౧. తికం

౨౧౦. కుసలేహి ధమ్మేహి యే ధమ్మా… అకుసలేహి ధమ్మేహి యే ధమ్మా… సుఖాయ వేదనాయ సమ్పయుత్తేహి ధమ్మేహి యే ధమ్మా… దుక్ఖాయ వేదనాయ సమ్పయుత్తేహి ధమ్మేహి యే ధమ్మా… అదుక్ఖమసుఖాయ వేదనాయ సమ్పయుత్తేహి ధమ్మేహి యే ధమ్మా… విపాకేహి ధమ్మేహి యే ధమ్మా… విపాకధమ్మధమ్మేహి యే ధమ్మా… అనుపాదిన్నఅనుపాదానియేహి ధమ్మేహి యే ధమ్మా… సంకిలిట్ఠసంకిలేసికేహి ధమ్మేహి యే ధమ్మా… అసంకిలిట్ఠఅసంకిలేసికేహి ధమ్మేహి యే ధమ్మా… సవితక్కసవిచారేహి ధమ్మేహి యే ధమ్మా… అవితక్కవిచారమత్తేహి ధమ్మేహి యే ధమ్మా… పీతిసహగతేహి ధమ్మేహి యే ధమ్మా… సుఖసహగతేహి ధమ్మేహి యే ధమ్మా… ఉపేక్ఖాసహగతేహి ధమ్మేహి యే ధమ్మా… దస్సనేన పహాతబ్బేహి ధమ్మేహి యే ధమ్మా… భావనాయ పహాతబ్బేహి ధమ్మేహి యే ధమ్మా… దస్సనేన పహాతబ్బహేతుకేహి ధమ్మేహి యే ధమ్మా… భావనాయ పహాతబ్బహేతుకేహి ధమ్మేహి యే ధమ్మా… ఆచయగామీహి ధమ్మేహి యే ధమ్మా… అపచయగామీహి ధమ్మేహి యే ధమ్మా… సేక్ఖేహి ధమ్మేహి యే ధమ్మా… అసేక్ఖేహి ధమ్మేహి యే ధమ్మా… మహగ్గతేహి ధమ్మేహి యే ధమ్మా… అప్పమాణేహి ధమ్మేహి యే ధమ్మా… పరిత్తారమ్మణేహి ధమ్మేహి యే ధమ్మా… మహగ్గతారమ్మణేహి ధమ్మేహి యే ధమ్మా… అప్పమాణారమ్మణేహి ధమ్మేహి యే ధమ్మా… హీనేహి ధమ్మేహి యే ధమ్మా… పణీతేహి ధమ్మేహి యే ధమ్మా… మిచ్ఛత్తనియతేహి ధమ్మేహి యే ధమ్మా… సమ్మత్తనియతేహి ధమ్మేహి యే ధమ్మా… మగ్గారమ్మణేహి ధమ్మేహి యే ధమ్మా… మగ్గహేతుకేహి ధమ్మేహి యే ధమ్మా… మగ్గాధిపతీహి ధమ్మేహి యే ధమ్మా… అతీతారమ్మణేహి ధమ్మేహి యే ధమ్మా… అనాగతారమ్మణేహి ధమ్మేహి యే ధమ్మా… పచ్చుపన్నారమ్మణేహి ధమ్మేహి యే ధమ్మా… అజ్ఝత్తారమ్మణేహి ధమ్మేహి యే ధమ్మా… బహిద్ధారమ్మణేహి ధమ్మేహి యే ధమ్మా… అజ్ఝత్తబహిద్ధారమ్మణేహి ధమ్మేహి యే ధమ్మా ఖన్ధసఙ్గహేన అసఙ్గహితా ఆయతనసఙ్గహేన అసఙ్గహితా ధాతుసఙ్గహేన అసఙ్గహితా, తేహి ధమ్మేహి యే ధమ్మా…పే… తే ధమ్మా ఏకేన ఖన్ధేన దసహాయతనేహి దసహి ధాతూహి అసఙ్గహితా.

౨౧౧. సనిదస్సనసప్పటిఘేహి ధమ్మేహి యే ధమ్మా… అనిదస్సనసప్పటిఘేహి ధమ్మేహి యే ధమ్మా ఖన్ధసఙ్గహేన అసఙ్గహితా ఆయతనసఙ్గహేన అసఙ్గహితా ధాతుసఙ్గహేన అసఙ్గహితా, తేహి ధమ్మేహి యే ధమ్మా…పే… తే ధమ్మా చతూహి ఖన్ధేహి ద్వీహాయతనేహి అట్ఠహి ధాతూహి అసఙ్గహితా.