౧౩. అసఙ్గహితేనసమ్పయుత్తవిప్పయుత్తపదనిద్దేసో

౪౪౮. రూపక్ఖన్ధేన యే ధమ్మా ఖన్ధసఙ్గహేన అసఙ్గహితా ఆయతనసఙ్గహేన అసఙ్గహితా ధాతుసఙ్గహేన అసఙ్గహితా, తే ధమ్మా కతిహి ఖన్ధేహి కతిహాయతనేహి కతిహి ధాతూహి సమ్పయుత్తా? తే ధమ్మా తీహి ఖన్ధేహి సమ్పయుత్తా; ఏకేనాయతనేన ఏకాయ ధాతుయా కేహిచి సమ్పయుత్తా. కతిహి విప్పయుత్తా? ఏకేన ఖన్ధేన దసహాయతనేహి దసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౪౪౯. ధమ్మాయతనేన యే ధమ్మా… ధమ్మధాతుయా యే ధమ్మా… ఇత్థిన్ద్రియేన యే ధమ్మా… పురిసిన్ద్రియేన యే ధమ్మా… జీవితిన్ద్రియేన యే ధమ్మా… విఞ్ఞాణపచ్చయా నామరూపేన యే ధమ్మా… అసఞ్ఞాభవేన యే ధమ్మా… ఏకవోకారభవేన యే ధమ్మా… జాతియా యే ధమ్మా… జరాయ యే ధమ్మా… మరణేన యే ధమ్మా ఖన్ధసఙ్గహేన అసఙ్గహితా ఆయతనసఙ్గహేన అసఙ్గహితా ధాతుసఙ్గహేన అసఙ్గహితా…పే… తే ధమ్మా తీహి ఖన్ధేహి సమ్పయుత్తా; ఏకేనాయతనేన ఏకాయ ధాతుయా కేహిచి సమ్పయుత్తా. కతిహి విప్పయుత్తా? ఏకేన ఖన్ధేన దసహాయతనేహి దసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౪౫౦. అరూపభవేన యే ధమ్మా… నేవసఞ్ఞానాసఞ్ఞాభవేన యే ధమ్మా… చతువోకారభవేన యే ధమ్మా… ఇద్ధిపాదేన యే ధమ్మా ఖన్ధసఙ్గహేన అసఙ్గహితా ఆయతనసఙ్గహేన అసఙ్గహితా ధాతుసఙ్గహేన అసఙ్గహితా, తే ధమ్మా కతిహి ఖన్ధేహి కతిహాయతనేహి కతిహి ధాతూహి సమ్పయుత్తాతి? నత్థి? కతిహి విప్పయుత్తా? చతూహి ఖన్ధేహి ఏకేనాయతనేన సత్తహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౪౫౧. కుసలేహి ధమ్మేహి యే ధమ్మా… అకుసలేహి ధమ్మేహి యే ధమ్మా… సుఖాయ వేదనాయ సమ్పయుత్తేహి ధమ్మేహి యే ధమ్మా… దుక్ఖాయ వేదనాయ సమ్పయుత్తేహి ధమ్మేహి యే ధమ్మా… అదుక్ఖమసుఖాయ వేదనాయ సమ్పయుత్తేహి ధమ్మేహి యే ధమ్మా… విపాకేహి ధమ్మేహి యే ధమ్మా… విపాకధమ్మధమ్మేహి యే ధమ్మా… అనుపాదిన్నఅనుపాదానియేహి ధమ్మేహి యే ధమ్మా… సంకిలిట్ఠసంకిలేసికేహి ధమ్మేహి యే ధమ్మా… అసంకిలిట్ఠఅసంకిలేసికేహి ధమ్మేహి యే ధమ్మా… సవితక్కసవిచారేహి ధమ్మేహి యే ధమ్మా… అవితక్కవిచారమత్తేహి ధమ్మేహి యే ధమ్మా… పీతిసహగతేహి ధమ్మేహి యే ధమ్మా… సుఖసహగతేహి ధమ్మేహి యే ధమ్మా… ఉపేక్ఖాసహగతేహి ధమ్మేహి యే ధమ్మా… దస్సనేన పహాతబ్బేహి ధమ్మేహి యే ధమ్మా… భావనాయ పహాతబ్బేహి ధమ్మేహి యే ధమ్మా… దస్సనేన పహాతబ్బహేతుకేహి ధమ్మేహి యే ధమ్మా… భావనాయ పహాతబ్బహేతుకేహి ధమ్మేహి యే ధమ్మా… ఆచయగామీహి ధమ్మేహి యే ధమ్మా… అపచయగామీహి ధమ్మేహి యే ధమ్మా… సేక్ఖేహి ధమ్మేహి యే ధమ్మా… అసేక్ఖేహి ధమ్మేహి యే ధమ్మా… మహగ్గతేహి ధమ్మేహి యే ధమ్మా… అప్పమాణేహి ధమ్మేహి యే ధమ్మా… పరిత్తారమ్మణేహి ధమ్మేహి యే ధమ్మా… మహగ్గతారమ్మణేహి ధమ్మేహి యే ధమ్మా… అప్పమాణారమ్మణేహి ధమ్మేహి యే ధమ్మా… హీనేహి ధమ్మేహి యే ధమ్మా… పణీతేహి ధమ్మేహి యే ధమ్మా… మిచ్ఛత్తనియతేహి ధమ్మేహి యే ధమ్మా… సమ్మత్తనియతేహి ధమ్మేహి యే ధమ్మా… మగ్గారమ్మణేహి ధమ్మేహి యే ధమ్మా… మగ్గహేతుకేహి ధమ్మేహి యే ధమ్మా… మగ్గాధిపతీహి ధమ్మేహి యే ధమ్మా… అతీతారమ్మణేహి ధమ్మేహి యే ధమ్మా… అనాగతారమ్మణేహి ధమ్మేహి యే ధమ్మా… పచ్చుప్పన్నారమ్మణేహి ధమ్మేహి యే ధమ్మా… అజ్ఝత్తారమ్మణేహి ధమ్మేహి యే ధమ్మా… బహిద్ధారమ్మణేహి ధమ్మేహి యే ధమ్మా… అజ్ఝత్తబహిద్ధారమ్మణేహి ధమ్మేహి యే ధమ్మా… సహేతుకేహి ధమ్మేహి యే ధమ్మా… హేతుసమ్పయుత్తేహి ధమ్మేహి యే ధమ్మా… సహేతుకేహి చేవ న చ హేతూహి ధమ్మేహి యే ధమ్మా… హేతుసమ్పయుత్తేహి చేవ న చ హేతూహి ధమ్మేహి యే ధమ్మా… న హేతుసహేతుకేహి ధమ్మేహి యే ధమ్మా ఖన్ధసఙ్గహేన అసఙ్గహితా ఆయతనసఙ్గహేన అసఙ్గహితా ధాతుసఙ్గహేన అసఙ్గహితా, తే ధమ్మా కతిహి ఖన్ధేహి కతిహాయతనేహి కతిహి ధాతూహి సమ్పయుత్తాతి? నత్థి. కతిహి విప్పయుత్తా? చతూహి ఖన్ధేహి ఏకేనాయతనేన సత్తహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౪౫౨. రూపీహి ధమ్మేహి యే ధమ్మా ఖన్ధసఙ్గహేన అసఙ్గహితా ఆయతనసఙ్గహేన అసఙ్గహితా ధాతుసఙ్గహేన అసఙ్గహితా… తే ధమ్మా తీహి ఖన్ధేహి సమ్పయుత్తా; ఏకేనాయతనేన ఏకాయ ధాతుయా కేహిచి సమ్పయుత్తా. కతిహి విప్పయుత్తా? ఏకేన ఖన్ధేన దసహాయతనేహి దసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౪౫౩. అరూపీహి ధమ్మేహి యే ధమ్మా… లోకుత్తరేహి ధమ్మేహి యే ధమ్మా… అనాసవేహి ధమ్మేహి యే ధమ్మా… ఆసవసమ్పయుత్తేహి ధమ్మేహి యే ధమ్మా… ఆసవవిప్పయుత్తేహి చేవ నో చ ఆసవేహి ధమ్మేహి యే ధమ్మా… ఆసవవిప్పయుత్తేహి అనాసవేహి ధమ్మేహి యే ధమ్మా… అసంయోజనియేహి ధమ్మేహి యే ధమ్మా… అగన్థనియేహి ధమ్మేహి యే ధమ్మా… అనోఘనియేహి ధమ్మేహి యే ధమ్మా… అయోగనియేహి ధమ్మేహి యే ధమ్మా… అనీవరణియేహి ధమ్మేహి యే ధమ్మా… అపరామట్ఠేహి ధమ్మేహి యే ధమ్మా… పరామాససమ్పయుత్తేహి ధమ్మేహి యే ధమ్మా… పరామాసవిప్పయుత్తేహి అపరామట్ఠేహి ధమ్మేహి యే ధమ్మా… సారమ్మణేహి ధమ్మేహి యే ధమ్మా ఖన్ధసఙ్గహేన అసఙ్గహితా ఆయతనసఙ్గహేన అసఙ్గహితా ధాతుసఙ్గహేన అసఙ్గహితా, తే ధమ్మా కతిహి ఖన్ధేహి కతిహాయతనేహి కతిహి ధాతూహి సమ్పయుత్తాతి? నత్థి. కతిహి విప్పయుత్తా? చతూహి ఖన్ధేహి ఏకేనాయతనేన సత్తహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౪౫౪. అనారమ్మణేహి ధమ్మేహి యే ధమ్మా… నో చిత్తేహి ధమ్మేహి యే ధమ్మా… చిత్తవిప్పయుత్తేహి ధమ్మేహి యే ధమ్మా … చిత్తవిసంసట్ఠేహి ధమ్మేహి యే ధమ్మా… చిత్తసముట్ఠానేహి ధమ్మేహి యే ధమ్మా… చిత్తసహభూహి ధమ్మేహి యే ధమ్మా… చిత్తానుపరివత్తీహి ధమ్మేహి యే ధమ్మా… బాహిరేహి ధమ్మేహి యే ధమ్మా… ఉపాదాధమ్మేహి యే ధమ్మా ఖన్ధసఙ్గహేన అసఙ్గహితా ఆయతనసఙ్గహేన అసఙ్గహితా ధాతుసఙ్గేన అసఙ్గహితా, తే ధమ్మా కతిహి ఖన్ధేహి కతిహాయతనేహి కతిహి ధాతూహి సమ్పయుత్తా? తే ధమ్మా తీహి ఖన్ధేహి సమ్పయుత్తా; ఏకేనాయతనేన ఏకాయ ధాతుయా కేహిచి సమ్పయుత్తా. కతిహి విప్పయుత్తా? ఏకేన ఖన్ధేన దసహాయతనేహి దసహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

౪౫౫. అనుపాదానియేహి ధమ్మేహి యే ధమ్మా… ఉపాదానసమ్పయుత్తేహి ధమ్మేహి యే ధమ్మా… ఉపాదానసమ్పయుత్తేహి చేవ నో చ ఉపాదానేహి ధమ్మేహి యే ధమ్మా… ఉపాదానవిప్పయుత్తేహి అనుపాదానియేహి ధమ్మేహి యే ధమ్మా… అసంకిలేసికేహి ధమ్మేహి యే ధమ్మా… అసంకిలిట్ఠేహి ధమ్మేహి యే ధమ్మా… కిలేససమ్పయుత్తేహి ధమ్మేహి యే ధమ్మా… సంకిలిట్ఠేహి చేవ నో చ కిలేసేహి ధమ్మేహి యే ధమ్మా… కిలేససమ్పయుత్తేహి చేవ నో చ కిలేసేహి ధమ్మేహి యే ధమ్మా… కిలేసవిప్పయుత్తేహి అసంకిలేసికేహి ధమ్మేహి యే ధమ్మా… దస్సనేన పహాతబ్బేహి ధమ్మేహి యే ధమ్మా… భావనాయ పహాతబ్బేహి ధమ్మేహి యే ధమ్మా… దస్సనేన పహాతబ్బహేతుకేహి ధమ్మేహి యే ధమ్మా… భావనాయ పహాతబ్బహేతుకేహి ధమ్మేహి యే ధమ్మా… సవితక్కేహి ధమ్మేహి యే ధమ్మా… సవిచారేహి ధమ్మేహి యే ధమ్మా… సప్పీతికేహి ధమ్మేహి యే ధమ్మా… పీతిసహగతేహి ధమ్మేహి యే ధమ్మా… సుఖసహగతేహి ధమ్మేహి యే ధమ్మా… ఉపేక్ఖాసహగతేహి ధమ్మేహి యే ధమ్మా… న కామావచరేహి ధమ్మేహి యే ధమ్మా… రూపావచరేహి ధమ్మేహి యే ధమ్మా… అరూపావచరేహి ధమ్మేహి యే ధమ్మా… అపరియాపన్నేహి ధమ్మేహి యే ధమ్మా… నియ్యానికేహి ధమ్మేహి యే ధమ్మా … నియతేహి ధమ్మేహి యే ధమ్మా… అనుత్తరేహి ధమ్మేహి యే ధమ్మా… సరణేహి ధమ్మేహి యే ధమ్మా ఖన్ధసఙ్గహేన అసఙ్గహితా ఆయతనసఙ్గహేన అసఙ్గహితా ధాతుసఙ్గహేన అసఙ్గహితా, తే ధమ్మా కతిహి ఖన్ధేహి కతిహాయతనేహి కతిహి ధాతూహి సమ్పయుత్తాతి? నత్థి. కతిహి విప్పయుత్తా? చతూహి ఖన్ధేహి ఏకేనాయతనేన సత్తహి ధాతూహి విప్పయుత్తా; ఏకేనాయతనేన ఏకాయ ధాతుయా కేహిచి విప్పయుత్తా.

రూపఞ్చ ధమ్మాయతనం ధమ్మధాతు, ఇత్థిపుమం జీవితం నామరూపం;

ద్వే భవా జాతిజరా మచ్చురూపం, అనారమ్మణం నో చిత్తం చిత్తేన విప్పయుత్తం.

విసంసట్ఠం సముట్ఠానసహభు, అనుపరివత్తి బాహిరం ఉపాదా;

ద్వే విసయో ఏసనయో సుబుద్ధోతి.

అసఙ్గహితేనసమ్పయుత్తవిప్పయుత్తపదనిద్దేసో తేరసమో.