౧. కుసలత్తికం

౧. పటిచ్చవారో

౧. పచ్చయానులోమం

౧. విభఙ్గవారో

అనులోమం – హేతుపచ్చయో

౫౩. కుసలం ధమ్మం పటిచ్చ కుసలో ధమ్మో ఉప్పజ్జతి హేతుపచ్చయా – కుసలం ఏకం ఖన్ధం పటిచ్చ తయో ఖన్ధా, తయో ఖన్ధే పటిచ్చ ఏకో ఖన్ధో, ద్వే ఖన్ధే పటిచ్చ ద్వే ఖన్ధా. కుసలం ధమ్మం పటిచ్చ అబ్యాకతో ధమ్మో ఉప్పజ్జతి హేతుపచ్చయా – కుసలే ఖన్ధే పటిచ్చ చిత్తసముట్ఠానం రూపం. కుసలం ధమ్మం పటిచ్చ కుసలో చ అబ్యాకతో చ ధమ్మా ఉప్పజ్జన్తి హేతుపచ్చయా – కుసలం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం, తయో ఖన్ధే పటిచ్చ ఏకో ఖన్ధో చిత్తసముట్ఠానఞ్చ రూపం, ద్వే ఖన్ధే పటిచ్చ ద్వే ఖన్ధా చిత్తసముట్ఠానఞ్చ రూపం. (౩)

అకుసలం ధమ్మం పటిచ్చ అకుసలో ధమ్మో ఉప్పజ్జతి హేతుపచ్చయా – అకుసలం ఏకం ఖన్ధం పటిచ్చ తయో ఖన్ధా, తయో ఖన్ధే పటిచ్చ ఏకో ఖన్ధో, ద్వే ఖన్ధే పటిచ్చ ద్వే ఖన్ధా. అకుసలం ధమ్మం పటిచ్చ అబ్యాకతో ధమ్మో ఉప్పజ్జతి హేతుపచ్చయా – అకుసలే ఖన్ధే పటిచ్చ చిత్తసముట్ఠానం రూపం. అకుసలం ధమ్మం పటిచ్చ అకుసలో చ అబ్యాకతో చ ధమ్మా ఉప్పజ్జన్తి హేతుపచ్చయా – అకుసలం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం, తయో ఖన్ధే పటిచ్చ ఏకో ఖన్ధో చిత్తసముట్ఠానఞ్చ రూపం, ద్వే ఖన్ధే పటిచ్చ ద్వే ఖన్ధా చిత్తసముట్ఠానఞ్చ రూపం. (౩)

అబ్యాకతం ధమ్మం పటిచ్చ అబ్యాకతో ధమ్మో ఉప్పజ్జతి హేతుపచ్చయా – విపాకాబ్యాకతం కిరియాబ్యాకతం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం, తయో ఖన్ధే పటిచ్చ ఏకో ఖన్ధో చిత్తసముట్ఠానఞ్చ రూపం, ద్వే ఖన్ధే పటిచ్చ ద్వే ఖన్ధా చిత్తసముట్ఠానఞ్చ రూపం; పటిసన్ధిక్ఖణే విపాకాబ్యాకతం ఏకం ఖన్ధం పటిచ్చ తయో ఖన్ధా కటత్తా చ రూపం, తయో ఖన్ధే పటిచ్చ ఏకో ఖన్ధో కటత్తా చ రూపం, ద్వే ఖన్ధే పటిచ్చ ద్వే ఖన్ధా కటత్తా చ రూపం; ఖన్ధే పటిచ్చ వత్థు, వత్థుం పటిచ్చ ఖన్ధా; ఏకం మహాభూతం పటిచ్చ తయో మహాభూతా, తయో మహాభూతే పటిచ్చ ఏకం మహాభూతం, ద్వే మహాభూతే పటిచ్చ ద్వే మహాభూతా, మహాభూతే పటిచ్చ చిత్తసముట్ఠానం రూపం కటత్తారూపం ఉపాదారూపం. (౧)

కుసలఞ్చ అబ్యాకతఞ్చ ధమ్మం పటిచ్చ అబ్యాకతో ధమ్మో ఉప్పజ్జతి హేతుపచ్చయా – కుసలే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

అకుసలఞ్చ అబ్యాకతఞ్చ ధమ్మం పటిచ్చ అబ్యాకతో ధమ్మో ఉప్పజ్జతి హేతుపచ్చయా – అకుసలే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

ఆరమ్మణపచ్చయో

౫౪. కుసలం ధమ్మం పటిచ్చ కుసలో ధమ్మో ఉప్పజ్జతి ఆరమ్మణపచ్చయా – కుసలం ఏకం ఖన్ధం పటిచ్చ తయో ఖన్ధా, తయో ఖన్ధే పటిచ్చ ఏకో ఖన్ధో, ద్వే ఖన్ధే పటిచ్చ ద్వే ఖన్ధా. (౧)

అకుసలం ధమ్మం పటిచ్చ అకుసలో ధమ్మో ఉప్పజ్జతి ఆరమ్మణపచ్చయా – అకుసలం ఏకం ఖన్ధం పటిచ్చ తయో ఖన్ధా, తయో ఖన్ధే పటిచ్చ ఏకో ఖన్ధో, ద్వే ఖన్ధే పటిచ్చ ద్వే ఖన్ధా. (౧)

అబ్యాకతం ధమ్మం పటిచ్చ అబ్యాకతో ధమ్మో ఉప్పజ్జతి ఆరమ్మణపచ్చయా – విపాకాబ్యాకతం కిరియాబ్యాకతం ఏకం ఖన్ధం పటిచ్చ తయో ఖన్ధా, తయో ఖన్ధే పటిచ్చ ఏకో ఖన్ధో, ద్వే ఖన్ధే పటిచ్చ ద్వే ఖన్ధా; పటిసన్ధిక్ఖణే విపాకాబ్యాకతం ఏకం ఖన్ధం పటిచ్చ తయో ఖన్ధా, తయో ఖన్ధే పటిచ్చ ఏకో ఖన్ధో, ద్వే ఖన్ధే పటిచ్చ ద్వే ఖన్ధా, వత్థుం పటిచ్చ ఖన్ధా. (౧)

అధిపతిపచ్చయో

౫౫. కుసలం ధమ్మం పటిచ్చ కుసలో ధమ్మో ఉప్పజ్జతి అధిపతిపచ్చయా – కుసలం ఏకం ఖన్ధం పటిచ్చ తయో ఖన్ధా, తయో ఖన్ధే పటిచ్చ ఏకో ఖన్ధో, ద్వే ఖన్ధే పటిచ్చ ద్వే ఖన్ధా. కుసలం ధమ్మం పటిచ్చ అబ్యాకతో ధమ్మో ఉప్పజ్జతి అధిపతిపచ్చయా – కుసలే ఖన్ధే పటిచ్చ చిత్తసముట్ఠానం రూపం. కుసలం ధమ్మం పటిచ్చ కుసలో చ అబ్యాకతో చ ధమ్మా ఉప్పజ్జన్తి అధిపతిపచ్చయా – కుసలం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం, తయో ఖన్ధే పటిచ్చ ఏకో ఖన్ధో చిత్తసముట్ఠానఞ్చ రూపం, ద్వే ఖన్ధే పటిచ్చ ద్వే ఖన్ధా చిత్తసముట్ఠానఞ్చ రూపం. (౩)

అకుసలం ధమ్మం పటిచ్చ అకుసలో ధమ్మో ఉప్పజ్జతి అధిపతిపచ్చయా – అకుసలం ఏకం ఖన్ధం పటిచ్చ తయో ఖన్ధా, తయో ఖన్ధే పటిచ్చ ఏకో ఖన్ధో, ద్వే ఖన్ధే పటిచ్చ ద్వే ఖన్ధా. అకుసలం ధమ్మం పటిచ్చ అబ్యాకతో ధమ్మో ఉప్పజ్జతి అధిపతిపచ్చయా – అకుసలే ఖన్ధే పటిచ్చ చిత్తసముట్ఠానం రూపం. అకుసలం ధమ్మం పటిచ్చ అకుసలో చ అబ్యాకతో చ ధమ్మా ఉప్పజ్జన్తి అధిపతిపచ్చయా – అకుసలం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం, తయో ఖన్ధే పటిచ్చ ఏకో ఖన్ధో చిత్తసముట్ఠానఞ్చ రూపం, ద్వే ఖన్ధే పటిచ్చ ద్వే ఖన్ధా చిత్తసముట్ఠానఞ్చ రూపం. (౩)

అబ్యాకతం ధమ్మం పటిచ్చ అబ్యాకతో ధమ్మో ఉప్పజ్జతి అధిపతిపచ్చయా – విపాకాబ్యాకతం కిరియాబ్యాకతం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం, తయో ఖన్ధే పటిచ్చ ఏకో ఖన్ధో చిత్తసముట్ఠానఞ్చ రూపం, ద్వే ఖన్ధే పటిచ్చ ద్వే ఖన్ధా చిత్తసముట్ఠానఞ్చ రూపం; ఏకం మహాభూతం పటిచ్చ తయో మహాభూతా, తయో మహాభూతే పటిచ్చ ఏకం మహాభూతం, ద్వే మహాభూతే పటిచ్చ ద్వే మహాభూతా, మహాభూతే పటిచ్చ చిత్తసముట్ఠానం రూపం ఉపాదారూపం. (౧)

కుసలఞ్చ అబ్యాకతఞ్చ ధమ్మం పటిచ్చ అబ్యాకతో ధమ్మో ఉప్పజ్జతి అధిపతిపచ్చయా – కుసలే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

అకుసలఞ్చ అబ్యాకతఞ్చ ధమ్మం పటిచ్చ అబ్యాకతో ధమ్మో ఉప్పజ్జతి అధిపతిపచ్చయా – అకుసలే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

అనన్తర-సమనన్తరపచ్చయా

౫౬. కుసలం ధమ్మం పటిచ్చ కుసలో ధమ్మో ఉప్పజ్జతి అనన్తరపచ్చయా… సమనన్తరపచ్చయా – కుసలం ఏకం ఖన్ధం పటిచ్చ తయో ఖన్ధా. (అనన్తరమ్పి సమనన్తరమ్పి ఆరమ్మణపచ్చయసదిసం.)

సహజాతపచ్చయో

౫౭. కుసలం ధమ్మం పటిచ్చ కుసలో ధమ్మో ఉప్పజ్జతి సహజాతపచ్చయా – కుసలం ఏకం ఖన్ధం పటిచ్చ తయో ఖన్ధా, తయో ఖన్ధే పటిచ్చ ఏకో ఖన్ధో, ద్వే ఖన్ధే పటిచ్చ ద్వే ఖన్ధా. కుసలం ధమ్మం పటిచ్చ అబ్యాకతో ధమ్మో ఉప్పజ్జతి సహజాతపచ్చయా – కుసలే ఖన్ధే పటిచ్చ చిత్తసముట్ఠానం రూపం. కుసలం ధమ్మం పటిచ్చ కుసలో చ అబ్యాకతో చ ధమ్మా ఉప్పజ్జన్తి సహజాతపచ్చయా – కుసలం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం, తయో ఖన్ధే పటిచ్చ ఏకో ఖన్ధో చిత్తసముట్ఠానఞ్చ రూపం, ద్వే ఖన్ధే పటిచ్చ ద్వే ఖన్ధా చిత్తసముట్ఠానఞ్చ రూపం. (౩)

అకుసలం ధమ్మం పటిచ్చ అకుసలో ధమ్మో ఉప్పజ్జతి సహజాతపచ్చయా – అకుసలం ఏకం ఖన్ధం పటిచ్చ తయో ఖన్ధా, తయో ఖన్ధే పటిచ్చ ఏకో ఖన్ధో, ద్వే ఖన్ధే పటిచ్చ ద్వే ఖన్ధా. అకుసలం ధమ్మం పటిచ్చ అబ్యాకతో ధమ్మో ఉప్పజ్జతి సహజాతపచ్చయా – అకుసలే ఖన్ధే పటిచ్చ చిత్తసముట్ఠానం రూపం. అకుసలం ధమ్మం పటిచ్చ అకుసలో చ అబ్యాకతో చ ధమ్మా ఉప్పజ్జన్తి సహజాతపచ్చయా – అకుసలం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం, తయో ఖన్ధే పటిచ్చ ఏకో ఖన్ధో చిత్తసముట్ఠానఞ్చ రూపం, ద్వే ఖన్ధే పటిచ్చ ద్వే ఖన్ధా చిత్తసముట్ఠానఞ్చ రూపం. (౩)

అబ్యాకతం ధమ్మం పటిచ్చ అబ్యాకతో ధమ్మో ఉప్పజ్జతి సహజాతపచ్చయా – విపాకాబ్యాకతం కిరియాబ్యాకతం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం, తయో ఖన్ధే పటిచ్చ ఏకో ఖన్ధో చిత్తసముట్ఠానఞ్చ రూపం, ద్వే ఖన్ధే పటిచ్చ ద్వే ఖన్ధా చిత్తసముట్ఠానఞ్చ రూపం; పటిసన్ధిక్ఖణే విపాకాబ్యాకతం ఏకం ఖన్ధం పటిచ్చ తయో ఖన్ధా కటత్తా చ రూపం, తయో ఖన్ధే పటిచ్చ ఏకో ఖన్ధో కటత్తా చ రూపం, ద్వే ఖన్ధే పటిచ్చ ద్వే ఖన్ధా కటత్తా చ రూపం; ఖన్ధే పటిచ్చ వత్థు, వత్థుం పటిచ్చ ఖన్ధా; ఏకం మహాభూతం పటిచ్చ తయో మహాభూతా, తయో మహాభూతే పటిచ్చ ఏకం మహాభూతం, ద్వే మహాభూతే పటిచ్చ ద్వే మహాభూతా, మహాభూతే పటిచ్చ చిత్తసముట్ఠానం రూపం కటత్తారూపం ఉపాదారూపం; బాహిరం ఏకం మహాభూతం పటిచ్చ తయో మహాభూతా, తయో మహాభూతే పటిచ్చ ఏకం మహాభూతం, ద్వే మహాభూతే పటిచ్చ ద్వే మహాభూతా, మహాభూతే పటిచ్చ ఉపాదారూపం; ఆహారసముట్ఠానం ఏకం మహాభూతం పటిచ్చ తయో మహాభూతా, తయో మహాభూతే పటిచ్చ ఏకం మహాభూతం, ద్వే మహాభూతే పటిచ్చ ద్వే మహాభూతా, మహాభూతే పటిచ్చ ఉపాదారూపం; ఉతుసముట్ఠానం ఏకం మహాభూతం పటిచ్చ తయో మహాభూతా, తయో మహాభూతే పటిచ్చ ఏకం మహాభూతం, ద్వే మహాభూతే పటిచ్చ ద్వే మహాభూతా, మహాభూతే పటిచ్చ ఉపాదారూపం; అసఞ్ఞసత్తానం ఏకం మహాభూతం పటిచ్చ తయో మహాభూతా, తయో మహాభూతే పటిచ్చ ఏకం మహాభూతం, ద్వే మహాభూతే పటిచ్చ ద్వే మహాభూతా, మహాభూతే పటిచ్చ కటత్తారూపం ఉపాదారూపం. (౧)

కుసలఞ్చ అబ్యాకతఞ్చ ధమ్మం పటిచ్చ అబ్యాకతో ధమ్మో ఉప్పజ్జతి సహజాతపచ్చయా – కుసలే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

అకుసలఞ్చ అబ్యాకతఞ్చ ధమ్మం పటిచ్చ అబ్యాకతో ధమ్మో ఉప్పజ్జతి సహజాతపచ్చయా – అకుసలే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

అఞ్ఞమఞ్ఞపచ్చయో

౫౮. కుసలం ధమ్మం పటిచ్చ కుసలో ధమ్మో ఉప్పజ్జతి అఞ్ఞమఞ్ఞపచ్చయా – కుసలం ఏకం ఖన్ధం పటిచ్చ తయో ఖన్ధా, తయో ఖన్ధే పటిచ్చ ఏకో ఖన్ధో, ద్వే ఖన్ధే పటిచ్చ ద్వే ఖన్ధా. (౧)

అకుసలం ధమ్మం పటిచ్చ అకుసలో ధమ్మో ఉప్పజ్జతి అఞ్ఞమఞ్ఞపచ్చయా – అకుసలం ఏకం ఖన్ధం పటిచ్చ తయో ఖన్ధా, తయో ఖన్ధే పటిచ్చ ఏకో ఖన్ధో, ద్వే ఖన్ధే పటిచ్చ ద్వే ఖన్ధా. (౧)

అబ్యాకతం ధమ్మం పటిచ్చ అబ్యాకతో ధమ్మో ఉప్పజ్జతి అఞ్ఞమఞ్ఞపచ్చయా – విపాకాబ్యాకతం కిరియాబ్యాకతం ఏకం ఖన్ధం పటిచ్చ తయో ఖన్ధా, తయో ఖన్ధే పటిచ్చ ఏకో ఖన్ధో, ద్వే ఖన్ధే పటిచ్చ ద్వే ఖన్ధా; పటిసన్ధిక్ఖణే విపాకాబ్యాకతం ఏకం ఖన్ధం పటిచ్చ తయో ఖన్ధా వత్థు చ, తయో ఖన్ధే పటిచ్చ ఏకో ఖన్ధో వత్థు చ, ద్వే ఖన్ధే పటిచ్చ ద్వే ఖన్ధా వత్థు చ; ఖన్ధే పటిచ్చ వత్థు, వత్థుం పటిచ్చ ఖన్ధా; ఏకం మహాభూతం పటిచ్చ తయో మహాభూతా, తయో మహాభూతే పటిచ్చ ఏకం మహాభూతం, ద్వే మహాభూతే పటిచ్చ ద్వే మహాభూతా; బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం ఏకం మహాభూతం పటిచ్చ తయో మహాభూతా, తయో మహాభూతే పటిచ్చ ఏకం మహాభూతం, ద్వే మహాభూతే పటిచ్చ ద్వే మహాభూతా. (౧)

నిస్సయపచ్చయో

౫౯. కుసలం ధమ్మం పటిచ్చ కుసలో ధమ్మో ఉప్పజ్జతి నిస్సయపచ్చయా – కుసలం ఏకం ఖన్ధం పటిచ్చ…. (నిస్సయపచ్చయం సహజాతపచ్చయసదిసం.)

ఉపనిస్సయపచ్చయో

౬౦. కుసలం ధమ్మం పటిచ్చ కుసలో ధమ్మో ఉప్పజ్జతి ఉపనిస్సయపచ్చయా – కుసలం ఏకం ఖన్ధం పటిచ్చ…. (ఉపనిస్సయపచ్చయం ఆరమ్మణపచ్చయసదిసం.)

పురేజాతపచ్చయో

౬౧. కుసలం ధమ్మం పటిచ్చ కుసలో ధమ్మో ఉప్పజ్జతి పురేజాతపచ్చయా – కుసలం ఏకం ఖన్ధం పటిచ్చ తయో ఖన్ధా, తయో ఖన్ధే పటిచ్చ ఏకో ఖన్ధో, ద్వే ఖన్ధే పటిచ్చ ద్వే ఖన్ధా. వత్థుం పురేజాతపచ్చయా. (౧)

అకుసలం ధమ్మం పటిచ్చ అకుసలో ధమ్మో ఉప్పజ్జతి పురేజాతపచ్చయా – అకుసలం ఏకం ఖన్ధం పటిచ్చ తయో ఖన్ధా, తయో ఖన్ధే పటిచ్చ ఏకో ఖన్ధో, ద్వే ఖన్ధే పటిచ్చ ద్వే ఖన్ధా. వత్థుం పురేజాతపచ్చయా. (౧)

అబ్యాకతం ధమ్మం పటిచ్చ అబ్యాకతో ధమ్మో ఉప్పజ్జతి పురేజాతపచ్చయా – విపాకాబ్యాకతం కిరియాబ్యాకతం ఏకం ఖన్ధం పటిచ్చ తయో ఖన్ధా, తయో ఖన్ధే పటిచ్చ ఏకో ఖన్ధో, ద్వే ఖన్ధే పటిచ్చ ద్వే ఖన్ధా. వత్థుం పురేజాతపచ్చయా. (౧)

ఆసేవనపచ్చయో

౬౨. కుసలం ధమ్మం పటిచ్చ కుసలో ధమ్మో ఉప్పజ్జతి ఆసేవనపచ్చయా – కుసలం ఏకం ఖన్ధం పటిచ్చ తయో ఖన్ధా, తయో ఖన్ధే పటిచ్చ ఏకో ఖన్ధో, ద్వే ఖన్ధే పటిచ్చ ద్వే ఖన్ధా. (౧)

అకుసలం ధమ్మం పటిచ్చ అకుసలో ధమ్మో ఉప్పజ్జతి ఆసేవనపచ్చయా – అకుసలం ఏకం ఖన్ధం పటిచ్చ తయో ఖన్ధా, తయో ఖన్ధే పటిచ్చ ఏకో ఖన్ధో, ద్వే ఖన్ధే పటిచ్చ ద్వే ఖన్ధా. (౧)

అబ్యాకతం ధమ్మం పటిచ్చ అబ్యాకతో ధమ్మో ఉప్పజ్జతి ఆసేవనపచ్చయా – కిరియాబ్యాకతం ఏకం ఖన్ధం పటిచ్చ తయో ఖన్ధా, తయో ఖన్ధే పటిచ్చ ఏకో ఖన్ధో, ద్వే ఖన్ధే పటిచ్చ ద్వే ఖన్ధా. (౧)

కమ్మపచ్చయో

౬౩. కుసలం ధమ్మం పటిచ్చ కుసలో ధమ్మో ఉప్పజ్జతి కమ్మపచ్చయా – కుసలం ఏకం ఖన్ధం పటిచ్చ… తీణి.

అకుసలం ధమ్మం పటిచ్చ… తీణి.

అబ్యాకతం ధమ్మం పటిచ్చ అబ్యాకతో ధమ్మో ఉప్పజ్జతి కమ్మపచ్చయా – విపాకాబ్యాకతం కిరియాబ్యాకతం ఏకం ఖన్ధం పటిచ్చ…పే… పటిసన్ధిక్ఖణే…పే… ఏకం మహాభూతం పటిచ్చ తయో మహాభూతా…పే… మహాభూతే పటిచ్చ చిత్తసముట్ఠానం రూపం కటత్తారూపం ఉపాదారూపం; అసఞ్ఞసత్తానం ఏకం మహాభూతం పటిచ్చ తయో మహాభూతా…పే… మహాభూతే పటిచ్చ కటత్తారూపం ఉపాదారూపం. (౧)

కుసలఞ్చ అబ్యాకతఞ్చ ధమ్మం పటిచ్చ అబ్యాకతో ధమ్మో ఉప్పజ్జతి కమ్మపచ్చయా – కుసలే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

అకుసలఞ్చ అబ్యాకతఞ్చ ధమ్మం పటిచ్చ అబ్యాకతో ధమ్మో ఉప్పజ్జతి కమ్మపచ్చయా – అకుసలే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

విపాకపచ్చయో

౬౪. అబ్యాకతం ధమ్మం పటిచ్చ అబ్యాకతో ధమ్మో ఉప్పజ్జతి విపాకపచ్చయా – విపాకాబ్యాకతం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం, తయో ఖన్ధే పటిచ్చ ఏకో ఖన్ధో చిత్తసముట్ఠానఞ్చ రూపం, ద్వే ఖన్ధే పటిచ్చ ద్వే ఖన్ధా చిత్తసముట్ఠానఞ్చ రూపం; పటిసన్ధిక్ఖణే విపాకాబ్యాకతం ఏకం ఖన్ధం పటిచ్చ తయో ఖన్ధా కటత్తా చ రూపం, తయో ఖన్ధే పటిచ్చ ఏకో ఖన్ధో కటత్తా చ రూపం, ద్వే ఖన్ధే పటిచ్చ ద్వే ఖన్ధా కటత్తా చ రూపం; ఖన్ధే పటిచ్చ వత్థు, వత్థుం పటిచ్చ ఖన్ధా; ఏకం మహాభూతం పటిచ్చ తయో మహాభూతా; తయో మహాభూతే పటిచ్చ ఏకం మహాభూతం, ద్వే మహాభూతే పటిచ్చ ద్వే మహాభూతా, మహాభూతే పటిచ్చ చిత్తసముట్ఠానం రూపం కటత్తారూపం ఉపాదారూపం. (౧)

ఆహారపచ్చయో

౬౫. కుసలం ధమ్మం పటిచ్చ కుసలో ధమ్మో ఉప్పజ్జతి ఆహారపచ్చయా – కుసలం ఏకం ఖన్ధం పటిచ్చ… తీణి.

అకుసలం ధమ్మం పటిచ్చ అకుసలో ధమ్మో ఉప్పజ్జతి ఆహారపచ్చయా – అకుసలం ఏకం ఖన్ధం పటిచ్చ… తీణి.

అబ్యాకతం ధమ్మం పటిచ్చ అబ్యాకతో ధమ్మో ఉప్పజ్జతి ఆహారపచ్చయా – విపాకాబ్యాకతం కిరియాబ్యాకతం ఏకం ఖన్ధం పటిచ్చ…పే… పటిసన్ధిక్ఖణే…పే… ఏకం మహాభూతం పటిచ్చ తయో మహాభూతా…పే… మహాభూతే పటిచ్చ చిత్తసముట్ఠానం రూపం కటత్తారూపం ఉపాదారూపం; ఆహారసముట్ఠానం ఏకం మహాభూతం పటిచ్చ…పే… మహాభూతే పటిచ్చ ఉపాదారూపం.

కుసలఞ్చ అబ్యాకతఞ్చ ధమ్మం పటిచ్చ…పే….

అకుసలఞ్చ అబ్యాకతఞ్చ ధమ్మం పటిచ్చ అబ్యాకతో ధమ్మో ఉప్పజ్జతి ఆహారపచ్చయా – అకుసలే ఖన్ధే చ మహాభూతే చ పటిచ్చ చిత్తసముట్ఠానం రూపం.

ఇన్ద్రియపచ్చయో

౬౬. కుసలం ధమ్మం పటిచ్చ కుసలో ధమ్మో ఉప్పజ్జతి ఇన్ద్రియపచ్చయా – కుసలం ఏకం ఖన్ధం పటిచ్చ… తీణి.

అకుసలం ధమ్మం పటిచ్చ… తీణి.

అబ్యాకతం ధమ్మం పటిచ్చ…పే… అసఞ్ఞసత్తానం ఏకం మహాభూతం పటిచ్చ…పే…. (ఇన్ద్రియపచ్చయం కమ్మపచ్చయసదిసం.)

ఝాన-మగ్గపచ్చయా

౬౭. కుసలం ధమ్మం పటిచ్చ కుసలో ధమ్మో ఉప్పజ్జతి ఝానపచ్చయా… మగ్గపచ్చయా. (ఝానపచ్చయమ్పి మగ్గపచ్చయమ్పి హేతుపచ్చయసదిసం.)

సమ్పయుత్తపచ్చయో

౬౮. కుసలం ధమ్మం పటిచ్చ కుసలో ధమ్మో ఉప్పజ్జతి సమ్పయుత్తపచ్చయా – కుసలం ఏకం ఖన్ధం పటిచ్చ…. (సమ్పయుత్తపచ్చయం ఆరమ్మణపచ్చయసదిసం.)

విప్పయుత్తపచ్చయో

౬౯. కుసలం ధమ్మం పటిచ్చ కుసలో ధమ్మో ఉప్పజ్జతి విప్పయుత్తపచ్చయా – కుసలం ఏకం ఖన్ధం పటిచ్చ తయో ఖన్ధా, తయో ఖన్ధే పటిచ్చ ఏకో ఖన్ధో, ద్వే ఖన్ధే పటిచ్చ ద్వే ఖన్ధా; వత్థుం విప్పయుత్తపచ్చయా. కుసలం ధమ్మం పటిచ్చ అబ్యాకతో ధమ్మో ఉప్పజ్జతి విప్పయుత్తపచ్చయా – కుసలే ఖన్ధే పటిచ్చ చిత్తసముట్ఠానం రూపం. ఖన్ధే విప్పయుత్తపచ్చయా. కుసలం ధమ్మం పటిచ్చ కుసలో చ అబ్యాకతో చ ధమ్మా ఉప్పజ్జన్తి విప్పయుత్తపచ్చయా – కుసలం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం; తయో ఖన్ధే పటిచ్చ ఏకో ఖన్ధో చిత్తసముట్ఠానఞ్చ రూపం, ద్వే ఖన్ధే పటిచ్చ ద్వే ఖన్ధా చిత్తసముట్ఠానఞ్చ రూపం. ఖన్ధా వత్థుం విప్పయుత్తపచ్చయా. చిత్తసముట్ఠానం రూపం ఖన్ధే విప్పయుత్తపచ్చయా. (౩)

అకుసలం ధమ్మం పటిచ్చ అకుసలో ధమ్మో ఉప్పజ్జతి విప్పయుత్తపచ్చయా – అకుసలం ఏకం ఖన్ధం పటిచ్చ తయో ఖన్ధా, తయో ఖన్ధే పటిచ్చ ఏకో ఖన్ధో, ద్వే ఖన్ధే పటిచ్చ ద్వే ఖన్ధా. వత్థుం విప్పయుత్తపచ్చయా. అకుసలం ధమ్మం పటిచ్చ అబ్యాకతో ధమ్మో ఉప్పజ్జతి విప్పయుత్తపచ్చయా – అకుసలే ఖన్ధే పటిచ్చ చిత్తసముట్ఠానం రూపం. ఖన్ధే విప్పయుత్తపచ్చయా. అకుసలం ధమ్మం పటిచ్చ అకుసలో చ అబ్యాకతో చ ధమ్మా ఉప్పజ్జన్తి విప్పయుత్తపచ్చయా – అకుసలం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం, తయో ఖన్ధే పటిచ్చ ఏకో ఖన్ధో చిత్తసముట్ఠానఞ్చ రూపం, ద్వే ఖన్ధే పటిచ్చ ద్వే ఖన్ధా చిత్తసముట్ఠానఞ్చ రూపం. ఖన్ధా వత్థుం విప్పయుత్తపచ్చయా. చిత్తసముట్ఠానం రూపం ఖన్ధే విప్పయుత్తపచ్చయా. (౩)

అబ్యాకతం ధమ్మం పటిచ్చ అబ్యాకతో ధమ్మో ఉప్పజ్జతి విప్పయుత్తపచ్చయా – విపాకాబ్యాకతం కిరియాబ్యాకతం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం, తయో ఖన్ధే పటిచ్చ ఏకో ఖన్ధో చిత్తసముట్ఠానఞ్చ రూపం, ద్వే ఖన్ధే పటిచ్చ ద్వే ఖన్ధా చిత్తసముట్ఠానఞ్చ రూపం. ఖన్ధా వత్థుం విప్పయుత్తపచ్చయా. చిత్తసముట్ఠానం రూపం ఖన్ధే విప్పయుత్తపచ్చయా. పటిసన్ధిక్ఖణే విపాకాబ్యాకతం ఏకం ఖన్ధం పటిచ్చ తయో ఖన్ధా కటత్తా చ రూపం, తయో ఖన్ధే పటిచ్చ ఏకో ఖన్ధో కటత్తా చ రూపం, ద్వే ఖన్ధే పటిచ్చ ద్వే ఖన్ధా కటత్తా చ రూపం. ఖన్ధా వత్థుం విప్పయుత్తపచ్చయా. కటత్తారూపం ఖన్ధే విప్పయుత్తపచ్చయా. ఖన్ధే పటిచ్చ వత్థు, వత్థుం పటిచ్చ ఖన్ధా. ఖన్ధా వత్థుం విప్పయుత్తపచ్చయా. వత్థు ఖన్ధే విప్పయుత్తపచ్చయా. ఏకం మహాభూతం పటిచ్చ తయో మహాభూతా, తయో మహాభూతే పటిచ్చ ఏకం మహాభూతం, ద్వే మహాభూతే పటిచ్చ ద్వే మహాభూతా, మహాభూతే పటిచ్చ చిత్తసముట్ఠానం రూపం కటత్తారూపం ఉపాదారూపం. ఖన్ధే విప్పయుత్తపచ్చయా. (౧)

కుసలఞ్చ అబ్యాకతఞ్చ ధమ్మం పటిచ్చ అబ్యాకతో ధమ్మో ఉప్పజ్జతి విప్పయుత్తపచ్చయా – కుసలే ఖన్ధే చ మహాభూతే చ పటిచ్చ చిత్తసముట్ఠానం రూపం. ఖన్ధే విప్పయుత్తపచ్చయా. (౧)

అకుసలఞ్చ అబ్యాకతఞ్చ ధమ్మం పటిచ్చ అబ్యాకతో ధమ్మో ఉప్పజ్జతి విప్పయుత్తపచ్చయా – అకుసలే ఖన్ధే చ మహాభూతే చ పటిచ్చ చిత్తసముట్ఠానం రూపం. ఖన్ధే విప్పయుత్తపచ్చయా. (౧)

అత్థిపచ్చయో

౭౦. కుసలం ధమ్మం పటిచ్చ కుసలో ధమ్మో ఉప్పజ్జతి అత్థిపచ్చయా – కుసలం ఏకం ఖన్ధం పటిచ్చ తయో ఖన్ధా.

(సఙ్ఖితం. అత్థిపచ్చయం సహజాతపచ్చయసదిసం.)

నత్థి-విగతపచ్చయా

౭౧. కుసలం ధమ్మం పటిచ్చ కుసలో ధమ్మో ఉప్పజ్జతి నత్థిపచ్చయా… విగతపచ్చయా. (నత్థిపచ్చయమ్పి విగతపచ్చయమ్పి ఆరమ్మణపచ్చయసదిసం.)

అవిగతపచ్చయో

౭౨. కుసలం ధమ్మం పటిచ్చ కుసలో ధమ్మో ఉప్పజ్జతి అవిగతపచ్చయా – కుసలం ఏకం ఖన్ధం పటిచ్చ తయో ఖన్ధా. (అవిగతపచ్చయం సహజాతపచ్చయసదిసం).

(ఇమే తేవీసతిపచ్చయా సజ్ఝాయన్తేన విత్థారేతబ్బా.)

౧. పచ్చయానులోమం

౨. సఙ్ఖ్యావారో

సుద్ధం

౭౩. హేతుయా నవ, ఆరమ్మణే తీణి, అధిపతియా నవ, అనన్తరే తీణి, సమనన్తరే తీణి, సహజాతే నవ, అఞ్ఞమఞ్ఞే తీణి, నిస్సయే నవ, ఉపనిస్సయే తీణి, పురేజాతే తీణి, ఆసేవనే తీణి, కమ్మే నవ, విపాకే ఏకం, ఆహారే నవ, ఇన్ద్రియే నవ, ఝానే నవ, మగ్గే నవ, సమ్పయుత్తే తీణి, విప్పయుత్తే నవ, అత్థియా నవ, నత్థియా తీణి, విగతే తీణి, అవిగతే నవ.

గణనా హేతుమూలకా

దుకం

౭౪. హేతుపచ్చయా ఆరమ్మణే తీణి, అధిపతియా నవ, అనన్తరే తీణి, సమనన్తరే తీణి, సహజాతే నవ, అఞ్ఞమఞ్ఞే తీణి, నిస్సయే నవ, ఉపనిస్సయే తీణి, పురేజాతే తీణి, ఆసేవనే తీణి, కమ్మే నవ, విపాకే ఏకం, ఆహారే నవ, ఇన్ద్రియే నవ, ఝానే నవ, మగ్గే నవ, సమ్పయుత్తే తీణి, విప్పయుత్తే నవ, అత్థియా నవ, నత్థియా తీణి, విగతే తీణి, అవిగతే నవ.

తికం

౭౫. హేతుపచ్చయా ఆరమ్మణపచ్చయా అధిపతియా తీణి అనన్తరే తీణి సమనన్తరే తీణి, సహజాతే తీణి, అఞ్ఞమఞ్ఞే తీణి, నిస్సయే తీణి, ఉపనిస్సయే తీణి, పురేజాతే తీణి, ఆసేవనే తీణి, కమ్మే తీణి, విపాకే ఏకం, ఆహారే తీణి, ఇన్ద్రియే తీణి, ఝానే తీణి, మగ్గే తీణి, సమ్పయుత్తే తీణి, విప్పయుత్తే తీణి, అత్థియా తీణి, నత్థియా తీణి, విగతే తీణి, అవిగతే తీణి…పే….

ద్వాదసకం

౭౬. హేతుపచ్చయా ఆరమ్మణపచ్చయా అధిపతిపచ్చయా అనన్తరపచ్చయా సమనన్తరపచ్చయా సహజాతపచ్చయా అఞ్ఞమఞ్ఞపచ్చయా నిస్సయపచ్చయా ఉపనిస్సయపచ్చయా పురేజాతపచ్చయా ఆసేవనపచ్చయా కమ్మే తీణి, ఆహారే తీణి, ఇన్ద్రియే తీణి, ఝానే తీణి, మగ్గే తీణి, సమ్పయుత్తే తీణి, విప్పయుత్తే తీణి, అత్థియా తీణి, నత్థియా తీణి, విగతే తీణి, అవిగతే తీణి…పే….

బావీసకం

౭౭. హేతుపచ్చయా ఆరమ్మణపచ్చయా…పే… ఆసేవనపచ్చయా కమ్మపచ్చయా ఆహారపచ్చయా ఇన్ద్రియపచ్చయా ఝానపచ్చయా మగ్గపచ్చయా సమ్పయుత్తపచ్చయా విప్పయుత్తపచ్చయా అత్థిపచ్చయా నత్థిపచ్చయా విగతపచ్చయా అవిగతే తీణి…పే….

తేరసకం

౭౮. హేతుపచ్చయా ఆరమ్మణపచ్చయా…పే… పురేజాతపచ్చయా కమ్మపచ్చయా విపాకపచ్చయా ఆహారే ఏకం, ఇన్ద్రియే ఏకం, ఝానే ఏకం, మగ్గే ఏకం, సమ్పయుత్తే ఏకం, విప్పయుత్తే ఏకం, అత్థియా ఏకం, నత్థియా ఏకం, విగతే ఏకం, అవిగతే ఏకం…పే….

బావీసకం

౭౯. హేతుపచ్చయా ఆరమ్మణపచ్చయా…పే… పురేజాతపచ్చయా కమ్మపచ్చయా విపాకపచ్చయా ఆహారపచ్చయా ఇన్ద్రియపచ్చయా ఝానపచ్చయా మగ్గపచ్చయా సమ్పయుత్తపచ్చయా విప్పయుత్తపచ్చయా అత్థిపచ్చయా నత్థిపచ్చయా విగతపచ్చయా అవిగతే ఏకం.

గణనా హేతుమూలకా.

ఆరమ్మణాదిదుకాని

(ఆరమ్మణే ఠితేన సబ్బత్థ తీణేవ పఞ్హా.)

౮౦. ఆరమ్మణపచ్చయా హేతుయా తీణి, అధిపతియా తీణి…పే… అవిగతే తీణి…పే….

అధిపతిపచ్చయా హేతుయా నవ, ఆరమ్మణే తీణి…పే… అవిగతే నవ…పే….

అనన్తరపచ్చయా సమనన్తరపచ్చయా హేతుయా తీణి…పే… అవిగతే తీణి…పే….

సహజాతపచ్చయా హేతుయా నవ…పే….

అఞ్ఞమఞ్ఞపచ్చయా హేతుయా తీణి…పే….

నిస్సయపచ్చయా హేతుయా నవ…పే….

ఉపనిస్సయపచ్చయా హేతుయా తీణి…పే….

పురేజాతపచ్చయా హేతుయా తీణి…పే….

ఆసేవనదుకం

౮౧. ఆసేవనపచ్చయా హేతుయా తీణి, ఆరమ్మణే తీణి, అధిపతియా తీణి, అనన్తరే తీణి, సమనన్తరే తీణి, సహజాతే తీణి, అఞ్ఞమఞ్ఞే తీణి, నిస్సయే తీణి, ఉపనిస్సయే తీణి, పురేజాతే తీణి, కమ్మే తీణి, ఆహారే తీణి, ఇన్ద్రియే తీణి, ఝానే తీణి, మగ్గే తీణి, సమ్పయుత్తే తీణి, విప్పయుత్తే తీణి, అత్థియా తీణి, నత్థియా తీణి, విగతే తీణి, అవిగతే తీణి. (ఆసేవనమూలకే విపాకం నత్థి.)

కమ్మదుకం

౮౨. కమ్మపచ్చయా హేతుయా నవ…పే….

విపాకదుకం

౮౩. విపాకపచ్చయా హేతుయా ఏకం, ఆరమ్మణే ఏకం, అధిపతియా ఏకం, అనన్తరే ఏకం, సమనన్తరే ఏకం, సహజాతే ఏకం, అఞ్ఞమఞ్ఞే ఏకం, నిస్సయే ఏకం, ఉపనిస్సయే ఏకం, పురేజాతే ఏకం, కమ్మే ఏకం, ఆహారే ఏకం, ఇన్ద్రియే ఏకం, ఝానే ఏకం, మగ్గే ఏకం, సమ్పయుత్తే ఏకం, విప్పయుత్తే ఏకం, అత్థియా ఏకం, నత్థియా ఏకం, విగతే ఏకం, అవిగతే ఏకం. (విపాకమూలకే ఆసేవనం నత్థి.)

ఆహారాదిదుకాని

౮౪. ఆహారపచ్చయా హేతుయా నవ…పే….

ఇన్ద్రియపచ్చయా హేతుయా నవ…పే….

ఝానపచ్చయా హేతుయా నవ…పే….

మగ్గపచ్చయా హేతుయా నవ…పే….

సమ్పయుత్తపచ్చయా హేతుయా తీణి…పే….

విప్పయుత్తపచ్చయా హేతుయా నవ…పే….

అత్థిపచ్చయా హేతుయా నవ…పే….

నత్థిపచ్చయా హేతుయా తీణి…పే….

విగతపచ్చయా హేతుయా తీణి…పే….

అవిగతదుకం

౮౫. అవిగతపచ్చయా హేతుయా నవ, ఆరమ్మణే తీణి; అధిపతియా నవ…పే… నత్థియా తీణి, విగతే తీణి.

(ఏకేకం పచ్చయం మూలకం కాతూన సజ్ఝాయన్తేన గణేతబ్బాతి.)

అనులోమం.

౨. పచ్చయపచ్చనీయం

౧. విభఙ్గవారో

పచ్చనీయం – నహేతుపచ్చయో

౮౬. అకుసలం ధమ్మం పటిచ్చ అకుసలో ధమ్మో ఉప్పజ్జతి నహేతుపచ్చయా – విచికిచ్ఛాసహగతే ఉద్ధచ్చసహగతే ఖన్ధే పటిచ్చ విచికిచ్ఛాసహగతో ఉద్ధచ్చసహగతో మోహో. (౧)

అబ్యాకతం ధమ్మం పటిచ్చ అబ్యాకతో ధమ్మో ఉప్పజ్జతి నహేతుపచ్చయా – అహేతుకం విపాకాబ్యాకతం కిరియాబ్యాకతం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం, తయో ఖన్ధే పటిచ్చ ఏకో ఖన్ధో చిత్తసముట్ఠానఞ్చ రూపం, ద్వే ఖన్ధే పటిచ్చ ద్వే ఖన్ధా చిత్తసముట్ఠానఞ్చ రూపం; అహేతుకపటిసన్ధిక్ఖణే విపాకాబ్యాకతం ఏకం ఖన్ధం పటిచ్చ తయో ఖన్ధా కటత్తా చ రూపం, తయో ఖన్ధే పటిచ్చ ఏకో ఖన్ధో కటత్తా చ రూపం, ద్వే ఖన్ధే పటిచ్చ ద్వే ఖన్ధా కటత్తా చ రూపం; ఖన్ధే పటిచ్చ వత్థు, వత్థుం పటిచ్చ ఖన్ధా; ఏకం మహాభూతం పటిచ్చ తయో మహాభూతా, తయో మహాభూతే పటిచ్చ ఏకం మహాభూతం, ద్వే మహాభూతే పటిచ్చ ద్వే మహాభూతా, మహాభూతే పటిచ్చ చిత్తసముట్ఠానం రూపం కటత్తారూపం ఉపాదారూపం; బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం ఏకం మహాభూతం పటిచ్చ తయో మహాభూతా, తయో మహాభూతే పటిచ్చ ఏకం మహాభూతం, ద్వే మహాభూతే పటిచ్చ ద్వే మహాభూతా, మహాభూతే పటిచ్చ కటత్తారూపం ఉపాదారూపం. (౧)

నఆరమ్మణపచ్చయో

౮౭. కుసలం ధమ్మం పటిచ్చ అబ్యాకతో ధమ్మో ఉప్పజ్జతి నఆరమ్మణపచ్చయా – కుసలే ఖన్ధే పటిచ్చ చిత్తసముట్ఠానం రూపం. (౧)

అకుసలం ధమ్మం పటిచ్చ అబ్యాకతో ధమ్మో ఉప్పజ్జతి నఆరమ్మణపచ్చయా – అకుసలే ఖన్ధే పటిచ్చ చిత్తసముట్ఠానం రూపం. (౧)

అబ్యాకతం ధమ్మం పటిచ్చ అబ్యాకతో ధమ్మో ఉప్పజ్జతి నఆరమ్మణపచ్చయా – విపాకాబ్యాకతే కిరియాబ్యాకతే ఖన్ధే పటిచ్చ చిత్తసముట్ఠానం రూపం; పటిసన్ధిక్ఖణే విపాకాబ్యాకతే ఖన్ధే పటిచ్చ కటత్తారూపం; ఖన్ధే పటిచ్చ వత్థు; ఏకం మహాభూతం పటిచ్చ తయో మహాభూతా, తయో మహాభూతే పటిచ్చ ఏకం మహాభూతం, ద్వే మహాభూతే పటిచ్చ ద్వే మహాభూతా, మహాభూతే పటిచ్చ చిత్తసముట్ఠానం రూపం కటత్తారూపం ఉపాదారూపం; బాహిరం… ఆహారసముట్ఠానం… ఉతుసముట్ఠానం… అసఞ్ఞసత్తానం ఏకం మహాభూతం పటిచ్చ తయో మహాభూతా, తయో మహాభూతే పటిచ్చ ఏకం మహాభూతం, ద్వే మహాభూతే పటిచ్చ ద్వే మహాభూతా, మహాభూతే పటిచ్చ కటత్తారూపం ఉపాదారూపం. (౧)

కుసలఞ్చ అబ్యాకతఞ్చ ధమ్మం పటిచ్చ అబ్యాకతో ధమ్మో ఉప్పజ్జతి నఆరమ్మణపచ్చయా – కుసలే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

అకుసలఞ్చ అబ్యాకతఞ్చ ధమ్మం పటిచ్చ అబ్యాకతో ధమ్మో ఉప్పజ్జతి నఆరమ్మణపచ్చయా – అకుసలే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

నఅధిపతిపచ్చయో

౮౮. కుసలం ధమ్మం పటిచ్చ కుసలో ధమ్మో ఉప్పజ్జతి నఅధిపతిపచ్చయా – కుసలం ఏకం ఖన్ధం పటిచ్చ తయో ఖన్ధా, తయో ఖన్ధే పటిచ్చ ఏకో ఖన్ధో, ద్వే ఖన్ధే పటిచ్చ ద్వే ఖన్ధా. కుసలం ధమ్మం పటిచ్చ అబ్యాకతో ధమ్మో ఉప్పజ్జతి నఅధిపతిపచ్చయా – కుసలే ఖన్ధే పటిచ్చ చిత్తసముట్ఠానం రూపం. కుసలం ధమ్మం పటిచ్చ కుసలో చ అబ్యాకతో చ ధమ్మా ఉప్పజ్జన్తి నఅధిపతిపచ్చయా – కుసలం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం, తయో ఖన్ధే పటిచ్చ ఏకో ఖన్ధో చిత్తసముట్ఠానఞ్చ రూపం, ద్వే ఖన్ధే పటిచ్చ ద్వే ఖన్ధా చిత్తసముట్ఠానఞ్చ రూపం. (౩)

అకుసలం ధమ్మం పటిచ్చ అకుసలో ధమ్మో ఉప్పజ్జతి నఅధిపతిపచ్చయా – అకుసలం ఏకం ఖన్ధం పటిచ్చ తయో ఖన్ధా, తయో ఖన్ధే పటిచ్చ ఏకో ఖన్ధో, ద్వే ఖన్ధే పటిచ్చ ద్వే ఖన్ధా. అకుసలం ధమ్మం పటిచ్చ అబ్యాకతో ధమ్మో ఉప్పజ్జతి నఅధిపతిపచ్చయా – అకుసలే ఖన్ధే పటిచ్చ చిత్తసముట్ఠానం రూపం. అకుసలం ధమ్మం పటిచ్చ అకుసలో చ అబ్యాకతో చ ధమ్మా ఉప్పజ్జన్తి నఅధిపతిపచ్చయా – అకుసలం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం, తయో ఖన్ధే పటిచ్చ ఏకో ఖన్ధో చిత్తసముట్ఠానఞ్చ రూపం, ద్వే ఖన్ధే పటిచ్చ ద్వే ఖన్ధా చిత్తసముట్ఠానఞ్చ రూపం. (౩)

అబ్యాకతం ధమ్మం పటిచ్చ అబ్యాకతో ధమ్మో ఉప్పజ్జతి నఅధిపతిపచ్చయా – విపాకాబ్యాకతం కిరియాబ్యాకతం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం, తయో ఖన్ధే పటిచ్చ ఏకో ఖన్ధో చిత్తసముట్ఠానఞ్చ రూపం, ద్వే ఖన్ధే పటిచ్చ ద్వే ఖన్ధా చిత్తసముట్ఠానఞ్చ రూపం; పటిసన్ధిక్ఖణే విపాకాబ్యాకతం ఏకం ఖన్ధం పటిచ్చ తయో ఖన్ధా కటత్తా చ రూపం, తయో ఖన్ధే పటిచ్చ ఏకో ఖన్ధో కటత్తా చ రూపం, ద్వే ఖన్ధే పటిచ్చ ద్వే ఖన్ధా కటత్తా చ రూపం. ఖన్ధే పటిచ్చ వత్థు, వత్థుం పటిచ్చ ఖన్ధా. ఏకం మహాభూతం పటిచ్చ తయో మహాభూతా, తయో మహాభూతే పటిచ్చ ఏకం మహాభూతం, ద్వే మహాభూతే పటిచ్చ ద్వే మహాభూతా, మహాభూతే పటిచ్చ చిత్తసముట్ఠానం రూపం కటత్తారూపం ఉపాదారూపం; బాహిరం… ఆహారసముట్ఠానం … ఉతుసముట్ఠానం… అసఞ్ఞసత్తానం ఏకం మహాభూతం పటిచ్చ తయో మహాభూతా, తయో మహాభూతే పటిచ్చ ఏకం మహాభూతం, ద్వే మహాభూతే పటిచ్చ ద్వే మహాభూతా, మహాభూతే పటిచ్చ కటత్తారూపం ఉపాదారూపం. (౧)

కుసలఞ్చ అబ్యాకతఞ్చ ధమ్మం పటిచ్చ అబ్యాకతో ధమ్మో ఉప్పజ్జతి నఅధిపతిపచ్చయా – కుసలే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

అకుసలఞ్చ అబ్యాకతఞ్చ ధమ్మం పటిచ్చ అబ్యాకతో ధమ్మో ఉప్పజ్జతి నఅధిపతిపచ్చయా – అకుసలే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

నఅనన్తర-నసమనన్తరపచ్చయా

౮౯. కుసలం ధమ్మం పటిచ్చ అబ్యాకతో ధమ్మో ఉప్పజ్జతి నఅనన్తరపచ్చయా… నసమనన్తరపచ్చయా – కుసలే ఖన్ధే పటిచ్చ చిత్తసముట్ఠానం రూపం. (నఅనన్తరపచ్చయమ్పి నసమనన్తరపచ్చయమ్పి నఆరమ్మణపచ్చయసదిసం.)

నఅఞ్ఞమఞ్ఞపచ్చయో

౯౦. కుసలం ధమ్మం పటిచ్చ అబ్యాకతో ధమ్మో ఉప్పజ్జతి నఅఞ్ఞమఞ్ఞపచ్చయా – కుసలే ఖన్ధే పటిచ్చ చిత్తసముట్ఠానం రూపం. (౧)

అకుసలం ధమ్మం పటిచ్చ అబ్యాకతో ధమ్మో ఉప్పజ్జతి నఅఞ్ఞమఞ్ఞపచ్చయా – అకుసలే ఖన్ధే పటిచ్చ చిత్తసముట్ఠానం రూపం. (౧)