౧. విభఙ్గవారో

నహేతుపచ్చయో

౩౬. ఉపాదిన్నుపాదానియం ధమ్మం పచ్చయా ఉపాదిన్నుపాదానియో ధమ్మో ఉప్పజ్జతి నహేతుపచ్చయా – అహేతుకం ఉపాదిన్నుపాదానియం ఏకం ఖన్ధం పచ్చయా…పే… అహేతుకపటిసన్ధిక్ఖణే…పే… అసఞ్ఞసత్తానం ఏకం మహాభూతం…పే… చక్ఖాయతనం పచ్చయా చక్ఖువిఞ్ఞాణం…పే… కాయాయతనం పచ్చయా కాయవిఞ్ఞాణం; వత్థుం పచ్చయా అహేతుకా ఉపాదిన్నుపాదానియా ఖన్ధా. (౧)

ఉపాదిన్నుపాదానియం ధమ్మం పచ్చయా అనుపాదిన్నుపాదానియో ధమ్మో ఉప్పజ్జతి నహేతుపచ్చయా – అహేతుకే ఉపాదిన్నుపాదానియే ఖన్ధే పచ్చయా చిత్తసముట్ఠానం రూపం; వత్థుం పచ్చయా అహేతుకా అనుపాదిన్నుపాదానియా ఖన్ధా; వత్థుం పచ్చయా విచికిచ్ఛాసహగతో ఉద్ధచ్చసహగతో మోహో. (౨)

ఉపాదిన్నుపాదానియం ధమ్మం పచ్చయా ఉపాదిన్నుపాదానియో చ అనుపాదిన్నుపాదానియో చ ధమ్మా ఉప్పజ్జన్తి నహేతుపచ్చయా – అహేతుకం ఉపాదిన్నుపాదానియం ఏకం ఖన్ధం పచ్చయా తయో ఖన్ధా చిత్తసముట్ఠానఞ్చ రూపం…పే…. (౩)

అనుపాదిన్నుపాదానియం ధమ్మం పచ్చయా అనుపాదిన్నుపాదానియో ధమ్మో ఉప్పజ్జతి నహేతుపచ్చయా – అహేతుకం అనుపాదిన్నుపాదానియం ఏకం ఖన్ధం పచ్చయా తయో ఖన్ధా చిత్తసముట్ఠానఞ్చ రూపం…పే… బాహిరం… ఆహారసముట్ఠానం… ఉతుసముట్ఠానం ఏకం మహాభూతం…పే… రూపం; విచికిచ్ఛాసహగతే ఉద్ధచ్చసహగతే ఖన్ధే పచ్చయా విచికిచ్ఛాసహగతో ఉద్ధచ్చసహగతో మోహో. (౧)

ఉపాదిన్నుపాదానియఞ్చ అనుపాదిన్నుపాదానియఞ్చ ధమ్మం పచ్చయా అనుపాదిన్నుపాదానియో ధమ్మో ఉప్పజ్జతి నహేతుపచ్చయా – అహేతుకే ఉపాదిన్నుపాదానియే ఖన్ధే చ మహాభూతే చ పచ్చయా చిత్తసముట్ఠానం రూపం; అహేతుకం అనుపాదిన్నుపాదానియం ఏకం ఖన్ధఞ్చ వత్థుఞ్చ పచ్చయా తయో ఖన్ధా…పే… ద్వే ఖన్ధే చ వత్థుఞ్చ పచ్చయా ద్వే ఖన్ధా; విచికిచ్ఛాసహగతే ఉద్ధచ్చసహగతే ఖన్ధే చ వత్థుఞ్చ పచ్చయా విచికిచ్ఛాసహగతో ఉద్ధచ్చసహగతో మోహో. (౧)

నఆరమ్మణపచ్చయో

౩౭. ఉపాదిన్నుపాదానియం ధమ్మం పచ్చయా ఉపాదిన్నుపాదానియో ధమ్మో ఉప్పజ్జతి నఆరమ్మణపచ్చయా (సంఖిత్తం).

నఅధిపతిపచ్చయో

౩౮. ఉపాదిన్నుపాదానియం ధమ్మం పచ్చయా ఉపాదిన్నుపాదానియో ధమ్మో ఉప్పజ్జతి నఅధిపతిపచ్చయా – ఉపాదిన్నుపాదానియం ఏకం ఖన్ధం పచ్చయా…పే…. (౧)

ఉపాదిన్నుపాదానియం ధమ్మం పచ్చయా అనుపాదిన్నుపాదానియో ధమ్మో ఉప్పజ్జతి నఅధిపతిపచ్చయా – ఉపాదిన్నుపాదానియే ఖన్ధే పచ్చయా చిత్తసముట్ఠానం రూపం; వత్థుం పచ్చయా అనుపాదిన్నుపాదానియా ఖన్ధా. (౨)

ఉపాదిన్నుపాదానియం ధమ్మం పచ్చయా అనుపాదిన్నఅనుపాదానియో ధమ్మో ఉప్పజ్జతి నఅధిపతిపచ్చయా – వత్థుం పచ్చయా అనుపాదిన్నఅనుపాదానియా అధిపతి. (౩)

ఉపాదిన్నుపాదానియం ధమ్మం పచ్చయా ఉపాదిన్నుపాదానియో చ అనుపాదిన్నుపాదానియో చ ధమ్మా ఉప్పజ్జన్తి నఅధిపతిపచ్చయా – ఉపాదిన్నుపాదానియం ఏకం ఖన్ధం పచ్చయా తయో ఖన్ధా చిత్తసముట్ఠానఞ్చ రూపం…పే…. (౪)

అనుపాదిన్నుపాదానియం ధమ్మం పచ్చయా. (ఏకా పఞ్హా.)

అనుపాదిన్నఅనుపాదానియం ధమ్మం పచ్చయా అనుపాదిన్నఅనుపాదానియో ధమ్మో ఉప్పజ్జతి నఅధిపతిపచ్చయా – అనుపాదిన్నఅనుపాదానియే ఖన్ధే పచ్చయా అనుపాదిన్నఅనుపాదానియా అధిపతి. (౧)

ఉపాదిన్నుపాదానియఞ్చ అనుపాదిన్నఅనుపాదానియఞ్చ ధమ్మం పచ్చయా అనుపాదిన్నఅనుపాదానియో ధమ్మో ఉప్పజ్జతి న అధిపతిపచ్చయా – అనుపాదిన్నఅనుపాదానియే ఖన్ధే చ వత్థుఞ్చ పచ్చయా అనుపాదిన్నఅనుపాదానియా అధిపతి. (౧)

ఉపాదిన్నుపాదానియఞ్చ అనుపాదిన్నుపాదానియఞ్చ ధమ్మం పచ్చయా అనుపాదిన్నుపాదానియో ధమ్మో ఉప్పజ్జతి నఅధిపతిపచ్చయా – ఉపాదిన్నుపాదానియే ఖన్ధే చ మహాభూతే చ పచ్చయా చిత్తసముట్ఠానం రూపం; అనుపాదిన్నుపాదానియం ఏకం ఖన్ధఞ్చ వత్థుఞ్చ పచ్చయా తయో ఖన్ధా…పే… ద్వే ఖన్ధే చ వత్థుఞ్చ పచ్చయా ద్వే ఖన్ధా. (౧)

నఅనన్తరపచ్చయాది

౩౯. ఉపాదిన్నుపాదానియం ధమ్మం పచ్చయా ఉపాదిన్నుపాదానియో ధమ్మో ఉప్పజ్జతి నఅనన్తరపచ్చయా… నసమనన్తరపచ్చయా… నఅఞ్ఞమఞ్ఞపచ్చయా… నఉపనిస్సయపచ్చయా… నపురేజాతపచ్చయా… నపచ్ఛాజాతపచ్చయా… నఆసేవనపచ్చయా…పే….

నకమ్మపచ్చయో

౪౦. ఉపాదిన్నుపాదానియం ధమ్మం పచ్చయా అనుపాదిన్నుపాదానియో ధమ్మో ఉప్పజ్జతి నకమ్మపచ్చయా – వత్థుం పచ్చయా అనుపాదిన్నుపాదానియా చేతనా. (౧)

ఉపాదిన్నుపాదానియం ధమ్మం పచ్చయా అనుపాదిన్నఅనుపాదానియో ధమ్మో ఉప్పజ్జతి నకమ్మపచ్చయా – వత్థుం పచ్చయా కుసలా అనుపాదిన్నఅనుపాదానియా చేతనా. (౨)

అనుపాదిన్నుపాదానియం ధమ్మం పచ్చయా అనుపాదిన్నుపాదానియో ధమ్మో ఉప్పజ్జతి నకమ్మపచ్చయా – అనుపాదిన్నుపాదానియే ఖన్ధే పచ్చయా అనుపాదిన్నుపాదానియా చేతనా. బాహిరం… ఆహారసముట్ఠానం… ఉతుసముట్ఠానం ఏకం మహాభూతం పచ్చయా…పే…. (౧)

అనుపాదిన్నఅనుపాదానియం ధమ్మం పచ్చయా అనుపాదిన్నఅనుపాదానియో ధమ్మో ఉప్పజ్జతి నకమ్మపచ్చయా – కుసలే అనుపాదిన్నఅనుపాదానియే ఖన్ధే పచ్చయా అనుపాదిన్నఅనుపాదానియా చేతనా. (౧)

ఉపాదిన్నుపాదానియఞ్చ అనుపాదిన్నఅనుపాదానియఞ్చ ధమ్మం పచ్చయా అనుపాదిన్నఅనుపాదానియో ధమ్మో ఉప్పజ్జతి నకమ్మపచ్చయా – కుసలే అనుపాదిన్నఅనుపాదానియే ఖన్ధే చ వత్థుఞ్చ పచ్చయా అనుపాదిన్నఅనుపాదానియా కుసలా చేతనా. (౧)

ఉపాదిన్నుపాదానియఞ్చ అనుపాదిన్నుపాదానియఞ్చ ధమ్మం పచ్చయా అనుపాదిన్నుపాదానియో ధమ్మో ఉప్పజ్జతి నకమ్మపచ్చయా – అనుపాదిన్నుపాదానియే ఖన్ధే చ వత్థుఞ్చ పచ్చయా అనుపాదిన్నుపాదానియా చేతనా. (౧)

నవిపాకపచ్చయో

౪౧. ఉపాదిన్నుపాదానియం ధమ్మం పచ్చయా ఉపాదిన్నుపాదానియో ధమ్మో ఉప్పజ్జతి నవిపాకపచ్చయా – అసఞ్ఞసత్తానం ఏకం మహాభూతం పచ్చయా…పే… (౧).

ఉపాదిన్నుపాదానియం ధమ్మం పచ్చయా అనుపాదిన్నుపాదానియో ధమ్మో ఉప్పజ్జతి నవిపాకపచ్చయా; వత్థుం పచ్చయా అనుపాదిన్నుపాదానియా ఖన్ధా. (౨)

ఉపాదిన్నుపాదానియం ధమ్మం పచ్చయా అనుపాదిన్నఅనుపాదానియో ధమ్మో ఉప్పజ్జతి నవిపాకపచ్చయా – వత్థుం పచ్చయా కుసలా అనుపాదిన్నఅనుపాదానియా ఖన్ధా. (౩)

అనుపాదిన్నుపాదానియం ధమ్మం పచ్చయా… ఏకా.

అనుపాదిన్నఅనుపాదానియం ధమ్మం పచ్చయా… తీణి.

ఉపాదిన్నుపాదానియఞ్చ అనుపాదిన్నఅనుపాదానియఞ్చ ధమ్మం పచ్చయా అనుపాదిన్నఅనుపాదానియో ధమ్మో ఉప్పజ్జతి నవిపాకపచ్చయా. (సంఖిత్తం.)

అనుపాదిన్నుపాదానియఞ్చ అనుపాదిన్నఅనుపాదానియఞ్చ ధమ్మం పచ్చయా అనుపాదిన్నుపాదానియో ధమ్మో ఉప్పజ్జతి నవిపాకపచ్చయా. (సంఖిత్తం.)

ఉపాదిన్నుపాదానియఞ్చ అనుపాదిన్నుపాదానియఞ్చ ధమ్మం పచ్చయా అనుపాదిన్నుపాదానియో ధమ్మో ఉప్పజ్జతి నవిపాకపచ్చయా – అనుపాదిన్నుపాదానియం ఏకం ఖన్ధఞ్చ వత్థుఞ్చ పచ్చయా తయో ఖన్ధా…పే… ద్వే ఖన్ధే చ వత్థుఞ్చ పచ్చయా ద్వే ఖన్ధా.

నఆహారపచ్చయాది

౪౨. ఉపాదిన్నుపాదానియం ధమ్మం పచ్చయా ఉపాదిన్నుపాదానియో ధమ్మో ఉప్పజ్జతి నఆహారపచ్చయా… నఇన్ద్రియపచ్చయా… నఝానపచ్చయా… నమగ్గపచ్చయా… నసమ్పయుత్తపచ్చయా… నవిప్పయుత్తపచ్చయా… నోనత్థిపచ్చయా… నోవిగతపచ్చయా (సంఖిత్తం).