౧. విభఙ్గవారో

పచ్చనీయం – నహేతుపచ్చయో

౮౬. అకుసలం ధమ్మం పటిచ్చ అకుసలో ధమ్మో ఉప్పజ్జతి నహేతుపచ్చయా – విచికిచ్ఛాసహగతే ఉద్ధచ్చసహగతే ఖన్ధే పటిచ్చ విచికిచ్ఛాసహగతో ఉద్ధచ్చసహగతో మోహో. (౧)

అబ్యాకతం ధమ్మం పటిచ్చ అబ్యాకతో ధమ్మో ఉప్పజ్జతి నహేతుపచ్చయా – అహేతుకం విపాకాబ్యాకతం కిరియాబ్యాకతం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం, తయో ఖన్ధే పటిచ్చ ఏకో ఖన్ధో చిత్తసముట్ఠానఞ్చ రూపం, ద్వే ఖన్ధే పటిచ్చ ద్వే ఖన్ధా చిత్తసముట్ఠానఞ్చ రూపం; అహేతుకపటిసన్ధిక్ఖణే విపాకాబ్యాకతం ఏకం ఖన్ధం పటిచ్చ తయో ఖన్ధా కటత్తా చ రూపం, తయో ఖన్ధే పటిచ్చ ఏకో ఖన్ధో కటత్తా చ రూపం, ద్వే ఖన్ధే పటిచ్చ ద్వే ఖన్ధా కటత్తా చ రూపం; ఖన్ధే పటిచ్చ వత్థు, వత్థుం పటిచ్చ ఖన్ధా; ఏకం మహాభూతం పటిచ్చ తయో మహాభూతా, తయో మహాభూతే పటిచ్చ ఏకం మహాభూతం, ద్వే మహాభూతే పటిచ్చ ద్వే మహాభూతా, మహాభూతే పటిచ్చ చిత్తసముట్ఠానం రూపం కటత్తారూపం ఉపాదారూపం; బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం ఏకం మహాభూతం పటిచ్చ తయో మహాభూతా, తయో మహాభూతే పటిచ్చ ఏకం మహాభూతం, ద్వే మహాభూతే పటిచ్చ ద్వే మహాభూతా, మహాభూతే పటిచ్చ కటత్తారూపం ఉపాదారూపం. (౧)

నఆరమ్మణపచ్చయో

౮౭. కుసలం ధమ్మం పటిచ్చ అబ్యాకతో ధమ్మో ఉప్పజ్జతి నఆరమ్మణపచ్చయా – కుసలే ఖన్ధే పటిచ్చ చిత్తసముట్ఠానం రూపం. (౧)

అకుసలం ధమ్మం పటిచ్చ అబ్యాకతో ధమ్మో ఉప్పజ్జతి నఆరమ్మణపచ్చయా – అకుసలే ఖన్ధే పటిచ్చ చిత్తసముట్ఠానం రూపం. (౧)

అబ్యాకతం ధమ్మం పటిచ్చ అబ్యాకతో ధమ్మో ఉప్పజ్జతి నఆరమ్మణపచ్చయా – విపాకాబ్యాకతే కిరియాబ్యాకతే ఖన్ధే పటిచ్చ చిత్తసముట్ఠానం రూపం; పటిసన్ధిక్ఖణే విపాకాబ్యాకతే ఖన్ధే పటిచ్చ కటత్తారూపం; ఖన్ధే పటిచ్చ వత్థు; ఏకం మహాభూతం పటిచ్చ తయో మహాభూతా, తయో మహాభూతే పటిచ్చ ఏకం మహాభూతం, ద్వే మహాభూతే పటిచ్చ ద్వే మహాభూతా, మహాభూతే పటిచ్చ చిత్తసముట్ఠానం రూపం కటత్తారూపం ఉపాదారూపం; బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం ఏకం మహాభూతం పటిచ్చ తయో మహాభూతా, తయో మహాభూతే పటిచ్చ ఏకం మహాభూతం, ద్వే మహాభూతే పటిచ్చ ద్వే మహాభూతా, మహాభూతే పటిచ్చ కటత్తారూపం ఉపాదారూపం. (౧)

కుసలఞ్చ అబ్యాకతఞ్చ ధమ్మం పటిచ్చ అబ్యాకతో ధమ్మో ఉప్పజ్జతి నఆరమ్మణపచ్చయా – కుసలే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

అకుసలఞ్చ అబ్యాకతఞ్చ ధమ్మం పటిచ్చ అబ్యాకతో ధమ్మో ఉప్పజ్జతి నఆరమ్మణపచ్చయా – అకుసలే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

నఅధిపతిపచ్చయో

౮౮. కుసలం ధమ్మం పటిచ్చ కుసలో ధమ్మో ఉప్పజ్జతి నఅధిపతిపచ్చయా – కుసలం ఏకం ఖన్ధం పటిచ్చ తయో ఖన్ధా, తయో ఖన్ధే పటిచ్చ ఏకో ఖన్ధో, ద్వే ఖన్ధే పటిచ్చ ద్వే ఖన్ధా. కుసలం ధమ్మం పటిచ్చ అబ్యాకతో ధమ్మో ఉప్పజ్జతి నఅధిపతిపచ్చయా – కుసలే ఖన్ధే పటిచ్చ చిత్తసముట్ఠానం రూపం. కుసలం ధమ్మం పటిచ్చ కుసలో చ అబ్యాకతో చ ధమ్మా ఉప్పజ్జన్తి నఅధిపతిపచ్చయా – కుసలం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం, తయో ఖన్ధే పటిచ్చ ఏకో ఖన్ధో చిత్తసముట్ఠానఞ్చ రూపం, ద్వే ఖన్ధే పటిచ్చ ద్వే ఖన్ధా చిత్తసముట్ఠానఞ్చ రూపం. (౩)

అకుసలం ధమ్మం పటిచ్చ అకుసలో ధమ్మో ఉప్పజ్జతి నఅధిపతిపచ్చయా – అకుసలం ఏకం ఖన్ధం పటిచ్చ తయో ఖన్ధా, తయో ఖన్ధే పటిచ్చ ఏకో ఖన్ధో, ద్వే ఖన్ధే పటిచ్చ ద్వే ఖన్ధా. అకుసలం ధమ్మం పటిచ్చ అబ్యాకతో ధమ్మో ఉప్పజ్జతి నఅధిపతిపచ్చయా – అకుసలే ఖన్ధే పటిచ్చ చిత్తసముట్ఠానం రూపం. అకుసలం ధమ్మం పటిచ్చ అకుసలో చ అబ్యాకతో చ ధమ్మా ఉప్పజ్జన్తి నఅధిపతిపచ్చయా – అకుసలం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం, తయో ఖన్ధే పటిచ్చ ఏకో ఖన్ధో చిత్తసముట్ఠానఞ్చ రూపం, ద్వే ఖన్ధే పటిచ్చ ద్వే ఖన్ధా చిత్తసముట్ఠానఞ్చ రూపం. (౩)

అబ్యాకతం ధమ్మం పటిచ్చ అబ్యాకతో ధమ్మో ఉప్పజ్జతి నఅధిపతిపచ్చయా – విపాకాబ్యాకతం కిరియాబ్యాకతం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం, తయో ఖన్ధే పటిచ్చ ఏకో ఖన్ధో చిత్తసముట్ఠానఞ్చ రూపం, ద్వే ఖన్ధే పటిచ్చ ద్వే ఖన్ధా చిత్తసముట్ఠానఞ్చ రూపం; పటిసన్ధిక్ఖణే విపాకాబ్యాకతం ఏకం ఖన్ధం పటిచ్చ తయో ఖన్ధా కటత్తా చ రూపం, తయో ఖన్ధే పటిచ్చ ఏకో ఖన్ధో కటత్తా చ రూపం, ద్వే ఖన్ధే పటిచ్చ ద్వే ఖన్ధా కటత్తా చ రూపం. ఖన్ధే పటిచ్చ వత్థు, వత్థుం పటిచ్చ ఖన్ధా. ఏకం మహాభూతం పటిచ్చ తయో మహాభూతా, తయో మహాభూతే పటిచ్చ ఏకం మహాభూతం, ద్వే మహాభూతే పటిచ్చ ద్వే మహాభూతా, మహాభూతే పటిచ్చ చిత్తసముట్ఠానం రూపం కటత్తారూపం ఉపాదారూపం; బాహిరం… ఆహారసముట్ఠానం … ఉతుసముట్ఠానం… అసఞ్ఞసత్తానం ఏకం మహాభూతం పటిచ్చ తయో మహాభూతా, తయో మహాభూతే పటిచ్చ ఏకం మహాభూతం, ద్వే మహాభూతే పటిచ్చ ద్వే మహాభూతా, మహాభూతే పటిచ్చ కటత్తారూపం ఉపాదారూపం. (౧)

కుసలఞ్చ అబ్యాకతఞ్చ ధమ్మం పటిచ్చ అబ్యాకతో ధమ్మో ఉప్పజ్జతి నఅధిపతిపచ్చయా – కుసలే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

అకుసలఞ్చ అబ్యాకతఞ్చ ధమ్మం పటిచ్చ అబ్యాకతో ధమ్మో ఉప్పజ్జతి నఅధిపతిపచ్చయా – అకుసలే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

నఅనన్తర-నసమనన్తరపచ్చయా

౮౯. కుసలం ధమ్మం పటిచ్చ అబ్యాకతో ధమ్మో ఉప్పజ్జతి నఅనన్తరపచ్చయా… నసమనన్తరపచ్చయా – కుసలే ఖన్ధే పటిచ్చ చిత్తసముట్ఠానం రూపం. (నఅనన్తరపచ్చయమ్పి నసమనన్తరపచ్చయమ్పి నఆరమ్మణపచ్చయసదిసం.)

నఅఞ్ఞమఞ్ఞపచ్చయో

౯౦. కుసలం ధమ్మం పటిచ్చ అబ్యాకతో ధమ్మో ఉప్పజ్జతి నఅఞ్ఞమఞ్ఞపచ్చయా – కుసలే ఖన్ధే పటిచ్చ చిత్తసముట్ఠానం రూపం. (౧)

అకుసలం ధమ్మం పటిచ్చ అబ్యాకతో ధమ్మో ఉప్పజ్జతి నఅఞ్ఞమఞ్ఞపచ్చయా – అకుసలే ఖన్ధే పటిచ్చ చిత్తసముట్ఠానం రూపం. (౧)

అబ్యాకతం ధమ్మం పటిచ్చ అబ్యాకతో ధమ్మో ఉప్పజ్జతి నఅఞ్ఞమఞ్ఞపచ్చయా – విపాకాబ్యాకతే కిరియాబ్యాకతే ఖన్ధే పటిచ్చ చిత్తసముట్ఠానం రూపం; పటిసన్ధిక్ఖణే విపాకాబ్యాకతే ఖన్ధే పటిచ్చ కటత్తారూపం; మహాభూతే పటిచ్చ చిత్తసముట్ఠానం రూపం కటత్తారూపం ఉపాదారూపం; బాహిరే మహాభూతే పటిచ్చ ఉపాదారూపం; ఆహారసముట్ఠానే మహాభూతే పటిచ్చ ఉపాదారూపం; ఉతుసముట్ఠానే మహాభూతే పటిచ్చ ఉపాదారూపం; అసఞ్ఞసత్తానం మహాభూతే పటిచ్చ కటత్తారూపం ఉపాదారూపం. (౧)

కుసలఞ్చ అబ్యాకతఞ్చ ధమ్మం పటిచ్చ అబ్యాకతో ధమ్మో ఉప్పజ్జతి న అఞ్ఞమఞ్ఞపచ్చయా – కుసలే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

అకుసలఞ్చ అబ్యాకతఞ్చ ధమ్మం పటిచ్చ అబ్యాకతో ధమ్మో ఉప్పజ్జతి నఅఞ్ఞమఞ్ఞపచ్చయా – అకుసలే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

నఉపనిస్సయపచ్చయో

౯౧. కుసలం ధమ్మం పటిచ్చ అబ్యాకతో ధమ్మో ఉప్పజ్జతి నఉపనిస్సయపచ్చయా – కుసలే ఖన్ధే పటిచ్చ చిత్తసముట్ఠానం రూపం. (నఉపనిస్సయపచ్చయం నఆరమ్మణపచ్చయసదిసం.)

నపురేజాతపచ్చయో

౯౨. కుసలం ధమ్మం పటిచ్చ కుసలో ధమ్మో ఉప్పజ్జతి నపురేజాతపచ్చయా – అరూపే కుసలం ఏకం ఖన్ధం పటిచ్చ తయో ఖన్ధా, తయో ఖన్ధే పటిచ్చ ఏకో ఖన్ధో, ద్వే ఖన్ధే పటిచ్చ ద్వే ఖన్ధా. కుసలం ధమ్మం పటిచ్చ అబ్యాకతో ధమ్మో ఉప్పజ్జతి నపురేజాతపచ్చయా – కుసలే ఖన్ధే పటిచ్చ చిత్తసముట్ఠానం రూపం. (౨)

అకుసలం ధమ్మం పటిచ్చ అకుసలో ధమ్మో ఉప్పజ్జతి నపురేజాతపచ్చయా – అరూపే అకుసలం ఏకం ఖన్ధం పటిచ్చ తయో ఖన్ధా, తయో ఖన్ధే పటిచ్చ ఏకో ఖన్ధో, ద్వే ఖన్ధే పటిచ్చ ద్వే ఖన్ధా. అకుసలం ధమ్మం పటిచ్చ అబ్యాకతో ధమ్మో ఉప్పజ్జతి నపురేజాతపచ్చయా – అకుసలే ఖన్ధే పటిచ్చ చిత్తసముట్ఠానం రూపం. (౨)

అబ్యాకతం ధమ్మం పటిచ్చ అబ్యాకతో ధమ్మో ఉప్పజ్జతి నపురేజాతపచ్చయా – అరూపే విపాకాబ్యాకతం కిరియాబ్యాకతం ఏకం ఖన్ధం పటిచ్చ తయో ఖన్ధా, తయో ఖన్ధే పటిచ్చ ఏకో ఖన్ధో, ద్వే ఖన్ధే పటిచ్చ ద్వే ఖన్ధా, విపాకాబ్యాకతే కిరియాబ్యాకతే ఖన్ధే పటిచ్చ చిత్తసముట్ఠానం రూపం; పటిసన్ధిక్ఖణే విపాకాబ్యాకతం ఏకం ఖన్ధం పటిచ్చ తయో ఖన్ధా కటత్తా చ రూపం, తయో ఖన్ధే పటిచ్చ ఏకో ఖన్ధో కటత్తా చ రూపం, ద్వే ఖన్ధే పటిచ్చ ద్వే ఖన్ధా కటత్తా చ రూపం. ఖన్ధే పటిచ్చ వత్థు, వత్థుం పటిచ్చ ఖన్ధా. ఏకం మహాభూతం పటిచ్చ తయో మహాభూతా, తయో మహాభూతే పటిచ్చ ఏకం మహాభూతం, ద్వే మహాభూతే పటిచ్చ ద్వే మహాభూతా, మహాభూతే పటిచ్చ చిత్తసముట్ఠానం రూపం కటత్తారూపం ఉపాదారూపం; బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం ఏకం మహాభూతం పటిచ్చ తయో మహాభూతా, తయో మహాభూతే పటిచ్చ ఏకం మహాభూతం, ద్వే మహాభూతే పటిచ్చ ద్వే మహాభూతా, మహాభూతే పటిచ్చ కటత్తారూపం ఉపాదారూపం. (౧)

కుసలఞ్చ అబ్యాకతఞ్చ ధమ్మం పటిచ్చ అబ్యాకతో ధమ్మో ఉప్పజ్జతి నపురేజాతపచ్చయా – కుసలే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

అకుసలఞ్చ అబ్యాకతఞ్చ ధమ్మం పటిచ్చ అబ్యాకతో ధమ్మో ఉప్పజ్జతి నపురేజాతపచ్చయా – అకుసలే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

నపచ్ఛాజాత-నఆసేవనపచ్చయా

౯౩. కుసలం ధమ్మం పటిచ్చ కుసలో ధమ్మో ఉప్పజ్జతి నపచ్ఛాజాతపచ్చయా – కుసలం ఏకం ఖన్ధం పటిచ్చ…పే….

కుసలం ధమ్మం పటిచ్చ కుసలో ధమ్మో ఉప్పజ్జతి నఆసేవనపచ్చయా – కుసలం ఏకం ఖన్ధం పటిచ్చ…పే…. (నపచ్ఛాజాతపచ్చయమ్పి నఆసేవనపచ్చయమ్పి నఅధిపతిపచ్చయసదిసం.)

నకమ్మపచ్చయో

౯౪. కుసలం ధమ్మం పటిచ్చ కుసలో ధమ్మో ఉప్పజ్జతి నకమ్మపచ్చయా – కుసలే ఖన్ధే పటిచ్చ కుసలా చేతనా. (౧)

అకుసలం ధమ్మం పటిచ్చ అకుసలో ధమ్మో ఉప్పజ్జతి నకమ్మపచ్చయా – అకుసలే ఖన్ధే పటిచ్చ అకుసలా చేతనా. (౧)

అబ్యాకతం ధమ్మం పటిచ్చ అబ్యాకతో ధమ్మో ఉప్పజ్జతి నకమ్మపచ్చయా – కిరియాబ్యాకతే ఖన్ధే పటిచ్చ కిరియాబ్యాకతా చేతనా; బాహిరం… ఆహారసముట్ఠానం… ఉతుసముట్ఠానం ఏకం మహాభూతం పటిచ్చ తయో మహాభూతా, తయో మహాభూతే పటిచ్చ ఏకం మహాభూతం, ద్వే మహాభూతే పటిచ్చ ద్వే మహాభూతా, మహాభూతే పటిచ్చ ఉపాదారూపం. (౧)

నవిపాకపచ్చయో

౯౫. కుసలం ధమ్మం పటిచ్చ కుసలో ధమ్మో ఉప్పజ్జతి నవిపాకపచ్చయా – కుసలం ఏకం ఖన్ధం పటిచ్చ… తీణి.

అకుసలం ధమ్మం పటిచ్చ అకుసలో ధమ్మో ఉప్పజ్జతి నవిపాకపచ్చయా… తీణి.

అబ్యాకతం ధమ్మం పటిచ్చ అబ్యాకతో ధమ్మో ఉప్పజ్జతి నవిపాకపచ్చయా – కిరియాబ్యాకతం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం, తయో ఖన్ధే పటిచ్చ ఏకో ఖన్ధో చిత్తసముట్ఠానఞ్చ రూపం, ద్వే ఖన్ధే పటిచ్చ ద్వే ఖన్ధా చిత్తసముట్ఠానఞ్చ రూపం; ఏకం మహాభూతం పటిచ్చ తయో మహాభూతా…పే… మహాభూతే పటిచ్చ చిత్తసముట్ఠానం రూపం ఉపాదారూపం; బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం ఏకం మహాభూతం పటిచ్చ తయో మహాభూతా…పే… మహాభూతే పటిచ్చ కటత్తారూపం ఉపాదారూపం.

కుసలఞ్చ అబ్యాకతఞ్చ ధమ్మం పటిచ్చ అబ్యాకతో ధమ్మో ఉప్పజ్జతి నవిపాకపచ్చయా – కుసలే ఖన్ధే చ మహాభూతే చ పటిచ్చ చిత్తసముట్ఠానం రూపం.

అకుసలఞ్చ అబ్యాకతఞ్చ ధమ్మం పటిచ్చ అబ్యాకతో ధమ్మో ఉప్పజ్జతి నవిపాకపచ్చయా – అకుసలే ఖన్ధే చ మహాభూతే చ పటిచ్చ చిత్తసముట్ఠానం రూపం.

నఆహారపచ్చయో

౯౬. అబ్యాకతం ధమ్మం పటిచ్చ అబ్యాకతో ధమ్మో ఉప్పజ్జతి నఆహారపచ్చయా – బాహిరం … ఉతుసముట్ఠానం… అసఞ్ఞసత్తానం ఏకం మహాభూతం పటిచ్చ తయో మహాభూతా…పే… మహాభూతే పటిచ్చ కటత్తారూపం ఉపాదారూపం. (౧)

నఇన్ద్రియపచ్చయో

౯౭. అబ్యాకతం ధమ్మం పటిచ్చ అబ్యాకతో ధమ్మో ఉప్పజ్జతి నఇన్ద్రియపచ్చయా – బాహిరం… ఆహారసముట్ఠానం… ఉతుసముట్ఠానం ఏకం మహాభూతం పటిచ్చ తయో మహాభూతా…పే… మహాభూతే పటిచ్చ ఉపాదారూపం; అసఞ్ఞసత్తానం మహాభూతే పటిచ్చ రూపజీవితిన్ద్రియం. (౧)

నఝానపచ్చయో

౯౮. అబ్యాకతం ధమ్మం పటిచ్చ అబ్యాకతో ధమ్మో ఉప్పజ్జతి నఝానపచ్చయా – పఞ్చవిఞ్ఞాణసహగతం ఏకం ఖన్ధం పటిచ్చ తయో ఖన్ధా; తయో ఖన్ధే పటిచ్చ ఏకో ఖన్ధో, ద్వే ఖన్ధే పటిచ్చ ద్వే ఖన్ధా; బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం ఏకం మహాభూతం పటిచ్చ తయో మహాభూతా…పే… మహాభూతే పటిచ్చ కటత్తారూపం ఉపాదారూపం. (౧)

నమగ్గపచ్చయో

౯౯. అబ్యాకతం ధమ్మం పటిచ్చ అబ్యాకతో ధమ్మో ఉప్పజ్జతి నమగ్గపచ్చయా – అహేతుకం విపాకాబ్యాకతం కిరియాబ్యాకతం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం, తయో ఖన్ధే పటిచ్చ ఏకో ఖన్ధో చిత్తసముట్ఠానఞ్చ రూపం, ద్వే ఖన్ధే పటిచ్చ ద్వే ఖన్ధా చిత్తసముట్ఠానఞ్చ రూపం; అహేతుకపటిసన్ధిక్ఖణే విపాకాబ్యాకతం ఏకం ఖన్ధం పటిచ్చ తయో ఖన్ధా కటత్తా చ రూపం, తయో ఖన్ధే పటిచ్చ ఏకో ఖన్ధో కటత్తా చ రూపం, ద్వే ఖన్ధే పటిచ్చ ద్వే ఖన్ధా కటత్తా చ రూపం. ఖన్ధే పటిచ్చ వత్థు, వత్థుం పటిచ్చ ఖన్ధా. ఏకం మహాభూతం పటిచ్చ తయో మహాభూతా, తయో మహాభూతే పటిచ్చ ఏకం మహాభూతం, ద్వే మహాభూతే పటిచ్చ ద్వే మహాభూతా; మహాభూతే పటిచ్చ చిత్తసముట్ఠానం రూపం కటత్తారూపం ఉపాదారూపం; బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం ఏకం మహాభూతం పటిచ్చ తయో మహాభూతా…పే… మహాభూతే పటిచ్చ కటత్తారూపం ఉపాదారూపం. (౧)

నసమ్పయుత్తపచ్చయో

౧౦౦. కుసలం ధమ్మం పటిచ్చ అబ్యాకతో ధమ్మో ఉప్పజ్జతి నసమ్పయుత్తపచ్చయా – కుసలే ఖన్ధే పటిచ్చ చిత్తసముట్ఠానం రూపం. (నఆరమ్మణపచ్చయసదిసం.)

నవిప్పయుత్తపచ్చయో

౧౦౧. కుసలం ధమ్మం పటిచ్చ కుసలో ధమ్మో ఉప్పజ్జతి నవిప్పయుత్తపచ్చయా – అరూపే కుసలం ఏకం ఖన్ధం పటిచ్చ తయో ఖన్ధా, తయో ఖన్ధే పటిచ్చ ఏకో ఖన్ధో, ద్వే ఖన్ధే పటిచ్చ ద్వే ఖన్ధా. (౧)

అకుసలం ధమ్మం పటిచ్చ అకుసలో ధమ్మో ఉప్పజ్జతి నవిప్పయుత్తపచ్చయా – అరూపే అకుసలం ఏకం ఖన్ధం పటిచ్చ తయో ఖన్ధా, తయో ఖన్ధే పటిచ్చ ఏకో ఖన్ధో, ద్వే ఖన్ధే పటిచ్చ ద్వే ఖన్ధా. (౧)

అబ్యాకతం ధమ్మం పటిచ్చ అబ్యాకతో ధమ్మో ఉప్పజ్జతి నవిప్పయుత్తపచ్చయా – అరూపే విపాకాబ్యాకతం కిరియాబ్యాకతం ఏకం ఖన్ధం పటిచ్చ తయో ఖన్ధా, తయో ఖన్ధే పటిచ్చ ఏకో ఖన్ధో, ద్వే ఖన్ధే పటిచ్చ ద్వే ఖన్ధా; బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం ఏకం మహాభూతం పటిచ్చ తయో మహాభూతా…పే… మహాభూతే పటిచ్చ కటత్తారూపం ఉపాదారూపం. (౧)

నోనత్థి-నోవిగతపచ్చయా

౧౦౨. కుసలం ధమ్మం పటిచ్చ అబ్యాకతో ధమ్మో ఉప్పజ్జతి నోనత్థిపచ్చయా… నోవిగతపచ్చయా – కుసలే ఖన్ధే పటిచ్చ చిత్తసముట్ఠానం రూపం. (నఆరమ్మణపచ్చయసదిసం.)