౧. విభఙ్గవారో

హేతుపచ్చయో

౩౨౯. కుసలం ధమ్మం నిస్సాయ కుసలో ధమ్మో ఉప్పజ్జతి హేతుపచ్చయా – కుసలం ఏకం ఖన్ధం నిస్సాయ తయో ఖన్ధా, తయో ఖన్ధే నిస్సాయ ఏకో ఖన్ధో, ద్వే ఖన్ధే నిస్సాయ ద్వే ఖన్ధా. కుసలం ధమ్మం నిస్సాయ అబ్యాకతో ధమ్మో ఉప్పజ్జతి హేతుపచ్చయా – కుసలే ఖన్ధే నిస్సాయ చిత్తసముట్ఠానం రూపం. కుసలం ధమ్మం నిస్సాయ కుసలో చ అబ్యాకతో చ ధమ్మా ఉప్పజ్జన్తి హేతుపచ్చయా. కుసలం ఏకం ఖన్ధం నిస్సాయ తయో ఖన్ధా చిత్తసముట్ఠానఞ్చ రూపం, తయో ఖన్ధే నిస్సాయ ఏకో ఖన్ధో చిత్తసముట్ఠానఞ్చ రూపం, ద్వే ఖన్ధే నిస్సాయ ద్వే ఖన్ధా చిత్తసముట్ఠానఞ్చ రూపం. (౩)

౩౩౦. అకుసలం ధమ్మం నిస్సాయ అకుసలో ధమ్మో ఉప్పజ్జతి హేతుపచ్చయా – అకుసలం ఏకం ఖన్ధం నిస్సాయ తయో ఖన్ధా…పే… ద్వే ఖన్ధే నిస్సాయ ద్వే ఖన్ధా. అకుసలం ధమ్మం నిస్సాయ అబ్యాకతో ధమ్మో ఉప్పజ్జతి హేతుపచ్చయా – అకుసలే ఖన్ధే నిస్సాయ చిత్తసముట్ఠానం రూపం. అకుసలం ధమ్మం నిస్సాయ అకుసలో చ అబ్యాకతో చ ధమ్మా ఉప్పజ్జన్తి హేతుపచ్చయా – అకుసలం ఏకం ఖన్ధం నిస్సాయ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే నిస్సాయ ద్వే ఖన్ధా చిత్తసముట్ఠానఞ్చ రూపం. (౩)

౩౩౧. అబ్యాకతం ధమ్మం నిస్సాయ అబ్యాకతో ధమ్మో ఉప్పజ్జతి హేతుపచ్చయా – విపాకాబ్యాకతం కిరియాబ్యాకతం ఏకం ఖన్ధం నిస్సాయ తయో ఖన్ధా చిత్తసముట్ఠానఞ్చ రూపం, తయో ఖన్ధే నిస్సాయ ఏకో ఖన్ధో చిత్తసముట్ఠానఞ్చ రూపం, ద్వే ఖన్ధే నిస్సాయ ద్వే ఖన్ధా చిత్తసముట్ఠానఞ్చ రూపం; పటిసన్ధిక్ఖణే విపాకాబ్యాకతం ఏకం ఖన్ధం నిస్సాయ తయో ఖన్ధా కటత్తా చ రూపం, తయో ఖన్ధే నిస్సాయ ఏకో ఖన్ధో కటత్తా చ రూపం, ద్వే ఖన్ధే నిస్సాయ ద్వే ఖన్ధా కటత్తా చ రూపం; ఖన్ధే నిస్సాయ వత్థు, వత్థుం నిస్సాయ ఖన్ధా; ఏకం మహాభూతం నిస్సాయ తయో మహాభూతా, తయో మహాభూతే నిస్సాయ ఏకం మహాభూతం, ద్వే మహాభూతే నిస్సాయ ద్వే మహాభూతా, మహాభూతే నిస్సాయ చిత్తసముట్ఠానం రూపం కటత్తారూపం ఉపాదారూపం; వత్థుం నిస్సాయ విపాకాబ్యాకతా కిరియాబ్యాకతా ఖన్ధా. (౧)

అబ్యాకతం ధమ్మం నిస్సాయ కుసలో ధమ్మో ఉప్పజ్జతి హేతుపచ్చయా – వత్థుం నిస్సాయ కుసలా ఖన్ధా. (౨)

అబ్యాకతం ధమ్మం నిస్సాయ అకుసలో ధమ్మో ఉప్పజ్జతి హేతుపచ్చయా – వత్థుం నిస్సాయ అకుసలా ఖన్ధా. (౩)

అబ్యాకతం ధమ్మం నిస్సాయ కుసలో చ అబ్యాకతో చ ధమ్మా ఉప్పజ్జన్తి హేతుపచ్చయా – వత్థుం నిస్సాయ కుసలా ఖన్ధా, మహాభూతే నిస్సాయ చిత్తసముట్ఠానం రూపం. (౪)

అబ్యాకతం ధమ్మం నిస్సాయ అకుసలో చ అబ్యాకతో చ ధమ్మా ఉప్పజ్జన్తి హేతుపచ్చయా – వత్థుం నిస్సాయ అకుసలా ఖన్ధా, మహాభూతే నిస్సాయ చిత్తసముట్ఠానం రూపం. (౫)

౩౩౨. కుసలఞ్చ అబ్యాకతఞ్చ ధమ్మం నిస్సాయ కుసలో ధమ్మో ఉప్పజ్జతి హేతుపచ్చయా – కుసలం ఏకం ఖన్ధఞ్చ వత్థుఞ్చ నిస్సాయ తయో ఖన్ధా…పే… ద్వే ఖన్ధే చ వత్థుఞ్చ నిస్సాయ ద్వే ఖన్ధా. కుసలఞ్చ అబ్యాకతఞ్చ ధమ్మం నిస్సాయ అబ్యాకతో ధమ్మో ఉప్పజ్జతి హేతుపచ్చయా – కుసలే ఖన్ధే చ మహాభూతే చ నిస్సాయ చిత్తసముట్ఠానం రూపం. కుసలఞ్చ అబ్యాకతఞ్చ ధమ్మం నిస్సాయ కుసలో చ అబ్యాకతో చ ధమ్మా ఉప్పజ్జన్తి హేతుపచ్చయా – కుసలం ఏకం ఖన్ధఞ్చ వత్థుఞ్చ నిస్సాయ తయో ఖన్ధా…పే… ద్వే ఖన్ధే చ వత్థుఞ్చ నిస్సాయ ద్వే ఖన్ధా, కుసలే ఖన్ధే చ మహాభూతే చ నిస్సాయ చిత్తసముట్ఠానం రూపం. (౩)

అకుసలఞ్చ అబ్యాకతఞ్చ ధమ్మం నిస్సాయ అకుసలో ధమ్మో ఉప్పజ్జతి హేతుపచ్చయా – అకుసలం ఏకం ఖన్ధఞ్చ వత్థుఞ్చ నిస్సాయ తయో ఖన్ధా …పే… ద్వే ఖన్ధే చ వత్థుఞ్చ నిస్సాయ ద్వే ఖన్ధా. అకుసలఞ్చ అబ్యాకతఞ్చ ధమ్మం నిస్సాయ అబ్యాకతో ధమ్మో ఉప్పజ్జతి హేతుపచ్చయా – అకుసలే ఖన్ధే చ మహాభూతే చ నిస్సాయ చిత్తసముట్ఠానం రూపం. అకుసలఞ్చ అబ్యాకతఞ్చ ధమ్మం నిస్సాయ అకుసలో చ అబ్యాకతో చ ధమ్మా ఉప్పజ్జన్తి హేతుపచ్చయా – అకుసలం ఏకం ఖన్ధఞ్చ వత్థుఞ్చ నిస్సాయ తయో ఖన్ధా…పే… ద్వే ఖన్ధే చ వత్థుఞ్చ నిస్సాయ ద్వే ఖన్ధా, అకుసలే ఖన్ధే చ మహాభూతే చ నిస్సాయ చిత్తసముట్ఠానం రూపం. (౩)

(యథా పచ్చయవారే, ఏవం విత్థారేతబ్బం.)