౧. విభఙ్గవారో

నహేతుపచ్చయో

౩౫౧. అకుసలం ధమ్మం సంసట్ఠో అకుసలో ధమ్మో ఉప్పజ్జతి నహేతుపచ్చయా – విచికిచ్ఛాసహగతే ఉద్ధచ్చసహగతే ఖన్ధే సంసట్ఠో విచికిచ్ఛాసహగతో ఉద్ధచ్చసహగతో మోహో. (౧)

అబ్యాకతం ధమ్మం సంసట్ఠో అబ్యాకతో ధమ్మో ఉప్పజ్జతి నహేతుపచ్చయా – అహేతుకం విపాకాబ్యాకతం కిరియాబ్యాకతం ఏకం ఖన్ధం సంసట్ఠా తయో ఖన్ధా, తయో ఖన్ధే సంసట్ఠో ఏకో ఖన్ధో, ద్వే ఖన్ధే సంసట్ఠా ద్వే ఖన్ధా; అహేతుకపటిసన్ధిక్ఖణే విపాకాబ్యాకతం ఏకం ఖన్ధం సంసట్ఠా తయో ఖన్ధా, తయో ఖన్ధే సంసట్ఠో ఏకో ఖన్ధో, ద్వే ఖన్ధే సంసట్ఠా ద్వే ఖన్ధా. (౧)

నఅధిపతిఆదిపచ్చయా

౩౫౨. కుసలం ధమ్మం సంసట్ఠో కుసలో ధమ్మో ఉప్పజ్జతి నఅధిపతిపచ్చయా… నపురేజాతపచ్చయా – అరూపే [ఆరుప్పే (సబ్బత్థ)] కుసలం ఏకం ఖన్ధం సంసట్ఠా తయో ఖన్ధా…పే… ద్వే ఖన్ధే సంసట్ఠా ద్వే ఖన్ధా. అకుసలం ధమ్మం…పే… అబ్యాకతం ధమ్మం…పే….

నపచ్ఛాజాత-నఆసేవనపచ్చయా

౩౫౩. కుసలం ధమ్మం సంసట్ఠో కుసలో ధమ్మో ఉప్పజ్జతి నపచ్ఛాజాతపచ్చయా… తీణి. నఆసేవనపచ్చయా… తీణి.

నకమ్మపచ్చయో

౩౫౪. కుసలం ధమ్మం సంసట్ఠో కుసలో ధమ్మో ఉప్పజ్జతి నకమ్మపచ్చయా. కుసలే ఖన్ధే సంసట్ఠా కుసలా చేతనా. (౧)

అకుసలం ధమ్మం సంసట్ఠో అకుసలో ధమ్మో ఉప్పజ్జతి నకమ్మపచ్చయా. అకుసలే ఖన్ధే సంసట్ఠా అకుసలా చేతనా. (౧)

అబ్యాకతం ధమ్మం సంసట్ఠో అబ్యాకతో ధమ్మో ఉప్పజ్జతి నకమ్మపచ్చయా. కిరియాబ్యాకతే ఖన్ధే సంసట్ఠా కిరియాబ్యాకతా చేతనా. (౧)

నవిపాకపచ్చయో

౩౫౫. కుసలం ధమ్మం సంసట్ఠో…పే… అకుసలం ధమ్మం…పే… అబ్యాకతం ధమ్మం సంసట్ఠో అబ్యాకతో ధమ్మో ఉప్పజ్జతి నవిపాకపచ్చయా – కిరియాబ్యాకతం ఏకం ఖన్ధం.

(సంసట్ఠవారే పచ్చనీయవిభఙ్గే నకమ్మే చ నవిపాకే చ పటిసన్ధి నత్థి; అవసేసేసు సబ్బత్థ అత్థి.)

నఝానపచ్చయో

౩౫౬. అబ్యాకతం ధమ్మం సంసట్ఠో అబ్యాకతో ధమ్మో ఉప్పజ్జతి నఝానపచ్చయా – పఞ్చవిఞ్ఞాణసహగతం ఏకం ఖన్ధం సంసట్ఠా తయో ఖన్ధా…పే… ద్వే ఖన్ధే సంసట్ఠా ద్వే ఖన్ధా. (౧)

నమగ్గపచ్చయో

౩౫౭. అబ్యాకతం ధమ్మం సంసట్ఠో అబ్యాకతో ధమ్మో ఉప్పజ్జతి నమగ్గపచ్చయా – అహేతుకం విపాకాబ్యాకతం కిరియాబ్యాకతం ఏకం ఖన్ధం సంసట్ఠా తయో ఖన్ధా…పే… ద్వే ఖన్ధే సంసట్ఠా ద్వే ఖన్ధా; అహేతుకపటిసన్ధిక్ఖణే…పే…. (౧)

నవిప్పయుత్తపచ్చయో

౩౫౮. కుసలం ధమ్మం సంసట్ఠో కుసలో ధమ్మో ఉప్పజ్జతి నవిప్పయుత్తపచ్చయా – అరూపే కుసలం ఏకం ఖన్ధం సంసట్ఠా తయో ఖన్ధా…పే… ద్వే ఖన్ధే సంసట్ఠా ద్వే ఖన్ధా. (౧)

అకుసలం ధమ్మం సంసట్ఠో అకుసలో ధమ్మో ఉప్పజ్జతి నవిప్పయుత్తపచ్చయా – అరూపే అకుసలం ఏకం ఖన్ధం సంసట్ఠా తయో ఖన్ధా…పే… ద్వే ఖన్ధే సంసట్ఠా ద్వే ఖన్ధా. (౧)

అబ్యాకతం ధమ్మం సంసట్ఠో అబ్యాకతో ధమ్మో ఉప్పజ్జతి నవిప్పయుత్తపచ్చయా – అరూపే విపాకాబ్యాకతం కిరియాబ్యాకతం ఏకం ఖన్ధం సంసట్ఠా తయో ఖన్ధా…పే… ద్వే ఖన్ధే సంసట్ఠా ద్వే ఖన్ధా. (నవిప్పయుత్తే పటిసన్ధి నత్థి.) (౧)