౨. దుకం

౨౧౨. హేతూహి ధమ్మేహి యే ధమ్మా… హేతూహి చేవ సహేతుకేహి చ ధమ్మేహి యే ధమ్మా… హేతూహి చేవ హేతుసమ్పయుత్తేహి చ ధమ్మేహి యే ధమ్మా ఖన్ధసఙ్గహేన అసఙ్గహితా ఆయతనసఙ్గహేన అసఙ్గహితా ధాతుసఙ్గహేన అసఙ్గహితా, తేహి ధమ్మేహి యే ధమ్మా…పే… తే ధమ్మా ద్వీహి ఖన్ధేహి ఏకాదసహాయతనేహి సత్తరసహి ధాతూహి అసఙ్గహితా.

౨౧౩. సహేతుకేహి ధమ్మేహి యే ధమ్మా… హేతుసమ్పయుత్తేహి ధమ్మేహి యే ధమ్మా… సహేతుకేహి చేవ న చ హేతూహి ధమ్మేహి యే ధమ్మా… హేతుసమ్పయుత్తేహి చేవ న చ హేతూహి ధమ్మేహి యే ధమ్మా… న హేతుసహేతుకేహి [న హేతూ సహేతుకేహి (సీ.), న హేతూహి సహేతుకేహి (స్యా. క.)] ధమ్మేహి యే ధమ్మా ఖన్ధసఙ్గహేన అసఙ్గహితా ఆయతనసఙ్గహేన అసఙ్గహితా ధాతుసఙ్గహేన అసఙ్గహితా, తేహి ధమ్మేహి యే ధమ్మా…పే… తే ధమ్మా ఏకేన ఖన్ధేన దసహాయతనేహి దసహి ధాతూహి అసఙ్గహితా.

౨౧౪. అప్పచ్చయేహి ధమ్మేహి యే ధమ్మా… అసఙ్ఖతేహి ధమ్మేహి యే ధమ్మా ఖన్ధసఙ్గహేన అసఙ్గహితా ఆయతనసఙ్గహేన అసఙ్గహితా ధాతుసఙ్గహేన అసఙ్గహితా, తేహి ధమ్మేహి యే ధమ్మా…పే… తే ధమ్మా ద్వీహి ఖన్ధేహి ఏకాదసహాయతనేహి సత్తరసహి ధాతూహి అసఙ్గహితా.

౨౧౫. సనిదస్సనేహి ధమ్మేహి యే ధమ్మా… సప్పటిఘేహి ధమ్మేహి యే ధమ్మా ఖన్ధసఙ్గహేన అసఙ్గహితా ఆయతనసఙ్గహేన అసఙ్గహితా ధాతుసఙ్గహేన అసఙ్గహితా, తేహి ధమ్మేహి యే ధమ్మా…పే… తే ధమ్మా చతూహి ఖన్ధేహి ద్వీహాయతనేహి అట్ఠహి ధాతూహి అసఙ్గహితా.

౨౧౬. రూపీహి ధమ్మేహి యే ధమ్మా ఖన్ధసఙ్గహేన అసఙ్గహితా ఆయతనసఙ్గహేన అసఙ్గహితా ధాతుసఙ్గహేన అసఙ్గహితా, తేహి ధమ్మేహి యే ధమ్మా…పే… తే ధమ్మా ఏకేన ఖన్ధేన ఏకేనాయతనేన సత్తహి ధాతూహి అసఙ్గహితా.

౨౧౭. అరూపీహి ధమ్మేహి యే ధమ్మా… లోకుత్తరేహి ధమ్మేహి యే ధమ్మా ఖన్ధసఙ్గహేన అసఙ్గహితా ఆయతనసఙ్గహేన అసఙ్గహితా ధాతుసఙ్గహేన అసఙ్గహితా, తేహి ధమ్మేహి యే ధమ్మా…పే… తే ధమ్మా ఏకేన ఖన్ధేన దసహాయతనేహి దసహి ధాతూహి అసఙ్గహితా.

౨౧౮. ఆసవేహి ధమ్మేహి యే ధమ్మా… ఆసవేహి చేవ సాసవేహి చ ధమ్మేహి యే ధమ్మా… ఆసవేహి చేవ ఆసవసమ్పయుత్తేహి చ ధమ్మేహి యే ధమ్మా ఖన్ధసఙ్గహేన అసఙ్గహితా ఆయతనసఙ్గహేన అసఙ్గహితా ధాతుసఙ్గహేన అసఙ్గహితా, తేహి ధమ్మేహి యే ధమ్మా…పే… తే ధమ్మా ద్వీహి ఖన్ధేహి ఏకాదసహాయతనేహి సత్తరసహి ధాతూహి అసఙ్గహితా.

౨౧౯. అనాసవేహి ధమ్మేహి యే ధమ్మా… ఆసవసమ్పయుత్తేహి ధమ్మేహి యే ధమ్మా… ఆసవసమ్పయుత్తేహి చేవ నో చ ఆసవేహి ధమ్మేహి యే ధమ్మా… ఆసవవిప్పయుత్తేహి అనాసవేహి ధమ్మేహి యే ధమ్మా ఖన్ధసఙ్గహేన అసఙ్గహితా ఆయతనసఙ్గహేన అసఙ్గహితా ధాతుసఙ్గహేన అసఙ్గహితా, తేహి ధమ్మేహి యే ధమ్మా…పే… తే ధమ్మా ఏకేన ఖన్ధేన దసహాయతనేహి దసహి ధాతూహి అసఙ్గహితా.

౨౨౦. సంయోజనేహి ధమ్మేహి యే ధమ్మా… గన్థేహి ధమ్మేహి యే ధమ్మా… ఓఘేహి ధమ్మేహి యే ధమ్మా… యోగేహి ధమ్మేహి యే ధమ్మా… నీవరణేహి ధమ్మేహి యే ధమ్మా… పరామాసేహి ధమ్మేహి యే ధమ్మా… పరామాసేహి చేవ పరామట్ఠేహి చ ధమ్మేహి యే ధమ్మా ఖన్ధసఙ్గహేన అసఙ్గహితా ఆయతనసఙ్గహేన అసఙ్గహితా ధాతుసఙ్గహేన అసఙ్గహితా, తేహి ధమ్మేహి యే ధమ్మా…పే… తే ధమ్మా ద్వీహి ఖన్ధేహి ఏకాదసహాయతనేహి సత్తరసహి ధాతూహి అసఙ్గహితా.

౨౨౧. అపరామట్ఠేహి ధమ్మేహి యే ధమ్మా… పరామాససమ్పయుత్తేహి ధమ్మేహి యే ధమ్మా… పరామాసవిప్పయుత్తేహి అపరామట్ఠేహి ధమ్మేహి యే ధమ్మా… సారమ్మణేహి ధమ్మేహి యే ధమ్మా ఖన్ధసఙ్గహేన అసఙ్గహితా ఆయతనసఙ్గహేన అసఙ్గహితా ధాతుసఙ్గహేన అసఙ్గహితా, తేహి ధమ్మేహి యే ధమ్మా…పే… తే ధమ్మా ఏకేన ఖన్ధేన దసహాయతనేహి దసహి ధాతూహి అసఙ్గహితా.

౨౨౨. అనారమ్మణేహి ధమ్మేహి యే ధమ్మా… నో చిత్తేహి ధమ్మేహి యే ధమ్మా… చిత్తవిప్పయుత్తేహి ధమ్మేహి యే ధమ్మా… చిత్తవిసంసట్ఠేహి ధమ్మేహి యే ధమ్మా… చిత్తసముట్ఠానేహి ధమ్మేహి యే ధమ్మా… చిత్తసహభూహి ధమ్మేహి యే ధమ్మా… చిత్తానుపరివత్తీహి ధమ్మేహి యే ధమ్మా… బాహిరేహి ధమ్మేహి యే ధమ్మా… ఉపాదాధమ్మేహి యే ధమ్మా ఖన్ధసఙ్గహేన అసఙ్గహితా ఆయతనసఙ్గహేన అసఙ్గహితా ధాతుసఙ్గహేన అసఙ్గహితా, తేహి ధమ్మేహి యే ధమ్మా…పే… తే ధమ్మా ఏకేన ఖన్ధేన ఏకేనాయతనేన సత్తహి ధాతూహి అసఙ్గహితా.

౨౨౩. చిత్తేహి ధమ్మేహి యే ధమ్మా ఖన్ధసఙ్గహేన అసఙ్గహితా ఆయతనసఙ్గహేన అసఙ్గహితా ధాతుసఙ్గహేన అసఙ్గహితా, తేహి ధమ్మేహి యే ధమ్మా…పే… తే ధమ్మా చతూహి ఖన్ధేహి ఏకాదసహాయతనేహి ఏకాదసహి ధాతూహి అసఙ్గహితా.

౨౨౪. చేతసికేహి ధమ్మేహి యే ధమ్మా… చిత్తసమ్పయుత్తేహి ధమ్మేహి యే ధమ్మా… చిత్తసంసట్ఠేహి ధమ్మేహి యే ధమ్మా… చిత్తసంసట్ఠసముట్ఠానేహి ధమ్మేహి యే ధమ్మా… చిత్తసంసట్ఠసముట్ఠానసహభూహి ధమ్మేహి యే ధమ్మా… చిత్తసంసట్ఠసముట్ఠానానుపరివత్తీహి ధమ్మేహి యే ధమ్మా ఖన్ధసఙ్గహేన అసఙ్గహితా ఆయతనసఙ్గహేన అసఙ్గహితా ధాతుసఙ్గహేన అసఙ్గహితా, తేహి ధమ్మేహి యే ధమ్మా…పే… తే ధమ్మా ద్వీహి ఖన్ధేహి ఏకాదసహాయతనేహి సత్తరసహి ధాతూహి అసఙ్గహితా.

౨౨౫. అజ్ఝత్తికేహి ధమ్మేహి యే ధమ్మా ఖన్ధసఙ్గహేన అసఙ్గహితా ఆయతనసఙ్గహేన అసఙ్గహితా ధాతుసఙ్గహేన అసఙ్గహితా తేహి ధమ్మేహి యే ధమ్మా…పే… తే ధమ్మా తీహి ఖన్ధేహి ఏకేనాయతనేన ఏకాయ ధాతుయా అసఙ్గహితా.

౨౨౬. ఉపాదానేహి ధమ్మేహి యే ధమ్మా… కిలేసేహి ధమ్మేహి యే ధమ్మా… కిలేసేహి చేవ సంకిలేసికేహి చ ధమ్మేహి యే ధమ్మా… కిలేసేహి చేవ సంకిలిట్ఠేహి చ ధమ్మేహి యే ధమ్మా… కిలేసేహి చేవ కిలేససమ్పయుత్తేహి చ ధమ్మేహి యే ధమ్మా ఖన్ధసఙ్గహేన అసఙ్గహితా ఆయతనసఙ్గహేన అసఙ్గహితా ధాతుసఙ్గహేన అసఙ్గహితా, తేహి ధమ్మేహి యే ధమ్మా…పే… తే ధమ్మా ద్వీహి ఖన్ధేహి ఏకాదసహాయతనేహి సత్తరసహి ధాతూహి అసఙ్గహితా.

౨౨౭. అసంకిలేసికేహి ధమ్మేహి యే ధమ్మా… సంకిలిట్ఠేహి ధమ్మేహి యే ధమ్మా… కిలేససమ్పయుత్తేహి ధమ్మేహి యే ధమ్మా… సంకిలిట్ఠేహి చేవ నో చ కిలేసేహి ధమ్మేహి యే ధమ్మా… కిలేససమ్పయుత్తేహి చేవ నో చ కిలేసేహి ధమ్మేహి యే ధమ్మా… కిలేసవిప్పయుత్తేహి అసంకిలేసికేహి ధమ్మేహి యే ధమ్మా… దస్సనేన పహాతబ్బేహి ధమ్మేహి యే ధమ్మా… భావనాయ పహాతబ్బేహి ధమ్మేహి యే ధమ్మా… దస్సనేన పహాతబ్బహేతుకేహి ధమ్మేహి యే ధమ్మా… భావనాయ పహాతబ్బహేతుకేహి ధమ్మేహి యే ధమ్మా… సవితక్కేహి ధమ్మేహి యే ధమ్మా… సవిచారేహి ధమ్మేహి యే ధమ్మా… సప్పీతికేహి ధమ్మేహి యే ధమ్మా… పీతిసహగతేహి ధమ్మేహి యే ధమ్మా… సుఖసహగతేహి ధమ్మేహి యే ధమ్మా… ఉపేక్ఖాసహగతేహి ధమ్మేహి యే ధమ్మా… న కామావచరేహి ధమ్మేహి యే ధమ్మా… రూపావచరేహి ధమ్మేహి యే ధమ్మా… అరూపావచరేహి ధమ్మేహి యే ధమ్మా… అపరియాపన్నేహి ధమ్మేహి యే ధమ్మా… నియ్యానికేహి ధమ్మేహి యే ధమ్మా… నియతేహి ధమ్మేహి యే ధమ్మా… అనుత్తరేహి ధమ్మేహి యే ధమ్మా… సరణేహి ధమ్మేహి యే ధమ్మా ఖన్ధసఙ్గహేన అసఙ్గహితా ఆయతనసఙ్గహేన అసఙ్గహితా ధాతుసఙ్గహేన అసఙ్గహితా, తేహి ధమ్మేహి యే ధమ్మా ఖన్ధసఙ్గహేన అసఙ్గహితా ఆయతనసఙ్గహేన అసఙ్గహితా ధాతుసఙ్గహేన అసఙ్గహితా, తే ధమ్మా కతిహి ఖన్ధేహి కతిహాయతనేహి కతిహి ధాతూహి అసఙ్గహితా? తే ధమ్మా ఏకేన ఖన్ధేన దసహాయతనేహి దసహి ధాతూహి అసఙ్గహితా.

రూపఞ్చ ధమ్మాయతనం ధమ్మధాతు, ఇత్థిపుమం జీవితం నామరూపం;

ద్వే భవా జాతి జరా మచ్చురూపం, అనారమ్మణం నో చిత్తం చిత్తేన విప్పయుత్తం.

విసంసట్ఠం సముట్ఠాన-సహభు అనుపరివత్తి;

బాహిరం ఉపాదా ద్వే, విసయో [ద్వేవీసతి (స్యా.)] ఏసనయో సుబుద్ధో.

అసఙ్గహితేనఅసఙ్గహితపదనిద్దేసో పఞ్చమో.