౧. విభఙ్గవారో

హేతుపచ్చయో

౪౮. ఆసవసమ్పయుత్తం ధమ్మం పటిచ్చ ఆసవసమ్పయుత్తో ధమ్మో ఉప్పజ్జతి హేతుపచ్చయా – ఆసవసమ్పయుత్తం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే…. (౧)

ఆసవసమ్పయుత్తం ధమ్మం పటిచ్చ ఆసవవిప్పయుత్తో ధమ్మో ఉప్పజ్జతి హేతుపచ్చయా – ఆసవసమ్పయుత్తే ఖన్ధే పటిచ్చ చిత్తసముట్ఠానం రూపం, దోమనస్ససహగతే ఖన్ధే పటిచ్చ మోహో చిత్తసముట్ఠానఞ్చ రూపం. (౨)

ఆసవసమ్పయుత్తం ధమ్మం పటిచ్చ ఆసవసమ్పయుత్తో చ ఆసవవిప్పయుత్తో చ ధమ్మా ఉప్పజ్జన్తి హేతుపచ్చయా – ఆసవసమ్పయుత్తం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… దోమనస్ససహగతం ఏకం ఖన్ధం పటిచ్చ తయో ఖన్ధా మోహో చిత్తసముట్ఠానఞ్చ రూపం…పే… ద్వే ఖన్ధే…పే…. (౩)

౪౯. ఆసవవిప్పయుత్తం ధమ్మం పటిచ్చ ఆసవవిప్పయుత్తో ధమ్మో ఉప్పజ్జతి హేతుపచ్చయా – ఆసవవిప్పయుత్తం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… దోమనస్ససహగతం విచికిచ్ఛాసహగతం ఉద్ధచ్చసహగతం మోహం పటిచ్చ చిత్తసముట్ఠానం రూపం; పటిసన్ధిక్ఖణే…పే… ఖన్ధే పటిచ్చ వత్థు, వత్థుం పటిచ్చ ఖన్ధా, ఏకం మహాభూతం పటిచ్చ తయో మహాభూతా, తయో మహాభూతే పటిచ్చ ఏకం మహాభూతం, ద్వే మహాభూతే పటిచ్చ ద్వే మహాభూతా, మహాభూతే పటిచ్చ చిత్తసముట్ఠానం రూపం కటత్తారూపం ఉపాదారూపం. (౧)

ఆసవవిప్పయుత్తం ధమ్మం పటిచ్చ ఆసవసమ్పయుత్తో ధమ్మో ఉప్పజ్జతి హేతుపచ్చయా – దోమనస్ససహగతం విచికిచ్ఛాసహగతం ఉద్ధచ్చసహగతం మోహం పటిచ్చ సమ్పయుత్తకా ఖన్ధా. (౨)

ఆసవవిప్పయుత్తం ధమ్మం పటిచ్చ ఆసవసమ్పయుత్తో చ ఆసవవిప్పయుత్తో చ ధమ్మా ఉప్పజ్జన్తి హేతుపచ్చయా – దోమనస్ససహగతం విచికిచ్ఛాసహగతం ఉద్ధచ్చసహగతం మోహం పటిచ్చ సమ్పయుత్తకా ఖన్ధా చిత్తసముట్ఠానఞ్చ రూపం. (౩)

౫౦. ఆసవసమ్పయుత్తఞ్చ ఆసవవిప్పయుత్తఞ్చ ధమ్మం పటిచ్చ ఆసవసమ్పయుత్తో ధమ్మో ఉప్పజ్జతి హేతుపచ్చయా – దోమనస్ససహగతం విచికిచ్ఛాసహగతం ఉద్ధచ్చసహగతం ఏకం ఖన్ధఞ్చ మోహఞ్చ పటిచ్చ తయో ఖన్ధా…పే… ద్వే ఖన్ధే…పే…. (౧)

ఆసవసమ్పయుత్తఞ్చ ఆసవవిప్పయుత్తఞ్చ ధమ్మం పటిచ్చ ఆసవవిప్పయుత్తో ధమ్మో ఉప్పజ్జతి హేతుపచ్చయా – ఆసవసమ్పయుత్తే ఖన్ధే చ మహాభూతే చ పటిచ్చ చిత్తసముట్ఠానం రూపం, దోమనస్ససహగతే విచికిచ్ఛాసహగతే ఉద్ధచ్చసహగతే ఖన్ధే చ మోహఞ్చ పటిచ్చ చిత్తసముట్ఠానం రూపం. (౨)

ఆసవసమ్పయుత్తఞ్చ ఆసవవిప్పయుత్తఞ్చ ధమ్మం పటిచ్చ ఆసవసమ్పయుత్తో చ ఆసవవిప్పయుత్తో చ ధమ్మా ఉప్పజ్జన్తి హేతుపచ్చయా – దోమనస్ససహగతం విచికిచ్ఛాసహగతం ఉద్ధచ్చసహగతం ఏకం ఖన్ధఞ్చ మోహఞ్చ పటిచ్చ తయో ఖన్ధా చిత్తసముట్ఠానఞ్చ రూపం, ద్వే ఖన్ధే…పే…. (౩)

ఆరమ్మణపచ్చయో

౫౧. ఆసవసమ్పయుత్తం ధమ్మం పటిచ్చ ఆసవసమ్పయుత్తో ధమ్మో ఉప్పజ్జతి ఆరమ్మణపచ్చయా – ఆసవసమ్పయుత్తం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే…. (౧)

ఆసవసమ్పయుత్తం ధమ్మం పటిచ్చ ఆసవవిప్పయుత్తో ధమ్మో ఉప్పజ్జతి ఆరమ్మణపచ్చయా – దోమనస్ససహగతే విచికిచ్ఛాసహగతే ఉద్ధచ్చసహగతే ఖన్ధే పటిచ్చ మోహో. (౨)

ఆసవసమ్పయుత్తం ధమ్మం పటిచ్చ ఆసవసమ్పయుత్తో చ ఆసవవిప్పయుత్తో చ ధమ్మా ఉప్పజ్జన్తి ఆరమ్మణపచ్చయా – దోమనస్ససహగతం విచికిచ్ఛాసహగతం ఉద్ధచ్చసహగతం ఏకం ఖన్ధం పటిచ్చ తయో ఖన్ధా మోహో చ…పే… ద్వే ఖన్ధే…పే…. (౩)

౫౨. ఆసవవిప్పయుత్తం ధమ్మం పటిచ్చ ఆసవవిప్పయుత్తో ధమ్మో ఉప్పజ్జతి ఆరమ్మణపచ్చయా – ఆసవవిప్పయుత్తం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే… పటిసన్ధిక్ఖణే…పే… వత్థుం పటిచ్చ ఖన్ధా. (౧) ఆసవవిప్పయుత్తం ధమ్మం పటిచ్చ ఆసవసమ్పయుత్తో ధమ్మో ఉప్పజ్జతి ఆరమ్మణపచ్చయా – దోమనస్ససహగతం విచికిచ్ఛాసహగతం ఉద్ధచ్చసహగతం మోహం పటిచ్చ సమ్పయుత్తకా ఖన్ధా. (౨)

ఆసవసమ్పయుత్తఞ్చ ఆసవవిప్పయుత్తఞ్చ ధమ్మం పటిచ్చ ఆసవసమ్పయుత్తో ధమ్మో ఉప్పజ్జతి ఆరమ్మణపచ్చయా – దోమనస్ససహగతం విచికిచ్ఛాసహగతం ఉద్ధచ్చసహగతం ఏకం ఖన్ధఞ్చ మోహఞ్చ పటిచ్చ తయో ఖన్ధా…పే… ద్వే ఖన్ధే…పే…. (౧)

అధిపతిపచ్చయో

౫౩. ఆసవసమ్పయుత్తం ధమ్మం పటిచ్చ ఆసవసమ్పయుత్తో ధమ్మో ఉప్పజ్జతి అధిపతిపచ్చయా… తీణి.

ఆసవవిప్పయుత్తం ధమ్మం పటిచ్చ ఆసవవిప్పయుత్తో ధమ్మో ఉప్పజ్జతి అధిపతిపచ్చయా – ఆసవవిప్పయుత్తం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… దోమనస్ససహగతం మోహం పటిచ్చ చిత్తసముట్ఠానం రూపం, ఏకం మహాభూతం…పే… మహాభూతే పటిచ్చ చిత్తసముట్ఠానం రూపం ఉపాదారూపం. (౧)

ఆసవవిప్పయుత్తం ధమ్మం పటిచ్చ ఆసవసమ్పయుత్తో ధమ్మో ఉప్పజ్జతి అధిపతిపచ్చయా – దోమనస్ససహగతం మోహం పటిచ్చ సమ్పయుత్తకా ఖన్ధా. (౨)

ఆసవవిప్పయుత్తం ధమ్మం పటిచ్చ ఆసవసమ్పయుత్తో చ ఆసవవిప్పయుత్తో చ ధమ్మా ఉప్పజ్జన్తి అధిపతిపచ్చయా – దోమనస్ససహగతం మోహం పటిచ్చ సమ్పయుత్తకా ఖన్ధా చిత్తసముట్ఠానఞ్చ రూపం. (౩)

౫౪. ఆసవసమ్పయుత్తఞ్చ ఆసవవిప్పయుత్తఞ్చ ధమ్మం పటిచ్చ ఆసవసమ్పయుత్తో ధమ్మో ఉప్పజ్జతి అధిపతిపచ్చయా – దోమనస్ససహగతం ఏకం ఖన్ధఞ్చ మోహఞ్చ పటిచ్చ తయో ఖన్ధా…పే… ద్వే ఖన్ధే…పే…. (౧)

ఆసవసమ్పయుత్తఞ్చ ఆసవవిప్పయుత్తఞ్చ ధమ్మం పటిచ్చ ఆసవవిప్పయుత్తో ధమ్మో ఉప్పజ్జతి అధిపతిపచ్చయా – ఆసవసమ్పయుత్తే ఖన్ధే చ మహాభూతే చ పటిచ్చ చిత్తసముట్ఠానం రూపం, దోమనస్ససహగతే ఖన్ధే చ మోహఞ్చ పటిచ్చ చిత్తసముట్ఠానం రూపం. (౨)

ఆసవసమ్పయుత్తఞ్చ ఆసవవిప్పయుత్తఞ్చ ధమ్మం పటిచ్చ ఆసవసమ్పయుత్తో చ ఆసవవిప్పయుత్తో చ ధమ్మా ఉప్పజ్జన్తి అధిపతిపచ్చయా – దోమనస్ససహగతం ఏకం ఖన్ధఞ్చ మోహఞ్చ పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే…. (౩)

(ఏవం సబ్బే పచ్చయా విత్థారేతబ్బా. సంఖిత్తం.)