౧-౪. పచ్చయానులోమాది

హేతుపచ్చయో

౧౧౬. ఉపాదానవిప్పయుత్తం ఉపాదానియం ధమ్మం పటిచ్చ ఉపాదానవిప్పయుత్తో ఉపాదానియో ధమ్మో ఉప్పజ్జతి హేతుపచ్చయా – ఉపాదానవిప్పయుత్తం ఉపాదానియం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… పటిసన్ధిక్ఖణే…పే… ఏకం మహాభూతం…పే… మహాభూతే పటిచ్చ చిత్తసముట్ఠానం రూపం కటత్తారూపం ఉపాదారూపం. (౧)

ఉపాదానవిప్పయుత్తం అనుపాదానియం ధమ్మం పటిచ్చ ఉపాదానవిప్పయుత్తో అనుపాదానియో ధమ్మో ఉప్పజ్జతి హేతుపచ్చయా – ఉపాదానవిప్పయుత్తం అనుపాదానియం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే…. (౧)

ఉపాదానవిప్పయుత్తం అనుపాదానియం ధమ్మం పటిచ్చ ఉపాదానవిప్పయుత్తో ఉపాదానియో ధమ్మో ఉప్పజ్జతి హేతుపచ్చయా – ఉపాదానవిప్పయుత్తే అనుపాదానియే ఖన్ధే పటిచ్చ చిత్తసముట్ఠానం రూపం. (౨)

ఉపాదానవిప్పయుత్తం అనుపాదానియం ధమ్మం పటిచ్చ ఉపాదానవిప్పయుత్తో ఉపాదానియో చ ఉపాదానవిప్పయుత్తో అనుపాదానియో చ ధమ్మా ఉప్పజ్జన్తి హేతుపచ్చయా – ఉపాదానవిప్పయుత్తం అనుపాదానియం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే…. (౩)

ఉపాదానవిప్పయుత్తం ఉపాదానియఞ్చ ఉపాదానవిప్పయుత్తం అనుపాదానియఞ్చ ధమ్మం పటిచ్చ ఉపాదానవిప్పయుత్తో ఉపాదానియో ధమ్మో ఉప్పజ్జతి హేతుపచ్చయా – ఉపాదానవిప్పయుత్తే అనుపాదానియే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

హేతుయా పఞ్చ, ఆరమ్మణే ద్వే…పే… అవిగతే పఞ్చ.

(ఇమం దుకం చూళన్తరదుకే లోకియదుకసదిసం, నిన్నానాకరణం.)

ఉపాదానవిప్పయుత్తఉపాదానియదుకం నిట్ఠితం.

ఉపాదానగోచ్ఛకం నిట్ఠితం.

తతియో భాగో నిట్ఠితో.