౧. విభఙ్గవారో

హేతుపచ్చయో

౭౪. ఆసవసమ్పయుత్తో ధమ్మో ఆసవసమ్పయుత్తస్స ధమ్మస్స హేతుపచ్చయేన పచ్చయో – ఆసవసమ్పయుత్తా హేతూ సమ్పయుత్తకానం ఖన్ధానం హేతుపచ్చయేన పచ్చయో. (౧)

ఆసవసమ్పయుత్తో ధమ్మో ఆసవవిప్పయుత్తస్స ధమ్మస్స హేతుపచ్చయేన పచ్చయో – ఆసవసమ్పయుత్తా హేతూ చిత్తసముట్ఠానానం రూపానం హేతుపచ్చయేన పచ్చయో; దోసో మోహస్స చిత్తసముట్ఠానానఞ్చ రూపానం హేతుపచ్చయేన పచ్చయో. (౨)

ఆసవసమ్పయుత్తో ధమ్మో ఆసవసమ్పయుత్తస్స చ ఆసవవిప్పయుత్తస్స చ ధమ్మస్స హేతుపచ్చయేన పచ్చయో – ఆసవసమ్పయుత్తా హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో; దోసో సమ్పయుత్తకానం ఖన్ధానం మోహస్స చిత్తసముట్ఠానానఞ్చ రూపానం హేతుపచ్చయేన పచ్చయో. (౩)

౭౫. ఆసవవిప్పయుత్తో ధమ్మో ఆసవవిప్పయుత్తస్స ధమ్మస్స హేతుపచ్చయేన పచ్చయో – ఆసవవిప్పయుత్తా హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో; దోమనస్ససహగతో విచికిచ్ఛాసహగతో ఉద్ధచ్చసహగతో మోహో చిత్తసముట్ఠానానం రూపానం హేతుపచ్చయేన పచ్చయో; పటిసన్ధిక్ఖణే…పే…. (౧)

ఆసవవిప్పయుత్తో ధమ్మో ఆసవసమ్పయుత్తస్స ధమ్మస్స హేతుపచ్చయేన పచ్చయో – దోమనస్ససహగతో విచికిచ్ఛాసహగతో ఉద్ధచ్చసహగతో మోహో సమ్పయుత్తకానం ఖన్ధానం హేతుపచ్చయేన పచ్చయో. (౨)

ఆసవవిప్పయుత్తో ధమ్మో ఆసవసమ్పయుత్తస్స చ ఆసవవిప్పయుత్తస్స చ ధమ్మస్స హేతుపచ్చయేన పచ్చయో – దోమనస్ససహగతో విచికిచ్ఛాసహగతో ఉద్ధచ్చసహగతో మోహో సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో. (౩)

౭౬. ఆసవసమ్పయుత్తో చ ఆసవవిప్పయుత్తో చ ధమ్మా ఆసవసమ్పయుత్తస్స ధమ్మస్స హేతుపచ్చయేన పచ్చయో – దోసో చ మోహో చ ఆసవసమ్పయుత్తకానం ఖన్ధానం హేతుపచ్చయేన పచ్చయో. (౧)

ఆసవసమ్పయుత్తో చ ఆసవవిప్పయుత్తో చ ధమ్మా ఆసవవిప్పయుత్తస్స ధమ్మస్స హేతుపచ్చయేన పచ్చయో – దోసో చ మోహో చ చిత్తసముట్ఠానానం రూపానం హేతుపచ్చయేన పచ్చయో. (౨)

ఆసవసమ్పయుత్తో చ ఆసవవిప్పయుత్తో చ ధమ్మా ఆసవసమ్పయుత్తస్స చ ఆసవవిప్పయుత్తస్స చ ధమ్మస్స హేతుపచ్చయేన పచ్చయో – దోసో చ మోహో చ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో. (౩)

ఆరమ్మణపచ్చయో

౭౭. ఆసవసమ్పయుత్తో ధమ్మో ఆసవసమ్పయుత్తస్స ధమ్మస్స ఆరమ్మణపచ్చయేన పచ్చయో – ఆసవసమ్పయుత్తే ఖన్ధే ఆరబ్భ ఆసవసమ్పయుత్తకా ఖన్ధా ఉప్పజ్జన్తి. (౧)

ఆసవసమ్పయుత్తో ధమ్మో ఆసవవిప్పయుత్తస్స ధమ్మస్స ఆరమ్మణపచ్చయేన పచ్చయో – ఆసవసమ్పయుత్తే ఖన్ధే ఆరబ్భ ఆసవవిప్పయుత్తా ఖన్ధా చ మోహో చ ఉప్పజ్జన్తి. (౨)

ఆసవసమ్పయుత్తో ధమ్మో ఆసవసమ్పయుత్తస్స చ ఆసవవిప్పయుత్తస్స చ ధమ్మస్స ఆరమ్మణపచ్చయేన పచ్చయో – ఆసవసమ్పయుత్తే ఖన్ధే ఆరబ్భ దోమనస్ససహగతా విచికిచ్ఛాసహగతా ఉద్ధచ్చసహగతా ఖన్ధా చ మోహో చ ఉప్పజ్జన్తి. (౩)

౭౮. ఆసవవిప్పయుత్తో ధమ్మో ఆసవవిప్పయుత్తస్స ధమ్మస్స ఆరమ్మణపచ్చయేన పచ్చయో – దానం దత్వా సీలం…పే… ఉపోసథకమ్మం కత్వా తం పచ్చవేక్ఖతి; పుబ్బే సుచిణ్ణాని…పే… ఝానా…పే… అరియా మగ్గం…పే… ఫలం…పే… నిబ్బానం…పే… నిబ్బానం గోత్రభుస్స, వోదానస్స, మగ్గస్స, ఫలస్స, ఆవజ్జనాయ ఆరమ్మణపచ్చయేన పచ్చయో; అరియా ఆసవవిప్పయుత్తే పహీనే కిలేసే పచ్చవేక్ఖన్తి; విక్ఖమ్భితే…పే… పుబ్బే…పే… చక్ఖుం…పే… వత్థుం ఆసవవిప్పయుత్తే ఖన్ధే అనిచ్చతో దుక్ఖతో అనత్తతో విపస్సతి. (ఇధ అస్సాదనా నత్థి) దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి. చేతోపరియఞాణేన ఆసవవిప్పయుత్తచిత్తసమఙ్గిస్స చిత్తం జానాతి, ఆకాసానఞ్చాయతనం విఞ్ఞాణఞ్చాయతనస్స…పే… ఆకిఞ్చఞ్ఞాయతనం నేవసఞ్ఞానాసఞ్ఞాయతనస్స…పే… రూపాయతనం చక్ఖువిఞ్ఞాణస్స…పే… ఫోట్ఠబ్బాయతనం కాయవిఞ్ఞాణస్స…పే… ఆసవవిప్పయుత్తా ఖన్ధా ఇద్ధివిధఞాణస్స, చేతోపరియఞాణస్స, పుబ్బేనివాసానుస్సతిఞాణస్స, యథాకమ్మూపగఞాణస్స, అనాగతంసఞాణస్స, ఆవజ్జనాయ మోహస్స ఆరమ్మణపచ్చయేన పచ్చయో. (౧)

ఆసవవిప్పయుత్తో ధమ్మో ఆసవసమ్పయుత్తస్స ధమ్మస్స ఆరమ్మణపచ్చయేన పచ్చయో – దానం దత్వా సీలం…పే… ఉపోసథకమ్మం కత్వా తం అస్సాదేతి అభినన్దతి, తం ఆరబ్భ రాగో ఉప్పజ్జతి, దిట్ఠి…పే… విచికిచ్ఛా…పే… ఉద్ధచ్చం…పే… దోమనస్సం ఉప్పజ్జతి; పుబ్బే సుచిణ్ణాని…పే… ఝానా వుట్ఠహిత్వా ఝానం…పే… చక్ఖుం…పే… వత్థుం ఆసవవిప్పయుత్తే ఖన్ధే అస్సాదేతి అభినన్దతి, తం ఆరబ్భ రాగో…పే… దిట్ఠి… దోమనస్సం… విచికిచ్ఛా… ఉద్ధచ్చం ఉప్పజ్జతి. (౨)

ఆసవవిప్పయుత్తో ధమ్మో ఆసవసమ్పయుత్తస్స చ ఆసవవిప్పయుత్తస్స చ ధమ్మస్స ఆరమ్మణపచ్చయేన పచ్చయో – చక్ఖుం…పే… వత్థుం ఆసవవిప్పయుత్తే ఖన్ధే ఆరబ్భ దోమనస్ససహగతా విచికిచ్ఛాసహగతా ఉద్ధచ్చసహగతా ఖన్ధా చ మోహో చ ఉప్పజ్జన్తి. (౩)

౭౯. ఆసవసమ్పయుత్తో చ ఆసవవిప్పయుత్తో చ ధమ్మా ఆసవసమ్పయుత్తస్స ధమ్మస్స ఆరమ్మణపచ్చయేన పచ్చయో – దోమనస్ససహగతే విచికిచ్ఛాసహగతే ఉద్ధచ్చసహగతే ఖన్ధే చ మోహఞ్చ ఆరబ్భ ఆసవసమ్పయుత్తా ఖన్ధా ఉప్పజ్జన్తి. (౧)

ఆసవసమ్పయుత్తో చ ఆసవవిప్పయుత్తో చ ధమ్మా ఆసవవిప్పయుత్తస్స ధమ్మస్స ఆరమ్మణపచ్చయేన పచ్చయో – దోమనస్ససహగతే విచికిచ్ఛాసహగతే ఉద్ధచ్చసహగతే ఖన్ధే చ మోహఞ్చ ఆరబ్భ ఆసవవిప్పయుత్తా ఖన్ధా చ మోహో చ ఉప్పజ్జన్తి. (౨)

ఆసవసమ్పయుత్తో చ ఆసవవిప్పయుత్తో చ ధమ్మా ఆసవసమ్పయుత్తస్స చ ఆసవవిప్పయుత్తస్స చ ధమ్మస్స ఆరమ్మణపచ్చయేన పచ్చయో – దోమనస్ససహగతే విచికిచ్ఛాసహగతే ఉద్ధచ్చసహగతే ఖన్ధే చ మోహఞ్చ ఆరబ్భ దోమనస్ససహగతా విచికిచ్ఛాసహగతా ఉద్ధచ్చసహగతా ఖన్ధా చ మోహో చ ఉప్పజ్జన్తి. (౩)

అధిపతిపచ్చయో

౮౦. ఆసవసమ్పయుత్తో ధమ్మో ఆసవసమ్పయుత్తస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – ఆసవసమ్పయుత్తే ఖన్ధే గరుం కత్వా ఆసవసమ్పయుత్తకా ఖన్ధా ఉప్పజ్జన్తి. సహజాతాధిపతి – ఆసవసమ్పయుత్తాధిపతి సమ్పయుత్తకానం ఖన్ధానం అధిపతిపచ్చయేన పచ్చయో. (౧)

ఆసవసమ్పయుత్తో ధమ్మో ఆసవవిప్పయుత్తస్స ధమ్మస్స అధిపతిపచ్చయేన పచ్చయో. సహజాతాధిపతి – ఆసవసమ్పయుత్తాధిపతి చిత్తసముట్ఠానానం రూపానం అధిపతిపచ్చయేన పచ్చయో; దోమనస్ససహగతాధిపతి మోహస్స చిత్తసముట్ఠానానఞ్చ రూపానం అధిపతిపచ్చయేన పచ్చయో. (౨)

ఆసవసమ్పయుత్తో ధమ్మో ఆసవసమ్పయుత్తస్స చ ఆసవవిప్పయుత్తస్స చ ధమ్మస్స అధిపతిపచ్చయేన పచ్చయో. సహజాతాధిపతి – ఆసవసమ్పయుత్తాధిపతి సమ్పయుత్తకానం ఖన్ధానం చిత్తసముట్ఠానానఞ్చ రూపానం అధిపతిపచ్చయేన పచ్చయో; దోమనస్ససహగతాధిపతి సమ్పయుత్తకానం ఖన్ధానం మోహస్స చ చిత్తసముట్ఠానానఞ్చ రూపానం అధిపతిపచ్చయేన పచ్చయో. (౩)

౮౧. ఆసవవిప్పయుత్తో ధమ్మో ఆసవవిప్పయుత్తస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – దానం దత్వా, సీలం…పే… ఉపోసథకమ్మం కత్వా తం గరుం కత్వా పచ్చవేక్ఖతి; పుబ్బే సుచిణ్ణాని…పే… ఝానా…పే… అరియా మగ్గా వుట్ఠహిత్వా మగ్గం…పే… ఫలం…పే… నిబ్బానం గరుం కత్వా పచ్చవేక్ఖన్తి; నిబ్బానం గోత్రభుస్స, వోదానస్స, మగ్గస్స, ఫలస్స అధిపతిపచ్చయేన పచ్చయో. సహజాతాధిపతి – ఆసవవిప్పయుత్తాధిపతి సమ్పయుత్తకానం ఖన్ధానం చిత్తసముట్ఠానానఞ్చ రూపానం అధిపతిపచ్చయేన పచ్చయో. (౧)

ఆసవవిప్పయుత్తో ధమ్మో ఆసవసమ్పయుత్తస్స ధమ్మస్స అధిపతిపచ్చయేన పచ్చయో. ఆరమ్మణాధిపతి – దానం దత్వా సీలం…పే… ఉపోసథకమ్మం కత్వా తం గరుం కత్వా అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి, పుబ్బే సుచిణ్ణాని…పే… ఝానా…పే… చక్ఖుం…పే… వత్థుం ఆసవవిప్పయుత్తే ఖన్ధే గరుం కత్వా అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి. (౨)

అనన్తరపచ్చయో

౮౨. ఆసవసమ్పయుత్తో ధమ్మో ఆసవసమ్పయుత్తస్స ధమ్మస్స అనన్తరపచ్చయేన పచ్చయో – పురిమా పురిమా ఆసవసమ్పయుత్తకా ఖన్ధా పచ్ఛిమానం పచ్ఛిమానం ఆసవసమ్పయుత్తకానం ఖన్ధానం అనన్తరపచ్చయేన పచ్చయో. (౧)

ఆసవసమ్పయుత్తో ధమ్మో ఆసవవిప్పయుత్తస్స ధమ్మస్స అనన్తరపచ్చయేన పచ్చయో – పురిమా పురిమా దోమనస్ససహగతా విచికిచ్ఛాసహగతా ఉద్ధచ్చసహగతా ఖన్ధా పచ్ఛిమస్స పచ్ఛిమస్స దోమనస్ససహగతస్స విచికిచ్ఛాసహగతస్స ఉద్ధచ్చసహగతస్స మోహస్స అనన్తరపచ్చయేన పచ్చయో; ఆసవసమ్పయుత్తా ఖన్ధా వుట్ఠానస్స అనన్తరపచ్చయేన పచ్చయో. (౨)

ఆసవసమ్పయుత్తో ధమ్మో ఆసవసమ్పయుత్తస్స చ ఆసవవిప్పయుత్తస్స చ ధమ్మస్స అనన్తరపచ్చయేన పచ్చయో – పురిమా పురిమా దోమనస్ససహగతా విచికిచ్ఛాసహగతా ఉద్ధచ్చసహగతా ఖన్ధా పచ్ఛిమానం పచ్ఛిమానం దోమనస్ససహగతానం విచికిచ్ఛాసహగతానం ఉద్ధచ్చసహగతానం ఖన్ధానం మోహస్స చ అనన్తరపచ్చయేన పచ్చయో. (౩)

౮౩. ఆసవవిప్పయుత్తో ధమ్మో ఆసవవిప్పయుత్తస్స ధమ్మస్స అనన్తరపచ్చయేన పచ్చయో – పురిమో పురిమో దోమనస్ససహగతో విచికిచ్ఛాసహగతో ఉద్ధచ్చసహగతో మోహో పచ్ఛిమస్స పచ్ఛిమస్స దోమనస్ససహగతస్స విచికిచ్ఛాసహగతస్స ఉద్ధచ్చసహగతస్స మోహస్స అనన్తరపచ్చయేన పచ్చయో; పురిమా పురిమా ఆసవవిప్పయుత్తా ఖన్ధా పచ్ఛిమానం పచ్ఛిమానం ఆసవవిప్పయుత్తానం ఖన్ధానం అనన్తరపచ్చయేన పచ్చయో; అనులోమం గోత్రభుస్స…పే… ఫలసమాపత్తియా అనన్తరపచ్చయేన పచ్చయో. (౧)

ఆసవవిప్పయుత్తో ధమ్మో ఆసవసమ్పయుత్తస్స ధమ్మస్స అనన్తరపచ్చయేన పచ్చయో – పురిమో పురిమో దోమనస్ససహగతో విచికిచ్ఛాసహగతో ఉద్ధచ్చసహగతో మోహో పచ్ఛిమానం పచ్ఛిమానం దోమనస్ససహగతానం విచికిచ్ఛాసహగతానం ఉద్ధచ్చసహగతానం ఖన్ధానం అనన్తరపచ్చయేన పచ్చయో; ఆవజ్జనా ఆసవసమ్పయుత్తకానం ఖన్ధానం అనన్తరపచ్చయేన పచ్చయో. (౨)

ఆసవవిప్పయుత్తో ధమ్మో ఆసవసమ్పయుత్తస్స చ ఆసవవిప్పయుత్తస్స చ ధమ్మస్స అనన్తరపచ్చయేన పచ్చయో – పురిమో పురిమో దోమనస్ససహగతో విచికిచ్ఛాసహగతో ఉద్ధచ్చసహగతో మోహో పచ్ఛిమానం పచ్ఛిమానం దోమనస్ససహగతానం విచికిచ్ఛాసహగతానం ఉద్ధచ్చసహగతానం ఖన్ధానం మోహస్స చ అనన్తరపచ్చయేన పచ్చయో; ఆవజ్జనా దోమనస్ససహగతానం విచికిచ్ఛాసహగతానం ఉద్ధచ్చసహగతానం ఖన్ధానం మోహస్స చ అనన్తరపచ్చయేన పచ్చయో. (౩)

౮౪. ఆసవసమ్పయుత్తో చ ఆసవవిప్పయుత్తో చ ధమ్మా ఆసవసమ్పయుత్తస్స ధమ్మస్స అనన్తరపచ్చయేన పచ్చయో – పురిమా పురిమా దోమనస్ససహగతా విచికిచ్ఛాసహగతా ఉద్ధచ్చసహగతా ఖన్ధా చ మోహో చ పచ్ఛిమానం పచ్ఛిమానం దోమనస్ససహగతానం విచికిచ్ఛాసహగతానం ఉద్ధచ్చసహగతానం ఖన్ధానం అనన్తరపచ్చయేన పచ్చయో. (౧)

ఆసవసమ్పయుత్తో చ ఆసవవిప్పయుత్తో చ ధమ్మా ఆసవవిప్పయుత్తస్స ధమ్మస్స అనన్తరపచ్చయేన పచ్చయో – పురిమా పురిమా దోమనస్ససహగతా విచికిచ్ఛాసహగతా ఉద్ధచ్చసహగతా ఖన్ధా చ మోహో చ పచ్ఛిమస్స పచ్ఛిమస్స దోమనస్ససహగతస్స విచికిచ్ఛాసహగతస్స ఉద్ధచ్చసహగతస్స మోహస్స అనన్తరపచ్చయేన పచ్చయో; దోమనస్ససహగతా విచికిచ్ఛాసహగతా ఉద్ధచ్చసహగతా ఖన్ధా చ మోహో చ వుట్ఠానస్స అనన్తరపచ్చయేన పచ్చయో. (౨)

ఆసవసమ్పయుత్తో చ ఆసవవిప్పయుత్తో చ ధమ్మా ఆసవసమ్పయుత్తస్స చ ఆసవవిప్పయుత్తస్స చ ధమ్మస్స అనన్తరపచ్చయేన పచ్చయో – పురిమా పురిమా దోమనస్ససహగతా విచికిచ్ఛాసహగతా ఉద్ధచ్చసహగతా ఖన్ధా చ మోహో చ పచ్ఛిమానం పచ్ఛిమానం దోమనస్ససహగతానం విచికిచ్ఛాసహగతానం ఉద్ధచ్చసహగతానం ఖన్ధానం మోహస్స చ అనన్తరపచ్చయేన పచ్చయో. (౩)

సమనన్తరపచ్చయాది

౮౫. ఆసవసమ్పయుత్తో ధమ్మో ఆసవసమ్పయుత్తస్స ధమ్మస్స సమనన్తరపచ్చయేన పచ్చయో… సహజాతపచ్చయేన పచ్చయో… నవ… అఞ్ఞమఞ్ఞపచ్చయేన పచ్చయో… ఛ… నిస్సయపచ్చయేన పచ్చయో… నవ.

ఉపనిస్సయపచ్చయో

౮౬. ఆసవసమ్పయుత్తో ధమ్మో ఆసవసమ్పయుత్తస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – ఆసవసమ్పయుత్తా ఖన్ధా ఆసవసమ్పయుత్తానం ఖన్ధానం ఉపనిస్సయపచ్చయేన పచ్చయో. (౧)

ఆసవసమ్పయుత్తో ధమ్మో ఆసవవిప్పయుత్తస్స ధమ్మస్స ఉపనిస్సయపచ్చయేన పచ్చయో – అనన్తరూపనిస్సయో, పకతూపనిస్సయో…పే…. పకతూపనిస్సయో – ఆసవసమ్పయుత్తా ఖన్ధా ఆసవవిప్పయుత్తానం ఖన్ధానం మోహస్స చ ఉపనిస్సయపచ్చయేన పచ్చయో. (౨)

ఆసవసమ్పయుత్తో ధమ్మో ఆసవసమ్పయుత్తస్స చ ఆసవవిప్పయుత్తస్స చ ధమ్మస్స ఉపనిస్సయపచ్చయేన పచ్చయో – అనన్తరూపనిస్సయో, పకతూపనిస్సయో…పే…. పకతూపనిస్సయో – ఆసవసమ్పయుత్తకా ఖన్ధా దోమనస్ససహగతానం విచికిచ్ఛాసహగతానం ఉద్ధచ్చసహగతానం ఖన్ధానం మోహస్స చ ఉపనిస్సయపచ్చయేన పచ్చయో. (౩)

౮౭. ఆసవవిప్పయుత్తో ధమ్మో ఆసవవిప్పయుత్తస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – సద్ధం ఉపనిస్సాయ దానం దేతి…పే… సీలం…పే… పఞ్ఞం… కాయికం సుఖం…పే… సేనాసనం… మోహం ఉపనిస్సాయ దానం దేతి…పే… సమాపత్తిం ఉప్పాదేతి; సద్ధా…పే… పఞ్ఞా… కాయికం సుఖం… కాయికం దుక్ఖం… మోహో చ సద్ధాయ…పే… మోహస్స చ ఉపనిస్సయపచ్చయేన పచ్చయో. (౧)

ఆసవవిప్పయుత్తో ధమ్మో ఆసవసమ్పయుత్తస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – సద్ధం ఉపనిస్సాయ మానం జప్పేతి, దిట్ఠిం గణ్హాతి; సీలం…పే… పఞ్ఞం… కాయికం సుఖం… కాయికం దుక్ఖం… ఉతుం… భోజనం… సేనాసనం… మోహం ఉపనిస్సాయ పాణం హనతి…పే… సఙ్ఘం భిన్దతి; సద్ధా…పే… మోహో చ రాగస్స…పే… పత్థనాయ ఉపనిస్సయపచ్చయేన పచ్చయో. (౨)

ఆసవవిప్పయుత్తో ధమ్మో ఆసవసమ్పయుత్తస్స చ ఆసవవిప్పయుత్తస్స చ ధమ్మస్స ఉపనిస్సయపచ్చయేన పచ్చయో – అనన్తరూపనిస్సయో, పకతూపనిస్సయో…పే…. పకతూపనిస్సయో – సద్ధా… సీలం…పే… మోహో దోమనస్ససహగతానం విచికిచ్ఛాసహగతానం ఉద్ధచ్చసహగతానం ఖన్ధానం మోహస్స చ ఉపనిస్సయపచ్చయేన పచ్చయో. (౩)

౮౮. ఆసవసమ్పయుత్తో చ ఆసవవిప్పయుత్తో చ ధమ్మా ఆసవసమ్పయుత్తస్స ధమ్మస్స ఉపనిస్సయపచ్చయేన పచ్చయో – అనన్తరూపనిస్సయో, పకతూపనిస్సయో …పే…. పకతూపనిస్సయో – దోమనస్ససహగతా విచికిచ్ఛాసహగతా ఉద్ధచ్చసహగతా ఖన్ధా చ మోహో చ ఆసవసమ్పయుత్తకానం ఖన్ధానం ఉపనిస్సయపచ్చయేన పచ్చయో. (పుచ్ఛితబ్బం మూలం) దోమనస్ససహగతా విచికిచ్ఛాసహగతా ఉద్ధచ్చసహగతా ఖన్ధా చ మోహో చ ఆసవసమ్పయుత్తకానం ఖన్ధానం ఉపనిస్సయపచ్చయేన పచ్చయో. (౧)

ఆసవసమ్పయుత్తో చ ఆసవవిప్పయుత్తో చ ధమ్మా ఆసవసమ్పయుత్తస్స చ ఆసవవిప్పయుత్తస్స చ ధమ్మస్స ఉపనిస్సయపచ్చయేన పచ్చయో – అనన్తరూపనిస్సయో, పకతూపనిస్సయో…పే…. పకతూపనిస్సయో – దోమనస్ససహగతా విచికిచ్ఛాసహగతా ఉద్ధచ్చసహగతా ఖన్ధా చ మోహో చ దోమనస్ససహగతానం విచికిచ్ఛాసహగతానం ఉద్ధచ్చసహగతానం ఖన్ధానం మోహస్స చ ఉపనిస్సయపచ్చయేన పచ్చయో. (౨)

పురేజాతపచ్చయో

౮౯. ఆసవవిప్పయుత్తో ధమ్మో ఆసవవిప్పయుత్తస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం…పే… వత్థుం అనిచ్చతో దుక్ఖతో అనత్తతో విపస్సతి; దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి. రూపాయతనం చక్ఖువిఞ్ఞాణస్స…పే… ఫోట్ఠబ్బాయతనం కాయవిఞ్ఞాణస్స పురేజాతపచ్చయేన పచ్చయో. వత్థుపురేజాతం – చక్ఖాయతనం చక్ఖువిఞ్ఞాణస్స…పే… కాయాయతనం కాయవిఞ్ఞాణస్స…పే… వత్థు ఆసవవిప్పయుత్తానం ఖన్ధానం మోహస్స చ పురేజాతపచ్చయేన పచ్చయో. (౧)

ఆసవవిప్పయుత్తో ధమ్మో ఆసవసమ్పయుత్తస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం…పే… వత్థుం అస్సాదేతి అభినన్దతి, తం ఆరబ్భ రాగో ఉప్పజ్జతి…పే… దోమనస్సం ఉప్పజ్జతి. వత్థుపురేజాతం – వత్థు ఆసవసమ్పయుత్తకానం ఖన్ధానం పురేజాతపచ్చయేన పచ్చయో. (౨)

ఆసవవిప్పయుత్తో ధమ్మో ఆసవసమ్పయుత్తస్స చ ఆసవవిప్పయుత్తస్స చ ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం…పే… వత్థుం ఆరబ్భ దోమనస్ససహగతా విచికిచ్ఛాసహగతా ఉద్ధచ్చసహగతా ఖన్ధా చ మోహో చ ఉప్పజ్జన్తి. వత్థుపురేజాతం – వత్థు దోమనస్ససహగతానం విచికిచ్ఛాసహగతానం ఉద్ధచ్చసహగతానం ఖన్ధానం మోహస్స చ పురేజాతపచ్చయేన పచ్చయో. (౩)

పచ్ఛాజాతపచ్చయో

౯౦. ఆసవసమ్పయుత్తో ధమ్మో ఆసవవిప్పయుత్తస్స ధమ్మస్స పచ్ఛాజాతపచ్చయేన పచ్చయో – పచ్ఛాజాతా ఆసవసమ్పయుత్తకా ఖన్ధా పురేజాతస్స ఇమస్స కాయస్స పచ్ఛాజాతపచ్చయేన పచ్చయో. (౧)

ఆసవవిప్పయుత్తో ధమ్మో ఆసవవిప్పయుత్తస్స ధమ్మస్స పచ్ఛాజాతపచ్చయేన పచ్చయో – పచ్ఛాజాతా ఆసవవిప్పయుత్తా ఖన్ధా చ మోహో చ పురేజాతస్స ఇమస్స కాయస్స పచ్ఛాజాతపచ్చయేన పచ్చయో. (౧)

ఆసవసమ్పయుత్తో చ ఆసవవిప్పయుత్తో చ ధమ్మా ఆసవవిప్పయుత్తస్స ధమ్మస్స పచ్ఛాజాతపచ్చయేన పచ్చయో – పచ్ఛాజాతా దోమనస్ససహగతా విచికిచ్ఛాసహగతా ఉద్ధచ్చసహగతా ఖన్ధా చ మోహో చ పురేజాతస్స ఇమస్స కాయస్స పచ్ఛాజాతపచ్చయేన పచ్చయో. (౧)

ఆసేవనపచ్చయో

౯౧. ఆసవసమ్పయుత్తో ధమ్మో ఆసవసమ్పయుత్తస్స ధమ్మస్స ఆసేవనపచ్చయేన పచ్చయో… నవ (ఆవజ్జనాపి వుట్ఠానమ్పి నత్థి ).

కమ్మపచ్చయో

౯౨. ఆసవసమ్పయుత్తో ధమ్మో ఆసవసమ్పయుత్తస్స ధమ్మస్స కమ్మపచ్చయేన పచ్చయో – ఆసవసమ్పయుత్తకా చేతనా సమ్పయుత్తకానం ఖన్ధానం కమ్మపచ్చయేన పచ్చయో. (౧)

ఆసవసమ్పయుత్తో ధమ్మో ఆసవవిప్పయుత్తస్స ధమ్మస్స కమ్మపచ్చయేన పచ్చయో – సహజాతా, నానాక్ఖణికా. సహజాతా – ఆసవసమ్పయుత్తా చేతనా చిత్తసముట్ఠానానం రూపానం కమ్మపచ్చయేన పచ్చయో; దోమనస్ససహగతా విచికిచ్ఛాసహగతా ఉద్ధచ్చసహగతా చేతనా మోహస్స చిత్తసముట్ఠానానఞ్చ రూపానం కమ్మపచ్చయేన పచ్చయో. నానాక్ఖణికా – ఆసవసమ్పయుత్తకా చేతనా విపాకానం ఖన్ధానం కటత్తా చ రూపానం కమ్మపచ్చయేన పచ్చయో. (౨)

ఆసవసమ్పయుత్తో ధమ్మో ఆసవసమ్పయుత్తస్స చ ఆసవవిప్పయుత్తస్స చ ధమ్మస్స కమ్మపచ్చయేన పచ్చయో – ఆసవసమ్పయుత్తా చేతనా సమ్పయుత్తకానం ఖన్ధానం చిత్తసముట్ఠానానఞ్చ రూపానం కమ్మపచ్చయేన పచ్చయో; దోమనస్ససహగతా విచికిచ్ఛాసహగతా ఉద్ధచ్చసహగతా చేతనా సమ్పయుత్తకానం ఖన్ధానం మోహస్స చ చిత్తసముట్ఠానానఞ్చ రూపానం కమ్మపచ్చయేన పచ్చయో. (౩)

ఆసవవిప్పయుత్తో ధమ్మో ఆసవవిప్పయుత్తస్స ధమ్మస్స కమ్మపచ్చయేన పచ్చయో – సహజాతా, నానాక్ఖణికా. సహజాతా – ఆసవవిప్పయుత్తా చేతనా సమ్పయుత్తకానం ఖన్ధానం చిత్తసముట్ఠానానఞ్చ రూపానం కమ్మపచ్చయేన పచ్చయో; పటిసన్ధిక్ఖణే…పే…. నానాక్ఖణికా ఆసవవిప్పయుత్తా చేతనా విపాకానం ఖన్ధానం కటత్తా చ రూపానం కమ్మపచ్చయేన పచ్చయో. (౧)

విపాకపచ్చయో

౯౩. ఆసవవిప్పయుత్తో ధమ్మో ఆసవవిప్పయుత్తస్స ధమ్మస్స విపాకపచ్చయేన పచ్చయో… ఏకం.

ఆహారపచ్చయో

౯౪. ఆసవసమ్పయుత్తో ధమ్మో ఆసవసమ్పయుత్తస్స ధమ్మస్స ఆహారపచ్చయేన పచ్చయో – ఆసవసమ్పయుత్తా ఆహారా సమ్పయుత్తకానం ఖన్ధానం ఆహారపచ్చయేన పచ్చయో. (౧)

ఆసవసమ్పయుత్తో ధమ్మో ఆసవవిప్పయుత్తస్స ధమ్మస్స ఆహారపచ్చయేన పచ్చయో – ఆసవసమ్పయుత్తా ఆహారా చిత్తసముట్ఠానానం రూపానం ఆహారపచ్చయేన పచ్చయో; దోమనస్ససహగతా విచికిచ్ఛాసహగతా ఉద్ధచ్చసహగతా ఆహారా మోహస్స చిత్తసముట్ఠానానఞ్చ రూపానం ఆహారపచ్చయేన పచ్చయో. (౨)

ఆసవసమ్పయుత్తో ధమ్మో ఆసవసమ్పయుత్తస్స చ ఆసవవిప్పయుత్తస్స చ ధమ్మస్స ఆహారపచ్చయేన పచ్చయో – ఆసవసమ్పయుత్తా ఆహారా సమ్పయుత్తకానం ఖన్ధానం చిత్తసముట్ఠానానఞ్చ రూపానం ఆహారపచ్చయేన పచ్చయో; దోమనస్ససహగతా విచికిచ్ఛాసహగతా ఉద్ధచ్చసహగతా ఆహారా సమ్పయుత్తకానం ఖన్ధానం మోహస్స చ చిత్తసముట్ఠానానఞ్చ రూపానం ఆహారపచ్చయేన పచ్చయో. (౩)

౯౫. ఆసవవిప్పయుత్తో ధమ్మో ఆసవవిప్పయుత్తస్స ధమ్మస్స ఆహారపచ్చయేన పచ్చయో – ఆసవవిప్పయుత్తా ఆహారా సమ్పయుత్తకానం ఖన్ధానం చిత్తసముట్ఠానానఞ్చ రూపానం ఆహారపచ్చయేన పచ్చయో; పటిసన్ధిక్ఖణే…పే… కబళీకారో ఆహారో ఇమస్స కాయస్స ఆహారపచ్చయేన పచ్చయో. (౧)

ఇన్ద్రియపచ్చయాది

౯౬. ఆసవసమ్పయుత్తో ధమ్మో ఆసవసమ్పయుత్తస్స ధమ్మస్స ఇన్ద్రియపచ్చయేన పచ్చయో… చత్తారి… ఝానపచ్చయేన పచ్చయో… చత్తారి… మగ్గపచ్చయేన పచ్చయో… చత్తారి… సమ్పయుత్తపచ్చయేన పచ్చయో… ఛ.

విప్పయుత్తపచ్చయో

౯౭. ఆసవసమ్పయుత్తో ధమ్మో ఆసవవిప్పయుత్తస్స ధమ్మస్స విప్పయుత్తపచ్చయేన పచ్చయో – సహజాతం, పచ్ఛాజాతం. సహజాతా – ఆసవసమ్పయుత్తా ఖన్ధా చిత్తసముట్ఠానానం రూపానం విప్పయుత్తపచ్చయేన పచ్చయో. పచ్ఛాజాతా – ఆసవసమ్పయుత్తా ఖన్ధా పురేజాతస్స ఇమస్స కాయస్స విప్పయుత్తపచ్చయేన పచ్చయో. (౧)

ఆసవవిప్పయుత్తో ధమ్మో ఆసవవిప్పయుత్తస్స ధమ్మస్స విప్పయుత్తపచ్చయేన పచ్చయో – సహజాతం, పురేజాతం, పచ్ఛాజాతం (సంఖిత్తం. విత్థారేతబ్బం). (౧)

౯౮. ఆసవవిప్పయుత్తో ధమ్మో ఆసవసమ్పయుత్తస్స ధమ్మస్స విప్పయుత్తపచ్చయేన పచ్చయో. పురేజాతం – వత్థు ఆసవసమ్పయుత్తకానం ఖన్ధానం విప్పయుత్తపచ్చయేన పచ్చయో. (౧)

ఆసవవిప్పయుత్తో ధమ్మో ఆసవసమ్పయుత్తస్స చ ఆసవవిప్పయుత్తస్స చ ధమ్మస్స విప్పయుత్తపచ్చయేన పచ్చయో. పురేజాతం – వత్థు దోమనస్ససహగతానం విచికిచ్ఛాసహగతానం ఉద్ధచ్చసహగతానం ఖన్ధానం మోహస్స చ విప్పయుత్తపచ్చయేన పచ్చయో. (౨)

ఆసవసమ్పయుత్తో చ ఆసవవిప్పయుత్తో చ ధమ్మా ఆసవవిప్పయుత్తస్స ధమ్మస్స విప్పయుత్తపచ్చయేన పచ్చయో – సహజాతం, పచ్ఛాజాతం. సహజాతా – దోమనస్ససహగతా విచికిచ్ఛాసహగతా ఉద్ధచ్చసహగతా ఖన్ధా చ మోహో చ చిత్తసముట్ఠానానం రూపానం విప్పయుత్తపచ్చయేన పచ్చయో. పచ్ఛాజాతా – దోమనస్ససహగతా విచికిచ్ఛాసహగతా ఉద్ధచ్చసహగతా ఖన్ధా చ మోహో చ పురేజాతస్స ఇమస్స కాయస్స విప్పయుత్తపచ్చయేన పచ్చయో. (౧)

అత్థిపచ్చయో

౯౯. ఆసవసమ్పయుత్తో ధమ్మో ఆసవసమ్పయుత్తస్స ధమ్మస్స అత్థిపచ్చయేన పచ్చయో… ఏకం. (౧)

ఆసవసమ్పయుత్తో ధమ్మో ఆసవవిప్పయుత్తస్స ధమ్మస్స అత్థిపచ్చయేన పచ్చయో – సహజాతం, పచ్ఛాజాతం. సహజాతా – ఆసవసమ్పయుత్తా ఖన్ధా చిత్తసముట్ఠానానం రూపానం అత్థిపచ్చయేన పచ్చయో; దోమనస్ససహగతా విచికిచ్ఛాసహగతా ఉద్ధచ్చసహగతా ఖన్ధా మోహస్స చ చిత్తసముట్ఠానానఞ్చ రూపానం అత్థిపచ్చయేన పచ్చయో. పచ్ఛాజాతా – ఆసవసమ్పయుత్తా ఖన్ధా పురేజాతస్స ఇమస్స కాయస్స అత్థిపచ్చయేన పచ్చయో. (౨)

ఆసవసమ్పయుత్తో ధమ్మో ఆసవసమ్పయుత్తస్స చ ఆసవవిప్పయుత్తస్స చ ధమ్మస్స అత్థిపచ్చయేన పచ్చయో (సహజాతసదిసం). (౩)

౧౦౦. ఆసవవిప్పయుత్తో ధమ్మో ఆసవవిప్పయుత్తస్స ధమ్మస్స అత్థిపచ్చయేన పచ్చయో – సహజాతం, పురేజాతం, పచ్ఛాజాతం, ఆహారం, ఇన్ద్రియం (సంఖిత్తం, విత్థారేతబ్బం). (౧)

ఆసవవిప్పయుత్తో ధమ్మో ఆసవసమ్పయుత్తస్స ధమ్మస్స అత్థిపచ్చయేన పచ్చయో – సహజాతం, పురేజాతం. సహజాతో – దోమనస్ససహగతో విచికిచ్ఛాసహగతో ఉద్ధచ్చసహగతో మోహో సమ్పయుత్తకానం ఖన్ధానం అత్థిపచ్చయేన పచ్చయో. పురేజాతం – చక్ఖుం…పే… వత్థుం అస్సాదేతి అభినన్దతి, తం ఆరబ్భ రాగో ఉప్పజ్జతి, దిట్ఠి ఉప్పజ్జతి, విచికిచ్ఛా ఉప్పజ్జతి, ఉద్ధచ్చం ఉప్పజ్జతి, దోమనస్సం ఉప్పజ్జతి, వత్థు ఆసవసమ్పయుత్తకానం ఖన్ధానం అత్థిపచ్చయేన పచ్చయో. (౨)

ఆసవవిప్పయుత్తో ధమ్మో ఆసవసమ్పయుత్తస్స చ ఆసవవిప్పయుత్తస్స చ ధమ్మస్స అత్థిపచ్చయేన పచ్చయో – సహజాతం, పురేజాతం. సహజాతో – దోమనస్ససహగతో విచికిచ్ఛాసహగతో ఉద్ధచ్చసహగతో మోహో సమ్పయుత్తకానం ఖన్ధానం చిత్తసముట్ఠానానఞ్చ రూపానం అత్థిపచ్చయేన పచ్చయో. పురేజాతం – చక్ఖుం…పే… వత్థుం ఆరబ్భ దోమనస్ససహగతా విచికిచ్ఛాసహగతా ఉద్ధచ్చసహగతా ఖన్ధా చ మోహో చ ఉప్పజ్జన్తి. (౩)

౧౦౧. ఆసవసమ్పయుత్తో చ ఆసవవిప్పయుత్తో చ ధమ్మా ఆసవసమ్పయుత్తస్స ధమ్మస్స అత్థిపచ్చయేన పచ్చయో – సహజాతం, పురేజాతం. సహజాతో – ఆసవసమ్పయుత్తో ఏకో ఖన్ధో చ వత్థు చ తిణ్ణన్నం ఖన్ధానం అత్థిపచ్చయేన పచ్చయో…పే… ద్వే ఖన్ధా చ…పే… దోమనస్ససహగతో విచికిచ్ఛాసహగతో ఉద్ధచ్చసహగతో ఏకో ఖన్ధో చ మోహో చ తిణ్ణన్నం ఖన్ధానం అత్థిపచ్చయేన పచ్చయో; ద్వే ఖన్ధా చ…పే…. (౧)

ఆసవసమ్పయుత్తో చ ఆసవవిప్పయుత్తో చ ధమ్మా ఆసవవిప్పయుత్తస్స ధమ్మస్స అత్థిపచ్చయేన పచ్చయో – సహజాతం, పురేజాతం, పచ్ఛాజాతం, ఆహారం, ఇన్ద్రియం. సహజాతా – ఆసవసమ్పయుత్తా ఖన్ధా చ మహాభూతా చ చిత్తసముట్ఠానానం రూపానం అత్థిపచ్చయేన పచ్చయో; దోమనస్ససహగతా విచికిచ్ఛాసహగతా ఉద్ధచ్చసహగతా ఖన్ధా చ మోహో చ చిత్తసముట్ఠానానం రూపానం అత్థిపచ్చయేన పచ్చయో; దోమనస్ససహగతా విచికిచ్ఛాసహగతా ఉద్ధచ్చసహగతా ఖన్ధా చ వత్థు చ మోహస్స అత్థిపచ్చయేన పచ్చయో. పచ్ఛాజాతా – ఆసవసమ్పయుత్తా ఖన్ధా చ కబళీకారో ఆహారో చ ఇమస్స కాయస్స అత్థిపచ్చయేన పచ్చయో. పచ్ఛాజాతా – ఆసవసమ్పయుత్తా ఖన్ధా చ రూపజీవితిన్ద్రియఞ్చ కటత్తారూపానం అత్థిపచ్చయేన పచ్చయో. (౨)

ఆసవసమ్పయుత్తో చ ఆసవవిప్పయుత్తో చ ధమ్మా ఆసవసమ్పయుత్తస్స చ ఆసవవిప్పయుత్తస్స చ ధమ్మస్స అత్థిపచ్చయేన పచ్చయో – సహజాతం, పురేజాతం. సహజాతో – దోమనస్ససహగతో విచికిచ్ఛాసహగతో ఉద్ధచ్చసహగతో ఏకో ఖన్ధో చ మోహో చ తిణ్ణన్నం ఖన్ధానం చిత్తసముట్ఠానానఞ్చ రూపానం అత్థిపచ్చయేన పచ్చయో…పే… ద్వే ఖన్ధా చ…పే…. సహజాతో – దోమనస్ససహగతో విచికిచ్ఛాసహగతో ఉద్ధచ్చసహగతో ఏకో ఖన్ధో చ వత్థు చ తిణ్ణన్నం ఖన్ధానం మోహస్స చ…పే… ద్వే ఖన్ధా చ…పే…. (౩)