౧. విభఙ్గవారో

హేతుపచ్చయో

౫౧. ఉపాదిన్నుపాదానియో ధమ్మో ఉపాదిన్నుపాదానియస్స ధమ్మస్స హేతుపచ్చయేన పచ్చయో – ఉపాదిన్నుపాదానియా హేతూ సమ్పయుత్తకానం ఖన్ధానం హేతుపచ్చయేన పచ్చయో; పటిసన్ధిక్ఖణే ఉపాదిన్నుపాదానియా హేతూ సమ్పయుత్తకానం ఖన్ధానం కటత్తా చ రూపానం హేతుపచ్చయేన పచ్చయో. (౧)

ఉపాదిన్నుపాదానియో ధమ్మో అనుపాదిన్నుపాదానియస్స ధమ్మస్స హేతుపచ్చయేన పచ్చయో – ఉపాదిన్నుపాదానియా హేతూ చిత్తసముట్ఠానానం రూపానం హేతుపచ్చయేన పచ్చయో. (౨)

ఉపాదిన్నుపాదానియో ధమ్మో ఉపాదిన్నుపాదానియస్స చ అనుపాదిన్నుపాదానియస్స చ ధమ్మస్స హేతుపచ్చయేన పచ్చయో – ఉపాదిన్నుపాదానియా హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో. (౩)

అనుపాదిన్నుపాదానియో ధమ్మో అనుపాదిన్నుపాదానియస్స ధమ్మస్స హేతుపచ్చయేన పచ్చయో – అనుపాదిన్నుపాదానియా హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో. (౧)

అనుపాదిన్నఅనుపాదానియో ధమ్మో అనుపాదిన్నఅనుపాదానియస్స ధమ్మస్స హేతుపచ్చయేన పచ్చయో – అనుపాదిన్నఅనుపాదానియా హేతూ సమ్పయుత్తకానం ఖన్ధానం హేతుపచ్చయేన పచ్చయో. (౧)

అనుపాదిన్నఅనుపాదానియో ధమ్మో అనుపాదిన్నుపాదానియస్స ధమ్మస్స హేతుపచ్చయేన పచ్చయో – అనుపాదిన్నఅనుపాదానియా హేతూ చిత్తసముట్ఠానానం రూపానం హేతుపచ్చయేన పచ్చయో. (౨)

అనుపాదిన్నఅనుపాదానియో ధమ్మో అనుపాదిన్నుపాదానియస్స చ అనుపాదిన్నఅనుపాదానియస్స చ ధమ్మస్స హేతుపచ్చయేన పచ్చయో – అనుపాదిన్నఅనుపాదానియా హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో. (౩)

ఆరమ్మణపచ్చయో

౫౨. ఉపాదిన్నుపాదానియో ధమ్మో ఉపాదిన్నుపాదానియస్స ధమ్మస్స ఆరమ్మణపచ్చయేన పచ్చయో – సేక్ఖా వా పుథుజ్జనా వా చక్ఖుం అనిచ్చతో దుక్ఖతో అనత్తతో విపస్సన్తి, అస్సాదేన్తి అభినన్దన్తి; తం ఆరబ్భ రాగో ఉప్పజ్జతి…పే… దోమనస్సం ఉప్పజ్జతి; కుసలాకుసలే నిరుద్ధే విపాకో తదారమ్మణతా ఉప్పజ్జతి. సోతం… ఘానం… జివ్హం… కాయం… ఉపాదిన్నుపాదానియే రూపే… గన్ధే… రసే… ఫోట్ఠబ్బే… వత్థుం… ఉపాదిన్నుపాదానియే ఖన్ధే అనిచ్చతో దుక్ఖతో అనత్తతో విప్పస్సన్తి, అస్సాదేన్తి అభినన్దతి; తం ఆరబ్భ రాగో ఉప్పజ్జతి…పే… దోమనస్సం ఉప్పజ్జతి. కుసలాకుసలే నిరుద్ధే విపాకో తదారమ్మణతా ఉప్పజ్జతి. ఉపాదిన్నుపాదానియం రూపాయతనం చక్ఖువిఞ్ఞాణస్స…పే… ఉపాదిన్నుపాదానియం గన్ధాయతనం… రసాయతనం… ఫోట్ఠబ్బాయతనం కాయవిఞ్ఞాణస్స ఆరమ్మణపచ్చయేన పచ్చయో. (౧)

ఉపాదిన్నుపాదానియో ధమ్మో అనుపాదిన్నుపాదానియస్స ధమ్మస్స ఆరమ్మణపచ్చయేన పచ్చయో – చక్ఖుం అనిచ్చతో దుక్ఖతో అనత్తతో విపస్సతి, అస్సాదేతి అభినన్దతి; తం ఆరబ్భ రాగో ఉప్పజ్జతి…పే… దోమనస్సం ఉప్పజ్జతి. సోతం… ఘానం… జివ్హం… కాయం… ఉపాదిన్నుపాదానియే రూపే… గన్ధే… రసే… ఫోట్ఠబ్బే… వత్థుం… ఉపాదిన్నుపాదానియే ఖన్ధే అనిచ్చతో దుక్ఖతో అనత్తతో విపస్సతి, అస్సాదేతి అభినన్దతి; తం ఆరబ్భ రాగో ఉప్పజ్జతి…పే… దోమనస్సం ఉప్పజ్జతి. దిబ్బేన చక్ఖునా ఉపాదిన్నుపాదానియం రూపం పస్సతి, చేతోపరియఞాణేన ఉపాదిన్నుపాదానియచిత్తసమఙ్గిస్స చిత్తం జానాతి. ఉపాదిన్నుపాదానియా ఖన్ధా ఇద్ధివిధఞాణస్స, చేతోపరియఞాణస్స, పుబ్బేనివాసానుస్సతిఞాణస్స అనాగతంసఞాణస్స, ఆవజ్జనాయ ఆరమ్మణపచ్చయేన పచ్చయో. (౨)

౫౩. అనుపాదిన్నుపాదానియో ధమ్మో అనుపాదిన్నుపాదానియస్స ధమ్మస్స ఆరమ్మణపచ్చయేన పచ్చయో – దానం దత్వా, సీలం సమాదియిత్వా, ఉపోసథకమ్మం కత్వా తం పచ్చవేక్ఖతి, పుబ్బే సుచిణ్ణాని పచ్చవేక్ఖతి, ఝానా వుట్ఠహిత్వా ఝానం పచ్చవేక్ఖతి, అరియా గోత్రభుం పచ్చవేక్ఖన్తి, వోదానం పచ్చవేక్ఖన్తి, అరియా పహీనే కిలేసే పచ్చవేక్ఖన్తి, విక్ఖమ్భితే కిలేసే పచ్చవేక్ఖన్తి, పుబ్బే సముదాచిణ్ణే కిలేసే జానన్తి; అనుపాదిన్నుపాదానియే రూపే… సద్దే… గన్ధే… రసే… ఫోట్ఠబ్బే… అనుపాదిన్నుపాదానియే ఖన్ధే అనిచ్చతో దుక్ఖతో అనత్తతో విపస్సన్తి, అస్సాదేన్తి అభినన్దన్తి; తం ఆరబ్భ రాగో ఉప్పజ్జతి…పే… దోమనస్సం ఉప్పజ్జతి. దిబ్బేన చక్ఖునా అనుపాదిన్నుపాదానియం రూపం పస్సన్తి, దిబ్బాయ సోతధాతుయా సద్దం సుణన్తి, చేతోపరియఞాణేన అనుపాదిన్నుపాదానియచిత్తసమఙ్గిస్స చిత్తం జానన్తి. ఆకాసానఞ్చాయతనం విఞ్ఞాణఞ్చాయతనస్స ఆరమ్మణపచ్చయేన పచ్చయో. ఆకిఞ్చఞ్ఞాయతనం నేవసఞ్ఞానాసఞ్ఞాయతనస్స ఆరమ్మణపచ్చయేన పచ్చయో. అనుపాదిన్నుపాదానియా ఖన్ధా ఇద్ధివిధఞాణస్స, చేతోపరియఞాణస్స, పుబ్బేనివాసానుస్సతిఞాణస్స, యథాకమ్మూపగఞాణస్స, అనాగతంసఞాణస్స, ఆవజ్జనాయ ఆరమ్మణపచ్చయేన పచ్చయో. (౧)

అనుపాదిన్నుపాదానియో ధమ్మో ఉపాదిన్నుపాదానియస్స ధమ్మస్స ఆరమ్మణపచ్చయేన పచ్చయో – సేక్ఖా వా పుథుజ్జనా వా అనుపాదిన్నుపాదానియే రూపే… సద్దే… గన్ధే… రసే… ఫోట్ఠబ్బే… అనుపాదిన్నుపాదానియే ఖన్ధే అనిచ్చతో దుక్ఖతో అనత్తతో విపస్సన్తి, అస్సాదేన్తి అభినన్దతి; తం ఆరబ్భ రాగో ఉప్పజ్జతి…పే… దోమనస్సం ఉప్పజ్జతి. కుసలాకుసలే నిరుద్ధే విపాకో తదారమ్మణతా ఉప్పజ్జతి. ఆకాసానఞ్చాయతనకుసలం విఞ్ఞాణఞ్చాయతనవిపాకస్స ఆరమ్మణపచ్చయేన పచ్చయో. ఆకిఞ్చఞ్ఞాయతనకుసలం నేవసఞ్ఞానాసఞ్ఞాయతనవిపాకస్స ఆరమ్మణపచ్చయేన పచ్చయో. అనుపాదిన్నుపాదానియం రూపాయతనం చక్ఖువిఞ్ఞాణస్స…పే… ఫోట్ఠబ్బాయతనం కాయవిఞ్ఞాణస్స ఆరమ్మణపచ్చయేన పచ్చయో. (౨)

౫౪. అనుపాదిన్నఅనుపాదానియో ధమ్మో అనుపాదిన్నఅనుపాదానియస్స ధమ్మస్స ఆరమ్మణపచ్చయేన పచ్చయో – నిబ్బానం మగ్గస్స, ఫలస్స ఆరమ్మణపచ్చయేన పచ్చయో. (౧)

అనుపాదిన్నఅనుపాదానియో ధమ్మో అనుపాదిన్నుపాదానియస్స ధమ్మస్స ఆరమ్మణపచ్చయేన పచ్చయో – అరియా మగ్గా వుట్ఠహిత్వా మగ్గం పచ్చవేక్ఖన్తి, ఫలం పచ్చవేక్ఖన్తి, నిబ్బానం పచ్చవేక్ఖన్తి; నిబ్బానం గోత్రభుస్స, వోదానస్స, ఆవజ్జనాయ ఆరమ్మణపచ్చయేన పచ్చయో. అరియా చేతోపరియఞాణేన అనుపాదిన్నఅనుపాదానియచిత్తసమఙ్గిస్స చిత్తం జానన్తి; అనుపాదిన్నఅనుపాదానియా ఖన్ధా చేతోపరియఞాణస్స, పుబ్బేనివాసానుస్సతిఞాణస్స, అనాగతంసఞాణస్స, ఆవజ్జనాయ ఆరమ్మణపచ్చయేన పచ్చయో. (౨)

అధిపతిపచ్చయో

౫౫. ఉపాదిన్నుపాదానియో ధమ్మో అనుపాదిన్నుపాదానియస్స ధమ్మస్స అధిపతిపచ్చయేన పచ్చయో. ఆరమ్మణాధిపతి – చక్ఖుం గరుం కత్వా అస్సాదేతి అభినన్దతి; తం గరుం కత్వా రాగో ఉప్పజ్జతి, దిట్ఠి ఉప్పజ్జతి. సోతం… ఘానం… జివ్హం… కాయం… ఉపాదిన్నుపాదానియే రూపే… గన్ధే… రసే… ఫోట్ఠబ్బే… వత్థుం… ఉపాదిన్నుపాదానియే ఖన్ధే గరుం కత్వా అస్సాదేతి అభినన్దతి; తం గరుం కత్వా రాగో ఉప్పజ్జతి, దిట్ఠి ఉప్పజ్జతి. (౧)

అనుపాదిన్నుపాదానియో ధమ్మో అనుపాదిన్నుపాదానియస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – దానం దత్వా, సీలం సమాదియిత్వా, ఉపోసథకమ్మం కత్వా తం గరుం కత్వా పచ్చవేక్ఖతి, పుబ్బే సుచిణ్ణాని గరుం కత్వా పచ్చవేక్ఖతి; ఝానా వుట్ఠహిత్వా ఝానం గరుం కత్వా పచ్చవేక్ఖతి; సేక్ఖా గోత్రభుం గరుం కత్వా పచ్చవేక్ఖన్తి, వోదానం గరుం కత్వా పచ్చవేక్ఖన్తి. అనుపాదిన్నుపాదానియే రూపే… సద్దే… గన్ధే… రసే… ఫోట్ఠబ్బే… అనుపాదిన్నుపాదానియే ఖన్ధే గరుం కత్వా అస్సాదేన్తి అభినన్దన్తి; తం గరుం కత్వా రాగో ఉప్పజ్జతి, దిట్ఠి ఉప్పజ్జతి. సహజాతాధిపతి – అనుపాదిన్నుపాదానియాధిపతి సమ్పయుత్తకానం ఖన్ధానం చిత్తసముట్ఠానానఞ్చ రూపానం అధిపతిపచ్చయేన పచ్చయో. (౧)

అనుపాదిన్నఅనుపాదానియో ధమ్మో అనుపాదిన్నఅనుపాదానియస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – నిబ్బానం మగ్గస్స ఫలస్స అధిపతిపచ్చయేన పచ్చయో. సహజాతాధిపతి – అనుపాదిన్నఅనుపాదానియాధిపతి సమ్పయుత్తకానం ఖన్ధానం అధిపతిపచ్చయేన పచ్చయో. (౧)

అనుపాదిన్నఅనుపాదానియో ధమ్మో అనుపాదిన్నుపాదానియస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – అరియా మగ్గా వుట్ఠహిత్వా మగ్గం గరుం కత్వా పచ్చవేక్ఖన్తి, ఫలం గరుం కత్వా పచ్చవేక్ఖన్తి, నిబ్బానం గరుం కత్వా పచ్చవేక్ఖన్తి. నిబ్బానం గోత్రభుస్స, వోదానస్స అధిపతిపచ్చయేన పచ్చయో. సహజాతాధిపతి – అనుపాదిన్నఅనుపాదానియాధిపతి చిత్తసముట్ఠానానం రూపానం అధిపతిపచ్చయేన పచ్చయో. (౨)

అనుపాదిన్నఅనుపాదానియో ధమ్మో అనుపాదిన్నుపాదానియస్స చ అనుపాదిన్నఅనుపాదానియస్స చ ధమ్మస్స అధిపతిపచ్చయేన పచ్చయో. సహజాతాధిపతి – అనుపాదిన్నఅనుపాదానియాధిపతి సమ్పయుత్తకానం ఖన్ధానం చిత్తసముట్ఠానానఞ్చ రూపానం అధిపతిపచ్చయేన పచ్చయో. (౩)

అనన్తరపచ్చయో

౫౬. ఉపాదిన్నుపాదానియో ధమ్మో ఉపాదిన్నుపాదానియస్స ధమ్మస్స అనన్తరపచ్చయేన పచ్చయో – పురిమా పురిమా ఉపాదిన్నుపాదానియా ఖన్ధా పచ్ఛిమానం పచ్ఛిమానం ఉపాదిన్నుపాదానియానం ఖన్ధానం అనన్తరపచ్చయేన పచ్చయో; పఞ్చవిఞ్ఞాణం విపాకమనోధాతుయా అనన్తరపచ్చయేన పచ్చయో; విపాకమనోధాతు విపాకమనోవిఞ్ఞాణధాతుయా అనన్తరపచ్చయేన పచ్చయో. (౧)

ఉపాదిన్నుపాదానియో ధమ్మో అనుపాదిన్నుపాదానియస్స ధమ్మస్స అనన్తరపచ్చయేన పచ్చయో – భవఙ్గం ఆవజ్జనాయ, విపాకమనోవిఞ్ఞాణధాతు కిరియమనోవిఞ్ఞాణధాతుయా అనన్తరపచ్చయేన పచ్చయో. (౨)

అనుపాదిన్నుపాదానియో ధమ్మో అనుపాదిన్నుపాదానియస్స ధమ్మస్స అనన్తరపచ్చయేన పచ్చయో – పురిమా పురిమా అనుపాదిన్నుపాదానియా ఖన్ధా పచ్ఛిమానం పచ్ఛిమానం అనుపాదిన్నుపాదానియానం ఖన్ధానం అనన్తరపచ్చయేన పచ్చయో; అనులోమం గోత్రభుస్స… అనులోమం వోదానస్స… ఆవజ్జనా అనుపాదిన్నుపాదానియానం ఖన్ధానం అనన్తరపచ్చయేన పచ్చయో. (౧)

అనుపాదిన్నుపాదానియో ధమ్మో ఉపాదిన్నుపాదానియస్స ధమ్మస్స అనన్తరపచ్చయేన పచ్చయో – ఆవజ్జనా పఞ్చన్నం విఞ్ఞాణానం అనన్తరపచ్చయేన పచ్చయో; అనుపాదిన్నుపాదానియా ఖన్ధా వుట్ఠానస్స అనన్తరపచ్చయేన పచ్చయో. (౨)

అనుపాదిన్నుపాదానియో ధమ్మో అనుపాదిన్నఅనుపాదానియస్స ధమ్మస్స అనన్తరపచ్చయేన పచ్చయో – గోత్రభు మగ్గస్స… వోదానం మగ్గస్స… అనులోమం ఫలసమాపత్తియా… నిరోధా వుట్ఠహన్తస్స… నేవసఞ్ఞానాసఞ్ఞాయతనం ఫలసమాపత్తియా అనన్తరపచ్చయేన పచ్చయో. (౩)

అనుపాదిన్నఅనుపాదానియో ధమ్మో అనుపాదిన్నఅనుపాదానియస్స ధమ్మస్స అనన్తరపచ్చయేన పచ్చయో – పురిమా పురిమా అనుపాదిన్నఅనుపాదానియా ఖన్ధా పచ్ఛిమానం పచ్ఛిమానం అనుపాదిన్నఅనుపాదానియానం ఖన్ధానం అనన్తరపచ్చయేన పచ్చయో. మగ్గో ఫలస్స… ఫలం ఫలస్స అనన్తరపచ్చయేన పచ్చయో. (౧)

అనుపాదిన్నఅనుపాదానియో ధమ్మో ఉపాదిన్నుపాదానియస్స ధమ్మస్స అనన్తరపచ్చయేన పచ్చయో – ఫలం వుట్ఠానస్స అనన్తరపచ్చయేన పచ్చయో. (౨)

సమనన్తరపచ్చయో

౫౭. ఉపాదిన్నుపాదానియో ధమ్మో ఉపాదిన్నుపాదానియస్స ధమ్మస్స సమనన్తరపచ్చయేన పచ్చయో (అనన్తరపచ్చయసదిసం).

సహజాతపచ్చయో

౫౮. ఉపాదిన్నుపాదానియో ధమ్మో ఉపాదిన్నుపాదానియస్స ధమ్మస్స సహజాతపచ్చయేన పచ్చయో – ఉపాదిన్నుపాదానియో ఏకో ఖన్ధో తిణ్ణన్నం ఖన్ధానం సహజాతపచ్చయేన పచ్చయో…పే… ద్వే ఖన్ధా ద్విన్నం ఖన్ధానం…పే… పటిసన్ధిక్ఖణే ఉపాదిన్నుపాదానియో ఏకో ఖన్ధో తిణ్ణన్నం ఖన్ధానం కటత్తా చ రూపానం సహజాతపచ్చయేన పచ్చయో…పే… ద్వే ఖన్ధా ద్విన్నం ఖన్ధానం కటత్తా చ రూపానం…పే… ఖన్ధా వత్థుస్స…పే… వత్థు ఖన్ధానం…పే… ఏకం మహాభూతం తిణ్ణన్నం మహాభూతానం…పే… తయో మహాభూతా ఏకస్స మహాభూతస్స …పే… ద్వే మహాభూతా ద్విన్నం మహాభూతానం…పే… మహాభూతా కటత్తారూపానం ఉపాదారూపానం సహజాతపచ్చయేన పచ్చయో. అసఞ్ఞసత్తానం ఏకం మహాభూతం…పే…. (౧)

ఉపాదిన్నుపాదానియో ధమ్మో అనుపాదిన్నుపాదానియస్స ధమ్మస్స సహజాతపచ్చయేన పచ్చయో – ఉపాదిన్నుపాదానియా ఖన్ధా చిత్తసముట్ఠానానం రూపానం సహజాతపచ్చయేన పచ్చయో. (౨)

ఉపాదిన్నుపాదానియో ధమ్మో ఉపాదిన్నుపాదానియస్స చ అనుపాదిన్నుపాదానియస్స చ ధమ్మస్స సహజాతపచ్చయేన పచ్చయో – ఉపాదిన్నుపాదానియో ఏకో ఖన్ధో తిణ్ణన్నం ఖన్ధానం చిత్తసముట్ఠానానఞ్చ రూపానం సహజాతపచ్చయేన పచ్చయో…పే… ద్వే ఖన్ధా ద్విన్నం ఖన్ధానం చిత్తసముట్ఠానానఞ్చ రూపానం సహజాతపచ్చయేన పచ్చయో. (౩)

అనుపాదిన్నుపాదానియో ధమ్మో అనుపాదిన్నుపాదానియస్స ధమ్మస్స సహజాతపచ్చయేన పచ్చయో – అనుపాదిన్నుపాదానియో ఏకో ఖన్ధో తిణ్ణన్నం ఖన్ధానం చిత్తసముట్ఠానానఞ్చ రూపానం సహజాతపచ్చయేన పచ్చయో…పే… ద్వే ఖన్ధా ద్విన్నం ఖన్ధానం చిత్తసముట్ఠానానఞ్చ రూపానం సహజాతపచ్చయేన పచ్చయో. అనుపాదిన్నుపాదానియం ఏకం మహాభూతం…పే… మహాభూతా చిత్తసముట్ఠానానం రూపానం …పే… బాహిరం… ఆహారసముట్ఠానం… ఉతుసముట్ఠానం ఏకం మహాభూతం…పే… మహాభూతా ఉపాదారూపానం సహజాతపచ్చయేన పచ్చయో. (౧)

అనుపాదిన్నఅనుపాదానియో ధమ్మో అనుపాదిన్నఅనుపాదానియస్స ధమ్మస్స సహజాతపచ్చయేన పచ్చయో – అనుపాదిన్నఅనుపాదానియో ఏకో ఖన్ధో తిణ్ణన్నం ఖన్ధానం…పే… ద్వే ఖన్ధా ద్విన్నం ఖన్ధానం సహజాతపచ్చయేన పచ్చయో. (౧)

అనుపాదిన్నఅనుపాదానియో ధమ్మో అనుపాదిన్నుపాదానియస్స ధమ్మస్స సహజాతపచ్చయేన పచ్చయో – అనుపాదిన్నఅనుపాదానియా ఖన్ధా చిత్తసముట్ఠానానం రూపానం సహజాతపచ్చయేన పచ్చయో. (౨)

అనుపాదిన్నఅనుపాదానియో ధమ్మో అనుపాదిన్నుపాదానియస్స చ అనుపాదిన్నఅనుపాదానియస్స చ ధమ్మస్స సహజాతపచ్చయేన పచ్చయో; అనుపాదిన్నఅనుపాదానియో ఏకో ఖన్ధో తిణ్ణన్నం ఖన్ధానం చిత్తసముట్ఠానానఞ్చ రూపానం సహజాతపచ్చయేన పచ్చయో…పే… ద్వే ఖన్ధా ద్విన్నం ఖన్ధానం చిత్తసముట్ఠానానఞ్చ రూపానం సహజాతపచ్చయేన పచ్చయో. (౩)

అనుపాదిన్నుపాదానియో చ అనుపాదిన్నఅనుపాదానియో చ ధమ్మా అనుపాదిన్నుపాదానియస్స ధమ్మస్స సహజాతపచ్చయేన పచ్చయో – అనుపాదిన్నఅనుపాదానియా ఖన్ధా చ మహాభూతా చ చిత్తసముట్ఠానానం రూపానం సహజాతపచ్చయేన పచ్చయో. (౧)

ఉపాదిన్నుపాదానియో చ అనుపాదిన్నుపాదానియో చ ధమ్మా అనుపాదిన్నుపాదానియస్స ధమ్మస్స సహజాతపచ్చయేన పచ్చయో – ఉపాదిన్నుపాదానియా ఖన్ధా చ మహాభూతా చ చిత్తసముట్ఠానానం రూపానం సహజాతపచ్చయేన పచ్చయో. (౧)

అఞ్ఞమఞ్ఞపచ్చయో

౫౯. ఉపాదిన్నుపాదానియో ధమ్మో ఉపాదిన్నుపాదానియస్స ధమ్మస్స అఞ్ఞమఞ్ఞపచ్చయేన పచ్చయో – ఉపాదిన్నుపాదానియో ఏకో ఖన్ధో తిణ్ణన్నం ఖన్ధానం అఞ్ఞమఞ్ఞపచ్చయేన పచ్చయో…పే… ద్వే ఖన్ధా ద్విన్నం ఖన్ధానం…పే… పటిసన్ధిక్ఖణే ఉపాదిన్నుపాదానియో ఏకో ఖన్ధో తిణ్ణన్నం ఖన్ధానం వత్థుస్స చ…పే… ఖన్ధా వత్థుస్స…పే… వత్థు ఖన్ధానం…పే… ఏకం మహాభూతం తిణ్ణన్నం మహాభూతానం…పే… ద్వే మహాభూతా ద్విన్నం మహాభూతానం…పే… అసఞ్ఞసత్తానం ఏకం మహాభూతం…పే…. (౧)

అనుపాదిన్నుపాదానియో ధమ్మో అనుపాదిన్నుపాదానియస్స ధమ్మస్స అఞ్ఞమఞ్ఞపచ్చయేన పచ్చయో – అనుపాదిన్నుపాదానియో ఏకో ఖన్ధో తిణ్ణన్నం ఖన్ధానం…పే… ద్వే ఖన్ధా ద్విన్నం ఖన్ధానం అఞ్ఞమఞ్ఞపచ్చయేన పచ్చయో. ఏకం మహాభూతం…పే… బాహిరం… ఆహారసముట్ఠానం… ఉతుసముట్ఠానం ఏకం మహాభూతం…పే…. (౧)

అనుపాదిన్నఅనుపాదానియో ధమ్మో అనుపాదిన్నఅనుపాదానియస్స ధమ్మస్స అఞ్ఞమఞ్ఞపచ్చయేన పచ్చయో – అనుపాదిన్నఅనుపాదానియో ఏకో ఖన్ధో తిణ్ణన్నం ఖన్ధానం…పే… ద్వే ఖన్ధా ద్విన్నం ఖన్ధానం…పే…. (౧)

నిస్సయపచ్చయో

౬౦. ఉపాదిన్నుపాదానియో ధమ్మో ఉపాదిన్నుపాదానియస్స ధమ్మస్స నిస్సయపచ్చయేన పచ్చయో – ఉపాదిన్నుపాదానియో ఏకో ఖన్ధో తిణ్ణన్నం ఖన్ధానం నిస్సయపచ్చయేన పచ్చయో…పే… పటిసన్ధిక్ఖణే…పే… ఏకం మహాభూతం…పే… అసఞ్ఞసత్తానం ఏకం మహాభూతం…పే… చక్ఖాయతనం చక్ఖువిఞ్ఞాణస్స…పే… కాయాయతనం కాయవిఞ్ఞాణస్స…పే… వత్థు ఉపాదిన్నుపాదానియానం ఖన్ధానం నిస్సయపచ్చయేన పచ్చయో. (౧)

ఉపాదిన్నుపాదానియో ధమ్మో అనుపాదిన్నుపాదానియస్స ధమ్మస్స నిస్సయపచ్చయేన పచ్చయో – ఉపాదిన్నుపాదానియా ఖన్ధా చిత్తసముట్ఠానానం రూపానం నిస్సయపచ్చయేన పచ్చయో. వత్థు అనుపాదిన్నుపాదానియానం ఖన్ధానం నిస్సయపచ్చయేన పచ్చయో. (౨)

ఉపాదిన్నుపాదానియో ధమ్మో అనుపాదిన్నఅనుపాదానియస్స ధమ్మస్స నిస్సయపచ్చయేన పచ్చయో – వత్థు అనుపాదిన్నఅనుపాదానియానం ఖన్ధానం నిస్సయపచ్చయేన పచ్చయో. (౩)

ఉపాదిన్నుపాదానియో ధమ్మో ఉపాదిన్నుపాదానియస్స చ అనుపాదిన్నుపాదానియస్స చ ధమ్మస్స నిస్సయపచ్చయేన పచ్చయో – ఉపాదిన్నుపాదానియో ఏకో ఖన్ధో తిణ్ణన్నం ఖన్ధానం చిత్తసముట్ఠానానఞ్చ రూపానం నిస్సయపచ్చయేన పచ్చయో…పే… ద్వే ఖన్ధా ద్విన్నం ఖన్ధానం చిత్తసముట్ఠానానఞ్చ రూపానం నిస్సయపచ్చయేన పచ్చయో. (౪)

అనుపాదిన్నుపాదానియో ధమ్మో అనుపాదిన్నుపాదానియస్స ధమ్మస్స… ఏకా.

అనుపాదిన్నఅనుపాదానియో ధమ్మో… తీణి.

ఉపాదిన్నుపాదానియో చ అనుపాదిన్నఅనుపాదానియో చ ధమ్మా అనుపాదిన్నఅనుపాదానియస్స ధమ్మస్స నిస్సయపచ్చయేన పచ్చయో – అనుపాదిన్నఅనుపాదానియో ఏకో ఖన్ధో చ వత్థు చ తిణ్ణన్నం ఖన్ధానం నిస్సయపచ్చయేన పచ్చయో…పే… ద్వే ఖన్ధా చ వత్థు చ ద్విన్నం ఖన్ధానం నిస్సయపచ్చయేన పచ్చయో. (౧)

అనుపాదిన్నుపాదానియో చ అనుపాదిన్నఅనుపాదానియో చ ధమ్మా అనుపాదిన్నుపాదానియస్స ధమ్మస్స నిస్సయపచ్చయేన పచ్చయో – అనుపాదిన్నఅనుపాదానియా ఖన్ధా చ మహాభూతా చ చిత్తసముట్ఠానానం రూపానం నిస్సయపచ్చయేన పచ్చయో. (౧)

ఉపాదిన్నుపాదానియో చ అనుపాదిన్నుపాదానియో చ ధమ్మా అనుపాదిన్నుపాదానియస్స ధమ్మస్స నిస్సయపచ్చయేన పచ్చయో – ఉపాదిన్నుపాదానియా ఖన్ధా చ మహాభూతా చ చిత్తసముట్ఠానానం రూపానం నిస్సయపచ్చయేన పచ్చయో. అనుపాదిన్నుపాదానియో ఏకో ఖన్ధో చ వత్థు చ తిణ్ణన్నం ఖన్ధానం నిస్సయపచ్చయేన పచ్చయో…పే… ద్వే ఖన్ధా చ వత్థు చ ద్విన్నం ఖన్ధానం నిస్సయపచ్చయేన పచ్చయో. (౧)

ఉపనిస్సయపచ్చయో

౬౧. ఉపాదిన్నుపాదానియో ధమ్మో ఉపాదిన్నుపాదానియస్స ధమ్మస్స ఉపనిస్సయపచ్చయేన పచ్చయో – అనన్తరూపనిస్సయో, పకతూపనిస్సయో…పే…. పకతూపనిస్సయో – కాయికం సుఖం కాయికస్స సుఖస్స, కాయికస్స దుక్ఖస్స ఉపనిస్సయపచ్చయేన పచ్చయో. కాయికం దుక్ఖం కాయికస్స సుఖస్స, కాయికస్స దుక్ఖస్స…పే… ఉతు కాయికస్స సుఖస్స, కాయికస్స దుక్ఖస్స…పే… భోజనం కాయికస్స సుఖస్స, కాయికస్స దుక్ఖస్స…పే… కాయికం సుఖం… కాయికం దుక్ఖం… ఉతు… భోజనం కాయికస్స సుఖస్స, కాయికస్స దుక్ఖస్స ఉపనిస్సయపచ్చయేన పచ్చయో. (౧)

ఉపాదిన్నుపాదానియో ధమ్మో అనుపాదిన్నుపాదానియస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – కాయికం సుఖం ఉపనిస్సాయ దానం దేతి, సీలం సమాదియతి, ఉపోసథకమ్మం కరోతి, ఝానం ఉప్పాదేతి, విపస్సనం ఉప్పాదేతి, అభిఞ్ఞం ఉప్పాదేతి, సమాపత్తిం ఉప్పాదేతి, పాణం హనతి…పే… సఙ్ఘం భిన్దతి. కాయికం దుక్ఖం… ఉతుం… భోజనం ఉపనిస్సాయ దానం దేతి…పే… సఙ్ఘం భిన్దతి. కాయికం సుఖం… కాయికం దుక్ఖం… ఉతు… భోజనం అనుపాదిన్నుపాదానియాయ సద్ధాయ… సీలస్స… సుతస్స… చాగస్స… పఞ్ఞాయ… రాగస్స… దోసస్స… మోహస్స… మానస్స… దిట్ఠియా… పత్థనాయ ఉపనిస్సయపచ్చయేన పచ్చయో. (౨)

ఉపాదిన్నుపాదానియో ధమ్మో అనుపాదిన్నఅనుపాదానియస్స ధమ్మస్స ఉపనిస్సయపచ్చయేన పచ్చయో. పకతూపనిస్సయో – కాయికం సుఖం ఉపనిస్సాయ మగ్గం ఉప్పాదేతి, ఫలసమాపత్తిం సమాపజ్జతి. కాయికం దుక్ఖం… ఉతుం… భోజనం ఉపనిస్సాయ మగ్గం ఉప్పాదేతి, ఫలసమాపత్తిం సమాపజ్జతి. కాయికం సుఖం… కాయికం దుక్ఖం… ఉతు… భోజనం మగ్గస్స… ఫలసమాపత్తియా ఉపనిస్సయపచ్చయేన పచ్చయో. (౩)

౬౨. అనుపాదిన్నుపాదానియో ధమ్మో అనుపాదిన్నుపాదానియస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – అనుపాదిన్నుపాదానియం సద్ధం ఉపనిస్సాయ దానం దేతి, సీలం సమాదియతి, ఉపోసథకమ్మం కరోతి, ఝానం ఉప్పాదేతి, విపస్సనం ఉప్పాదేతి, అభిఞ్ఞం ఉప్పాదేతి, సమాపత్తిం ఉప్పాదేతి, మానం జప్పేతి, దిట్ఠిం గణ్హాతి. అనుపాదిన్నుపాదానియం సీలం… సుతం… చాగం… పఞ్ఞం… రాగం… దోసం… మోహం… మానం … దిట్ఠిం… పత్థనం… ఉతుం… భోజనం… సేనాసనం ఉపనిస్సాయ దానం దేతి…పే… సమాపత్తిం ఉప్పాదేతి, మానం జప్పేతి, దిట్ఠిం గణ్హాతి, పాణం హనతి…పే… సఙ్ఘం భిన్దతి. అనుపాదిన్నుపాదానియా సద్ధా… సీలం… సుతం… చాగో… పఞ్ఞా… రాగో… దోసో… మోహో… మానో… దిట్ఠి… పత్థనా… ఉతు… భోజనం… సేనాసనం… అనుపాదిన్నుపాదానియాయ సద్ధాయ… సీలస్స… సుతస్స… చాగస్స… పఞ్ఞాయ… రాగస్స… దోసస్స… మోహస్స… మానస్స… దిట్ఠియా… పత్థనాయ ఉపనిస్సయపచ్చయేన పచ్చయో. పఠమస్స ఝానస్స పరికమ్మం పఠమస్స ఝానస్స…పే… నేవసఞ్ఞానాసఞ్ఞాయతనస్స పరికమ్మం నేవసఞ్ఞానాసఞ్ఞాయతనస్స…పే… పఠమం ఝానం దుతియస్స…పే… ఆకిఞ్చఞ్ఞాయతనం నేవసఞ్ఞానాసఞ్ఞాయతనస్స…పే… పాణాతిపాతో పాణాతిపాతస్స…పే… నియతమిచ్ఛాదిట్ఠి నియతమిచ్ఛాదిట్ఠియా…పే…. (౧)

అనుపాదిన్నుపాదానియో ధమ్మో ఉపాదిన్నుపాదానియస్స ధమ్మస్స ఉపనిస్సయపచ్చయేన పచ్చయో – అనన్తరూపనిస్సయో, పకతూపనిస్సయో…పే…. పకతూపనిస్సయో – అనుపాదిన్నుపాదానియం సద్ధం ఉపనిస్సాయ అత్తానం ఆతాపేతి పరితాపేతి, పరియిట్ఠిమూలకం దుక్ఖం పచ్చనుభోతి. అనుపాదిన్నుపాదానియం సీలం …పే… సేనాసనం ఉపనిస్సాయ అత్తానం ఆతాపేతి పరితాపేతి, పరియిట్ఠిమూలకం దుక్ఖం పచ్చనుభోతి. అనుపాదిన్నుపాదానియా సద్ధా…పే… సేనాసనం కాయికస్స సుఖస్స, కాయికస్స దుక్ఖస్స ఉపనిస్సయపచ్చయేన పచ్చయో. కుసలాకుసలం కమ్మం విపాకస్స ఉపనిస్సయపచ్చయేన పచ్చయో. (౨)

అనుపాదిన్నుపాదానియో ధమ్మో అనుపాదిన్నఅనుపాదానియస్స ధమ్మస్స ఉపనిస్సయపచ్చయేన పచ్చయో – అనన్తరూపనిస్సయో, పకతూపనిస్సయో…పే…. పకతూపనిస్సయో – పఠమస్స మగ్గస్స పరికమ్మం పఠమస్స మగ్గస్స ఉపనిస్సయపచ్చయేన పచ్చయో. దుతియస్స మగ్గస్స…పే… తతియస్స మగ్గస్స…పే… చతుత్థస్స మగ్గస్స పరికమ్మం చతుత్థస్స మగ్గస్స ఉపనిస్సయపచ్చయేన పచ్చయో. (౩)

౬౩. అనుపాదిన్నఅనుపాదానియో ధమ్మో అనుపాదిన్నఅనుపాదానియస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – పఠమో మగ్గో దుతియస్స మగ్గస్స ఉపనిస్సయపచ్చయేన పచ్చయో. దుతియో మగ్గో తతియస్స మగ్గస్స…పే… తతియో మగ్గో చతుత్థస్స మగ్గస్స…పే… మగ్గో ఫలసమాపత్తియా ఉపనిస్సయపచ్చయేన పచ్చయో. (౧)

అనుపాదిన్నఅనుపాదానియో ధమ్మో ఉపాదిన్నుపాదానియస్స ధమ్మస్స ఉపనిస్సయపచ్చయేన పచ్చయో – అనన్తరూపనిస్సయో, పకతూపనిస్సయో…పే…. పకతూపనిస్సయో – ఫలసమాపత్తి కాయికస్స సుఖస్స ఉపనిస్సయపచ్చయేన పచ్చయో. (౨)

అనుపాదిన్నఅనుపాదానియో ధమ్మో అనుపాదిన్నుపాదానియస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, పకతూనిస్సయో…పే…. పకతూపనిస్సయో – అరియా మగ్గం ఉపనిస్సాయ అనుప్పన్నం సమాపత్తిం ఉప్పాదేన్తి, ఉప్పన్నం సమాపత్తిం సమాపజ్జన్తి, సఙ్ఖారే అనిచ్చతో దుక్ఖతో అనత్తతో విపస్సన్తి. మగ్గో అరియానం అత్థప్పటిసమ్భిదాయ ధమ్మప్పటిసమ్భిదాయ నిరుత్తిప్పటిసమ్భిదాయ పటిభానప్పటిసమ్భిదాయ ఠానాఠానకోసల్లస్స ఉపనిస్సయపచ్చయేన పచ్చయో. (౩)

పురేజాతపచ్చయో

౬౪. ఉపాదిన్నుపాదానియో ధమ్మో ఉపాదిన్నుపాదానియస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – సేక్ఖా వా పుథుజ్జనా వా చక్ఖుం అనిచ్చతో దుక్ఖతో అనత్తతో విపస్సన్తి, అస్సాదేన్తి అభినన్దన్తి; తం ఆరబ్భ రాగో ఉప్పజ్జతి…పే… దోమనస్సం ఉప్పజ్జతి; కుసలాకుసలే నిరుద్ధే విపాకో తదారమ్మణతా ఉప్పజ్జతి. సోతం… ఘానం… జివ్హం… కాయం… ఉపాదిన్నుపాదానియే రూపే… గన్ధే… రసే… ఫోట్ఠబ్బే… వత్థుం అనిచ్చతో దుక్ఖతో అనత్తతో విపస్సన్తి, అస్సాదేన్తి అభినన్దన్తి; తం ఆరబ్భ రాగో ఉప్పజ్జతి…పే… దోమనస్సం ఉప్పజ్జతి. కుసలాకుసలే నిరుద్ధే విపాకో తదారమ్మణతా ఉప్పజ్జతి. ఉపాదిన్నుపాదానియం రూపాయతనం చక్ఖువిఞ్ఞాణస్స…పే… ఉపాదిన్నుపాదానియం గన్ధాయతనం… రసాయతనం… ఫోట్ఠబ్బాయతనం కాయవిఞ్ఞాణస్స పురేజాతపచ్చయేన పచ్చయో. వత్థుపురేజాతం – చక్ఖాయతనం చక్ఖువిఞ్ఞాణస్స…పే… కాయాయతనం కాయవిఞ్ఞాణస్స…పే… వత్థు ఉపాదిన్నుపాదానియానం ఖన్ధానం పురేజాతపచ్చయేన పచ్చయో. (౧)

ఉపాదిన్నుపాదానియో ధమ్మో అనుపాదిన్నుపాదానియస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం అనిచ్చతో దుక్ఖతో అనత్తతో విపస్సన్తి, అస్సాదేన్తి అభినన్దన్తి; తం ఆరబ్భ రాగో ఉప్పజ్జతి…పే… దోమనస్సం ఉప్పజ్జతి. సోతం…పే… వత్థుం అనిచ్చతో దుక్ఖతో అనత్తతో విపస్సతి, అస్సాదేతి అభినన్దతి; తం ఆరబ్భ రాగో ఉప్పజ్జతి…పే… దోమనస్సం ఉప్పజ్జతి. దిబ్బేన చక్ఖునా ఉపాదిన్నుపాదానియం రూపం పస్సన్తి. వత్థుపురేజాతం – వత్థు అనుపాదిన్నుపాదానియానం ఖన్ధానం పురేజాతపచ్చయేన పచ్చయో. (౨)

ఉపాదిన్నుపాదానియో ధమ్మో అనుపాదిన్నఅనుపాదానియస్స ధమ్మస్స పురేజాతపచ్చయేన పచ్చయో. వత్థుపురేజాతం – వత్థు అనుపాదిన్నఅనుపాదానియానం ఖన్ధానం పురేజాతపచ్చయేన పచ్చయో. (౩)

౬౫. అనుపాదిన్నుపాదానియో ధమ్మో అనుపాదిన్నుపాదానియస్స ధమ్మస్స పురేజాతపచ్చయేన పచ్చయో. ఆరమ్మణపురేజాతం – అనుపాదిన్నుపాదానియే రూపే… సద్దే… గన్ధే… రసే… ఫోట్ఠబ్బే అనిచ్చతో దుక్ఖతో అనత్తతో విపస్సతి, అస్సాదేతి అభినన్దతి; తం ఆరబ్భ రాగో ఉప్పజ్జతి …పే… దోమనస్సం ఉప్పజ్జతి. దిబ్బేన చక్ఖునా అనుపాదిన్నుపాదానియం రూపం పస్సతి, దిబ్బాయ సోతధాతుయా సద్దం సుణాతి. (౧)

అనుపాదిన్నుపాదానియో ధమ్మో ఉపాదిన్నుపాదానియస్స ధమ్మస్స పురేజాతపచ్చయేన పచ్చయో. ఆరమ్మణపురేజాతం – అనుపాదిన్నుపాదానియే రూపే… సద్దే… గన్ధే… రసే… ఫోట్ఠబ్బే అనిచ్చతో దుక్ఖతో అనత్తతో విపస్సతి, అస్సాదేతి అభినన్దతి; తం ఆరబ్భ రాగో ఉప్పజ్జతి…పే… దోమనస్సం ఉప్పజ్జతి. కుసలాకుసలే నిరుద్ధే విపాకో తదారమ్మణతా ఉప్పజ్జతి. అనుపాదిన్నుపాదానియం రూపాయతనం చక్ఖువిఞ్ఞాణస్స…పే… ఫోట్ఠబ్బాయతనం కాయవిఞ్ఞాణస్స పురేజాతపచ్చయేన పచ్చయో. (౨)

ఉపాదిన్నుపాదానియో చ అనుపాదిన్నుపాదానియో చ ధమ్మా ఉపాదిన్నుపాదానియస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. అనుపాదిన్నుపాదానియం రూపాయతనఞ్చ చక్ఖాయతనఞ్చ చక్ఖువిఞ్ఞాణస్స పురేజాతపచ్చయేన పచ్చయో…పే… అనుపాదిన్నుపాదానియం ఫోట్ఠబ్బాయతనఞ్చ కాయాయతనఞ్చ కాయవిఞ్ఞాణస్స పురేజాతపచ్చయేన పచ్చయో. అనుపాదిన్నుపాదానియం రూపాయతనఞ్చ వత్థు చ ఉపాదిన్నుపాదానియానం ఖన్ధానం పురేజాతపచ్చయేన పచ్చయో…పే… అనుపాదిన్నుపాదానియం ఫోట్ఠబ్బాయతనఞ్చ వత్థు చ ఉపాదిన్నుపాదానియానం ఖన్ధానం పురేజాతపచ్చయేన పచ్చయో. (౧)

ఉపాదిన్నుపాదానియో చ అనుపాదిన్నుపాదానియో చ ధమ్మా అనుపాదిన్నుపాదానియస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. అనుపాదిన్నుపాదానియం రూపాయతనఞ్చ వత్థు చ అనుపాదిన్నుపాదానియానం ఖన్ధానం పురేజాతపచ్చయేన పచ్చయో…పే… అనుపాదిన్నుపాదానియం ఫోట్ఠబ్బాయతనఞ్చ వత్థు చ అనుపాదిన్నుపాదానియానం ఖన్ధానం పురేజాతపచ్చయేన పచ్చయో. (౨)

పచ్ఛాజాతపచ్చయో

౬౬. ఉపాదిన్నుపాదానియో ధమ్మో ఉపాదిన్నుపాదానియస్స ధమ్మస్స పచ్ఛాజాతపచ్చయేన పచ్చయో – పచ్ఛాజాతా ఉపాదిన్నుపాదానియా ఖన్ధా పురేజాతస్స ఇమస్స ఉపాదిన్నుపాదానియస్స కాయస్స పచ్ఛాజాతపచ్చయేన పచ్చయో. (౧)

ఉపాదిన్నుపాదానియో ధమ్మో అనుపాదిన్నుపాదానియస్స ధమ్మస్స పచ్ఛాజాతపచ్చయేన పచ్చయో – పచ్ఛాజాతా ఉపాదిన్నుపాదానియా ఖన్ధా పురేజాతస్స ఇమస్స అనుపాదిన్నుపాదానియస్స కాయస్స పచ్ఛాజాతపచ్చయేన పచ్చయో. (౨)

ఉపాదిన్నుపాదానియో ధమ్మో ఉపాదిన్నుపాదానియస్స చ అనుపాదిన్నుపాదానియస్స చ ధమ్మస్స పచ్ఛాజాతపచ్చయేన పచ్చయో – పచ్ఛాజాతా ఉపాదిన్నుపాదానియా ఖన్ధా పురేజాతస్స ఇమస్స ఉపాదిన్నుపాదానియస్స చ అనుపాదిన్నుపాదానియస్స చ కాయస్స పచ్ఛాజాతపచ్చయేన పచ్చయో. (౩)

అనుపాదిన్నుపాదానియో ధమ్మో అనుపాదిన్నుపాదానియస్స ధమ్మస్స పచ్ఛాజాతపచ్చయేన పచ్చయో – పచ్ఛాజాతా అనుపాదిన్నుపాదానియా ఖన్ధా పురేజాతస్స ఇమస్స అనుపాదిన్నుపాదానియస్స కాయస్స పచ్ఛాజాతపచ్చయేన పచ్చయో. (౧)

అనుపాదిన్నుపాదానియో ధమ్మో ఉపాదిన్నుపాదానియస్స ధమ్మస్స పచ్ఛాజాతపచ్చయేన పచ్చయో – పచ్ఛాజాతా అనుపాదిన్నుపాదానియా ఖన్ధా పురేజాతస్స ఇమస్స ఉపాదిన్నుపాదానియస్స కాయస్స పచ్ఛాజాతపచ్చయేన పచ్చయో. (౨)

అనుపాదిన్నుపాదానియో ధమ్మో ఉపాదిన్నుపాదానియస్స చ అనుపాదిన్నుపాదానియస్స చ ధమ్మస్స పచ్ఛాజాతపచ్చయేన పచ్చయో – పచ్ఛాజాతా అనుపాదిన్నుపాదానియా ఖన్ధా పురేజాతస్స ఇమస్స ఉపాదిన్నుపాదానియస్స చ అనుపాదిన్నుపాదానియస్స చ కాయస్స పచ్ఛాజాతపచ్చయేన పచ్చయో. (౩)

౬౭. అనుపాదిన్నఅనుపాదానియో ధమ్మో ఉపాదిన్నుపాదానియస్స ధమ్మస్స పచ్ఛాజాతపచ్చయేన పచ్చయో – పచ్ఛాజాతా అనుపాదిన్నఅనుపాదానియా ఖన్ధా పురేజాతస్స ఇమస్స ఉపాదిన్నుపాదానియస్స కాయస్స పచ్ఛాజాతపచ్చయేన పచ్చయో. (౧)

అనుపాదిన్నఅనుపాదానియో ధమ్మో అనుపాదిన్నుపాదానియస్స ధమ్మస్స పచ్ఛాజాతపచ్చయేన పచ్చయో – పచ్ఛాజాతా అనుపాదిన్నఅనుపాదానియా ఖన్ధా పురేజాతస్స ఇమస్స అనుపాదిన్నుపాదానియస్స కాయస్స పచ్ఛాజాతపచ్చయేన పచ్చయో. (౨)

అనుపాదిన్నఅనుపాదానియో ధమ్మో ఉపాదిన్నుపాదానియస్స చ అనుపాదిన్నుపాదానియస్స చ ధమ్మస్స పచ్ఛాజాతపచ్చయేన పచ్చయో – పచ్ఛాజాతా అనుపాదిన్నఅనుపాదానియా ఖన్ధా పురేజాతస్స ఇమస్స ఉపాదిన్నుపాదానియస్స చ అనుపాదిన్నుపాదానియస్స చ కాయస్స పచ్ఛాజాతపచ్చయేన పచ్చయో. (౩)

ఆసేవనపచ్చయో

౬౮. అనుపాదిన్నుపాదానియో ధమ్మో అనుపాదిన్నుపాదానియస్స ధమ్మస్స ఆసేవనపచ్చయేన పచ్చయో – పురిమా పురిమా అనుపాదిన్నుపాదానియా ఖన్ధా పచ్ఛిమానం పచ్ఛిమానం అనుపాదిన్నుపాదానియానం ఖన్ధానం ఆసేవనపచ్చయేన పచ్చయో. అనులోమం గోత్రభుస్స… అనులోమం వోదానస్స ఆసేవనపచ్చయేన పచ్చయో. (౧)

అనుపాదిన్నుపాదానియో ధమ్మో అనుపాదిన్నఅనుపాదానియస్స ధమ్మస్స ఆసేవనపచ్చయేన పచ్చయో – గోత్రభు మగ్గస్స… వోదానం మగ్గస్స ఆసేవనపచ్చయేన పచ్చయో. (౨)

కమ్మపచ్చయో

౬౯. ఉపాదిన్నుపాదానియో ధమ్మో ఉపాదిన్నుపాదానియస్స ధమ్మస్స కమ్మపచ్చయేన పచ్చయో – ఉపాదిన్నుపాదానియా చేతనా సమ్పయుత్తకానం ఖన్ధానం కమ్మపచ్చయేన పచ్చయో; పటిసన్ధిక్ఖణే ఉపాదిన్నుపాదానియా చేతనా సమ్పయుత్తకానం ఖన్ధానం కటత్తా చ రూపానం కమ్మపచ్చయేన పచ్చయో. చేతనా వత్థుస్స కమ్మపచ్చయేన పచ్చయో. (౧)

ఉపాదిన్నుపాదానియో ధమ్మో అనుపాదిన్నుపాదానియస్స ధమ్మస్స కమ్మపచ్చయేన పచ్చయో – ఉపాదిన్నుపాదానియా చేతనా చిత్తసముట్ఠానానం రూపానం కమ్మపచ్చయేన పచ్చయో. (౨)

ఉపాదిన్నుపాదానియో ధమ్మో ఉపాదిన్నుపాదానియస్స చ అనుపాదిన్నుపాదానియస్స చ ధమ్మస్స కమ్మపచ్చయేన పచ్చయో – ఉపాదిన్నుపాదానియా చేతనా సమ్పయుత్తకానం ఖన్ధానం చిత్తసముట్ఠానానఞ్చ రూపానం కమ్మపచ్చయేన పచ్చయో. (౩)

అనుపాదిన్నుపాదానియో ధమ్మో అనుపాదిన్నుపాదానియస్స ధమ్మస్స కమ్మపచ్చయేన పచ్చయో – అనుపాదిన్నుపాదానియా చేతనా సమ్పయుత్తకానం ఖన్ధానం చిత్తసముట్ఠానానఞ్చ రూపానం కమ్మపచ్చయేన పచ్చయో. (౧)

అనుపాదిన్నుపాదానియో ధమ్మో ఉపాదిన్నుపాదానియస్స ధమ్మస్స కమ్మపచ్చయేన పచ్చయో – నానాక్ఖణికా అనుపాదిన్నుపాదానియా చేతనా విపాకానం ఉపాదిన్నుపాదానియానం ఖన్ధానం కటత్తా చ రూపానం కమ్మపచ్చయేన పచ్చయో. (౨)

౭౦. అనుపాదిన్నఅనుపాదానియో ధమ్మో అనుపాదిన్నఅనుపాదానియస్స ధమ్మస్స కమ్మపచ్చయేన పచ్చయో – సహజాతా, నానాక్ఖణికా. సహజాతా – అనుపాదిన్నఅనుపాదానియా చేతనా సమ్పయుత్తకానం ఖన్ధానం కమ్మపచ్చయేన పచ్చయో. నానాక్ఖణికా – అనుపాదిన్నఅనుపాదానియా కుసలా చేతనా విపాకానం అనుపాదిన్నఅనుపాదానియానం ఖన్ధానం కమ్మపచ్చయేన పచ్చయో. (౧)

అనుపాదిన్నఅనుపాదానియో ధమ్మో అనుపాదిన్నుపాదానియస్స ధమ్మస్స కమ్మపచ్చయేన పచ్చయో – అనుపాదిన్నఅనుపాదానియా చేతనా చిత్తసముట్ఠానానం రూపానం కమ్మపచ్చయేన పచ్చయో. (౨)

అనుపాదిన్నఅనుపాదానియో ధమ్మో అనుపాదిన్నుపాదానియస్స చ అనుపాదిన్నఅనుపాదానియస్స చ ధమ్మస్స కమ్మపచ్చయేన పచ్చయో – అనుపాదిన్నఅనుపాదానియా చేతనా సమ్పయుత్తకానం ఖన్ధానం చిత్తసముట్ఠానానఞ్చ రూపానం కమ్మపచ్చయేన పచ్చయో. (౩)

విపాకపచ్చయో

౭౧. ఉపాదిన్నుపాదానియో ధమ్మో ఉపాదిన్నుపాదానియస్స ధమ్మస్స విపాకపచ్చయేన పచ్చయో – విపాకో ఉపాదిన్నుపాదానియో ఏకో ఖన్ధో తిణ్ణన్నం ఖన్ధానం విపాకపచ్చయేన పచ్చయో…పే… ద్వే ఖన్ధా ద్విన్నం ఖన్ధానం విపాకపచ్చయేన పచ్చయో; పటిసన్ధిక్ఖణే విపాకో ఉపాదిన్నుపాదానియో ఏకో ఖన్ధో తిణ్ణన్నం ఖన్ధానం కటత్తా చ రూపానం విపాకపచ్చయేన పచ్చయో…పే… ద్వే ఖన్ధా ద్విన్నం ఖన్ధానం కటత్తా చ రూపానం విపాకపచ్చయేన పచ్చయో. ఖన్ధా వత్థుస్స విపాకపచ్చయేన పచ్చయో. (౧)

ఉపాదిన్నుపాదానియో ధమ్మో అనుపాదిన్నుపాదానియస్స ధమ్మస్స విపాకపచ్చయేన పచ్చయో – విపాకా ఉపాదిన్నుపాదానియా ఖన్ధా చిత్తసముట్ఠానానం రూపానం విపాకపచ్చయేన పచ్చయో. (౨)

ఉపాదిన్నుపాదానియో ధమ్మో ఉపాదిన్నుపాదానియస్స చ అనుపాదిన్నుపాదానియస్స చ ధమ్మస్స విపాకపచ్చయేన పచ్చయో – విపాకో ఉపాదిన్నుపాదానియో ఏకో ఖన్ధో తిణ్ణన్నం ఖన్ధానం చిత్తసముట్ఠానానఞ్చ రూపానం విపాకపచ్చయేన పచ్చయో …పే… ద్వే ఖన్ధా ద్విన్నం ఖన్ధానం చిత్తసముట్ఠానానఞ్చ రూపానం విపాకపచ్చయేన పచ్చయో. (౩)

అనుపాదిన్నఅనుపాదానియో ధమ్మో అనుపాదిన్నఅనుపాదానియస్స ధమ్మస్స విపాకపచ్చయేన పచ్చయో – విపాకో అనుపాదిన్నఅనుపాదానియో ఏకో ఖన్ధో తిణ్ణన్నం ఖన్ధానం విపాకపచ్చయేన పచ్చయో…పే… ద్వే ఖన్ధా ద్విన్నం ఖన్ధానం విపాకపచ్చయేన పచ్చయో. (౧)

అనుపాదిన్నఅనుపాదానియో ధమ్మో అనుపాదిన్నుపాదానియస్స ధమ్మస్స విపాకపచ్చయేన పచ్చయో – విపాకా అనుపాదిన్నఅనుపాదానియా ఖన్ధా చిత్తసముట్ఠానానం రూపానం విపాకపచ్చయేన పచ్చయో. (౨)

అనుపాదిన్నఅనుపాదానియో ధమ్మో అనుపాదిన్నుపాదానియస్స చ అనుపాదిన్నఅనుపాదానియస్స చ ధమ్మస్స విపాకపచ్చయేన పచ్చయో – విపాకో అనుపాదిన్నఅనుపాదానియో ఏకో ఖన్ధో తిణ్ణన్నం ఖన్ధానం చిత్తసముట్ఠానానఞ్చ రూపానం విపాకపచ్చయేన పచ్చయో…పే… ద్వే ఖన్ధా ద్విన్నం ఖన్ధానం చిత్తసముట్ఠానానఞ్చ రూపానం విపాకపచ్చయేన పచ్చయో. (౩)

ఆహారపచ్చయో

౭౨. ఉపాదిన్నుపాదానియో ధమ్మో ఉపాదిన్నుపాదానియస్స ధమ్మస్స ఆహారపచ్చయేన పచ్చయో – ఉపాదిన్నుపాదానియా ఆహారా సమ్పయుత్తకానం ఖన్ధానం ఆహారపచ్చయేన పచ్చయో; పటిసన్ధిక్ఖణే ఉపాదిన్నుపాదానియా ఆహారా సమ్పయుత్తకానం ఖన్ధానం కటత్తా చ రూపానం ఆహారపచ్చయేన పచ్చయో. ఉపాదిన్నుపాదానియో కబళీకారో ఆహారో ఉపాదిన్నుపాదానియస్స కాయస్స ఆహారపచ్చయేన పచ్చయో. (౧)

ఉపాదిన్నుపాదానియో ధమ్మో అనుపాదిన్నుపాదానియస్స ధమ్మస్స ఆహారపచ్చయేన పచ్చయో – ఉపాదిన్నుపాదానియా ఆహారా చిత్తసముట్ఠానానం రూపానం ఆహారపచ్చయేన పచ్చయో; ఉపాదిన్నుపాదానియో కబళీకారో ఆహారో అనుపాదిన్నుపాదానియస్స కాయస్స ఆహారపచ్చయేన పచ్చయో. (౨)

ఉపాదిన్నుపాదానియో ధమ్మో ఉపాదిన్నుపాదానియస్స చ అనుపాదిన్నుపాదానియస్స చ ధమ్మస్స ఆహారపచ్చయేన పచ్చయో – ఉపాదిన్నుపాదానియా ఆహారా సమ్పయుత్తకానం ఖన్ధానం చిత్తసముట్ఠానానఞ్చ రూపానం ఆహారపచ్చయేన పచ్చయో. ఉపాదిన్నుపాదానియో కబళీకారో ఆహారో ఉపాదిన్నుపాదానియస్స చ అనుపాదిన్నుపాదానియస్స చ కాయస్స ఆహారపచ్చయేన పచ్చయో. (౩)

౭౩. అనుపాదిన్నుపాదానియో ధమ్మో అనుపాదిన్నుపాదానియస్స ధమ్మస్స ఆహారపచ్చయేన పచ్చయో – అనుపాదిన్నుపాదానియా ఆహారా సమ్పయుత్తకానం ఖన్ధానం చిత్తసముట్ఠానానఞ్చ రూపానం ఆహారపచ్చయేన పచ్చయో. అనుపాదిన్నుపాదానియో కబళీకారో ఆహారో అనుపాదిన్నుపాదానియస్స కాయస్స ఆహారపచ్చయేన పచ్చయో. (౧)

అనుపాదిన్నుపాదానియో ధమ్మో ఉపాదిన్నుపాదానియస్స ధమ్మస్స ఆహారపచ్చయేన పచ్చయో – అనుపాదిన్నుపాదానియో కబళీకారో ఆహారో ఉపాదిన్నుపాదానియస్స కాయస్స ఆహారపచ్చయేన పచ్చయో. (౨)

అనుపాదిన్నుపాదానియో ధమ్మో ఉపాదిన్నుపాదానియస్స చ అనుపాదిన్నుపాదానియస్స చ ధమ్మస్స ఆహారపచ్చయేన పచ్చయో – అనుపాదిన్నుపాదానియో కబళీకారో ఆహారో ఉపాదిన్నుపాదానియస్స చ అనుపాదిన్నుపాదానియస్స చ కాయస్స ఆహారపచ్చయేన పచ్చయో. (౩)

అనుపాదిన్నఅనుపాదానియో ధమ్మో అనుపాదిన్నఅనుపాదానియస్స ధమ్మస్స ఆహారపచ్చయేన పచ్చయో – అనుపాదిన్నఅనుపాదానియా ఆహారా సమ్పయుత్తకానం ఖన్ధానం ఆహారపచ్చయేన పచ్చయో. (౧)

అనుపాదిన్నఅనుపాదానియో ధమ్మో అనుపాదిన్నుపాదానియస్స ధమ్మస్స ఆహారపచ్చయేన పచ్చయో – అనుపాదిన్నఅనుపాదానియా ఆహారా చిత్తసముట్ఠానానం రూపానం ఆహారపచ్చయేన పచ్చయో. (౨)

అనుపాదిన్నఅనుపాదానియో ధమ్మో అనుపాదిన్నుపాదానియస్స చ అనుపాదిన్నఅనుపాదానియస్స చ ధమ్మస్స ఆహారపచ్చయేన పచ్చయో – అనుపాదిన్నఅనుపాదానియా ఆహారా సమ్పయుత్తకానం ఖన్ధానం చిత్తసముట్ఠానానఞ్చ రూపానం ఆహారపచ్చయేన పచ్చయో. (౩)

౭౪. ఉపాదిన్నుపాదానియో చ అనుపాదిన్నుపాదానియో చ ధమ్మా ఉపాదిన్నుపాదానియస్స ధమ్మస్స ఆహారపచ్చయేన పచ్చయో – ఉపాదిన్నుపాదానియో చ అనుపాదిన్నుపాదానియో చ కబళీకారో ఆహారో ఉపాదిన్నుపాదానియస్స కాయస్స ఆహారపచ్చయేన పచ్చయో. (౧)

ఉపాదిన్నుపాదానియో చ అనుపాదిన్నుపాదానియో చ ధమ్మా అనుపాదిన్నుపాదానియస్స ధమ్మస్స ఆహారపచ్చయేన పచ్చయో – ఉపాదిన్నుపాదానియో చ అనుపాదిన్నుపాదానియో చ కబళీకారో ఆహారో అనుపాదిన్నుపాదానియస్స కాయస్స ఆహారపచ్చయేన పచ్చయో. (౨)

ఉపాదిన్నుపాదానియో చ అనుపాదిన్నుపాదానియో చ ధమ్మా ఉపాదిన్నుపాదానియస్స చ అనుపాదిన్నుపాదానియస్స చ ధమ్మస్స ఆహారపచ్చయేన పచ్చయో – ఉపాదిన్నుపాదానియో చ అనుపాదిన్నుపాదానియో చ కబళీకారో ఆహారో ఉపాదిన్నుపాదానియస్స చ అనుపాదిన్నుపాదానియస్స చ కాయస్స ఆహారపచ్చయేన పచ్చయో. (౩)

ఇన్ద్రియపచ్చయో

౭౫. ఉపాదిన్నుపాదానియో ధమ్మో ఉపాదిన్నుపాదానియస్స ధమ్మస్స ఇన్ద్రియపచ్చయేన పచ్చయో – ఉపాదిన్నుపాదానియా ఇన్ద్రియా సమ్పయుత్తకానం ఖన్ధానం ఇన్ద్రియపచ్చయేన పచ్చయో; పటిసన్ధిక్ఖణే ఉపాదిన్నుపాదానియా ఇన్ద్రియా సమ్పయుత్తకానం ఖన్ధానం కటత్తా చ రూపానం ఇన్ద్రియపచ్చయేన పచ్చయో. చక్ఖున్ద్రియం చక్ఖువిఞ్ఞాణస్స…పే… కాయిన్ద్రియం కాయవిఞ్ఞాణస్స…పే… రూపజీవితిన్ద్రియం కటత్తారూపానం ఇన్ద్రియపచ్చయేన పచ్చయో. (౧)

ఉపాదిన్నుపాదానియో ధమ్మో అనుపాదిన్నుపాదానియస్స ధమ్మస్స ఇన్ద్రియపచ్చయేన పచ్చయో – ఉపాదిన్నుపాదానియా ఇన్ద్రియా చిత్తసముట్ఠానానం రూపానం ఇన్ద్రియపచ్చయేన పచ్చయో. (౨)

ఉపాదిన్నుపాదానియో ధమ్మో ఉపాదిన్నుపాదానియస్స చ అనుపాదిన్నుపాదానియస్స చ ధమ్మస్స ఇన్ద్రియపచ్చయేన పచ్చయో – ఉపాదిన్నుపాదానియా ఇన్ద్రియా సమ్పయుత్తకానం ఖన్ధానం చిత్తసముట్ఠానానఞ్చ రూపానం ఇన్ద్రియపచ్చయేన పచ్చయో. (౩)

అనుపాదిన్నుపాదానియో ధమ్మో అనుపాదిన్నుపాదానియస్స ధమ్మస్స ఇన్ద్రియపచ్చయేన పచ్చయో – అనుపాదిన్నుపాదానియా ఇన్ద్రియా సమ్పయుత్తకానం ఖన్ధానం చిత్తసముట్ఠానానఞ్చ రూపానం ఇన్ద్రియపచ్చయేన పచ్చయో. (౧)

అనుపాదిన్నఅనుపాదానియో ధమ్మో అనుపాదిన్నఅనుపాదానియస్స ధమ్మస్స ఇన్ద్రియపచ్చయేన పచ్చయో – అనుపాదిన్నఅనుపాదానియా ఇన్ద్రియా సమ్పయుత్తకానం ఖన్ధానం ఇన్ద్రియపచ్చయేన పచ్చయో. (౧)

అనుపాదిన్నఅనుపాదానియో ధమ్మో అనుపాదిన్నుపాదానియస్స ధమ్మస్స ఇన్ద్రియపచ్చయేన పచ్చయో – అనుపాదిన్నఅనుపాదానియా ఇన్ద్రియా చిత్తసముట్ఠానానం రూపానం ఇన్ద్రియపచ్చయేన పచ్చయో. (౨)

అనుపాదిన్నఅనుపాదానియో ధమ్మో అనుపాదిన్నుపాదానియస్స చ అనుపాదిన్నఅనుపాదానియస్స చ ధమ్మస్స ఇన్ద్రియపచ్చయేన పచ్చయో – అనుపాదిన్నఅనుపాదానియా ఇన్ద్రియా సమ్పయుత్తకానం ఖన్ధానం చిత్తసముట్ఠానానఞ్చ రూపానం ఇన్ద్రియపచ్చయేన పచ్చయో. (౩)

ఝానపచ్చయో

౭౬. ఉపాదిన్నుపాదానియో ధమ్మో ఉపాదిన్నుపాదానియస్స ధమ్మస్స ఝానపచ్చయేన పచ్చయో – ఉపాదిన్నుపాదానియాని ఝానఙ్గాని సమ్పయుత్తకానం ఖన్ధానం ఝానపచ్చయేన పచ్చయో; పటిసన్ధిక్ఖణే ఉపాదిన్నుపాదానియాని ఝానఙ్గాని సమ్పయుత్తకానం ఖన్ధానం కటత్తా చ రూపానం ఝానపచ్చయేన పచ్చయో. (౧)

ఉపాదిన్నుపాదానియో ధమ్మో అనుపాదిన్నుపాదానియస్స ధమ్మస్స ఝానపచ్చయేన పచ్చయో – ఉపాదిన్నుపాదానియాని ఝానఙ్గాని చిత్తసముట్ఠానానం రూపానం ఝానపచ్చయేన పచ్చయో. (౨)

ఉపాదిన్నుపాదానియో ధమ్మో ఉపాదిన్నుపాదానియస్స చ అనుపాదిన్నుపాదానియస్స చ ధమ్మస్స ఝానపచ్చయేన పచ్చయో – ఉపాదిన్నుపాదానియాని ఝానఙ్గాని సమ్పయుత్తకానం ఖన్ధానం చిత్తసముట్ఠానానఞ్చ రూపానం ఝానపచ్చయేన పచ్చయో. (౩)

అనుపాదిన్నుపాదానియో ధమ్మో అనుపాదిన్నుపాదానియస్స ధమ్మస్స ఝానపచ్చయేన పచ్చయో – అనుపాదిన్నుపాదానియాని ఝానఙ్గాని సమ్పయుత్తకానం ఖన్ధానం చిత్తసముట్ఠానానఞ్చ రూపానం ఝానపచ్చయేన పచ్చయో. (౧)

౭౭. అనుపాదిన్నఅనుపాదానియో ధమ్మో అనుపాదిన్నఅనుపాదానియస్స ధమ్మస్స ఝానపచ్చయేన పచ్చయో – అనుపాదిన్నఅనుపాదానియాని ఝానఙ్గాని సమ్పయుత్తకానం ఖన్ధానం ఝానపచ్చయేన పచ్చయో. (౧)

అనుపాదిన్నఅనుపాదానియో ధమ్మో అనుపాదిన్నుపాదానియస్స ధమ్మస్స ఝానపచ్చయేన పచ్చయో – అనుపాదిన్నఅనుపాదానియాని ఝానఙ్గాని చిత్తసముట్ఠానానం రూపానం ఝానపచ్చయేన పచ్చయో. (౨)

అనుపాదిన్నఅనుపాదానియో ధమ్మో అనుపాదిన్నుపాదానియస్స చ అనుపాదిన్నఅనుపాదానియస్స చ ధమ్మస్స ఝానపచ్చయేన పచ్చయో – అనుపాదిన్నఅనుపాదానియాని ఝానఙ్గాని సమ్పయుత్తకానం ఖన్ధానం చిత్తసముట్ఠానానఞ్చ రూపానం ఝానపచ్చయేన పచ్చయో. (౩)

మగ్గపచ్చయో

౭౮. ఉపాదిన్నుపాదానియో ధమ్మో ఉపాదిన్నుపాదానియస్స ధమ్మస్స మగ్గపచ్చయేన పచ్చయో – ఉపాదిన్నుపాదానియాని మగ్గఙ్గాని సమ్పయుత్తకానం ఖన్ధానం మగ్గపచ్చయేన పచ్చయో. పటిసన్ధిక్ఖణే…పే…. (౧)

ఉపాదిన్నుపాదానియో ధమ్మో అనుపాదిన్నుపాదానియస్స ధమ్మస్స మగ్గపచ్చయేన పచ్చయో – ఉపాదిన్నుపాదానియాని మగ్గఙ్గాని చిత్తసముట్ఠానానం రూపానం మగ్గపచ్చయేన పచ్చయో. (౨)

ఉపాదిన్నుపాదానియో ధమ్మో ఉపాదిన్నుపాదానియస్స చ అనుపాదిన్నుపాదానియస్స చ ధమ్మస్స మగ్గపచ్చయేన పచ్చయో – ఉపాదిన్నుపాదానియాని మగ్గఙ్గాని సమ్పయుత్తకానం ఖన్ధానం చిత్తసముట్ఠానానఞ్చ రూపానం మగ్గపచ్చయేన పచ్చయో. (౩)

అనుపాదిన్నుపాదానియో ధమ్మో అనుపాదిన్నుపాదానియస్స ధమ్మస్స మగ్గపచ్చయేన పచ్చయో – అనుపాదిన్నుపాదానియాని మగ్గఙ్గాని సమ్పయుత్తకానం ఖన్ధానం చిత్తసముట్ఠానానఞ్చ రూపానం మగ్గపచ్చయేన పచ్చయో. (౧)

అనుపాదిన్నఅనుపాదానియో ధమ్మో అనుపాదిన్నఅనుపాదానియస్స ధమ్మస్స మగ్గపచ్చయేన పచ్చయో – అనుపాదిన్నఅనుపాదానియాని మగ్గఙ్గాని సమ్పయుత్తకానం ఖన్ధానం మగ్గపచ్చయేన పచ్చయో. (౧)

అనుపాదిన్నఅనుపాదానియో ధమ్మో అనుపాదిన్నుపాదానియస్స ధమ్మస్స మగ్గపచ్చయేన పచ్చయో – అనుపాదిన్నఅనుపాదానియాని మగ్గఙ్గాని చిత్తసముట్ఠానానం రూపానం మగ్గపచ్చయేన పచ్చయో. (౨)

అనుపాదిన్నఅనుపాదానియో ధమ్మో అనుపాదిన్నుపాదానియస్స చ అనుపాదిన్నఅనుపాదానియస్స చ ధమ్మస్స మగ్గపచ్చయేన పచ్చయో – అనుపాదిన్నఅనుపాదానియాని మగ్గఙ్గాని సమ్పయుత్తకానం ఖన్ధానం చిత్తసముట్ఠానానఞ్చ రూపానం మగ్గపచ్చయేన పచ్చయో. (౩)

సమ్పయుత్తపచ్చయో

౭౯. ఉపాదిన్నుపాదానియో ధమ్మో ఉపాదిన్నుపాదానియస్స ధమ్మస్స సమ్పయుత్తపచ్చయేన పచ్చయో – ఉపాదిన్నుపాదానియో ఏకో ఖన్ధో తిణ్ణన్నం ఖన్ధానం సమ్పయుత్తపచ్చయేన పచ్చయో…పే… ద్వే ఖన్ధా ద్విన్నం ఖన్ధానం…పే… పటిసన్ధిక్ఖణే…పే…. (౧)

అనుపాదిన్నుపాదానియో ధమ్మో అనుపాదిన్నుపాదానియస్స ధమ్మస్స సమ్పయుత్తపచ్చయేన పచ్చయో – అనుపాదిన్నుపాదానియో ఏకో ఖన్ధో తిణ్ణన్నం ఖన్ధానం సమ్పయుత్తపచ్చయేన పచ్చయో…పే… ద్వే ఖన్ధా ద్విన్నం ఖన్ధానం…పే…. (౧)

అనుపాదిన్నఅనుపాదానియో ధమ్మో అనుపాదిన్నఅనుపాదానియస్స ధమ్మస్స సమ్పయుత్తపచ్చయేన పచ్చయో – అనుపాదిన్నఅనుపాదానియో ఏకో ఖన్ధో తిణ్ణన్నం ఖన్ధానం సమ్పయుత్తపచ్చయేన పచ్చయో…పే… ద్వే ఖన్ధా ద్విన్నం ఖన్ధానం…పే…. (౧)

విప్పయుత్తపచ్చయో

౮౦. ఉపాదిన్నుపాదానియో ధమ్మో ఉపాదిన్నుపాదానియస్స ధమ్మస్స విప్పయుత్తపచ్చయేన పచ్చయో – సహజాతం, పురేజాతం, పచ్ఛాజాతం. సహజాతా – పటిసన్ధిక్ఖణే ఉపాదిన్నుపాదానియా ఖన్ధా కటత్తారూపానం విప్పయుత్తపచ్చయేన పచ్చయో. ఖన్ధా వత్థుస్స విప్పయుత్తపచ్చయేన పచ్చయో. వత్థు ఖన్ధానం విప్పయుత్తపచ్చయేన పచ్చయో. పురేజాతం – చక్ఖాయతనం చక్ఖువిఞ్ఞాణస్స విప్పయుత్తపచ్చయేన పచ్చయో…పే… కాయాయతనం కాయవిఞ్ఞాణస్స విప్పయుత్తపచ్చయేన పచ్చయో. వత్థు ఉపాదిన్నుపాదానియానం ఖన్ధానం విప్పయుత్తపచ్చయేన పచ్చయో. పచ్ఛాజాతా – ఉపాదిన్నుపాదానియా ఖన్ధా పురేజాతస్స ఇమస్స ఉపాదిన్నుపాదానియస్స కాయస్స విప్పయుత్తపచ్చయేన పచ్చయో. (౧)

ఉపాదిన్నుపాదానియో ధమ్మో అనుపాదిన్నుపాదానియస్స ధమ్మస్స విప్పయుత్తపచ్చయేన పచ్చయో – సహజాతం, పురేజాతం, పచ్ఛాజాతం. సహజాతా – ఉపాదిన్నుపాదానియా ఖన్ధా చిత్తసముట్ఠానానం రూపానం విప్పయుత్తపచ్చయేన పచ్చయో. పురేజాతం – వత్థు అనుపాదిన్నుపాదానియానం ఖన్ధానం విప్పయుత్తపచ్చయేన పచ్చయో. పచ్ఛాజాతా – ఉపాదిన్నుపాదానియా ఖన్ధా పురేజాతస్స ఇమస్స అనుపాదిన్నుపాదానియస్స కాయస్స విప్పయుత్తపచ్చయేన పచ్చయో. (౨)

ఉపాదిన్నుపాదానియో ధమ్మో అనుపాదిన్నఅనుపాదానియస్స ధమ్మస్స విప్పయుత్తపచ్చయేన పచ్చయో. పురేజాతం – వత్థు అనుపాదిన్నఅనుపాదానియానం ఖన్ధానం విప్పయుత్తపచ్చయేన పచ్చయో. (౩)

ఉపాదిన్నుపాదానియో ధమ్మో ఉపాదిన్నుపాదానియస్స చ అనుపాదిన్నుపాదానియస్స చ ధమ్మస్స విప్పయుత్తపచ్చయేన పచ్చయో. పచ్ఛాజాతా – ఉపాదిన్నుపాదానియా ఖన్ధా పురేజాతస్స ఇమస్స ఉపాదిన్నుపాదానియస్స చ అనుపాదిన్నుపాదానియస్స చ కాయస్స విప్పయుత్తపచ్చయేన పచ్చయో. (౪)

౮౧. అనుపాదిన్నుపాదానియో ధమ్మో అనుపాదిన్నుపాదానియస్స ధమ్మస్స విప్పయుత్తపచ్చయేన పచ్చయో – సహజాతం, పచ్ఛాజాతం. సహజాతా – అనుపాదిన్నుపాదానియా ఖన్ధా చిత్తసముట్ఠానానం రూపానం విప్పయుత్తపచ్చయేన పచ్చయో. పచ్ఛాజాతా – అనుపాదిన్నుపాదానియా ఖన్ధా పురేజాతస్స ఇమస్స అనుపాదిన్నుపాదానియస్స కాయస్స విప్పయుత్తపచ్చయేన పచ్చయో. (౧)