౪. ఉపాదిన్నత్తికం

౧. పటిచ్చవారో

౧. పచ్చయానులోమం

౧. విభఙ్గవారో

హేతుపచ్చయో

౧. ఉపాదిన్నుపాదానియం ధమ్మం పటిచ్చ ఉపాదిన్నుపాదానియో ధమ్మో ఉప్పజ్జతి హేతుపచ్చయా – ఉపాదిన్నుపాదానియం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే పటిచ్చ ద్వే ఖన్ధా; పటిసన్ధిక్ఖణే ఉపాదిన్నుపాదానియం ఏకం ఖన్ధం పటిచ్చ తయో ఖన్ధా కటత్తా చ రూపం…పే… ద్వే ఖన్ధే పటిచ్చ ద్వే ఖన్ధా కటత్తా చ రూపం; ఖన్ధే పటిచ్చ వత్థు, వత్థుం ఖన్ధా; ఉపాదిన్నుపాదానియం ఏకం మహాభూతం పటిచ్చ తయో మహాభూతా…పే… ద్వే మహాభూతే పటిచ్చ ద్వే మహాభూతా, మహాభూతే పటిచ్చ కటత్తారూపం ఉపాదారూపం. (౧)

ఉపాదిన్నుపాదానియం ధమ్మం పటిచ్చ అనుపాదిన్నుపాదానియో ధమ్మో ఉప్పజ్జతి హేతుపచ్చయా – ఉపాదిన్నుపాదానియే ఖన్ధే పటిచ్చ చిత్తసముట్ఠానం రూపం. (౨)

ఉపాదిన్నుపాదానియం ధమ్మం పటిచ్చ ఉపాదిన్నుపాదానియో చ అనుపాదిన్నుపాదానియో చ ధమ్మా ఉప్పజ్జన్తి హేతుపచ్చయా – ఉపాదిన్నుపాదానియం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే పటిచ్చ ద్వే ఖన్ధా చిత్తసముట్ఠానఞ్చ రూపం. (౩)

అనుపాదిన్నుపాదానియం ధమ్మం పటిచ్చ అనుపాదిన్నుపాదానియో ధమ్మో ఉప్పజ్జతి హేతుపచ్చయా – అనుపాదిన్నుపాదానియం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే పటిచ్చ ద్వే ఖన్ధా చిత్తసముట్ఠానఞ్చ రూపం; అనుపాదిన్నుపాదానియం ఏకం మహాభూతం పటిచ్చ తయో మహాభూతా…పే… మహాభూతే పటిచ్చ చిత్తసముట్ఠానం రూపం ఉపాదారూపం. (౧)

అనుపాదిన్నఅనుపాదానియం ధమ్మం పటిచ్చ అనుపాదిన్నఅనుపాదానియో ధమ్మో ఉప్పజ్జతి హేతుపచ్చయా – అనుపాదిన్నఅనుపాదానియం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే పటిచ్చ ద్వే ఖన్ధా. (౧)

అనుపాదిన్నఅనుపాదానియం ధమ్మం పటిచ్చ అనుపాదిన్నుపాదానియో ధమ్మో ఉప్పజ్జతి హేతుపచ్చయా – అనుపాదిన్నఅనుపాదానియే ఖన్ధే పటిచ్చ చిత్తసముట్ఠానం రూపం. (౨)

అనుపాదిన్నఅనుపాదానియం ధమ్మం పటిచ్చ అనుపాదిన్నుపాదానియో చ అనుపాదిన్నఅనుపాదానియో చ ధమ్మా ఉప్పజ్జన్తి హేతుపచ్చయా – అనుపాదిన్నఅనుపాదానియం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే పటిచ్చ ద్వే ఖన్ధా చిత్తసముట్ఠానఞ్చ రూపం. (౩)

అనుపాదిన్నుపాదానియఞ్చ అనుపాదిన్నఅనుపాదానియఞ్చ ధమ్మం పటిచ్చ అనుపాదిన్నుపాదానియో ధమ్మో ఉప్పజ్జతి హేతుపచ్చయా – అనుపాదిన్నఅనుపాదానియే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

ఉపాదిన్నుపాదానియఞ్చ అనుపాదిన్నుపాదానియఞ్చ ధమ్మం పటిచ్చ అనుపాదిన్నుపాదానియో ధమ్మో ఉప్పజ్జతి హేతుపచ్చయా – ఉపాదిన్నుపాదానియే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

ఆరమ్మణపచ్చయో

౨. ఉపాదిన్నుపాదానియం ధమ్మం పటిచ్చ ఉపాదిన్నుపాదానియో ధమ్మో ఉప్పజ్జతి ఆరమ్మణపచ్చయా – ఉపాదిన్నుపాదానియం ఏకం ఖన్ధం పటిచ్చ…పే… పటిసన్ధిక్ఖణే…పే….

అనుపాదిన్నుపాదానియం ధమ్మం పటిచ్చ…పే….

అనుపాదిన్నఅనుపాదానియం ధమ్మం పటిచ్చ…పే… ఆరమ్మణపచ్చయా… తీణి.

అధిపతిపచ్చయో

౩. అనుపాదిన్నుపాదానియం ధమ్మం పటిచ్చ అనుపాదిన్నుపాదానియో ధమ్మో ఉప్పజ్జతి అధిపతిపచ్చయా – అనుపాదిన్నుపాదానియం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ఏకం మహాభూతం పటిచ్చ…పే… మహాభూతే పటిచ్చ చిత్తసముట్ఠానం రూపం ఉపాదారూపం. (౧)

అనుపాదిన్నఅనుపాదానియం ధమ్మం పటిచ్చ… తీణి.

అనుపాదిన్నుపాదానియఞ్చ అనుపాదిన్నఅనుపాదానియఞ్చ ధమ్మం పటిచ్చ అనుపాదిన్నుపాదానియో ధమ్మో ఉప్పజ్జతి అధిపతిపచ్చయా – అనుపాదిన్నఅనుపాదానియే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

అనన్తరపచ్చయాది

౪. ఉపాదిన్నుపాదానియం ధమ్మం పటిచ్చ ఉపాదిన్నుపాదానియో ధమ్మో ఉప్పజ్జతి అనన్తరపచ్చయా… సమనన్తరపచ్చయా… సహజాతపచ్చయా – ఉపాదిన్నుపాదానియం ఏకం ఖన్ధం పటిచ్చ…పే… పటిసన్ధిక్ఖణే…పే… ఏకం మహాభూతం పటిచ్చ…పే… మహాభూతే పటిచ్చ కటత్తారూపం ఉపాదారూపం; అసఞ్ఞసత్తానం ఏకం మహాభూతం పటిచ్చ…పే… మహాభూతే పటిచ్చ కటత్తారూపం ఉపాదారూపం.

ఉపాదిన్నుపాదానియం ధమ్మం పటిచ్చ… తీణి.

అనుపాదిన్నుపాదానియం ధమ్మం పటిచ్చ అనుపాదిన్నుపాదానియో ధమ్మో ఉప్పజ్జతి సహజాతపచ్చయా – అనుపాదిన్నుపాదానియం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం …పే… ఏకం మహాభూతం పటిచ్చ…పే… మహాభూతే పటిచ్చ చిత్తసముట్ఠానం రూపం ఉపాదారూపం. బాహిరం… ఆహారసముట్ఠానం… ఉతుసముట్ఠానం ఏకం మహాభూతం పటిచ్చ…పే….

అనుపాదిన్నఅనుపాదానియం ధమ్మం పటిచ్చ… తీణి.

అనుపాదిన్నుపాదానియఞ్చ అనుపాదిన్నఅనుపాదానియఞ్చ ధమ్మం పటిచ్చ…పే… అనుపాదిన్నుపాదానియో…పే…. (౧)

ఉపాదిన్నుపాదానియఞ్చ అనుపాదిన్నుపాదానియఞ్చ ధమ్మం పటిచ్చ అనుపాదిన్నుపాదానియో…పే…. (౧)

అఞ్ఞమఞ్ఞపచ్చయో

౫. ఉపాదిన్నుపాదానియం ధమ్మం పటిచ్చ ఉపాదిన్నుపాదానియో ధమ్మో ఉప్పజ్జతి అఞ్ఞమఞ్ఞపచ్చయా – ఉపాదిన్నుపాదానియం ఏకం ఖన్ధం పటిచ్చ…పే… పటిసన్ధిక్ఖణే ఉపాదిన్నుపాదానియం ఏకం ఖన్ధం పటిచ్చ తయో ఖన్ధా వత్థు చ…పే… ఖన్ధే పటిచ్చ వత్థు, వత్థుం పటిచ్చ ఖన్ధా; ఏకం మహాభూతం పటిచ్చ…పే… ద్వే మహాభూతే పటిచ్చ ద్వే మహాభూతా; అసఞ్ఞసత్తానం ఏకం మహాభూతం…పే…. (౧)

అనుపాదిన్నుపాదానియం ధమ్మం పటిచ్చ…పే… బాహిరం… ఆహారసముట్ఠానం… ఉతుసముట్ఠానం…పే…. (౧)

అనుపాదిన్నఅనుపాదానియం ధమ్మం పటిచ్చ…పే…. (౧)

నిస్సయ-ఉపనిస్సయపచ్చయా

౬. ఉపాదిన్నుపాదానియం ధమ్మం పటిచ్చ నిస్సయపచ్చయా… నవ. ఉపనిస్సయపచ్చయా… తీణి.

పురేజాతపచ్చయో

౭. ఉపాదిన్నుపాదానియం ధమ్మం పటిచ్చ ఉపాదిన్నుపాదానియో ధమ్మో ఉప్పజ్జతి పురేజాతపచ్చయా… తీణి.

ఆసేవనపచ్చయో

౮. అనుపాదిన్నుపాదానియం ధమ్మం పటిచ్చ అనుపాదిన్నుపాదానియో ధమ్మో ఉప్పజ్జతి ఆసేవనపచ్చయా – అనుపాదిన్నుపాదానియం ఏకం ఖన్ధం పటిచ్చ…పే…. (౧)

అనుపాదిన్నఅనుపాదానియం ధమ్మం పటిచ్చ అనుపాదిన్నఅనుపాదానియో ధమ్మో ఉప్పజ్జతి ఆసేవనపచ్చయా – అనుపాదిన్నఅనుపాదానియం ఏకం ఖన్ధం పటిచ్చ…పే…. (౧)

కమ్మపచ్చయో

౯. ఉపాదిన్నుపాదానియం ధమ్మం పటిచ్చ ఉపాదిన్నుపాదానియో ధమ్మో ఉప్పజ్జతి కమ్మపచ్చయా (హేతుపచ్చయసదిసా నవ).

విపాకపచ్చయో

౧౦. ఉపాదిన్నుపాదానియం ధమ్మం పటిచ్చ ఉపాదిన్నుపాదానియో ధమ్మో ఉప్పజ్జతి విపాకపచ్చయా… తీణి.

అనుపాదిన్నుపాదానియం ధమ్మం పటిచ్చ అనుపాదిన్నుపాదానియో ధమ్మో ఉప్పజ్జతి విపాకపచ్చయా – ఏకం మహాభూతం పటిచ్చ…పే… మహాభూతే పటిచ్చ చిత్తసముట్ఠానం రూపం ఉపాదారూపం.

అనుపాదిన్నఅనుపాదానియం ధమ్మం పటిచ్చ అనుపాదిన్నఅనుపాదానియో ధమ్మో ఉప్పజ్జతి విపాకపచ్చయా – విపాకం అనుపాదిన్నఅనుపాదానియం ఏకం ఖన్ధం పటిచ్చ తయో ఖన్ధా…పే… నవ.

ఆహారపచ్చయాది

౧౧. ఉపాదిన్నుపాదానియం ధమ్మం పటిచ్చ ఉపాదిన్నుపాదానియో ధమ్మో ఉప్పజ్జతి ఆహారపచ్చయా…పే… ఇన్ద్రియపచ్చయా… ఝానపచ్చయా… మగ్గపచ్చయా… సమ్పయుత్తపచ్చయా… విప్పయుత్తపచ్చయా… అత్థిపచ్చయా… నత్థిపచ్చయా… విగతపచ్చయా… అవిగతపచ్చయా.

(యథా కుసలత్తికస్స పటిచ్చవారో సజ్ఝాయమగ్గేన విత్థారితో, ఏవం విత్థారేతబ్బం.)

౧. పచ్చయానులోమం

౨. సఙ్ఖ్యావారో

సుద్ధం

౧౨. హేతుయా నవ, ఆరమ్మణే తీణి, అధిపతియా పఞ్చ, అనన్తరే తీణి, సమనన్తరే తీణి, సహజాతే నవ, అఞ్ఞమఞ్ఞే తీణి, నిస్సయే నవ, ఉపనిస్సయే తీణి, పురేజాతే తీణి, ఆసేవనే ద్వే, కమ్మే నవ, విపాకే నవ, ఆహారే నవ, ఇన్ద్రియే నవ, ఝానే నవ, మగ్గే నవ, సమ్పయుత్తే తీణి, విప్పయుత్తే నవ, అత్థియా నవ, నత్థియా తీణి, విగతే తీణి, అవిగతే నవ.

హేతుదుకం

హేతుపచ్చయా ఆరమ్మణే తీణి…పే… అవిగతే నవ.

(యథా కుసలత్తికే పటిచ్చగణనా సజ్ఝాయమగ్గేన గణితా, ఏవం గణేతబ్బం.)

అనులోమం.

౨. పచ్చయపచ్చనీయం

౧. విభఙ్గవారో

నహేతుపచ్చయో

౧౩. ఉపాదిన్నుపాదానియం ధమ్మం పటిచ్చ ఉపాదిన్నుపాదానియో ధమ్మో ఉప్పజ్జతి నహేతుపచ్చయా – అహేతుకం ఉపాదిన్నుపాదానియం ఏకం ఖన్ధం పటిచ్చ తయో ఖన్ధా, ద్వే ఖన్ధే పటిచ్చ ద్వే ఖన్ధా, అహేతుకపటిసన్ధిక్ఖణే ఉపాదిన్నుపాదానియం ఏకం ఖన్ధం పటిచ్చ తయో ఖన్ధా కటత్తా చ రూపం…పే… ద్వే ఖన్ధే పటిచ్చ ద్వే ఖన్ధా కటత్తా చ రూపం; ఖన్ధే పటిచ్చ వత్థు, వత్థుం పటిచ్చ ఖన్ధా; ఏకం మహాభూతం పటిచ్చ తయో మహాభూతా…పే… మహాభూతే పటిచ్చ కటత్తారూపం ఉపాదారూపం; అసఞ్ఞసత్తానం ఏకం మహాభూతం పటిచ్చ…పే… మహాభూతే పటిచ్చ కటత్తారూపం ఉపాదారూపం. (౧)

ఉపాదిన్నుపాదానియం ధమ్మం పటిచ్చ అనుపాదిన్నుపాదానియో ధమ్మో ఉప్పజ్జతి నహేతుపచ్చయా – అహేతుకే ఉపాదిన్నుపాదానియే ఖన్ధే పటిచ్చ చిత్తసముట్ఠానం రూపం. (౨)

ఉపాదిన్నుపాదానియం ధమ్మం పటిచ్చ ఉపాదిన్నుపాదానియో చ అనుపాదిన్నుపాదానియో చ ధమ్మా ఉప్పజ్జన్తి నహేతుపచ్చయా – అహేతుకం ఉపాదిన్నుపాదానియం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే పటిచ్చ ద్వే ఖన్ధా చిత్తసముట్ఠానఞ్చ రూపం. (౩)

అనుపాదిన్నుపాదానియం ధమ్మం పటిచ్చ అనుపాదిన్నుపాదానియో ధమ్మో ఉప్పజ్జతి నహేతుపచ్చయా – అహేతుకం అనుపాదిన్నుపాదానియం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే పటిచ్చ ద్వే ఖన్ధా చిత్తసముట్ఠానఞ్చ రూపం. అనుపాదిన్నుపాదానియం ఏకం మహాభూతం…పే… మహాభూతే పటిచ్చ చిత్తసముట్ఠానం రూపం ఉపాదారూపం. బాహిరం… ఆహారసముట్ఠానం… ఉతుసముట్ఠానం ఏకం మహాభూతం పటిచ్చ…పే… మహాభూతే పటిచ్చ ఉపాదారూపం. విచికిచ్ఛాసహగతే ఉద్ధచ్చసహగతే ఖన్ధే పటిచ్చ విచికిచ్ఛాసహగతో ఉద్ధచ్చసహగతో మోహో. (౧)

ఉపాదిన్నుపాదానియఞ్చ అనుపాదిన్నుపాదానియఞ్చ ధమ్మం పటిచ్చ అనుపాదిన్నుపాదానియో ధమ్మో ఉప్పజ్జతి నహేతుపచ్చయా – అహేతుకే ఉపాదిన్నుపాదానియే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

నఆరమ్మణపచ్చయో

౧౪. ఉపాదిన్నుపాదానియం ధమ్మం పటిచ్చ ఉపాదిన్నుపాదానియో ధమ్మో ఉప్పజ్జతి నఆరమ్మణపచ్చయా – పటిసన్ధిక్ఖణే ఉపాదిన్నుపాదానియే ఖన్ధే పటిచ్చ కటత్తారూపం, ఖన్ధే పటిచ్చ వత్థు, ఏకం మహాభూతం పటిచ్చ…పే… అసఞ్ఞసత్తానం ఏకం మహాభూతం పటిచ్చ…పే…. (౧)

ఉపాదిన్నుపాదానియం ధమ్మం పటిచ్చ అనుపాదిన్నుపాదానియో ధమ్మో ఉప్పజ్జతి నఆరమ్మణపచ్చయా – ఉపాదిన్నుపాదానియే ఖన్ధే పటిచ్చ చిత్తసముట్ఠానం రూపం. (౨)

అనుపాదిన్నుపాదానియం ధమ్మం పటిచ్చ అనుపాదిన్నుపాదానియో ధమ్మో ఉప్పజ్జతి నఆరమ్మణపచ్చయా – అనుపాదిన్నుపాదానియే ఖన్ధే పటిచ్చ చిత్తసముట్ఠానం రూపం, ఏకం మహాభూతం పటిచ్చ …పే… బాహిరం… ఆహారసముట్ఠానం… ఉతుసముట్ఠానం ఏకం మహాభూతం పటిచ్చ…పే…. (౧)

అనుపాదిన్నఅనుపాదానియం ధమ్మం పటిచ్చ అనుపాదిన్నుపాదానియో ధమ్మో ఉప్పజ్జతి నఆరమ్మణపచ్చయా – అనుపాదిన్నఅనుపాదానియే ఖన్ధే పటిచ్చ చిత్తసముట్ఠానం రూపం. (౧)

అనుపాదిన్నుపాదానియఞ్చ అనుపాదిన్నఅనుపాదానియఞ్చ ధమ్మం పటిచ్చ అనుపాదిన్నుపాదానియో ధమ్మో ఉప్పజ్జతి నఆరమ్మణపచ్చయా – అనుపాదిన్నఅనుపాదానియే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

ఉపాదిన్నుపాదానియఞ్చ అనుపాదిన్నుపాదానియఞ్చ ధమ్మం పటిచ్చ అనుపాదిన్నుపాదానియో ధమ్మో ఉప్పజ్జతి నఆరమ్మణపచ్చయా – ఉపాదిన్నుపాదానియే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

నఅధిపతిపచ్చయో

౧౫. ఉపాదిన్నుపాదానియం ధమ్మం పటిచ్చ ఉపాదిన్నుపాదానియో ధమ్మో ఉప్పజ్జతి నఅధిపతిపచ్చయా (పటిసన్ధి పరిపుణ్ణం)… తీణి.

అనుపాదిన్నుపాదానియం ధమ్మం పటిచ్చ… ఏకా.

అనుపాదిన్నఅనుపాదానియం ధమ్మం పటిచ్చ అనుపాదిన్నఅనుపాదానియో ధమ్మో ఉప్పజ్జతి నఅధిపతిపచ్చయా – అనుపాదిన్నఅనుపాదానియే ఖన్ధే పటిచ్చ అనుపాదిన్నఅనుపాదానియా అధిపతి. (౧)

ఉపాదిన్నుపాదానియఞ్చ అనుపాదిన్నుపాదానియఞ్చ ధమ్మం పటిచ్చ అనుపాదిన్నుపాదానియో ధమ్మో ఉప్పజ్జతి నఅధిపతిపచ్చయా – ఉపాదిన్నుపాదానియే ఖన్ధే చ మహాభూతే చ పటిచ్చ చిత్తసముట్ఠానం రూపం.

నఅనన్తరపచ్చయాది

౧౬. ఉపాదిన్నుపాదానియం ధమ్మం పటిచ్చ ఉపాదిన్నుపాదానియో ధమ్మో ఉప్పజ్జతి నఅనన్తరపచ్చయా…పే… నసమనన్తరపచ్చయా…. నఅఞ్ఞమఞ్ఞపచ్చయా… నఉపనిస్సయపచ్చయా… నపురేజాతపచ్చయా… నపచ్ఛాజాతపచ్చయా… నఆసేవనపచ్చయా…పే….

అనుపాదిన్నఅనుపాదానియం ధమ్మం పటిచ్చ అనుపాదిన్నఅనుపాదానియో ధమ్మో ఉప్పజ్జతి నఆసేవనపచ్చయా – విపాకం అనుపాదిన్నఅనుపాదానియం ఏకం ఖన్ధం పటిచ్చ తయో ఖన్ధా (సంఖిత్తం).

నకమ్మపచ్చయో

౧౭. అనుపాదిన్నుపాదానియం ధమ్మం పటిచ్చ అనుపాదిన్నుపాదానియో ధమ్మో ఉప్పజ్జతి నకమ్మపచ్చయా – అనుపాదిన్నుపాదానియే ఖన్ధే పటిచ్చ అనుపాదిన్నుపాదానియా చేతనా. బాహిరం… ఆహారసముట్ఠానం… ఉతుసముట్ఠానం ఏకం మహాభూతం పటిచ్చ…పే…. (౧)

అనుపాదిన్నఅనుపాదానియం ధమ్మం పటిచ్చ అనుపాదిన్నఅనుపాదానియో ధమ్మో ఉప్పజ్జతి నకమ్మపచ్చయా – కుసలే అనుపాదిన్నఅనుపాదానియే ఖన్ధే పటిచ్చ అనుపాదిన్నఅనుపాదానియా చేతనా. (౨)

నవిపాకపచ్చయో

౧౮. ఉపాదిన్నుపాదానియం ధమ్మం పటిచ్చ ఉపాదిన్నుపాదానియో ధమ్మో ఉప్పజ్జతి నవిపాకపచ్చయా – అసఞ్ఞసత్తానం ఏకం మహాభూతం పటిచ్చ…పే… మహాభూతే పటిచ్చ కటత్తారూపం ఉపాదారూపం. (౧)

అనుపాదిన్నుపాదానియం ధమ్మం పటిచ్చ అనుపాదిన్నుపాదానియో ధమ్మో ఉప్పజ్జతి నవిపాకపచ్చయా… ఏకా.

అనుపాదిన్నఅనుపాదానియం ధమ్మం పటిచ్చ అనుపాదిన్నఅనుపాదానియో ధమ్మో ఉప్పజ్జతి నవిపాకపచ్చయా – కుసలం అనుపాదిన్నఅనుపాదానియం ఏకం ఖన్ధం పటిచ్చ తయో ఖన్ధా… తీణి.

అనుపాదిన్నుపాదానియఞ్చ అనుపాదిన్నఅనుపాదానియఞ్చ ధమ్మం పటిచ్చ అనుపాదిన్నుపాదానియో ధమ్మో ఉప్పజ్జతి నవిపాకపచ్చయా – కుసలే అనుపాదిన్నఅనుపాదానియే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

నఆహారపచ్చయో

౧౯. ఉపాదిన్నుపాదానియం ధమ్మం పటిచ్చ ఉపాదిన్నుపాదానియో ధమ్మో ఉప్పజ్జతి నఆహారపచ్చయా – అసఞ్ఞసత్తానం ఏకం మహాభూతం పటిచ్చ…పే…. (౧)

అనుపాదిన్నుపాదానియం ధమ్మం పటిచ్చ అనుపాదిన్నుపాదానియో ధమ్మో ఉప్పజ్జతి నఆహారపచ్చయా – బాహిరం… ఉతుసముట్ఠానం ఏకం మహాభూతం పటిచ్చ…పే…. (౧)

నఇన్ద్రియపచ్చయో

౨౦. ఉపాదిన్నుపాదానియం ధమ్మం పటిచ్చ ఉపాదిన్నుపాదానియో ధమ్మో ఉప్పజ్జతి నఇన్ద్రియపచ్చయా – అసఞ్ఞసత్తానం మహాభూతే పటిచ్చ రూపజీవితిన్ద్రియం. (౧)

అనుపాదిన్నుపాదానియం ధమ్మం పటిచ్చ అనుపాదిన్నుపాదానియో ధమ్మో ఉప్పజ్జతి నఇన్ద్రియపచ్చయా – బాహిరం… ఆహారసముట్ఠానం… ఉతుసముట్ఠానం ఏకం మహాభూతం పటిచ్చ…పే…. (౧)

నఝానపచ్చయో

౨౧. ఉపాదిన్నుపాదానియం ధమ్మం పటిచ్చ ఉపాదిన్నుపాదానియో ధమ్మో ఉప్పజ్జతి నఝానపచ్చయా – పఞ్చవిఞ్ఞాణసహగతం ఏకం ఖన్ధం పటిచ్చ తయో ఖన్ధా…పే… అసఞ్ఞసత్తానం ఏకం మహాభూతం పటిచ్చ …పే…. (౧)

అనుపాదిన్నుపాదానియం ధమ్మం పటిచ్చ అనుపాదిన్నుపాదానియో ధమ్మో ఉప్పజ్జతి నఝానపచ్చయా – బాహిరం… ఆహారసముట్ఠానం… ఉతుసముట్ఠానం ఏకం మహాభూతం పటిచ్చ…పే…. (౧)

నమగ్గపచ్చయో

౨౨. ఉపాదిన్నుపాదానియం ధమ్మం పటిచ్చ ఉపాదిన్నుపాదానియో ధమ్మో ఉప్పజ్జతి నమగ్గపచ్చయా – అహేతుకం ఉపాదిన్నుపాదానియం ఏకం ఖన్ధం పటిచ్చ తయో ఖన్ధా… పఞ్చ.

నసమ్పయుత్తపచ్చయో

౨౩. ఉపాదిన్నుపాదానియం ధమ్మం పటిచ్చ ఉపాదిన్నుపాదానియో ధమ్మో ఉప్పజ్జతి నసమ్పయుత్తపచ్చయా (నఆరమ్మణపచ్చయసదిసం).

నవిప్పయుత్తపచ్చయో

౨౪. ఉపాదిన్నుపాదానియం ధమ్మం పటిచ్చ ఉపాదిన్నుపాదానియో ధమ్మో ఉప్పజ్జతి నవిప్పయుత్తపచ్చయా – అరూపే ఉపాదిన్నుపాదానియం ఏకం ఖన్ధం పటిచ్చ తయో ఖన్ధా…పే… అసఞ్ఞసత్తానం ఏకం మహాభూతం పటిచ్చ…పే…. (౧)

అనుపాదిన్నుపాదానియం ధమ్మం పటిచ్చ అనుపాదిన్నుపాదానియో ధమ్మో ఉప్పజ్జతి నవిప్పయుత్తపచ్చయా – అరూపే అనుపాదిన్నుపాదానియం ఏకం ఖన్ధం పటిచ్చ తయోఖన్ధా…పే… బాహిరం… ఆహారసముట్ఠానం… ఉతుసముట్ఠానం ఏకం మహాభూతం పటిచ్చ…పే…. (౧)

అనుపాదిన్నఅనుపాదానియం ధమ్మం పటిచ్చ అనుపాదిన్నఅనుపాదానియో ధమ్మో ఉప్పజ్జతి నవిప్పయుత్తపచ్చయా – అరూపే అనుపాదిన్నఅనుపాదానియం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే పటిచ్చ ద్వే ఖన్ధా. (౧)

నోనత్థి-నోవిగతపచ్చయా

౨౫. ఉపాదిన్నుపాదానియం ధమ్మం పటిచ్చ ఉపాదిన్నుపాదానియో ధమ్మో ఉప్పజ్జతి నోనత్థిపచ్చయా… నోవిగతపచ్చయా.

(యథా కుసలత్తికే పచ్చనీయవారో విత్థారితో, ఏవం విత్థారేతబ్బో.)

౨. పచ్చయపచ్చనీయం

౨. సఙ్ఖ్యావారో

సుద్ధం

౨౬. నహేతుయా పఞ్చ, నఆరమ్మణే ఛ, నఅధిపతియా ఛ, నఅనన్తరే ఛ, నసమనన్తరే ఛ, నఅఞ్ఞమఞ్ఞే ఛ, నఉపనిస్సయే ఛ, నపురేజాతే సత్త, నపచ్ఛాజాతే నవ, నఆసేవనే నవ, నకమ్మే ద్వే, నవిపాకే ఛ, నఆహారే ద్వే, నఇన్ద్రియే ద్వే, నఝానే ద్వే, నమగ్గే పఞ్చ, నసమ్పయుత్తే ఛ, నవిప్పయుత్తే తీణి, నోనత్థియా ఛ, నోవిగతే ఛ.

నహేతుదుకం

నహేతుపచ్చయా నఆరమ్మణే చత్తారి, నఅధిపతియా పఞ్చ, నఅనన్తరే చత్తారి…పే… నఆసేవనే పఞ్చ, నకమ్మే ఏకం, నవిపాకే ద్వే…పే… నఝానే ద్వే, నమగ్గే పఞ్చ, నసమ్పయుత్తే చత్తారి, నవిప్పయుత్తే ద్వే…పే… నోవిగతే చత్తారి.

(యథా కుసలత్తికే గణనా, ఏవం గణేతబ్బం.)

పచ్చనీయం.

౩. పచ్చయానులోమపచ్చనీయం

హేతుదుకం

౨౭. హేతుపచ్చయా నఆరమ్మణే ఛ…పే… నపురేజాతే సత్త, నపచ్ఛాజాతే నవ, నఆసేవనే నవ, నకమ్మే ద్వే, నవిపాకే ఛ, నసమ్పయుత్తే ఛ, నవిప్పయుత్తే తీణి…పే… నోవిగతే ఛ.

(యథా కుసలత్తికే అనులోమపచ్చనీయగణనా, ఏవం గణేతబ్బా.)

అనులోమపచ్చనీయం.

౪. పచ్చయపచ్చనీయానులోమం

నహేతుదుకం

౨౮. నహేతుపచ్చయా ఆరమ్మణే ద్వే…పే… సహజాతే పఞ్చ, అఞ్ఞమఞ్ఞే ద్వే, నిస్సయే పఞ్చ, ఉపనిస్సయే ద్వే, పురేజాతే ద్వే, ఆసేవనే ఏకం, కమ్మే పఞ్చ…పే… ఝానే పఞ్చ, మగ్గే ఏకం, సమ్పయుత్తే ద్వే, విప్పయుత్తే పఞ్చ…పే… అవిగతే పఞ్చ.

(యథా కుసలత్తికే పచ్చనీయానులోమగణనా, ఏవం గణేతబ్బా.)

పచ్చనీయానులోమం.

పటిచ్చవారో.

౨. సహజాతవారో

౧-౪. పచ్చయచతుక్కం

౨౯. ఉపాదిన్నుపాదానియం ధమ్మం సహజాతో ఉపాదిన్నుపాదానియో ధమ్మో ఉప్పజ్జతి హేతుపచ్చయా. (పటిచ్చవారోపి సహజాతవారోపి సదిసో.)

సహజాతవారో.

౩. పచ్చయవారో

౧. పచ్చయానులోమం

౧. విభఙ్గవారో

హేతుపచ్చయో

౩౦. ఉపాదిన్నుపాదానియం ధమ్మం పచ్చయా ఉపాదిన్నుపాదానియో ధమ్మో ఉప్పజ్జతి హేతుపచ్చయా – ఉపాదిన్నుపాదానియం ఏకం ఖన్ధం పచ్చయా తయో ఖన్ధా…పే… పటిసన్ధిక్ఖణే…పే… ఖన్ధే పచ్చయా వత్థు, వత్థుం పచ్చయా ఖన్ధా; ఏకం మహాభూతం పచ్చయా తయో మహాభూతా…పే… మహాభూతే పచ్చయా కటత్తారూపం ఉపాదారూపం; వత్థుం పచ్చయా ఉపాదిన్నుపాదానియా ఖన్ధా. (౧)

ఉపాదిన్నుపాదానియం ధమ్మం పచ్చయా అనుపాదిన్నుపాదానియో ధమ్మో ఉప్పజ్జతి హేతుపచ్చయా – ఉపాదిన్నుపాదానియే ఖన్ధే పచ్చయా చిత్తసముట్ఠానం రూపం; వత్థుం పచ్చయా అనుపాదిన్నుపాదానియా ఖన్ధా. (౨)

ఉపాదిన్నుపాదానియం ధమ్మం పచ్చయా అనుపాదిన్నఅనుపాదానియో ధమ్మో ఉప్పజ్జతి హేతుపచ్చయా – వత్థుం పచ్చయా అనుపాదిన్నఅనుపాదానియా ఖన్ధా. (౩)

ఉపాదిన్నుపాదానియం ధమ్మం పచ్చయా ఉపాదిన్నుపాదానియో చ అనుపాదిన్నుపాదానియో చ ధమ్మా ఉప్పజ్జన్తి హేతుపచ్చయా – ఉపాదిన్నుపాదానియం ఏకం ఖన్ధం పచ్చయా తయో ఖన్ధా చిత్తసముట్ఠానఞ్చ రూపం…పే…. (౪)

౩౧. అనుపాదిన్నుపాదానియం ధమ్మం పచ్చయా అనుపాదిన్నుపాదానియో ధమ్మో ఉప్పజ్జతి హేతుపచ్చయా… ఏకా.

అనుపాదిన్నఅనుపాదానియం ధమ్మం పచ్చయా అనుపాదిన్నఅనుపాదానియో ధమ్మో ఉప్పజ్జతి హేతుపచ్చయా… తీణి.

ఉపాదిన్నుపాదానియఞ్చ అనుపాదిన్నఅనుపాదానియఞ్చ ధమ్మం పచ్చయా అనుపాదిన్నఅనుపాదానియో ధమ్మో ఉప్పజ్జతి హేతుపచ్చయా – అనుపాదిన్నఅనుపాదానియం ఏకం ఖన్ధఞ్చ వత్థుఞ్చ పచ్చయా తయో ఖన్ధా…పే… ద్వే ఖన్ధే చ వత్థుఞ్చ పచ్చయా ద్వే ఖన్ధా. (౧)

అనుపాదిన్నుపాదానియఞ్చ అనుపాదిన్నఅనుపాదానియఞ్చ ధమ్మం పచ్చయా అనుపాదిన్నుపాదానియో ధమ్మో ఉప్పజ్జతి హేతుపచ్చయా – అనుపాదిన్నఅనుపాదానియే ఖన్ధే చ మహాభూతే చ పచ్చయా చిత్తసముట్ఠానం రూపం. (౧)

ఉపాదిన్నుపాదానియఞ్చ అనుపాదిన్నుపాదానియఞ్చ ధమ్మం పచ్చయా అనుపాదిన్నుపాదానియో ధమ్మో ఉప్పజ్జతి హేతుపచ్చయా – ఉపాదిన్నుపాదానియే ఖన్ధే చ మహాభూతే చ పచ్చయా చిత్తసముట్ఠానం రూపం; అనుపాదిన్నుపాదానియం ఏకం ఖన్ధఞ్చ వత్థుఞ్చ పచ్చయా తయో ఖన్ధా…పే… ద్వే ఖన్ధే చ వత్థుఞ్చ పచ్చయా ద్వే ఖన్ధా. (౧)

ఆరమ్మణపచ్చయో

౩౨. ఉపాదిన్నుపాదానియం ధమ్మం పచ్చయా ఉపాదిన్నుపాదానియో ధమ్మో ఉప్పజ్జతి ఆరమ్మణపచ్చయా – ఉపాదిన్నుపాదానియం ఏకం ఖన్ధం పచ్చయా తయో ఖన్ధా…పే… ద్వే ఖన్ధే పచ్చయా ద్వే ఖన్ధా; పటిసన్ధిక్ఖణే ఉపాదిన్నుపాదానియం ఏకం ఖన్ధం పచ్చయా తయో ఖన్ధా…పే… ద్వే ఖన్ధే పచ్చయా ద్వే ఖన్ధా; వత్థుం పచ్చయా ఖన్ధా; చక్ఖాయతనం పచ్చయా చక్ఖువిఞ్ఞాణం…పే… కాయాయతనం పచ్చయా కాయవిఞ్ఞాణం; వత్థుం పచ్చయా ఉపాదిన్నుపాదానియా ఖన్ధా. (౧)

ఉపాదిన్నుపాదానియం ధమ్మం పచ్చయా అనుపాదిన్నుపాదానియో ధమ్మో ఉప్పజ్జతి ఆరమ్మణపచ్చయా – వత్థుం పచ్చయా అనుపాదిన్నుపాదానియా ఖన్ధా. (౨)

ఉపాదిన్నుపాదానియం ధమ్మం పచ్చయా అనుపాదిన్నఅనుపాదానియో ధమ్మో ఉప్పజ్జతి ఆరమ్మణపచ్చయా – వత్థుం పచ్చయా అనుపాదిన్నఅనుపాదానియా ఖన్ధా. (౩)

అనుపాదిన్నుపాదానియం ధమ్మం పచ్చయా అనుపాదిన్నుపాదానియో ధమ్మో ఉప్పజ్జతి ఆరమ్మణపచ్చయా – అనుపాదిన్నుపాదానియం ఏకం ఖన్ధం పచ్చయా తయో ఖన్ధా…పే… ద్వే ఖన్ధే పచ్చయా ద్వే ఖన్ధా. (౧)

అనుపాదిన్నఅనుపాదానియం ధమ్మం పచ్చయా అనుపాదిన్నఅనుపాదానియో ధమ్మో ఉప్పజ్జతి ఆరమ్మణపచ్చయా – అనుపాదిన్నఅనుపాదానియం ఏకం ఖన్ధం పచ్చయా తయో ఖన్ధా…పే… ద్వే ఖన్ధే పచ్చయా ద్వే ఖన్ధా. (౧)