౧౨. ద్వాదసమవగ్గో

(౧౨౫) ౧౦. సత్తమభవికకథా

౬౫౩. న వత్తబ్బం ‘‘సత్తమభవికస్స పుగ్గలస్స పహీనా దుగ్గతీ’’తి? ఆమన్తా. సత్తమభవికో పుగ్గలో నిరయం ఉపపజ్జేయ్య, తిరచ్ఛానయోనిం ఉపపజ్జేయ్య, పేత్తివిసయం ఉపపజ్జేయ్యాతి? న హేవం వత్తబ్బే. తేన హి సత్తమభవికస్స పుగ్గలస్స పహీనా దుగ్గతీతి.

సత్తమభవికకథా నిట్ఠితా.

ద్వాదసమవగ్గో.

తస్సుద్దానం –

సంవరో కమ్మం తథేవ అసంవరో, సబ్బకమ్మం సవిపాకం, సద్దో విపాకో, సళాయతనం విపాకో, సత్తక్ఖత్తుపరమో పుగ్గలో సత్తక్ఖత్తుపరమతానియతో, కోలఙ్కోలపుగ్గలో కోలఙ్కోలతానియతో, ఏకబీజీ పుగ్గలో ఏకబీజితానియతో, దిట్ఠిసమ్పన్నో పుగ్గలో సఞ్చిచ్చ పాణం జీవితా వోరోపేయ్య, దిట్ఠిసమ్పన్నస్స పుగ్గలస్స పహీనా దుగ్గతి, తథేవ సత్తమభవికస్సాతి.