౧. విభఙ్గవారో

హేతుపచ్చయో

౩౦. ఉపాదిన్నుపాదానియం ధమ్మం పచ్చయా ఉపాదిన్నుపాదానియో ధమ్మో ఉప్పజ్జతి హేతుపచ్చయా – ఉపాదిన్నుపాదానియం ఏకం ఖన్ధం పచ్చయా తయో ఖన్ధా…పే… పటిసన్ధిక్ఖణే…పే… ఖన్ధే పచ్చయా వత్థు, వత్థుం పచ్చయా ఖన్ధా; ఏకం మహాభూతం పచ్చయా తయో మహాభూతా…పే… మహాభూతే పచ్చయా కటత్తారూపం ఉపాదారూపం; వత్థుం పచ్చయా ఉపాదిన్నుపాదానియా ఖన్ధా. (౧)

ఉపాదిన్నుపాదానియం ధమ్మం పచ్చయా అనుపాదిన్నుపాదానియో ధమ్మో ఉప్పజ్జతి హేతుపచ్చయా – ఉపాదిన్నుపాదానియే ఖన్ధే పచ్చయా చిత్తసముట్ఠానం రూపం; వత్థుం పచ్చయా అనుపాదిన్నుపాదానియా ఖన్ధా. (౨)

ఉపాదిన్నుపాదానియం ధమ్మం పచ్చయా అనుపాదిన్నఅనుపాదానియో ధమ్మో ఉప్పజ్జతి హేతుపచ్చయా – వత్థుం పచ్చయా అనుపాదిన్నఅనుపాదానియా ఖన్ధా. (౩)

ఉపాదిన్నుపాదానియం ధమ్మం పచ్చయా ఉపాదిన్నుపాదానియో చ అనుపాదిన్నుపాదానియో చ ధమ్మా ఉప్పజ్జన్తి హేతుపచ్చయా – ఉపాదిన్నుపాదానియం ఏకం ఖన్ధం పచ్చయా తయో ఖన్ధా చిత్తసముట్ఠానఞ్చ రూపం…పే…. (౪)

౩౧. అనుపాదిన్నుపాదానియం ధమ్మం పచ్చయా అనుపాదిన్నుపాదానియో ధమ్మో ఉప్పజ్జతి హేతుపచ్చయా… ఏకా.

అనుపాదిన్నఅనుపాదానియం ధమ్మం పచ్చయా అనుపాదిన్నఅనుపాదానియో ధమ్మో ఉప్పజ్జతి హేతుపచ్చయా… తీణి.

ఉపాదిన్నుపాదానియఞ్చ అనుపాదిన్నఅనుపాదానియఞ్చ ధమ్మం పచ్చయా అనుపాదిన్నఅనుపాదానియో ధమ్మో ఉప్పజ్జతి హేతుపచ్చయా – అనుపాదిన్నఅనుపాదానియం ఏకం ఖన్ధఞ్చ వత్థుఞ్చ పచ్చయా తయో ఖన్ధా…పే… ద్వే ఖన్ధే చ వత్థుఞ్చ పచ్చయా ద్వే ఖన్ధా. (౧)

అనుపాదిన్నుపాదానియఞ్చ అనుపాదిన్నఅనుపాదానియఞ్చ ధమ్మం పచ్చయా అనుపాదిన్నుపాదానియో ధమ్మో ఉప్పజ్జతి హేతుపచ్చయా – అనుపాదిన్నఅనుపాదానియే ఖన్ధే చ మహాభూతే చ పచ్చయా చిత్తసముట్ఠానం రూపం. (౧)

ఉపాదిన్నుపాదానియఞ్చ అనుపాదిన్నుపాదానియఞ్చ ధమ్మం పచ్చయా అనుపాదిన్నుపాదానియో ధమ్మో ఉప్పజ్జతి హేతుపచ్చయా – ఉపాదిన్నుపాదానియే ఖన్ధే చ మహాభూతే చ పచ్చయా చిత్తసముట్ఠానం రూపం; అనుపాదిన్నుపాదానియం ఏకం ఖన్ధఞ్చ వత్థుఞ్చ పచ్చయా తయో ఖన్ధా…పే… ద్వే ఖన్ధే చ వత్థుఞ్చ పచ్చయా ద్వే ఖన్ధా. (౧)

ఆరమ్మణపచ్చయో

౩౨. ఉపాదిన్నుపాదానియం ధమ్మం పచ్చయా ఉపాదిన్నుపాదానియో ధమ్మో ఉప్పజ్జతి ఆరమ్మణపచ్చయా – ఉపాదిన్నుపాదానియం ఏకం ఖన్ధం పచ్చయా తయో ఖన్ధా…పే… ద్వే ఖన్ధే పచ్చయా ద్వే ఖన్ధా; పటిసన్ధిక్ఖణే ఉపాదిన్నుపాదానియం ఏకం ఖన్ధం పచ్చయా తయో ఖన్ధా…పే… ద్వే ఖన్ధే పచ్చయా ద్వే ఖన్ధా; వత్థుం పచ్చయా ఖన్ధా; చక్ఖాయతనం పచ్చయా చక్ఖువిఞ్ఞాణం…పే… కాయాయతనం పచ్చయా కాయవిఞ్ఞాణం; వత్థుం పచ్చయా ఉపాదిన్నుపాదానియా ఖన్ధా. (౧)

ఉపాదిన్నుపాదానియం ధమ్మం పచ్చయా అనుపాదిన్నుపాదానియో ధమ్మో ఉప్పజ్జతి ఆరమ్మణపచ్చయా – వత్థుం పచ్చయా అనుపాదిన్నుపాదానియా ఖన్ధా. (౨)

ఉపాదిన్నుపాదానియం ధమ్మం పచ్చయా అనుపాదిన్నఅనుపాదానియో ధమ్మో ఉప్పజ్జతి ఆరమ్మణపచ్చయా – వత్థుం పచ్చయా అనుపాదిన్నఅనుపాదానియా ఖన్ధా. (౩)

అనుపాదిన్నుపాదానియం ధమ్మం పచ్చయా అనుపాదిన్నుపాదానియో ధమ్మో ఉప్పజ్జతి ఆరమ్మణపచ్చయా – అనుపాదిన్నుపాదానియం ఏకం ఖన్ధం పచ్చయా తయో ఖన్ధా…పే… ద్వే ఖన్ధే పచ్చయా ద్వే ఖన్ధా. (౧)

అనుపాదిన్నఅనుపాదానియం ధమ్మం పచ్చయా అనుపాదిన్నఅనుపాదానియో ధమ్మో ఉప్పజ్జతి ఆరమ్మణపచ్చయా – అనుపాదిన్నఅనుపాదానియం ఏకం ఖన్ధం పచ్చయా తయో ఖన్ధా…పే… ద్వే ఖన్ధే పచ్చయా ద్వే ఖన్ధా. (౧)

ఉపాదిన్నుపాదానియఞ్చ అనుపాదిన్నఅనుపాదానియఞ్చ ధమ్మం పచ్చయా అనుపాదిన్నఅనుపాదానియో ధమ్మో ఉప్పజ్జతి ఆరమ్మణపచ్చయా – అనుపాదిన్నఅనుపాదానియం ఏకం ఖన్ధఞ్చ వత్థుఞ్చ పచ్చయా తయో ఖన్ధా…పే… ద్వే ఖన్ధే చ వత్థుఞ్చ పచ్చయా ద్వే ఖన్ధా. (౧)

ఉపాదిన్నుపాదానియఞ్చ అనుపాదిన్నుపాదానియఞ్చ ధమ్మం పచ్చయా అనుపాదిన్నుపాదానియో ధమ్మో ఉప్పజ్జతి ఆరమ్మణపచ్చయా – అనుపాదిన్నుపాదానియం ఏకం ఖన్ధఞ్చ వత్థుఞ్చ పచ్చయా తయో ఖన్ధా…పే… ద్వే ఖన్ధే చ వత్థుఞ్చ పచ్చయా ద్వే ఖన్ధా. (౧)

అధిపతిపచ్చయో

౩౩. ఉపాదిన్నుపాదానియం ధమ్మం పచ్చయా అనుపాదిన్నుపాదానియో ధమ్మో ఉప్పజ్జతి అధిపతిపచ్చయా – వత్థుం పచ్చయా అనుపాదిన్నుపాదానియా ఖన్ధా. (౧)

ఉపాదిన్నుపాదానియం ధమ్మం పచ్చయా అనుపాదిన్నఅనుపాదానియో ధమ్మో ఉప్పజ్జతి అధిపతిపచ్చయా – వత్థుం పచ్చయా అనుపాదిన్నఅనుపాదానియా ఖన్ధా. (౨)

అనుపాదిన్నుపాదానియం ధమ్మం పచ్చయా అనుపాదిన్నుపాదానియో ధమ్మో ఉప్పజ్జతి అధిపతిపచ్చయా… ఏకా.

అనుపాదిన్నఅనుపాదానియం ధమ్మం పచ్చయా… తిస్సో.

ఉపాదిన్నుపాదానియఞ్చ అనుపాదిన్నఅనుపాదానియఞ్చ ధమ్మం పచ్చయా…పే… అధిపతిపచ్చయా…పే…. (౧)

అనుపాదిన్నుపాదానియఞ్చ అనుపాదిన్నఅనుపాదానియఞ్చ ధమ్మం పచ్చయా…పే… అధిపతిపచ్చయా. (౧)

ఉపాదిన్నుపాదానియఞ్చ అనుపాదిన్నుపాదానియఞ్చ ధమ్మం పచ్చయా అనుపాదిన్నుపాదానియో ధమ్మో ఉప్పజ్జతి అధిపతిపచ్చయా – అనుపాదిన్నుపాదానియం ఏకం ఖన్ధఞ్చ వత్థుఞ్చ పచ్చయా తయో ఖన్ధా…పే… ద్వే ఖన్ధే చ వత్థుఞ్చ పచ్చయా ద్వే ఖన్ధా. (౧)

అనన్తరపచ్చయో

౩౪. ఉపాదిన్నుపాదానియం ధమ్మం పచ్చయా ఉపాదిన్నుపాదానియో ధమ్మో ఉప్పజ్జతి అనన్తరపచ్చయా.

(చతువీసతిపచ్చయా విత్థారేతబ్బా, అవిగతపచ్చయా.)