౨. సఙ్ఖ్యావారో

సుద్ధం

౮౮. హేతుయా సత్త, ఆరమ్మణే ఛ, అధిపతియా పఞ్చ, అనన్తరే సత్త, సమనన్తరే సత్త, సహజాతే నవ, అఞ్ఞమఞ్ఞే తీణి, నిస్సయే ఏకాదస, ఉపనిస్సయే నవ, పురేజాతే సత్త, పచ్ఛాజాతే నవ, ఆసేవనే ద్వే, కమ్మే అట్ఠ, విపాకే ఛ, ఆహారే ద్వాదస, ఇన్ద్రియే సత్త, ఝానే సత్త, మగ్గే సత్త, సమ్పయుత్తే తీణి, విప్పయుత్తే దస, అత్థియా తేవీస, నత్థియా సత్త, విగతే సత్త, అవిగతే తేవీస.

సభాగం

హేతుపచ్చయా అధిపతియా చత్తారి, సహజాతే సత్త, అఞ్ఞమఞ్ఞే తీణి, నిస్సయే సత్త, విపాకే ఛ, ఇన్ద్రియే సత్త, మగ్గే సత్త, సమ్పయుత్తే తీణి, విప్పయుత్తే చత్తారి, అత్థియా సత్త, అవిగతే సత్త (సంఖిత్తం).

(యథా కుసలత్తికస్స గణనా సజ్ఝాయమగ్గేన గణితా, ఏవం గణేతబ్బా. కుసలత్తికస్స గణనతో ఉపాదిన్నత్తికే గణనా గమ్భీరా సుఖుమతరా చ, ఏవం కాతూన అసమ్మోహన్తేన గణేతబ్బం.)

అనులోమం.

పచ్చనీయుద్ధారో

౮౯. ఉపాదిన్నుపాదానియో ధమ్మో ఉపాదిన్నుపాదానియస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో… పురేజాతపచ్చయేన పచ్చయో … పచ్ఛాజాతపచ్చయేన పచ్చయో… ఆహారపచ్చయేన పచ్చయో… ఇన్ద్రియపచ్చయేన పచ్చయో. (౧)

ఉపాదిన్నుపాదానియో ధమ్మో అనుపాదిన్నుపాదానియస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో… పురేజాతపచ్చయేన పచ్చయో… పచ్ఛాజాతపచ్చయేన పచ్చయో… ఆహారపచ్చయేన పచ్చయో. (౨)

ఉపాదిన్నుపాదానియో ధమ్మో అనుపాదిన్నఅనుపాదానియస్స ధమ్మస్స ఉపనిస్సయపచ్చయేన పచ్చయో… పురేజాతపచ్చయేన పచ్చయో. (౩)

ఉపాదిన్నుపాదానియో ధమ్మో ఉపాదిన్నుపాదానియస్స చ అనుపాదిన్నుపాదానియస్స చ ధమ్మస్స సహజాతపచ్చయేన పచ్చయో… పచ్ఛాజాతపచ్చయేన పచ్చయో… ఆహారపచ్చయేన పచ్చయో. (౪)

అనుపాదిన్నుపాదానియో ధమ్మో అనుపాదిన్నుపాదానియస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో… పురేజాతపచ్చయేన పచ్చయో… పచ్ఛాజాతపచ్చయేన పచ్చయో… ఆహారపచ్చయేన పచ్చయో. (౧)

అనుపాదిన్నుపాదానియో ధమ్మో ఉపాదిన్నుపాదానియస్స ధమ్మస్స ఆరమ్మణపచ్చయేన పచ్చయో… ఉపనిస్సయపచ్చయేన పచ్చయో… పురేజాతపచ్చయేన పచ్చయో… పచ్ఛాజాతపచ్చయేన పచ్చయో… కమ్మపచ్చయేన పచ్చయో… ఆహారపచ్చయేన పచ్చయో. (౨)

అనుపాదిన్నుపాదానియో ధమ్మో అనుపాదిన్నఅనుపాదానియస్స ధమ్మస్స ఉపనిస్సయపచ్చయేన పచ్చయో. (౩)

అనుపాదిన్నుపాదానియో ధమ్మో ఉపాదిన్నుపాదానియస్స చ అనుపాదిన్నుపాదానియస్స చ ధమ్మస్స పచ్ఛాజాతపచ్చయేన పచ్చయో… ఆహారపచ్చయేన పచ్చయో. (౪)

౯౦. అనుపాదిన్నఅనుపాదానియో ధమ్మో అనుపాదిన్నఅనుపాదానియస్స ధమ్మస్స సహజాతపచ్చయేన పచ్చయో… ఉపనిస్సయపచ్చయేన పచ్చయో. (౧)

అనుపాదిన్నఅనుపాదానియో ధమ్మో ఉపాదిన్నుపాదానియస్స ధమ్మస్స ఉపనిస్సయపచ్చయేన పచ్చయో… పచ్ఛాజాతపచ్చయేన పచ్చయో. (౨)

అనుపాదిన్నఅనుపాదానియో ధమ్మో అనుపాదిన్నుపాదానియస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో… పచ్ఛాజాతపచ్చయేన పచ్చయో. (౩)

అనుపాదిన్నఅనుపాదానియో ధమ్మో ఉపాదిన్నుపాదానియస్స చ అనుపాదిన్నఅనుపాదానియస్స చ ధమ్మస్స సహజాతం, పచ్ఛాజాతం. (౪)

అనుపాదిన్నఅనుపాదానియో ధమ్మో అనుపాదిన్నుపాదానియస్స చ అనుపాదిన్నఅనుపాదానియస్స చ ధమ్మస్స సహజాతం, పచ్ఛాజాతం. (౫)

అనుపాదిన్నఅనుపాదానియో ధమ్మో ఉపాదిన్నుపాదానియస్స చ అనుపాదిన్నుపాదానియస్స చ ధమ్మస్స పచ్ఛాజాతపచ్చయేన పచ్చయో. (౬)

అనుపాదిన్నఅనుపాదానియో ధమ్మో ఉపాదిన్నుపాదానియస్స చ అనుపాదిన్నుపాదానియస్స చ అనుపాదిన్నఅనుపాదానియస్స చ ధమ్మస్స సహజాతం, పచ్ఛాజాతం. (౭)

ఉపాదిన్నుపాదానియో చ అనుపాదిన్నఅనుపాదానియో చ ధమ్మా ఉపాదిన్నుపాదానియస్స ధమ్మస్స పచ్ఛాజాతం, ఇన్ద్రియం. (౧)

ఉపాదిన్నుపాదానియో చ అనుపాదిన్నఅనుపాదానియో చ ధమ్మా అనుపాదిన్నఅనుపాదానియస్స ధమ్మస్స సహజాతం, పురేజాతం. (౨)

అనుపాదిన్నుపాదానియో చ అనుపాదిన్నఅనుపాదానియో చ ధమ్మా ఉపాదిన్నుపాదానియస్స ధమ్మస్స పచ్ఛాజాతం, ఆహారం. (౧)

అనుపాదిన్నుపాదానియో చ అనుపాదిన్నఅనుపాదానియో చ ధమ్మా అనుపాదిన్నుపాదానియస్స ధమ్మస్స సహజాతం, పచ్ఛాజాతం, ఆహారం. (౨)

అనుపాదిన్నుపాదానియో చ అనుపాదిన్నఅనుపాదానియో చ ధమ్మా ఉపాదిన్నుపాదానియస్స చ అనుపాదిన్నుపాదానియస్స చ ధమ్మస్స పచ్ఛాజాతం, ఆహారం. (౩)

ఉపాదిన్నుపాదానియో చ అనుపాదిన్నుపాదానియో చ ధమ్మా ఉపాదిన్నుపాదానియస్స ధమ్మస్స పురేజాతం, పచ్ఛాజాతం, ఆహారం, ఇన్ద్రియం. (౧)

ఉపాదిన్నుపాదానియో చ అనుపాదిన్నుపాదానియో చ ధమ్మా అనుపాదిన్నుపాదానియస్స ధమ్మస్స సహజాతం, పురేజాతం, పచ్ఛాజాతం, ఆహారం. (౨)

ఉపాదిన్నుపాదానియో చ అనుపాదిన్నుపాదానియో చ ధమ్మా ఉపాదిన్నుపాదానియస్స చ అనుపాదిన్నుపాదానియస్స చ ధమ్మస్స ఆహారం. (౩)

ఉపాదిన్నుపాదానియో చ అనుపాదిన్నుపాదానియో చ అనుపాదిన్నఅనుపాదానియో చ ధమ్మా ఉపాదిన్నుపాదానియస్స ధమ్మస్స పచ్ఛాజాతం, ఆహారం, ఇన్ద్రియం. (౧)