౫. సంకిలిట్ఠత్తికం

౧. పటిచ్చవారో

౧. పచ్చయానులోమం

౧. విభఙ్గవారో

హేతుపచ్చయో

౧. సంకిలిట్ఠసంకిలేసికం ధమ్మం పటిచ్చ సంకిలిట్ఠసంకిలేసికో ధమ్మో ఉప్పజ్జతి హేతుపచ్చయా – సంకిలిట్ఠసంకిలేసికం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే పటిచ్చ ద్వే ఖన్ధా. (౧)

సంకిలిట్ఠసంకిలేసికం ధమ్మం పటిచ్చ అసంకిలిట్ఠసంకిలేసికో ధమ్మో ఉప్పజ్జతి హేతుపచ్చయా – సంకిలిట్ఠసంకిలేసికే ఖన్ధే పటిచ్చ చిత్తసముట్ఠానం రూపం. (౨)

సంకిలిట్ఠసంకిలేసికం ధమ్మం పటిచ్చ సంకిలిట్ఠసంకిలేసికో చ అసంకిలిట్ఠసంకిలేసికో చ ధమ్మా ఉప్పజ్జన్తి హేతుపచ్చయా – సంకిలిట్ఠసంకిలేసికం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే పటిచ్చ ద్వే ఖన్ధా చిత్తసముట్ఠానఞ్చ రూపం. (౩)

అసంకిలిట్ఠసంకిలేసికం ధమ్మం పటిచ్చ అసంకిలిట్ఠసంకిలేసికో ధమ్మో ఉప్పజ్జతి హేతుపచ్చయా – అసంకిలిట్ఠసంకిలేసికం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే పటిచ్చ ద్వే ఖన్ధా చిత్తసముట్ఠానఞ్చ రూపం; పటిసన్ధిక్ఖణే అసంకిలిట్ఠసంకిలేసికం ఏకం ఖన్ధం పటిచ్చ తయో ఖన్ధా కటత్తా చ రూపం…పే… ద్వే ఖన్ధే పటిచ్చ ద్వే ఖన్ధా కటత్తా చ రూపం; ఖన్ధే పటిచ్చ వత్థు, వత్థుం పటిచ్చ ఖన్ధా; ఏకం మహాభూతం పటిచ్చ తయో మహాభూతా…పే… మహాభూతే పటిచ్చ చిత్తసముట్ఠానం రూపం కటత్తారూపం ఉపాదారూపం. (౧)

౨. అసంకిలిట్ఠఅసంకిలేసికం ధమ్మం పటిచ్చ అసంకిలిట్ఠఅసంకిలేసికో ధమ్మో ఉప్పజ్జతి హేతుపచ్చయా – అసంకిలిట్ఠఅసంకిలేసికం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే పటిచ్చ ద్వే ఖన్ధా. (౧)

అసంకిలిట్ఠఅసంకిలేసికం ధమ్మం పటిచ్చ అసంకిలిట్ఠసంకిలేసికో ధమ్మో ఉప్పజ్జతి హేతుపచ్చయా – అసంకిలిట్ఠఅసంకిలేసికే ఖన్ధే పటిచ్చ చిత్తసముట్ఠానం రూపం. (౨)

అసంకిలిట్ఠఅసంకిలేసికం ధమ్మం పటిచ్చ అసంకిలిట్ఠసంకిలేసికో చ అసంకిలిట్ఠఅసంకిలేసికో చ ధమ్మా ఉప్పజ్జన్తి హేతుపచ్చయా – అసంకిలిట్ఠఅసంకిలేసికం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే పటిచ్చ ద్వే ఖన్ధా చిత్తసముట్ఠానఞ్చ రూపం. (౩)

అసంకిలిట్ఠసంకిలేసికఞ్చ అసంకిలిట్ఠఅసంకిలేసికఞ్చ ధమ్మం పటిచ్చ అసంకిలిట్ఠసంకిలేసికో ధమ్మో ఉప్పజ్జతి హేతుపచ్చయా – అసంకిలిట్ఠఅసంకిలేసికే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

సంకిలిట్ఠసంకిలేసికఞ్చ అసంకిలిట్ఠసంకిలేసికఞ్చ ధమ్మం పటిచ్చ అసంకిలిట్ఠసంకిలేసికో ధమ్మో ఉప్పజ్జతి హేతుపచ్చయా – సంకిలిట్ఠసంకిలేసికే ఖన్ధే చ మహాభూతే చ పటిచ్చ చిత్తసముట్ఠానం రూపం (సంఖిత్తం). (౧)

౧. పచ్చయానులోమం

౨. సఙ్ఖ్యావారో

౩. హేతుయా నవ, ఆరమ్మణే తీణి, అధిపతియా నవ, అనన్తరే తీణి, సమనన్తరే తీణి, సహజాతే నవ, అఞ్ఞమఞ్ఞే తీణి, నిస్సయే నవ, ఉపనిస్సయే తీణి, పురేజాతే తీణి, ఆసేవనే తీణి, కమ్మే నవ, విపాకే పఞ్చ, ఆహారే నవ…పే… మగ్గే నవ, సమ్పయుత్తే తీణి, విప్పయుత్తే నవ…పే… అవిగతే నవ (సంఖిత్తం.)

(యథా కుసలత్తికే విభత్తం, ఏవం విభజితబ్బం.)

౨. పచ్చయపచ్చనీయం

నహేతుపచ్చయో

౪. సంకిలిట్ఠసంకిలేసికం ధమ్మం పటిచ్చ సంకిలిట్ఠసంకిలేసికో ధమ్మో ఉప్పజ్జతి నహేతుపచ్చయా – విచికిచ్ఛాసహగతే ఉద్ధచ్చసహగతే ఖన్ధే పటిచ్చ విచికిచ్ఛాసహగతో ఉద్ధచ్చసహగతో మోహో. (౧)

అసంకిలిట్ఠసంకిలేసికం ధమ్మం పటిచ్చ అసంకిలిట్ఠసంకిలేసికో ధమ్మో ఉప్పజ్జతి నహేతుపచ్చయా – అహేతుకం అసంకిలిట్ఠసంకిలేసికం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… అహేతుకపటిసన్ధిక్ఖణే…పే… అసఞ్ఞసత్తానం ఏకం మహాభూతం. (సంఖిత్తం.) (౧)

(యథా కుసలత్తికే విభత్తం, ఏవం విభజితబ్బం.)

సుద్ధం

౫. నహేతుయా ద్వే, నఆరమ్మణే పఞ్చ, నఅధిపతియా ఛ, నఅనన్తరే పఞ్చ…పే… నఉపనిస్సయే పఞ్చ, నపురేజాతే సత్త, నపచ్ఛాజాతే నవ, నఆసేవనే నవ, నకమ్మే తీణి, నవిపాకే నవ, నఆహారే ఏకం…పే… నమగ్గే ఏకం, నసమ్పయుత్తే పఞ్చ, నవిప్పయుత్తే తీణి, నోనత్థియా పఞ్చ, నోవిగతే పఞ్చ. (సంఖిత్తం.)

౩. పచ్చయానులోమపచ్చనీయం

హేతుదుకం

౬. హేతుపచ్చయా నఆరమ్మణే పఞ్చ, నఅధిపతియా ఛ…పే… నపురేజాతే సత్త, నపచ్ఛాజాతే నవ, నఆసేవనే నవ, నకమ్మే తీణి, నవిపాకే నవ, నసమ్పయుత్తే పఞ్చ, నవిప్పయుత్తే తీణి, నోనత్థియా పఞ్చ, నోవిగతే పఞ్చ. (సంఖిత్తం.)

౪. పచ్చయపచ్చనీయానులోమం

నహేతుదుకం

౭. నహేతుపచ్చయా ఆరమ్మణే ద్వే…పే… విపాకే ఏకం…పే… మగ్గే ఏకం…పే… అవిగతే ద్వే. (సంఖిత్తం.)

పటిచ్చవారో.

౨-౬ సహజాత-పచ్చయ-నిస్సయ-సంసట్ఠ-సమ్పయుత్తవారో

(సహజాతవారోపి పచ్చయవారోపి నిస్సయవారోపి సంసట్ఠవారోపి సమ్పయుత్తవారోపి విత్థారేతబ్బో.)

౭. పఞ్హావారో

౧. పచ్చయానులోమం

౧. విభఙ్గవారో

హేతుపచ్చయో

౮. సంకిలిట్ఠసంకిలేసికో ధమ్మో సంకిలిట్ఠసంకిలేసికస్స ధమ్మస్స హేతుపచ్చయేన పచ్చయో – సంకిలిట్ఠసంకిలేసికా హేతూ సమ్పయుత్తకానం ఖన్ధానం హేతుపచ్చయేన పచ్చయో. (౧)

సంకిలిట్ఠసంకిలేసికో ధమ్మో అసంకిలిట్ఠసంకిలేసికస్స ధమ్మస్స హేతుపచ్చయేన పచ్చయో – సంకిలిట్ఠసంకిలేసికా హేతూ చిత్తసముట్ఠానానం రూపానం హేతుపచ్చయేన పచ్చయో. (౨)

సంకిలిట్ఠసంకిలేసికో ధమ్మో సంకిలిట్ఠసంకిలేసికస్స చ అసంకిలిట్ఠసంకిలేసికస్స చ ధమ్మస్స హేతుపచ్చయేన పచ్చయో – సంకిలిట్ఠసంకిలేసికా హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో. (౩)

అసంకిలిట్ఠసంకిలేసికో ధమ్మో అసంకిలిట్ఠసంకిలేసికస్స ధమ్మస్స హేతుపచ్చయేన పచ్చయో – అసంకిలిట్ఠసంకిలేసికా హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో; పటిసన్ధిక్ఖణే అసంకిలిట్ఠసంకిలేసికా హేతూ సమ్పయుత్తకానం ఖన్ధానం కటత్తా చ రూపానం హేతుపచ్చయేన పచ్చయో. (౧)

అసంకిలిట్ఠఅసంకిలేసికో ధమ్మో అసంకిలిట్ఠఅసంకిలేసికస్స ధమ్మస్స హేతుపచ్చయేన పచ్చయో – అసంకిలిట్ఠఅసంకిలేసికా హేతూ సమ్పయుత్తకానం ఖన్ధానం హేతుపచ్చయేన పచ్చయో. (౧)

అసంకిలిట్ఠఅసంకిలేసికో ధమ్మో అసంకిలిట్ఠసంకిలేసికస్స ధమ్మస్స హేతుపచ్చయేన పచ్చయో – అసంకిలిట్ఠఅసంకిలేసికా హేతూ చిత్తసముట్ఠానానం రూపానం హేతుపచ్చయేన పచ్చయో. (౨)

అసంకిలిట్ఠఅసంకిలేసికో ధమ్మో అసంకిలిట్ఠసంకిలేసికస్స చ అసంకిలిట్ఠఅసంకిలేసికస్స చ ధమ్మస్స హేతుపచ్చయేన పచ్చయో – అసంకిలిట్ఠఅసంకిలేసికా హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో. (౩)

ఆరమ్మణపచ్చయో

౯. సంకిలిట్ఠసంకిలేసికో ధమ్మో సంకిలిట్ఠసంకిలేసికస్స ధమ్మస్స ఆరమ్మణపచ్చయేన పచ్చయో – రాగం అస్సాదేతి అభినన్దతి, తం ఆరబ్భ రాగో ఉప్పజ్జతి, దిట్ఠి ఉప్పజ్జతి, విచికిచ్ఛా ఉప్పజ్జతి, ఉద్ధచ్చం ఉప్పజ్జతి, దోమనస్సం ఉప్పజ్జతి. దిట్ఠిం అస్సాదేతి…పే… విచికిచ్ఛం ఆరబ్భ…పే… ఉద్ధచ్చం ఆరబ్భ…పే… దోమనస్సం ఆరబ్భ…పే…. (౧)

(యథా కుసలత్తికే విభత్తం, ఏవం విభజితబ్బం.)

సంకిలిట్ఠసంకిలేసికో ధమ్మో అసంకిలిట్ఠసంకిలేసికస్స ధమ్మస్స ఆరమ్మణపచ్చయేన పచ్చయో – అరియా పహీనే కిలేసే పచ్చవేక్ఖన్తి, విక్ఖమ్భితే కిలేసే పచ్చవేక్ఖన్తి, పుబ్బే సముదాచిణ్ణే కిలేసే జానన్తి, సంకిలిట్ఠసంకిలేసికే ఖన్ధే అనిచ్చతో దుక్ఖతో అనత్తతో విపస్సన్తి, చేతోపరియఞాణేన సంకిలిట్ఠసంకిలేసికచిత్తసమఙ్గిస్స చిత్తం జానన్తి; సేక్ఖా వా పుథుజ్జనా వా సంకిలిట్ఠసంకిలేసికే ఖన్ధే అనిచ్చతో దుక్ఖతో అనత్తతో విపస్సన్తి, కుసలే నిరుద్ధే విపాకో తదారమ్మణతా ఉప్పజ్జతి; సంకిలిట్ఠసంకిలేసికే ఖన్ధే అస్సాదేన్తి అభినన్దన్తి…పే… దోమనస్సం ఉప్పజ్జతి, అకుసలే నిరుద్ధే విపాకో తదారమ్మణతా ఉప్పజ్జతి. సంకిలిట్ఠసంకిలేసికా ఖన్ధా చేతోపరియఞాణస్స, పుబ్బేనివాసానుస్సతిఞాణస్స, యథాకమ్మూపగఞాణస్స, అనాగతంసఞాణస్స, ఆవజ్జనాయ ఆరమ్మణపచ్చయేన పచ్చయో. (౨)

౧౦. అసంకిలిట్ఠసంకిలేసికో ధమ్మో అసంకిలిట్ఠసంకిలేసికస్స ధమ్మస్స ఆరమ్మణపచ్చయేన పచ్చయో – దానం దత్వా, సీలం సమాదియిత్వా, ఉపోసథకమ్మం కత్వా తం పచ్చవేక్ఖతి, పుబ్బే సుచిణ్ణాని పచ్చవేక్ఖతి; ఝానా వుట్ఠహిత్వా ఝానం పచ్చవేక్ఖతి, అరియా గోత్రభుం పచ్చవేక్ఖన్తి, వోదానం పచ్చవేక్ఖన్తి, చక్ఖుం అనిచ్చతో దుక్ఖతో అనత్తతో విపస్సన్తి; సోతం… ఘానం… జివ్హం… కాయం… రూపే… సద్దే… గన్ధే… రసే… ఫోట్ఠబ్బే… వత్థుం అసంకిలిట్ఠసంకిలేసికే ఖన్ధే అనిచ్చతో దుక్ఖతో అనత్తతో విపస్సన్తి; దిబ్బేన చక్ఖునా రూపం పస్సన్తి, దిబ్బాయ సోతధాతుయా సద్దం సుణన్తి, చేతోపరియఞాణేన అసంకిలిట్ఠసంకిలేసికచిత్తసమఙ్గిస్స చిత్తం జానన్తి. ఆకాసానఞ్చాయతనం విఞ్ఞాణఞ్చాయతనస్స…పే… ఆకిఞ్చఞ్ఞాయతనం నేవసఞ్ఞానాసఞ్ఞాయతనస్స ఆరమ్మణపచ్చయేన పచ్చయో. రూపాయతనం చక్ఖువిఞ్ఞాణస్స ఆరమ్మణపచ్చయేన పచ్చయో…పే… ఫోట్ఠబ్బాయతనం కాయవిఞ్ఞాణస్స ఆరమ్మణపచ్చయేన పచ్చయో. అసంకిలిట్ఠసంకిలేసికా ఖన్ధా ఇద్ధివిధఞాణస్స, చేతోపరియఞాణస్స, పుబ్బేనివాసానుస్సతిఞాణస్స, యథాకమ్మూపగఞాణస్స, అనాగతంసఞాణస్స, ఆవజ్జనాయ ఆరమ్మణపచ్చయేన పచ్చయో. (౧)

అసంకిలిట్ఠసంకిలేసికో ధమ్మో సంకిలిట్ఠసంకిలేసికస్స ధమ్మస్స ఆరమ్మణపచ్చయేన పచ్చయో – దానం దత్వా, సీలం సమాదియిత్వా, ఉపోసథకమ్మం కత్వా తం అస్సాదేతి అభినన్దతి; తం ఆరబ్భ రాగో ఉప్పజ్జతి, దిట్ఠి ఉప్పజ్జతి…పే… దోమనస్సం ఉప్పజ్జతి; పుబ్బే సుచిణ్ణాని అస్సాదేతి…పే… ఝానా వుట్ఠహిత్వా ఝానం అస్సాదేతి…పే… చక్ఖుం అస్సాదేతి. ఫోట్ఠబ్బే… వత్థుం… అసంకిలిట్ఠసంకిలేసికే ఖన్ధే అస్సాదేతి అభినన్దతి, తం ఆరబ్భ రాగో ఉప్పజ్జతి… దోమనస్సం ఉప్పజ్జతి. (౨)

అసంకిలిట్ఠఅసంకిలేసికో ధమ్మో అసంకిలిట్ఠఅసంకిలేసికస్స ధమ్మస్స ఆరమ్మణపచ్చయేన పచ్చయో – నిబ్బానం మగ్గస్స, ఫలస్స ఆరమ్మణపచ్చయేన పచ్చయో. (౧)

అసంకిలిట్ఠఅసంకిలేసికో ధమ్మో అసంకిలిట్ఠసంకిలేసికస్స ధమ్మస్స ఆరమ్మణపచ్చయేన పచ్చయో – అరియా మగ్గా వుట్ఠహిత్వా మగ్గం పచ్చవేక్ఖన్తి, ఫలం పచ్చవేక్ఖన్తి, నిబ్బానం పచ్చవేక్ఖన్తి. నిబ్బానం గోత్రభుస్స, వోదానస్స, ఆవజ్జనాయ ఆరమ్మణపచ్చయేన పచ్చయో. అరియా చేతోపరియఞాణేన అసంకిలిట్ఠఅసంకిలేసికచిత్తసమఙ్గిస్స చిత్తం జానన్తి. అసంకిలిట్ఠఅసంకిలేసికా ఖన్ధా చేతోపరియఞాణస్స, పుబ్బేనివాసానుస్సతిఞాణస్స, అనాగతంసఞాణస్స, ఆవజ్జనాయ ఆరమ్మణపచ్చయేన పచ్చయో. (౨)

అధిపతిపచ్చయో

౧౧. సంకిలిట్ఠసంకిలేసికో ధమ్మో సంకిలిట్ఠసంకిలేసికస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – రాగం గరుం కత్వా అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి; దిట్ఠిం గరుం కత్వా అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి. సహజాతాధిపతి – సంకిలిట్ఠసంకిలేసికాధిపతి సమ్పయుత్తకానం ఖన్ధానం అధిపతిపచ్చయేన పచ్చయో. (౧)

సంకిలిట్ఠసంకిలేసికో ధమ్మో అసంకిలిట్ఠసంకిలేసికస్స ధమ్మస్స అధిపతిపచ్చయేన పచ్చయో. సహజాతాధిపతి – సంకిలిట్ఠసంకిలేసికాధిపతి చిత్తసముట్ఠానానం రూపానం అధిపతిపచ్చయేన పచ్చయో. (౨)

సంకిలిట్ఠసంకిలేసికో ధమ్మో సంకిలిట్ఠసంకిలేసికస్స చ అసంకిలిట్ఠసంకిలేసికస్స చ ధమ్మస్స అధిపతిపచ్చయేన పచ్చయో. సహజాతాధిపతి – సంకిలిట్ఠసంకిలేసికాధిపతి సమ్పయుత్తకానం ఖన్ధానం చిత్తసముట్ఠానానఞ్చ రూపానం అధిపతిపచ్చయేన పచ్చయో. (౩)

౧౨. అసంకిలిట్ఠసంకిలేసికో ధమ్మో అసంకిలిట్ఠసంకిలేసికస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – దానం దత్వా, సీలం సమాదియిత్వా, ఉపోసథకమ్మం కత్వా తం గరుం కత్వా పచ్చవేక్ఖతి, పుబ్బే సుచిణ్ణాని గరుం కత్వా పచ్చవేక్ఖతి, ఝానా వుట్ఠహిత్వా ఝానం గరుం కత్వా పచ్చవేక్ఖతి, సేక్ఖా గోత్రభుం గరుం కత్వా పచ్చవేక్ఖన్తి, వోదానం గరుం కత్వా పచ్చవేక్ఖన్తి. సహజాతాధిపతి – అసంకిలిట్ఠసంకిలేసికాధిపతి సమ్పయుత్తకానం ఖన్ధానం చిత్తసముట్ఠానానఞ్చ రూపానం అధిపతిపచ్చయేన పచ్చయో. (౧)

అసంకిలిట్ఠసంకిలేసికో ధమ్మో సంకిలిట్ఠసంకిలేసికస్స ధమ్మస్స అధిపతిపచ్చయేన పచ్చయో. ఆరమ్మణాధిపతి – దానం దత్వా, సీలం సమాదియిత్వా, ఉపోసథకమ్మం కత్వా తం గరుం కత్వా అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి, పుబ్బే సుచిణ్ణాని గరుం కత్వా అస్సాదేతి అభినన్దతి…పే… ఝానా వుట్ఠహిత్వా ఝానం గరుం కత్వా అస్సాదేతి అభినన్దతి…పే… చక్ఖుం గరుం కత్వా అస్సాదేతి అభినన్దతి…పే… ఫోట్ఠబ్బే…పే… వత్థుం అసంకిలిట్ఠసంకిలేసికే ఖన్ధే గరుం కత్వా అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి. (౨)

అసంకిలిట్ఠఅసంకిలేసికో ధమ్మో అసంకిలిట్ఠఅసంకిలేసికస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – నిబ్బానం మగ్గస్స, ఫలస్స అధిపతిపచ్చయేన పచ్చయో. సహజాతాధిపతి – అసంకిలిట్ఠఅసంకిలేసికాధిపతి సమ్పయుత్తకానం ఖన్ధానం అధిపతిపచ్చయేన పచ్చయో. (౧)

అసంకిలిట్ఠఅసంకిలేసికో ధమ్మో అసంకిలిట్ఠసంకిలేసికస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – అరియా మగ్గా వుట్ఠహిత్వా మగ్గం గరుం కత్వా పచ్చవేక్ఖన్తి, ఫలం గరుం కత్వా పచ్చవేక్ఖన్తి, నిబ్బానం గరుం కత్వా పచ్చవేక్ఖన్తి, నిబ్బానం గోత్రభుస్స, వోదానస్స అధిపతిపచ్చయేన పచ్చయో. సహజాతాధిపతి – అసంకిలిట్ఠఅసంకిలేసికాధిపతి చిత్తసముట్ఠానానం రూపానం అధిపతిపచ్చయేన పచ్చయో. (౨)

అసంకిలిట్ఠఅసంకిలేసికో ధమ్మో అసంకిలిట్ఠసంకిలేసికస్స చ అసంకిలిట్ఠఅసంకిలేసికస్స చ ధమ్మస్స అధిపతిపచ్చయేన పచ్చయో. సహజాతాధిపతి – అసంకిలిట్ఠఅసంకిలేసికాధిపతి సమ్పయుత్తకానం ఖన్ధానం చిత్తసముట్ఠానానఞ్చ రూపానం అధిపతిపచ్చయేన పచ్చయో. (౩)

అనన్తరపచ్చయో

౧౩. సంకిలిట్ఠసంకిలేసికో ధమ్మో సంకిలిట్ఠసంకిలేసికస్స ధమ్మస్స అనన్తరపచ్చయేన పచ్చయో – పురిమా పురిమా సంకిలిట్ఠసంకిలేసికా ఖన్ధా పచ్ఛిమానం పచ్ఛిమానం సంకిలిట్ఠసంకిలేసికానం ఖన్ధానం అనన్తరపచ్చయేన పచ్చయో. (౧)

సంకిలిట్ఠసంకిలేసికో ధమ్మో అసంకిలిట్ఠసంకిలేసికస్స ధమ్మస్స అనన్తరపచ్చయేన పచ్చయో – సంకిలిట్ఠసంకిలేసికా ఖన్ధా వుట్ఠానస్స అనన్తరపచ్చయేన పచ్చయో. (౨)

అసంకిలిట్ఠసంకిలేసికో ధమ్మో అసంకిలిట్ఠసంకిలేసికస్స ధమ్మస్స అనన్తరపచ్చయేన పచ్చయో – పురిమా పురిమా అసంకిలిట్ఠసంకిలేసికా ఖన్ధా పచ్ఛిమానం పచ్ఛిమానం అసంకిలిట్ఠసంకిలేసికానం ఖన్ధానం అనన్తరపచ్చయేన పచ్చయో. అనులోమం గోత్రభుస్స… అనులోమం వోదానస్స… ఆవజ్జనా అసంకిలిట్ఠసంకిలేసికానం ఖన్ధానం అనన్తరపచ్చయేన పచ్చయో. (౧)

అసంకిలిట్ఠసంకిలేసికో ధమ్మో సంకిలిట్ఠసంకిలేసికస్స ధమ్మస్స అనన్తరపచ్చయేన పచ్చయో – ఆవజ్జనా సంకిలిట్ఠసంకిలేసికానం ఖన్ధానం అనన్తరపచ్చయేన పచ్చయో. (౨)

అసంకిలిట్ఠసంకిలేసికో ధమ్మో అసంకిలిట్ఠఅసంకిలేసికస్స ధమ్మస్స అనన్తరపచ్చయేన పచ్చయో – గోత్రభు మగ్గస్స… వోదానం మగ్గస్స … అనులోమం ఫలసమాపత్తియా… నిరోధా వుట్ఠహన్తస్స నేవసఞ్ఞానాసఞ్ఞాయతనం ఫలసమాపత్తియా అనన్తరపచ్చయేన పచ్చయో. (౩)

అసంకిలిట్ఠఅసంకిలేసికో ధమ్మో అసంకిలిట్ఠఅసంకిలేసికస్స ధమ్మస్స అనన్తరపచ్చయేన పచ్చయో – పురిమా పురిమా అసంకిలిట్ఠఅసంకిలేసికా ఖన్ధా పచ్ఛిమానం పచ్ఛిమానం అసంకిలిట్ఠఅసంకిలేసికానం ఖన్ధానం అనన్తరపచ్చయేన పచ్చయో. మగ్గో ఫలస్స… ఫలం ఫలస్స అనన్తరపచ్చయేన పచ్చయో. (౧)

అసంకిలిట్ఠఅసంకిలేసికో ధమ్మో అసంకిలిట్ఠసంకిలేసికస్స ధమ్మస్స అనన్తరపచ్చయేన పచ్చయో – ఫలం వుట్ఠానస్స అనన్తరపచ్చయేన పచ్చయో. (౨)

సమనన్తరపచ్చయాది

౧౪. సంకిలిట్ఠసంకిలేసికో ధమ్మో సంకిలిట్ఠసంకిలేసికస్స ధమ్మస్స సమనన్తరపచ్చయేన పచ్చయో…పే… సహజాతపచ్చయేన పచ్చయో… అఞ్ఞమఞ్ఞపచ్చయేన పచ్చయో… నిస్సయపచ్చయేన పచ్చయో… ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో …పే…. పకతూపనిస్సయో – రాగం ఉపనిస్సాయ పాణం హనతి…పే… సఙ్ఘం భిన్దతి…పే… దోసం ఉపనిస్సాయ పాణం హనతి…పే… సఙ్ఘం భిన్దతి. రాగో…పే… పత్థనా రాగస్స…పే… పత్థనాయ ఉపనిస్సయపచ్చయేన పచ్చయో. పాణాతిపాతో పాణాతిపాతస్స ఉపనిస్సయపచ్చయేన పచ్చయో…పే… నియతమిచ్ఛాదిట్ఠి నియతమిచ్ఛాదిట్ఠియా ఉపనిస్సయపచ్చయేన పచ్చయో…పే…. (౧)

సంకిలిట్ఠసంకిలేసికో ధమ్మో అసంకిలిట్ఠసంకిలేసికస్స ధమ్మస్స ఉపనిస్సయపచ్చయేన పచ్చయో – అనన్తరూపనిస్సయో, పకతూపనిస్సయో…పే…. పకతూపనిస్సయో – రాగం ఉపనిస్సాయ దానం దేతి, సీలం సమాదియతి, ఉపోసథకమ్మం కరోతి, ఝానం… విపస్సనం… అభిఞ్ఞం ఉప్పాదేతి, సమాపత్తిం ఉప్పాదేతి…పే… పత్థనం ఉపనిస్సాయ దానం దేతి…పే… సమాపత్తిం ఉప్పాదేతి. రాగో…పే… పత్థనా సద్ధాయ…పే… కాయికస్స సుఖస్స, కాయికస్స దుక్ఖస్స ఉపనిస్సయపచ్చయేన పచ్చయో. పాణం హన్త్వా తస్స పటిఘాతత్థాయ దానం దేతి, సీలం సమాదియతి, ఉపోసథకమ్మం కరోతి, ఝానం ఉప్పాదేతి, విపస్సనం ఉప్పాదేతి, అభిఞ్ఞం ఉప్పాదేతి, సమాపత్తిం ఉప్పాదేతి…పే… సఙ్ఘం భిన్దిత్వా తస్స పటిఘాతత్థాయ దానం దేతి, సీలం సమాదియతి, ఉపోసథకమ్మం కరోతి. అకుసలం కమ్మం విపాకస్స ఉపనిస్సయపచ్చయేన పచ్చయో. (౨)

సంకిలిట్ఠసంకిలేసికో ధమ్మో అసంకిలిట్ఠఅసంకిలేసికస్స ధమ్మస్స ఉపనిస్సయపచ్చయేన పచ్చయో. పకతూపనిస్సయో – రాగం ఉపనిస్సాయ మగ్గం ఉప్పాదేతి, ఫలసమాపత్తిం సమాపజ్జతి. దోసం…పే… పత్థనం ఉపనిస్సాయ మగ్గం ఉప్పాదేతి, ఫలసమాపత్తిం సమాపజ్జతి. రాగో…పే… పత్థనా మగ్గస్స… ఫలసమాపత్తియా ఉపనిస్సయపచ్చయేన పచ్చయో. (౩)

౧౫. అసంకిలిట్ఠసంకిలేసికో ధమ్మో అసంకిలిట్ఠసంకిలేసికస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – సద్ధం ఉపనిస్సాయ దానం దేతి…పే… సమాపత్తిం ఉప్పాదేతి. సీలం… సుతం… చాగం… పఞ్ఞం… కాయికం సుఖం… కాయికం దుక్ఖం… ఉతుం… భోజనం… సేనాసనం ఉపనిస్సాయ దానం దేతి…పే… సమాపత్తిం ఉప్పాదేతి. సద్ధా…పే… సేనాసనం సద్ధాయ…పే… కాయికస్స సుఖస్స, కాయికస్స దుక్ఖస్స ఉపనిస్సయపచ్చయేన పచ్చయో. కుసలం కమ్మం విపాకస్స ఉపనిస్సయపచ్చయేన పచ్చయో. పఠమస్స ఝానస్స పరికమ్మం పఠమస్స ఝానస్స…పే… ఆకిఞ్చఞ్ఞాయతనం నేవసఞ్ఞానాసఞ్ఞాయతనస్స…పే…. (౧)

అసంకిలిట్ఠసంకిలేసికో ధమ్మో సంకిలిట్ఠసంకిలేసికస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – సద్ధం ఉపనిస్సాయ మానం జప్పేతి, దిట్ఠిం గణ్హాతి; సీలం…పే… సేనాసనం ఉపనిస్సాయ పాణం హనతి…పే… సఙ్ఘం భిన్దతి, సద్ధా…పే… సేనాసనం రాగస్స…పే… పత్థనాయ ఉపనిస్సయపచ్చయేన పచ్చయో. (౨)

అసంకిలిట్ఠసంకిలేసికో ధమ్మో అసంకిలిట్ఠఅసంకిలేసికస్స ధమ్మస్స ఉపనిస్సయపచ్చయేన పచ్చయో – అనన్తరూపనిస్సయో, పకతూపనిస్సయో…పే…. పకతూపనిస్సయో – పఠమస్స మగ్గస్స పరికమ్మం పఠమస్స మగ్గస్స…పే… దుతియస్స మగ్గస్స…పే… తతియస్స మగ్గస్స…పే… చతుత్థస్స మగ్గస్స ఉపనిస్సయపచ్చయేన పచ్చయో. (౩)

౧౬. అసంకిలిట్ఠఅసంకిలేసికో ధమ్మో అసంకిలిట్ఠఅసంకిలేసికస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – పఠమో మగ్గో దుతియస్స మగ్గస్స…పే… దుతియో మగ్గో తతియస్స మగ్గస్స…పే… తతియో మగ్గో చతుత్థస్స మగ్గస్స…పే… మగ్గో ఫలసమాపత్తియా ఉపనిస్సయపచ్చయేన పచ్చయో. (౧)

అసంకిలిట్ఠఅసంకిలేసికో ధమ్మో అసంకిలిట్ఠసంకిలేసికస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – అరియా మగ్గం ఉపనిస్సాయ అనుప్పన్నం సమాపత్తిం ఉప్పాదేన్తి, ఉప్పన్నం సమాపత్తిం సమాపజ్జన్తి, సఙ్ఖారే అనిచ్చతో దుక్ఖతో అనత్తతో విపస్సన్తి. మగ్గో అరియానం అత్థప్పటిసమ్భిదాయ…పే… ఠానాఠానకోసల్లస్స ఉపనిస్సయపచ్చయేన పచ్చయో. ఫలసమాపత్తి కాయికస్స సుఖస్స ఉపనిస్సయపచ్చయేన పచ్చయో. (౨)

పురేజాతపచ్చయో

౧౭. అసంకిలిట్ఠసంకిలేసికో ధమ్మో అసంకిలిట్ఠసంకిలేసికస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం అనిచ్చతో దుక్ఖతో అనత్తతో విపస్సతి; సోతం… ఘానం… జివ్హం… కాయం… రూపే… సద్దే… గన్ధే… రసే… ఫోట్ఠబ్బే… వత్థుం అనిచ్చతో దుక్ఖతో అనత్తతో విపస్సతి, దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి. రూపాయతనం చక్ఖువిఞ్ఞాణస్స…పే… ఫోట్ఠబ్బాయతనం కాయవిఞ్ఞాణస్స పురేజాతపచ్చయేన పచ్చయో. వత్థుపురేజాతం – చక్ఖాయతనం చక్ఖువిఞ్ఞాణస్స…పే… కాయాయతనం కాయవిఞ్ఞాణస్స పురేజాతపచ్చయేన పచ్చయో. వత్థు అసంకిలిట్ఠసంకిలేసికానం ఖన్ధానం పురేజాతపచ్చయేన పచ్చయో. (౧)

అసంకిలిట్ఠసంకిలేసికో ధమ్మో సంకిలిట్ఠసంకిలేసికస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం అస్సాదేతి అభినన్దతి; తం ఆరబ్భ రాగో ఉప్పజ్జతి…పే… దోమనస్సం ఉప్పజ్జతి. సోతం…పే… ఫోట్ఠబ్బే… వత్థుం అస్సాదేతి అభినన్దతి; తం ఆరబ్భ రాగో ఉప్పజ్జతి…పే… దోమనస్సం ఉప్పజ్జతి. వత్థుపురేజాతం – వత్థు సంకిలిట్ఠసంకిలేసికానం ఖన్ధానం పురేజాతపచ్చయేన పచ్చయో. (౨)

అసంకిలిట్ఠసంకిలేసికో ధమ్మో అసంకిలిట్ఠఅసంకిలేసికస్స ధమ్మస్స పురేజాతపచ్చయేన పచ్చయో – వత్థు అసంకిలిట్ఠఅసంకిలేసికానం ఖన్ధానం పురేజాతపచ్చయేన పచ్చయో. (౩)

పచ్ఛాజాతపచ్చయో

౧౮. సంకిలిట్ఠసంకిలేసికో ధమ్మో అసంకిలిట్ఠసంకిలేసికస్స ధమ్మస్స పచ్ఛాజాతపచ్చయేన పచ్చయో – పచ్ఛాజాతా సంకిలిట్ఠసంకిలేసికా ఖన్ధా పురేజాతస్స ఇమస్స కాయస్స పచ్ఛాజాతపచ్చయేన పచ్చయో. (౧)

అసంకిలిట్ఠసంకిలేసికో ధమ్మో అసంకిలిట్ఠసంకిలేసికస్స ధమ్మస్స పచ్ఛాజాతపచ్చయేన పచ్చయో – పచ్ఛాజాతా అసంకిలిట్ఠసంకిలేసికా ఖన్ధా పురేజాతస్స ఇమస్స కాయస్స పచ్ఛాజాతపచ్చయేన పచ్చయో. (౧)

అసంకిలిట్ఠఅసంకిలేసికో ధమ్మో అసంకిలిట్ఠసంకిలేసికస్స ధమ్మస్స పచ్ఛాజాతపచ్చయేన పచ్చయో – పచ్ఛాజాతా అసంకిలిట్ఠఅసంకిలేసికా ఖన్ధా పురేజాతస్స ఇమస్స కాయస్స పచ్ఛాజాతపచ్చయేన పచ్చయో. (౧)

ఆసేవనపచ్చయో

౧౯. సంకిలిట్ఠసంకిలేసికో ధమ్మో సంకిలిట్ఠసంకిలేసికస్స ధమ్మస్స ఆసేవనపచ్చయేన పచ్చయో – పురిమా పురిమా సంకిలిట్ఠసంకిలేసికా ఖన్ధా పచ్ఛిమానం పచ్ఛిమానం సంకిలిట్ఠసంకిలేసికానం ఖన్ధానం ఆసేవనపచ్చయేన పచ్చయో. (౧)

అసంకిలిట్ఠసంకిలేసికో ధమ్మో అసంకిలిట్ఠసంకిలేసికస్స ధమ్మస్స ఆసేవనపచ్చయేన పచ్చయో – పురిమా పురిమా…పే… అనులోమం గోత్రభుస్స… అనులోమం వోదానస్స ఆసేవనపచ్చయేన పచ్చయో. (౧)

అసంకిలిట్ఠసంకిలేసికో ధమ్మో అసంకిలిట్ఠఅసంకిలేసికస్స ధమ్మస్స ఆసేవనపచ్చయేన పచ్చయో – గోత్రభు మగ్గస్స… వోదానం మగ్గస్స ఆసేవనపచ్చయేన పచ్చయో. (౨)

కమ్మపచ్చయో

౨౦. సంకిలిట్ఠసంకిలేసికో ధమ్మో సంకిలిట్ఠసంకిలేసికస్స ధమ్మస్స కమ్మపచ్చయేన పచ్చయో – సంకిలిట్ఠసంకిలేసికా చేతనా సమ్పయుత్తకానం ఖన్ధానం కమ్మపచ్చయేన పచ్చయో. (౧)

సంకిలిట్ఠసంకిలేసికో ధమ్మో అసంకిలిట్ఠసంకిలేసికస్స ధమ్మస్స కమ్మపచ్చయేన పచ్చయో – సహజాతా, నానాక్ఖణికా. సహజాతా – సంకిలిట్ఠసంకిలేసికా చేతనా చిత్తసముట్ఠానానం రూపానం కమ్మపచ్చయేన పచ్చయో. నానాక్ఖణికా – సంకిలిట్ఠసంకిలేసికా చేతనా విపాకానం ఖన్ధానం కటత్తా చ రూపానం కమ్మపచ్చయేన పచ్చయో. (౨)

సంకిలిట్ఠసంకిలేసికో ధమ్మో సంకిలిట్ఠసంకిలేసికస్స చ అసంకిలిట్ఠసంకిలేసికస్స చ ధమ్మస్స కమ్మపచ్చయేన పచ్చయో – సంకిలిట్ఠసంకిలేసికా చేతనా సమ్పయుత్తకానం ఖన్ధానం చిత్తసముట్ఠానానఞ్చ రూపానం కమ్మపచ్చయేన పచ్చయో. (౩)

అసంకిలిట్ఠసంకిలేసికో ధమ్మో అసంకిలిట్ఠసంకిలేసికస్స ధమ్మస్స కమ్మపచ్చయేన పచ్చయో – సహజాతా, నానాక్ఖణికా. సహజాతా – అసంకిలిట్ఠసంకిలేసికా చేతనా సమ్పయుత్తకానం ఖన్ధానం చిత్తసముట్ఠానానఞ్చ రూపానం కమ్మపచ్చయేన పచ్చయో. పటిసన్ధిక్ఖణే…పే…. నానాక్ఖణికా – అసంకిలిట్ఠసంకిలేసికా చేతనా విపాకానం ఖన్ధానం కటత్తా చ రూపానం కమ్మపచ్చయేన పచ్చయో. (౧)

అసంకిలిట్ఠఅసంకిలేసికో ధమ్మో అసంకిలిట్ఠఅసంకిలేసికస్స ధమ్మస్స కమ్మపచ్చయేన పచ్చయో – సహజాతా, నానాక్ఖణికా. సహజాతా – అసంకిలిట్ఠఅసంకిలేసికా చేతనా సమ్పయుత్తకానం ఖన్ధానం కమ్మపచ్చయేన పచ్చయో. నానాక్ఖణికా – అసంకిలిట్ఠఅసంకిలేసికా కుసలా చేతనా విపాకానం అసంకిలిట్ఠఅసంకిలేసికానం ఖన్ధానం కమ్మపచ్చయేన పచ్చయో. (౧)

అసంకిలిట్ఠఅసంకిలేసికో ధమ్మో అసంకిలిట్ఠసంకిలేసికస్స ధమ్మస్స కమ్మపచ్చయేన పచ్చయో – సహజాతా అసంకిలిట్ఠఅసంకిలేసికా చేతనా చిత్తసముట్ఠానానం రూపానం కమ్మపచ్చయేన పచ్చయో. (౨)

అసంకిలిట్ఠఅసంకిలేసికో ధమ్మో అసంకిలిట్ఠసంకిలేసికస్స చ అసంకిలిట్ఠఅసంకిలేసికస్స చ ధమ్మస్స కమ్మపచ్చయేన పచ్చయో – సహజాతా అసంకిలిట్ఠఅసంకిలేసికా చేతనా సమ్పయుత్తకానం ఖన్ధానం చిత్తసముట్ఠానానఞ్చ రూపానం కమ్మపచ్చయేన పచ్చయో. (౩)

విపాకపచ్చయో

౨౧. అసంకిలిట్ఠసంకిలేసికో ధమ్మో అసంకిలిట్ఠసంకిలేసికస్స ధమ్మస్స విపాకపచ్చయేన పచ్చయో – విపాకో అసంకిలిట్ఠసంకిలేసికో ఏకో ఖన్ధో తిణ్ణన్నం ఖన్ధానం చిత్తసముట్ఠానానఞ్చ రూపానం విపాకపచ్చయేన పచ్చయో…పే… ద్వే ఖన్ధా ద్విన్నం ఖన్ధానం…పే… పటిసన్ధిక్ఖణే అసంకిలిట్ఠసంకిలేసికో ఏకో ఖన్ధో తిణ్ణన్నం ఖన్ధానం కటత్తా చ రూపానం విపాకపచ్చయేన పచ్చయో =౧౯ …పే… ద్వే ఖన్ధా ద్విన్నం ఖన్ధానం…పే… ఖన్ధా వత్థుస్స విపాకపచ్చయేన పచ్చయో. (౧)

అసంకిలిట్ఠఅసంకిలేసికో ధమ్మో అసంకిలిట్ఠఅసంకిలేసికస్స ధమ్మస్స విపాకపచ్చయేన పచ్చయో – విపాకో అసంకిలిట్ఠఅసంకిలేసికో ఏకో ఖన్ధో తిణ్ణన్నం ఖన్ధానం విపాకపచ్చయేన పచ్చయో…పే… ద్వే ఖన్ధా ద్విన్నం ఖన్ధానం…పే…. (౧)

అసంకిలిట్ఠఅసంకిలేసికో ధమ్మో అసంకిలిట్ఠసంకిలేసికస్స ధమ్మస్స విపాకపచ్చయేన పచ్చయో – విపాకా అసంకిలిట్ఠఅసంకిలేసికా ఖన్ధా చిత్తసముట్ఠానానం రూపానం విపాకపచ్చయేన పచ్చయో. (౨) అసంకిలిట్ఠఅసంకిలేసికో ధమ్మో అసంకిలిట్ఠసంకిలేసికస్స చ అసంకిలిట్ఠఅసంకిలేసికస్స చ ధమ్మస్స విపాకపచ్చయేన పచ్చయో – విపాకో అసంకిలిట్ఠఅసంకిలేసికో ఏకో ఖన్ధో తిణ్ణన్నం ఖన్ధానం చిత్తసముట్ఠానానఞ్చ రూపానం విపాకపచ్చయేన పచ్చయో…పే… ద్వే ఖన్ధా…పే…. (౩)

ఆహారపచ్చయో

౨౨. సంకిలిట్ఠసంకిలేసికో ధమ్మో సంకిలిట్ఠసంకిలేసికస్స ధమ్మస్స ఆహారపచ్చయేన పచ్చయో… తీణి.

అసంకిలిట్ఠసంకిలేసికో ధమ్మో అసంకిలిట్ఠసంకిలేసికస్స ధమ్మస్స ఆహారపచ్చయేన పచ్చయో – అసంకిలిట్ఠసంకిలేసికా ఆహారా సమ్పయుత్తకానం ఖన్ధానం చిత్తసముట్ఠానానఞ్చ రూపానం ఆహారపచ్చయేన పచ్చయో. పటిసన్ధిక్ఖణే…పే… కబళీకారో ఆహారో ఇమస్స కాయస్స ఆహారపచ్చయేన పచ్చయో.

అసంకిలిట్ఠఅసంకిలేసికో ధమ్మో అసంకిలిట్ఠఅసంకిలేసికస్స ధమ్మస్స ఆహారపచ్చయేన పచ్చయో… తీణి.

ఇన్ద్రియపచ్చయో

౨౩. సంకిలిట్ఠసంకిలేసికో ధమ్మో సంకిలిట్ఠసంకిలేసికస్స ధమ్మస్స ఇన్ద్రియపచ్చయేన పచ్చయో… తీణి.

అసంకిలిట్ఠసంకిలేసికో ధమ్మో అసంకిలిట్ఠసంకిలేసికస్స ధమ్మస్స ఇన్ద్రియపచ్చయేన పచ్చయో – అసంకిలిట్ఠసంకిలేసికా ఇన్ద్రియా సమ్పయుత్తకానం ఖన్ధానం చిత్తసముట్ఠానానఞ్చ రూపానం ఇన్ద్రియపచ్చయేన పచ్చయో; పటిసన్ధిక్ఖణే…పే… చక్ఖున్ద్రియం చక్ఖువిఞ్ఞాణస్స…పే… కాయిన్ద్రియం కాయవిఞ్ఞాణస్స ఇన్ద్రియపచ్చయేన పచ్చయో. రూపజీవితిన్ద్రియం కటత్తారూపానం ఇన్ద్రియపచ్చయేన పచ్చయో.

అసంకిలిట్ఠఅసంకిలేసికో ధమ్మో… తీణి.

ఝానపచ్చయాది

౨౪. సంకిలిట్ఠసంకిలేసికో ధమ్మో సంకిలిట్ఠసంకిలేసికస్స ధమ్మస్స ఝానపచ్చయేన పచ్చయో… మగ్గపచ్చయేన పచ్చయో… సమ్పయుత్తపచ్చయేన పచ్చయో.

విప్పయుత్తపచ్చయో

౨౫. సంకిలిట్ఠసంకిలేసికో ధమ్మో అసంకిలిట్ఠసంకిలేసికస్స ధమ్మస్స విప్పయుత్తపచ్చయేన పచ్చయో – సహజాతం, పచ్ఛాజాతం. సహజాతా – సంకిలిట్ఠసంకిలేసికా ఖన్ధా చిత్తసముట్ఠానానం రూపానం విప్పయుత్తపచ్చయేన పచ్చయో. పచ్ఛాజాతా – సంకిలిట్ఠసంకిలేసికా ఖన్ధా పురేజాతస్స ఇమస్స కాయస్స విప్పయుత్తపచ్చయేన పచ్చయో. (౧)

అసంకిలిట్ఠసంకిలేసికో ధమ్మో అసంకిలిట్ఠసంకిలేసికస్స ధమ్మస్స విప్పయుత్తపచ్చయేన పచ్చయో – సహజాతం, పురేజాతం, పచ్ఛాజాతం. సహజాతా – అసంకిలిట్ఠసంకిలేసికా ఖన్ధా చిత్తసముట్ఠానానం రూపానం విప్పయుత్తపచ్చయేన పచ్చయో; పటిసన్ధిక్ఖణే అసంకిలిట్ఠసంకిలేసికా ఖన్ధా కటత్తారూపానం విప్పయుత్తపచ్చయేన పచ్చయో. ఖన్ధా వత్థుస్స…పే… వత్థు ఖన్ధానం విప్పయుత్తపచ్చయేన పచ్చయో. పురేజాతం – చక్ఖాయతనం చక్ఖువిఞ్ఞాణస్స…పే… కాయాయతనం కాయవిఞ్ఞాణస్స విప్పయుత్తపచ్చయేన పచ్చయో. వత్థు అసంకిలిట్ఠసంకిలేసికానం ఖన్ధానం విప్పయుత్తపచ్చయేన పచ్చయో. పచ్ఛాజాతా – అసంకిలిట్ఠసంకిలేసికా ఖన్ధా పురేజాతస్స ఇమస్స కాయస్స విప్పయుత్తపచ్చయేన పచ్చయో. (౧)

అసంకిలిట్ఠసంకిలేసికో ధమ్మో సంకిలిట్ఠసంకిలేసికస్స ధమ్మస్స విప్పయుత్తపచ్చయేన పచ్చయో. పురేజాతం – వత్థు సంకిలిట్ఠసంకిలేసికానం ఖన్ధానం విప్పయుత్తపచ్చయేన పచ్చయో. (౨)

అసంకిలిట్ఠసంకిలేసికో ధమ్మో అసంకిలిట్ఠఅసంకిలేసికస్స ధమ్మస్స విప్పయుత్తపచ్చయేన పచ్చయో. పురేజాతం – వత్థు అసంకిలిట్ఠఅసంకిలేసికానం ఖన్ధానం విప్పయుత్తపచ్చయేన పచ్చయో. (౩)

అసంకిలిట్ఠఅసంకిలేసికో ధమ్మో అసంకిలిట్ఠసంకిలేసికస్స ధమ్మస్స విప్పయుత్తపచ్చయేన పచ్చయో – సహజాతం, పచ్ఛాజాతం. సహజాతా – అసంకిలిట్ఠఅసంకిలేసికా ఖన్ధా చిత్తసముట్ఠానానం రూపానం విప్పయుత్తపచ్చయేన పచ్చయో. పచ్ఛాజాతా – అసంకిలిట్ఠఅసంకిలేసికా ఖన్ధా పురేజాతస్స ఇమస్స కాయస్స విప్పయుత్తపచ్చయేన పచ్చయో. (౧)

అత్థిపచ్చయో

౨౬. సంకిలిట్ఠసంకిలేసికో ధమ్మో సంకిలిట్ఠసంకిలేసికస్స ధమ్మస్స అత్థిపచ్చయేన పచ్చయో – సంకిలిట్ఠసంకిలేసికో ఏకో ఖన్ధో తిణ్ణన్నం ఖన్ధానం అత్థిపచ్చయేన పచ్చయో. (౧)

సంకిలిట్ఠసంకిలేసికో ధమ్మో అసంకిలిట్ఠసంకిలేసికస్స ధమ్మస్స అత్థిపచ్చయేన పచ్చయో – సహజాతం, పచ్ఛాజాతం. సహజాతా – సంకిలిట్ఠసంకిలేసికా ఖన్ధా చిత్తసముట్ఠానానం రూపానం అత్థిపచ్చయేన పచ్చయో. పచ్ఛాజాతా – సంకిలిట్ఠసంకిలేసికా ఖన్ధా పురేజాతస్స ఇమస్స కాయస్స అత్థిపచ్చయేన పచ్చయో. (౨)

సంకిలిట్ఠసంకిలేసికో ధమ్మో సంకిలిట్ఠసంకిలేసికస్స చ అసంకిలిట్ఠసంకిలేసికస్స చ ధమ్మస్స అత్థిపచ్చయేన పచ్చయో – సంకిలిట్ఠసంకిలేసికో ఏకో ఖన్ధో తిణ్ణన్నం ఖన్ధానం చిత్తసముట్ఠానానఞ్చ రూపానం అత్థిపచ్చయేన పచ్చయో…పే… ద్వే ఖన్ధా…పే…. (౩)

౨౭. అసంకిలిట్ఠసంకిలేసికో ధమ్మో అసంకిలిట్ఠసంకిలేసికస్స ధమ్మస్స అత్థిపచ్చయేన పచ్చయో – సహజాతం, పురేజాతం, పచ్ఛాజాతం, ఆహారం, ఇన్ద్రియం. సహజాతో – అసంకిలిట్ఠసంకిలేసికో ఏకో ఖన్ధో తిణ్ణన్నం ఖన్ధానం చిత్తసముట్ఠానానఞ్చ రూపానం అత్థిపచ్చయేన పచ్చయో…పే… పటిసన్ధిక్ఖణే…పే… అసఞ్ఞసత్తానం ఏకం మహాభూతం తిణ్ణన్నం మహాభూతానం అత్థిపచ్చయేన పచ్చయో…పే… పురేజాతం – చక్ఖుం అనిచ్చతో దుక్ఖతో అనత్తతో విపస్సతి. సోతం…పే… కాయం… రూపే…పే… ఫోట్ఠబ్బే… వత్థుం అనిచ్చతో దుక్ఖతో అనత్తతో విపస్సతి, దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి. రూపాయతనం చక్ఖువిఞ్ఞాణస్స…పే… ఫోట్ఠబ్బాయతనం కాయవిఞ్ఞాణస్స అత్థిపచ్చయేన పచ్చయో. చక్ఖాయతనం చక్ఖువిఞ్ఞాణస్స…పే… కాయాయతనం కాయవిఞ్ఞాణస్స…పే… వత్థు అసంకిలిట్ఠసంకిలేసికానం ఖన్ధానం అత్థిపచ్చయేన పచ్చయో. పచ్ఛాజాతా – అసంకిలిట్ఠసంకిలేసికా ఖన్ధా పురేజాతస్స ఇమస్స కాయస్స అత్థిపచ్చయేన పచ్చయో. కబళీకారో ఆహారో ఇమస్స కాయస్స…పే… రూపజీవితిన్ద్రియం కటత్తారూపానం అత్థిపచ్చయేన పచ్చయో. (౧)

అసంకిలిట్ఠసంకిలేసికో ధమ్మో సంకిలిట్ఠసంకిలేసికస్స ధమ్మస్స అత్థిపచ్చయేన పచ్చయో. పురేజాతం – చక్ఖుం అస్సాదేతి అభినన్దతి; తం ఆరబ్భ రాగో ఉప్పజ్జతి…పే… దోమనస్సం ఉప్పజ్జతి; వత్థుం అస్సాదేతి…పే… వత్థు సంకిలిట్ఠసంకిలేసికానం ఖన్ధానం అత్థిపచ్చయేన పచ్చయో. (౨)

అసంకిలిట్ఠసంకిలేసికో ధమ్మో అసంకిలిట్ఠఅసంకిలేసికస్స ధమ్మస్స అత్థిపచ్చయేన పచ్చయో. పురేజాతం – వత్థు అసంకిలిట్ఠఅసంకిలేసికానం ఖన్ధానం అత్థిపచ్చయేన పచ్చయో. (౩)

౨౮. అసంకిలిట్ఠఅసంకిలేసికో ధమ్మో అసంకిలిట్ఠఅసంకిలేసికస్స ధమ్మస్స అత్థిపచ్చయేన పచ్చయో – అసంకిలిట్ఠఅసంకిలేసికో ఏకో ఖన్ధో తిణ్ణన్నం ఖన్ధానం అత్థిపచ్చయేన పచ్చయో…. (౧)

అసంకిలిట్ఠఅసంకిలేసికో ధమ్మో అసఙ్కిలిట్ఠసంకిలిసికస్స ధమ్మస్స అత్థిపచ్చయేన పచ్చయో – సహజాతం, పచ్ఛాజాతం. సహజాతా – అసంకిలిట్ఠఅసంకిలేసికా ఖన్ధా చిత్తసముట్ఠానానం రూపానం అత్థిపచ్చయేన పచ్చయో. పచ్ఛాజాతా – అసంకిలిట్ఠఅసంకిలేసికా ఖన్ధా పురేజాతస్స ఇమస్స కాయస్స అత్థిపచ్చయేన పచ్చయో. (౨)

అసంకిలిట్ఠఅసంకిలేసికో ధమ్మో అసంకిలిట్ఠసంకిలేసికస్స చ అసంకిలిట్ఠఅసంకిలేసికస్స చ ధమ్మస్స అత్థిపచ్చయేన పచ్చయో – అసంకిలిట్ఠఅసంకిలేసికో ఏకో ఖన్ధో తిణ్ణన్నం ఖన్ధానం చిత్తసముట్ఠానానఞ్చ రూపానం అత్థిపచ్చయేన పచ్చయో…. (౩)

౨౯. అసంకిలిట్ఠసంకిలేసికో చ అసంకిలిట్ఠఅసంకిలేసికో చ ధమ్మా అసంకిలిట్ఠసంకిలేసికస్స ధమ్మస్స అత్థిపచ్చయేన పచ్చయో – సహజాతం, పచ్ఛాజాతం, ఆహారం, ఇన్ద్రియం. సహజాతా – అసంకిలిట్ఠఅసంకిలేసికా ఖన్ధా చ మహాభూతా చ చిత్తసముట్ఠానానం రూపానం అత్థిపచ్చయేన పచ్చయో. పచ్ఛాజాతా – అసంకిలిట్ఠఅసంకిలేసికా ఖన్ధా చ కబళీకారో ఆహారో చ ఇమస్స కాయస్స అత్థిపచ్చయేన పచ్చయో. పచ్ఛాజాతా – అసంకిలిట్ఠసంకిలేసికా ఖన్ధా చ రూపజీవితిన్ద్రియఞ్చ కటత్తారూపానం అత్థిపచ్చయేన పచ్చయో. (౧)

అసంకిలిట్ఠసంకిలేసికో చ అసంకిలిట్ఠఅసంకిలేసికో చ ధమ్మా అసంకిలిట్ఠఅసంకిలేసికస్స ధమ్మస్స అత్థిపచ్చయేన పచ్చయో – సహజాతం, పురేజాతం. సహజాతో – అసంకిలిట్ఠఅసంకిలేసికో ఏకో ఖన్ధో చ వత్థు చ తిణ్ణన్నం ఖన్ధానం అత్థిపచ్చయేన పచ్చయో…పే…. (౨)

సంకిలిట్ఠసంకిలేసికో చ అసంకిలిట్ఠసంకిలేసికో చ ధమ్మా సంకిలిట్ఠసంకిలేసికస్స ధమ్మస్స అత్థిపచ్చయేన పచ్చయో – సహజాతం, పురేజాతం. సహజాతో – సంకిలిట్ఠసంకిలేసికో ఏకో ఖన్ధో చ వత్థు చ తిణ్ణన్నం ఖన్ధానం అత్థిపచ్చయేన పచ్చయో… ద్వే ఖన్ధా…పే…. (౧)

సంకిలిట్ఠసంకిలేసికో చ అసంకిలిట్ఠసంకిలేసికో చ ధమ్మా అసంకిలిట్ఠసంకిలేసికస్స ధమ్మస్స అత్థిపచ్చయేన పచ్చయో – సహజాతం, పచ్ఛాజాతం, ఆహారం, ఇన్ద్రియం. సహజాతా – సంకిలిట్ఠసంకిలేసికా ఖన్ధా చ మహాభూతా చ చిత్తసముట్ఠానానం రూపానం అత్థిపచ్చయేన పచ్చయో. పచ్ఛాజాతా – సంకిలిట్ఠసంకిలేసికా ఖన్ధా చ కబళీకారో ఆహారో చ పురేజాతస్స ఇమస్స కాయస్స అత్థిపచ్చయేన పచ్చయో. పచ్ఛాజాతా – సంకిలిట్ఠసంకిలేసికా ఖన్ధా చ రూపజీవితిన్ద్రియఞ్చ కటత్తారూపానం అత్థిపచ్చయేన పచ్చయో. (౨)

నత్థి-విగతావిగతపచ్చయా

౩౦. సంకిలిట్ఠసంకిలేసికో ధమ్మో సంకిలిట్ఠసంకిలేసికస్స ధమ్మస్స నత్థిపచ్చయేన పచ్చయో… విగతపచ్చయేన పచ్చయో… అవిగతపచ్చయేన పచ్చయో.

౧. పచ్చయానులోమం

౨. సఙ్ఖ్యావారో

సుద్ధం

౩౧. హేతుయా సత్త, ఆరమ్మణే ఛ, అధిపతియా అట్ఠ, అనన్తరే సత్త, సమనన్తరే సత్త, సహజాతే నవ, అఞ్ఞమఞ్ఞే తీణి, నిస్సయే తేరస, ఉపనిస్సయే అట్ఠ, పురేజాతే తీణి, పచ్ఛాజాతే తీణి, ఆసేవనే తీణి, కమ్మే సత్త, విపాకే చత్తారి, ఆహారే సత్త, ఇన్ద్రియే సత్త, ఝానే సత్త, మగ్గే సత్త, సమ్పయుత్తే తీణి, విప్పయుత్తే పఞ్చ, అత్థియా తేరస, నత్థియా సత్త, విగతే సత్త, అవిగతే తేరస.

హేతుసభాగం

హేతుపచ్చయా అధిపతియా చత్తారి, సహజాతే సత్త, అఞ్ఞమఞ్ఞే తీణి, నిస్సయే సత్త, విపాకే చత్తారి, ఇన్ద్రియే చత్తారి, మగ్గే చత్తారి, సమ్పయుత్తే తీణి, విప్పయుత్తే తీణి, అత్థియా సత్త, అవిగతే సత్త.

హేతుసామఞ్ఞఘటనా (౯)

౩౨. హేతు-సహజాత-నిస్సయ-అత్థి-అవిగతన్తి సత్త. హేతు-సహజాత-అఞ్ఞమఞ్ఞ-నిస్సయఅత్థి-అవిగతన్తి తీణి. హేతు-సహజాత-అఞ్ఞమఞ్ఞ-నిస్సయ-సమ్పయుత్త-అత్థి-అవిగతన్తి తీణి. హేతు-సహజాత-నిస్సయ-విప్పయుత్త-అత్థి-అవిగతన్తి తీణి. (అవిపాకం – ౪)

హేతు-సహజాత-నిస్సయ-విపాక-అత్థి-అవిగతన్తి చత్తారి. హేతు-సహజాత-అఞ్ఞమఞ్ఞనిస్సయ-విపాక-అత్థి-అవిగతన్తి ద్వే. హేతు-సహజాత-అఞ్ఞమఞ్ఞ-నిస్సయ-విపాకసమ్పయుత్త-అత్థి-అవిగతన్తి ద్వే. హేతు-సహజాత-నిస్సయ-విపాక-విప్పయుత్త-అత్థి-అవిగతన్తి ద్వే. హేతు-సహజాత-అఞ్ఞమఞ్ఞ-నిస్సయ-విపాక-విప్పయుత్త-అత్థి-అవిగతన్తి ఏకం. (సవిపాకం – ౫) (సంఖిత్తం.)

(యథా కుసలత్తికే, ఏవం విత్థారేతబ్బం).

అనులోమం.

పచ్చనీయుద్ధారో

౩౩. సంకిలిట్ఠసంకిలేసికో ధమ్మో సంకిలిట్ఠసంకిలేసికస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో. (౧)

సంకిలిట్ఠసంకిలేసికో ధమ్మో అసంకిలిట్ఠసంకిలేసికస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో… పచ్ఛాజాతపచ్చయేన పచ్చయో… కమ్మపచ్చయేన పచ్చయో. (౨)

సంకిలిట్ఠసంకిలేసికో ధమ్మో అసంకిలిట్ఠఅసంకిలేసికస్స ధమ్మస్స ఉపనిస్సయపచ్చయేన పచ్చయో. (౩)