౧. విభఙ్గవారో

నహేతుపచ్చయో

౧౩. నోఆసవం ధమ్మం పచ్చయా నోఆసవో ధమ్మో ఉప్పజ్జతి నహేతుపచ్చయా – అహేతుకం నోఆసవం ఏకం ఖన్ధం పచ్చయా తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… అహేతుకపటిసన్ధిక్ఖణే…పే… (యావ అసఞ్ఞసత్తా) చక్ఖాయతనం పచ్చయా చక్ఖువిఞ్ఞాణం…పే… కాయాయతనం పచ్చయా కాయవిఞ్ఞాణం… వత్థుం పచ్చయా అహేతుకా నోఆసవా ఖన్ధా. (౧)

నోఆసవం ధమ్మం పచ్చయా ఆసవో ధమ్మో ఉప్పజ్జతి నహేతుపచ్చయా – విచికిచ్ఛాసహగతే ఉద్ధచ్చసహగతే ఖన్ధే చ వత్థుఞ్చ పచ్చయా విచికిచ్ఛాసహగతో ఉద్ధచ్చసహగతో మోహో. (౨)