౧. విభఙ్గవారో

నహేతుపచ్చయో

౫౬. ఆసవసమ్పయుత్తం ధమ్మం పటిచ్చ ఆసవవిప్పయుత్తో ధమ్మో ఉప్పజ్జతి నహేతుపచ్చయా – విచికిచ్ఛాసహగతే ఉద్ధచ్చసహగతే ఖన్ధే పటిచ్చ విచికిచ్ఛాసహగతో ఉద్ధచ్చసహగతో మోహో. (౧)

ఆసవవిప్పయుత్తం ధమ్మం పటిచ్చ ఆసవవిప్పయుత్తో ధమ్మో ఉప్పజ్జతి నహేతుపచ్చయా – అహేతుకం ఆసవవిప్పయుత్తం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… అహేతుకపటిసన్ధిక్ఖణే…పే… (యావ ఆసఞ్ఞసత్తా). (౧)

నఆరమ్మణపచ్చయో

౫౭. ఆసవసమ్పయుత్తం ధమ్మం పటిచ్చ ఆసవవిప్పయుత్తో ధమ్మో ఉప్పజ్జతి నఆరమ్మణపచ్చయా – ఆసవసమ్పయుత్తే ఖన్ధే పటిచ్చ చిత్తసముట్ఠానం రూపం. (౧)

ఆసవవిప్పయుత్తం ధమ్మం పటిచ్చ ఆసవవిప్పయుత్తో ధమ్మో ఉప్పజ్జతి నఆరమ్మణపచ్చయా – ఆసవవిప్పయుత్తే ఖన్ధే పటిచ్చ చిత్తసముట్ఠానం రూపం, దోమనస్ససహగతం విచికిచ్ఛాసహగతం ఉద్ధచ్చసహగతం మోహం పటిచ్చ చిత్తసముట్ఠానం రూపం; పటిసన్ధిక్ఖణే…పే… ఖన్ధే పటిచ్చ వత్థు, ఏకం మహాభూతం…పే… (యావ అసఞ్ఞసత్తా). (౧)

ఆసవసమ్పయుత్తఞ్చ ఆసవవిప్పయుత్తఞ్చ ధమ్మం పటిచ్చ ఆసవవిప్పయుత్తో ధమ్మో ఉప్పజ్జతి నఆరమ్మణపచ్చయా – ఆసవసమ్పయుత్తే ఖన్ధే చ మహాభూతే చ పటిచ్చ చిత్తసముట్ఠానం రూపం, దోమనస్ససహగతే విచికిచ్ఛాసహగతే ఉద్ధచ్చసహగతే ఖన్ధే చ మోహఞ్చ పటిచ్చ చిత్తసముట్ఠానం రూపం. (౧)

నఅధిపతిపచ్చయో

౫౮. ఆసవసమ్పయుత్తం ధమ్మం పటిచ్చ ఆసవసమ్పయుత్తో ధమ్మో ఉప్పజ్జతి నఅధిపతిపచ్చయా (సంఖిత్తం).

నపురేజాతపచ్చయాది

౫౯. ఆసవసమ్పయుత్తం ధమ్మం పటిచ్చ ఆసవసమ్పయుత్తో ధమ్మో ఉప్పజ్జతి నపురేజాతపచ్చయా – అరూపే ఆసవసమ్పయుత్తం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే…. (౧)

ఆసవసమ్పయుత్తం ధమ్మం పటిచ్చ ఆసవవిప్పయుత్తో ధమ్మో ఉప్పజ్జతి నపురేజాతపచ్చయా – అరూపే విచికిచ్ఛాసహగతే ఉద్ధచ్చసహగతే ఖన్ధే పటిచ్చ విచికిచ్ఛాసహగతో ఉద్ధచ్చసహగతో మోహో, ఆసవసమ్పయుత్తే ఖన్ధే పటిచ్చ చిత్తసముట్ఠానం రూపం. (౨)

ఆసవసమ్పయుత్తం ధమ్మం పటిచ్చ ఆసవసమ్పయుత్తో చ ఆసవవిప్పయుత్తో చ ధమ్మా ఉప్పజ్జన్తి నపురేజాతపచ్చయా – అరూపే విచికిచ్ఛాసహగతం ఉద్ధచ్చసహగతం ఏకం ఖన్ధం పటిచ్చ తయో ఖన్ధా మోహో చ…పే… ద్వే ఖన్ధే…పే…. (౩)

౬౦. ఆసవవిప్పయుత్తం ధమ్మం పటిచ్చ ఆసవవిప్పయుత్తో ధమ్మో ఉప్పజ్జతి నపురేజాతపచ్చయా – అరూపే ఆసవవిప్పయుత్తం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే… ఆసవవిప్పయుత్తే ఖన్ధే పటిచ్చ చిత్తసముట్ఠానం రూపం, దోమనస్ససహగతం విచికిచ్ఛాసహగతం ఉద్ధచ్చసహగతం మోహం పటిచ్చ చిత్తసముట్ఠానం రూపం; పటిసన్ధిక్ఖణే…పే… (యావ అసఞ్ఞసత్తా). (౧)

ఆసవవిప్పయుత్తం ధమ్మం పటిచ్చ ఆసవసమ్పయుత్తో ధమ్మో ఉప్పజ్జతి నపురేజాతపచ్చయా – అరూపే విచికిచ్ఛాసహగతం ఉద్ధచ్చసహగతం మోహం పటిచ్చ సమ్పయుత్తకా ఖన్ధా. (౨)

౬౧. ఆసవసమ్పయుత్తఞ్చ ఆసవవిప్పయుత్తఞ్చ ధమ్మం పటిచ్చ ఆసవసమ్పయుత్తో ధమ్మో ఉప్పజ్జతి నపురేజాతపచ్చయా – అరూపే విచికిచ్ఛాసహగతం ఉద్ధచ్చసహగతం ఏకం ఖన్ధఞ్చ మోహఞ్చ పటిచ్చ తయో ఖన్ధా…పే… ద్వే ఖన్ధే చ…పే…. (౧)

ఆసవసమ్పయుత్తఞ్చ ఆసవవిప్పయుత్తఞ్చ ధమ్మం పటిచ్చ ఆసవవిప్పయుత్తో ధమ్మో ఉప్పజ్జతి నపురేజాతపచ్చయా – ఆసవసమ్పయుత్తే ఖన్ధే చ మహాభూతే చ పటిచ్చ చిత్తసముట్ఠానం రూపం, దోమనస్ససహగతే విచికిచ్ఛాసహగతే ఉద్ధచ్చసహగతే ఖన్ధే చ మోహఞ్చ పటిచ్చ చిత్తసముట్ఠానం రూపం. (౨)

(నపచ్ఛాజాతపచ్చయా నవ, నఆసేవనపచ్చయా నవ.)

నకమ్మపచ్చయాది

౬౨. ఆసవసమ్పయుత్తం ధమ్మం పటిచ్చ ఆసవసమ్పయుత్తో ధమ్మో ఉప్పజ్జతి నకమ్మపచ్చయా – ఆసవసమ్పయుత్తే ఖన్ధే పటిచ్చ సమ్పయుత్తకా చేతనా. (౧)

ఆసవవిప్పయుత్తం ధమ్మం పటిచ్చ ఆసవవిప్పయుత్తో ధమ్మో ఉప్పజ్జతి నకమ్మపచ్చయా – ఆసవవిప్పయుత్తే ఖన్ధే పటిచ్చ విప్పయుత్తకా చేతనా. (౧)

ఆసవవిప్పయుత్తం ధమ్మం పటిచ్చ ఆసవసమ్పయుత్తో ధమ్మో ఉప్పజ్జతి నకమ్మపచ్చయా – దోమనస్ససహగతం విచికిచ్ఛాసహగతం ఉద్ధచ్చసహగతం మోహం పటిచ్చ సమ్పయుత్తకా చేతనా. (౨)

ఆసవసమ్పయుత్తఞ్చ ఆసవవిప్పయుత్తఞ్చ ధమ్మం పటిచ్చ ఆసవసమ్పయుత్తో ధమ్మో ఉప్పజ్జతి నకమ్మపచ్చయా – దోమనస్ససహగతే విచికిచ్ఛాసహగతే ఉద్ధచ్చసహగతే ఖన్ధే చ మోహఞ్చ పటిచ్చ సమ్పయుత్తకా చేతనా… నవిపాకపచ్చయా… నఆహారపచ్చయా… నఇన్ద్రియపచ్చయా… నఝానపచ్చయా… నమగ్గపచ్చయా… నసమ్పయుత్తపచ్చయా… నవిప్పయుత్తపచ్చయా… నోనత్థిపచ్చయా… నోవిగతపచ్చయా.