౨. సఙ్ఖ్యావారో

సుద్ధం

౩౧. హేతుయా సత్త, ఆరమ్మణే ఛ, అధిపతియా అట్ఠ, అనన్తరే సత్త, సమనన్తరే సత్త, సహజాతే నవ, అఞ్ఞమఞ్ఞే తీణి, నిస్సయే తేరస, ఉపనిస్సయే అట్ఠ, పురేజాతే తీణి, పచ్ఛాజాతే తీణి, ఆసేవనే తీణి, కమ్మే సత్త, విపాకే చత్తారి, ఆహారే సత్త, ఇన్ద్రియే సత్త, ఝానే సత్త, మగ్గే సత్త, సమ్పయుత్తే తీణి, విప్పయుత్తే పఞ్చ, అత్థియా తేరస, నత్థియా సత్త, విగతే సత్త, అవిగతే తేరస.

హేతుసభాగం

హేతుపచ్చయా అధిపతియా చత్తారి, సహజాతే సత్త, అఞ్ఞమఞ్ఞే తీణి, నిస్సయే సత్త, విపాకే చత్తారి, ఇన్ద్రియే చత్తారి, మగ్గే చత్తారి, సమ్పయుత్తే తీణి, విప్పయుత్తే తీణి, అత్థియా సత్త, అవిగతే సత్త.

హేతుసామఞ్ఞఘటనా (౯)

౩౨. హేతు-సహజాత-నిస్సయ-అత్థి-అవిగతన్తి సత్త. హేతు-సహజాత-అఞ్ఞమఞ్ఞ-నిస్సయఅత్థి-అవిగతన్తి తీణి. హేతు-సహజాత-అఞ్ఞమఞ్ఞ-నిస్సయ-సమ్పయుత్త-అత్థి-అవిగతన్తి తీణి. హేతు-సహజాత-నిస్సయ-విప్పయుత్త-అత్థి-అవిగతన్తి తీణి. (అవిపాకం – ౪)

హేతు-సహజాత-నిస్సయ-విపాక-అత్థి-అవిగతన్తి చత్తారి. హేతు-సహజాత-అఞ్ఞమఞ్ఞనిస్సయ-విపాక-అత్థి-అవిగతన్తి ద్వే. హేతు-సహజాత-అఞ్ఞమఞ్ఞ-నిస్సయ-విపాకసమ్పయుత్త-అత్థి-అవిగతన్తి ద్వే. హేతు-సహజాత-నిస్సయ-విపాక-విప్పయుత్త-అత్థి-అవిగతన్తి ద్వే. హేతు-సహజాత-అఞ్ఞమఞ్ఞ-నిస్సయ-విపాక-విప్పయుత్త-అత్థి-అవిగతన్తి ఏకం. (సవిపాకం – ౫) (సంఖిత్తం.)

(యథా కుసలత్తికే, ఏవం విత్థారేతబ్బం).

అనులోమం.

పచ్చనీయుద్ధారో

౩౩. సంకిలిట్ఠసంకిలేసికో ధమ్మో సంకిలిట్ఠసంకిలేసికస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో. (౧)

సంకిలిట్ఠసంకిలేసికో ధమ్మో అసంకిలిట్ఠసంకిలేసికస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో… పచ్ఛాజాతపచ్చయేన పచ్చయో… కమ్మపచ్చయేన పచ్చయో. (౨)

సంకిలిట్ఠసంకిలేసికో ధమ్మో అసంకిలిట్ఠఅసంకిలేసికస్స ధమ్మస్స ఉపనిస్సయపచ్చయేన పచ్చయో. (౩)

సంకిలిట్ఠసంకిలేసికో ధమ్మో సంకిలిట్ఠసంకిలేసికస్స చ అసంకిలిట్ఠసంకిలేసికస్స చ ధమ్మస్స సహజాతపచ్చయేన పచ్చయో. (౪)

౩౪. అసంకిలిట్ఠసంకిలేసికో ధమ్మో అసంకిలిట్ఠసంకిలేసికస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో… పురేజాతపచ్చయేన పచ్చయో… పచ్ఛాజాతపచ్చయేన పచ్చయో… కమ్మపచ్చయేన పచ్చయో… ఆహారపచ్చయేన పచ్చయో… ఇన్ద్రియపచ్చయేన పచ్చయో. (౧)

అసంకిలిట్ఠసంకిలేసికో ధమ్మో సంకిలిట్ఠసంకిలేసికస్స ధమ్మస్స ఆరమ్మణపచ్చయేన పచ్చయో… ఉపనిస్సయపచ్చయేన పచ్చయో… పురేజాతపచ్చయేన పచ్చయో. (౨)

అసంకిలిట్ఠసంకిలేసికో ధమ్మో అసంకిలిట్ఠఅసంకిలేసికస్స ధమ్మస్స ఉపనిస్సయపచ్చయేన పచ్చయో… పురేజాతపచ్చయేన పచ్చయో. (౩)

అసంకిలిట్ఠఅసంకిలేసికో ధమ్మో అసంకిలిట్ఠఅసంకిలేసికస్స ధమ్మస్స సహజాతపచ్చయేన పచ్చయో… ఉపనిస్సయపచ్చయేన పచ్చయో. (౧)

అసంకిలిట్ఠఅసంకిలేసికో ధమ్మో అసంకిలిట్ఠసంకిలేసికస్స ధమ్మస్స ఆరమ్మణపచ్చయేన పచ్చయో… సహజాతపచ్చయేన పచ్చయో… ఉపనిస్సయపచ్చయేన పచ్చయో… పచ్ఛాజాతపచ్చయేన పచ్చయో. (౨)

అసంకిలిట్ఠఅసంకిలేసికో ధమ్మో అసంకిలిట్ఠసంకిలేసికస్స చ అసంకిలిట్ఠఅసంకిలేసికస్స చ ధమ్మస్స సహజాతపచ్చయేన పచ్చయో. (౩)

అసంకిలిట్ఠసంకిలేసికో చ అసంకిలిట్ఠఅసంకిలేసికో చ ధమ్మా అసంకిలిట్ఠసంకిలేసికస్స ధమ్మస్స సహజాతం, పచ్ఛాజాతం, ఆహారం, ఇన్ద్రియం. (౧)

అసంకిలిట్ఠసంకిలేసికో చ అసంకిలిట్ఠఅసంకిలేసికో చ ధమ్మా అసంకిలిట్ఠఅసంకిలేసికస్స ధమ్మస్స సహజాతం, పురేజాతం. (౨)

సంకిలిట్ఠసంకిలేసికో చ అసంకిలిట్ఠసంకిలేసికో చ ధమ్మా సంకిలిట్ఠసంకిలేసికస్స ధమ్మస్స సహజాతం, పురేజాతం. (౧)

సంకిలిట్ఠసంకిలేసికో చ అసంకిలిట్ఠసంకిలేసికో చ ధమ్మా అసంకిలిట్ఠసంకిలేసికస్స ధమ్మస్స సహజాతం, పచ్ఛాజాతం, ఆహారం, ఇన్ద్రియం. (౨)