పచ్ఛాజాతం. సహజాతా – నోఆసవా ఖన్ధా చిత్తసముట్ఠానానం రూపానం విప్పయుత్తపచ్చయేన పచ్చయో; పటిసన్ధిక్ఖణే…పే… ఖన్ధా వత్థుస్స విప్పయుత్తపచ్చయేన పచ్చయో, వత్థు ఖన్ధానం విప్పయుత్తపచ్చయేన పచ్చయో. పురేజాతం – చక్ఖాయతనం చక్ఖువిఞ్ఞాణస్స…పే… కాయాయతనం కాయవిఞ్ఞాణస్స…పే… వత్థు నోఆసవానం ఖన్ధానం విప్పయుత్తపచ్చయేన పచ్చయో. పచ్ఛాజాతా – నోఆసవా ఖన్ధా పురేజాతస్స ఇమస్స కాయస్స విప్పయుత్తపచ్చయేన పచ్చయో. (౧)

నోఆసవో ధమ్మో ఆసవస్స ధమ్మస్స విప్పయుత్తపచ్చయేన పచ్చయో. పురేజాతం – వత్థు ఆసవానం విప్పయుత్తపచ్చయేన పచ్చయో. (౨)

నోఆసవో ధమ్మో ఆసవస్స చ నోఆసవస్స చ ధమ్మస్స విప్పయుత్తపచ్చయేన పచ్చయో. పురేజాతం – వత్థు ఆసవానం సమ్పయుత్తకానఞ్చ ఖన్ధానం విప్పయుత్తపచ్చయేన పచ్చయో. (౩)

౩౬. ఆసవో చ నోఆసవో చ ధమ్మా నోఆసవస్స ధమ్మస్స విప్పయుత్తపచ్చయేన పచ్చయో – సహజాతం, పచ్ఛాజాతం. సహజాతా – ఆసవా చ సమ్పయుత్తకా చ ఖన్ధా చిత్తసముట్ఠానానం రూపానం విప్పయుత్తపచ్చయేన పచ్చయో. పచ్ఛాజాతా – ఆసవా చ సమ్పయుత్తకా చ ఖన్ధా పురేజాతస్స ఇమస్స కాయస్స విప్పయుత్తపచ్చయేన పచ్చయో. (౧)

అత్థిపచ్చయో

౩౭. ఆసవో ధమ్మో ఆసవస్స ధమ్మస్స అత్థిపచ్చయేన పచ్చయో – కామాసవో దిట్ఠాసవస్స అవిజ్జాసవస్స అత్థిపచ్చయేన పచ్చయో (చక్కం). (౧)

ఆసవో ధమ్మో నోఆసవస్స ధమ్మస్స అత్థిపచ్చయేన పచ్చయో – సహజాతం, పచ్ఛాజాతం. సహజాతా – ఆసవా సమ్పయుత్తకానం ఖన్ధానం చిత్తసముట్ఠానానఞ్చ రూపానం అత్థిపచ్చయేన పచ్చయో. పచ్ఛాజాతా – ఆసవా పురేజాతస్స ఇమస్స కాయస్స అత్థిపచ్చయేన పచ్చయో. (౨)

ఆసవో ధమ్మో ఆసవస్స చ నోఆసవస్స చ ధమ్మస్స అత్థిపచ్చయేన పచ్చయో – కామాసవో దిట్ఠాసవస్స అవిజ్జాసవస్స సమ్పయుత్తకానం ఖన్ధానం చిత్తసముట్ఠానానఞ్చ రూపానం అత్థిపచ్చయేన పచ్చయో (చక్కం). (౩)

౩౮. నోఆసవో ధమ్మో నోఆసవస్స ధమ్మస్స అత్థిపచ్చయేన పచ్చయో – సహజాతం, పురేజాతం, పచ్ఛాజాతం, ఆహారం, ఇన్ద్రియం. సహజాతో – నోఆసవో ఏకో ఖన్ధో తిణ్ణన్నం ఖన్ధానం…పే… (యావ అసఞ్ఞసత్తా). పురేజాతం – చక్ఖుం…పే… వత్థుం అనిచ్చతో…పే… దోమనస్సం ఉప్పజ్జతి; దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి. రూపాయతనం చక్ఖువిఞ్ఞాణస్స…పే… ఫోట్ఠబ్బాయతనం కాయవిఞ్ఞాణస్స…పే… చక్ఖాయతనం చక్ఖువిఞ్ఞాణస్స…పే… కాయాయతనం కాయవిఞ్ఞాణస్స…పే… వత్థు నోఆసవానం ఖన్ధానం అత్థిపచ్చయేన పచ్చయో. పచ్ఛాజాతా – నోఆసవా ఖన్ధా పురేజాతస్స ఇమస్స కాయస్స అత్థిపచ్చయేన పచ్చయో; కబళీకారో ఆహారో ఇమస్స కాయస్స అత్థిపచ్చయేన పచ్చయో; రూపజీవితిన్ద్రియం కటత్తారూపానం అత్థిపచ్చయేన పచ్చయో. (౧)

నోఆసవో ధమ్మో ఆసవస్స ధమ్మస్స అత్థిపచ్చయేన పచ్చయో – సహజాతం, పురేజాతం. సహజాతా – నోఆసవా ఖన్ధా ఆసవానం అత్థిపచ్చయేన పచ్చయో. పురేజాతం – చక్ఖుం…పే… వత్థుం అస్సాదేతి అభినన్దతి, తం ఆరబ్భ ఆసవా ఉప్పజ్జన్తి, వత్థు ఆసవానం అత్థిపచ్చయేన పచ్చయో. (౨)