౮. దుకం

౧౧౧. హేతూ ధమ్మా… హేతూ చేవ సహేతుకా చ ధమ్మా… హేతూ చేవ హేతుసమ్పయుత్తా చ ధమ్మా ఏకేన ఖన్ధేన ఏకేనాయతనేన ఏకాయ ధాతుయా సఙ్గహితా. కతిహి అసఙ్గహితా? చతూహి ఖన్ధేహి ఏకాదసహాయతనేహి సత్తరసహి ధాతూహి అసఙ్గహితా.

౧౧౨. న హేతూ ధమ్మా… అహేతుకా ధమ్మా… హేతువిప్పయుత్తా ధమ్మా… న హేతూ అహేతుకా [న హేతూ అహేతుకా (స్యా. క.) విభ. దుకపఞ్హాపుచ్ఛకేపి] ధమ్మా అసఙ్ఖతం ఖన్ధతో ఠపేత్వా పఞ్చహి ఖన్ధేహి ద్వాదసహాయతనేహి అట్ఠారసహి ధాతూహి సఙ్గహితా. కతిహి అసఙ్గహితా? న కేహిచి ఖన్ధేహి న కేహిచి ఆయతనేహి న కాహిచి ధాతూహి అసఙ్గహితా.

౧౧౩. సహేతుకా ధమ్మా… హేతుసమ్పయుత్తా ధమ్మా… సహేతుకా చేవ న చ హేతూ ధమ్మా… హేతుసమ్పయుత్తా చేవ న చ హేతూ ధమ్మా… న హేతూ సహేతుకా ధమ్మా చతూహి ఖన్ధేహి ద్వీహాయతనేహి ద్వీహి ధాతూహి సఙ్గహితా. కతిహి అసఙ్గహితా? ఏకేన ఖన్ధేన దసహాయతనేహి సోళసహి ధాతూహి అసఙ్గహితా.

౧౧౪. సప్పచ్చయా ధమ్మా… సఙ్ఖతా ధమ్మా పఞ్చహి ఖన్ధేహి ద్వాదసహాయతనేహి అట్ఠారసహి ధాతూహి సఙ్గహితా. కతిహి అసఙ్గహితా? న కేహిచి ఖన్ధేహి న కేహిచి ఆయతనేహి న కాహిచి ధాతూహి అసఙ్గహితా.

౧౧౫. అప్పచ్చయా ధమ్మా… అసఙ్ఖతా ధమ్మా న కేహిచి ఖన్ధేహి ఏకేనాయతనేన ఏకాయ ధాతుయా సఙ్గహితా. కతిహి అసఙ్గహితా? పఞ్చహి ఖన్ధేహి ఏకాదసహాయతనేహి సత్తరసహి ధాతూహి అసఙ్గహితా.

౧౧౬. సనిదస్సనా ధమ్మా ఏకేన ఖన్ధేన ఏకేనాయతనేన ఏకాయ ధాతుయా సఙ్గహితా. కతిహి అసఙ్గహితా? చతూహి ఖన్ధేహి ఏకాదసహాయతనేహి సత్తరసహి ధాతూహి అసఙ్గహితా.

౧౧౭. అనిదస్సనా ధమ్మా అసఙ్ఖతం ఖన్ధతో ఠపేత్వా పఞ్చహి ఖన్ధేహి ఏకాదసహాయతనేహి సత్తరసహి ధాతూహి సఙ్గహితా. కతిహి అసఙ్గహితా? న కేహిచి ఖన్ధేహి, ఏకేనాయతనేన ఏకాయ ధాతుయా అసఙ్గహితా.

౧౧౮. సప్పటిఘా ధమ్మా ఏకేన ఖన్ధేన దసహాయతనేహి దసహి ధాతూహి సఙ్గహితా. కతిహి అసఙ్గహితా? చతూహి ఖన్ధేహి ద్వీహాయతనేహి అట్ఠహి ధాతూహి అసఙ్గహితా.

౧౧౯. అప్పటిఘా ధమ్మా అసఙ్ఖతం ఖన్ధతో ఠపేత్వా పఞ్చహి ఖన్ధేహి ద్వీహాయతనేహి అట్ఠహి ధాతూహి సఙ్గహితా. కతిహి అసఙ్గహితా? న కేహిచి ఖన్ధేహి, దసహాయతనేహి దసహి ధాతూహి అసఙ్గహితా.

౧౨౦. రూపినో ధమ్మా ఏకేన ఖన్ధేన ఏకాదసహాయతనేహి ఏకాదసహి ధాతూహి సఙ్గహితా. కతిహి అసఙ్గహితా? చతూహి ఖన్ధేహి ఏకేనాయతనేన సత్తహి ధాతూహి అసఙ్గహితా.

౧౨౧. అరూపినో ధమ్మా అసఙ్ఖతం ఖన్ధతో ఠపేత్వా చతూహి ఖన్ధేహి ద్వీహాయతనేహి అట్ఠహి ధాతూహి సఙ్గహితా. కతిహి అసఙ్గహితా? ఏకేన ఖన్ధేన దసహాయతనేహి దసహి ధాతూహి అసఙ్గహితా.

౧౨౨. లోకియా ధమ్మా పఞ్చహి ఖన్ధేహి ద్వాదసహాయతనేహి అట్ఠారసహి ధాతూహి సఙ్గహితా. కతిహి అసఙ్గహితా? న కేహిచి ఖన్ధేహి న కేహిచి ఆయతనేహి న కాహిచి ధాతూహి అసఙ్గహితా.

౧౨౩. లోకుత్తరా ధమ్మా అసఙ్ఖతం ఖన్ధతో ఠపేత్వా చతూహి ఖన్ధేహి ద్వీహాయతనేహి ద్వీహి ధాతూహి సఙ్గహితా. కతిహి అసఙ్గహితా? ఏకేన ఖన్ధేన దసహాయతనేహి సోళసహి ధాతూహి అసఙ్గహితా.

౧౨౪. కేనచి విఞ్ఞేయ్యా ధమ్మా… కేనచి న విఞ్ఞేయ్యా ధమ్మా అసఙ్ఖతం ఖన్ధతో ఠపేత్వా పఞ్చహి ఖన్ధేహి ద్వాదసహాయతనేహి అట్ఠారసహి ధాతూహి సఙ్గహితా. కతిహి అసఙ్గహితా? న కేహిచి ఖన్ధేహి న కేహిచి ఆయతనేహి న కాహిచి ధాతూహి అసఙ్గహితా.

౧౨౫. ఆసవా ధమ్మా… ఆసవా చేవ సాసవా చ ధమ్మా… ఆసవా చేవ ఆసవసమ్పయుత్తా చ ధమ్మా ఏకేన ఖన్ధేన ఏకేనాయతనేన ఏకాయ ధాతుయా సఙ్గహితా. కతిహి అసఙ్గహితా? చతూహి ఖన్ధేహి ఏకాదసహాయతనేహి సత్తరసహి ధాతూహి అసఙ్గహితా.

౧౨౬. నో ఆసవా ధమ్మా… ఆసవవిప్పయుత్తా ధమ్మా అసఙ్ఖతం ఖన్ధతో ఠపేత్వా పఞ్చహి ఖన్ధేహి ద్వాదసహాయతనేహి అట్ఠారసహి ధాతూహి సఙ్గహితా. కతిహి అసఙ్గహితా? న కేహిచి ఖన్ధేహి న కేహిచి ఆయతనేహి న కాహిచి ధాతూహి అసఙ్గహితా.

౧౨౭. సాసవా ధమ్మా… సాసవా చేవ నో చ ఆసవా ధమ్మా… ఆసవవిప్పయుత్తా సాసవా ధమ్మా పఞ్చహి ఖన్ధేహి ద్వాదసహాయతనేహి అట్ఠారసహి ధాతూహి సఙ్గహితా. కతిహి అసఙ్గహితా? న కేహిచి ఖన్ధేహి న కేహిచి ఆయతనేహి న కాహిచి ధాతూహి అసఙ్గహితా.

౧౨౮. అనాసవా ధమ్మా… ఆసవవిప్పయుత్తా అనాసవా ధమ్మా అసఙ్ఖతం ఖన్ధతో ఠపేత్వా చతూహి ఖన్ధేహి ద్వీహాయతనేహి ద్వీహి ధాతూహి సఙ్గహితా. కతిహి అసఙ్గహితా? ఏకేన ఖన్ధేన దసహాయతనేహి సోళసహి ధాతూహి అసఙ్గహితా.

౧౨౯. ఆసవసమ్పయుత్తా ధమ్మా… ఆసవసమ్పయుత్తా చేవ నో చ ఆసవా ధమ్మా చతూహి ఖన్ధేహి ద్వీహాయతనేహి ద్వీహి ధాతూహి సఙ్గహితా. కతిహి అసఙ్గహితా? ఏకేన ఖన్ధేన దసహాయతనేహి సోళసహి ధాతూహి అసఙ్గహితా.

౧౩౦. సంయోజనా ధమ్మా… గన్థా ధమ్మా… ఓఘా ధమ్మా… యోగా ధమ్మా… నీవరణా ధమ్మా… పరామాసా ధమ్మా… పరామాసా చేవ పరామట్ఠా చ ధమ్మా ఏకేన ఖన్ధేన ఏకేనాయతనేన ఏకాయ ధాతుయా సఙ్గహితా. కతిహి అసఙ్గహితా? చతూహి ఖన్ధేహి ఏకాదసహాయతనేహి సత్తరసహి ధాతూహి అసఙ్గహితా.

౧౩౧. నో పరామాసా ధమ్మా… పరామాసవిప్పయుత్తా ధమ్మా అసఙ్ఖతం ఖన్ధతో ఠపేత్వా పఞ్చహి ఖన్ధేహి ద్వాదసహాయతనేహి అట్ఠారసహి ధాతూహి సఙ్గహితా. కతిహి అసఙ్గహితా? న కేహిచి ఖన్ధేహి న కేహిచి ఆయతనేహి న కాహిచి ధాతూహి అసఙ్గహితా.

౧౩౨. పరామట్ఠా ధమ్మా… పరామట్ఠా చేవ నో చ పరామాసా ధమ్మా… పరామాసవిప్పయుత్తా పరామట్ఠా ధమ్మా పఞ్చహి ఖన్ధేహి ద్వాదసహాయతనేహి అట్ఠారసహి ధాతూహి సఙ్గహితా. కతిహి అసఙ్గహితా? న కేహిచి ఖన్ధేహి న కేహిచి ఆయతనేహి న కాహిచి ధాతూహి అసఙ్గహితా.

౧౩౩. అపరామట్ఠా ధమ్మా… పరామాసవిప్పయుత్తా అపరామట్ఠా ధమ్మా అసఙ్ఖతం ఖన్ధతో ఠపేత్వా చతూహి ఖన్ధేహి ద్వీహాయతనేహి ద్వీహి ధాతూహి సఙ్గహితా. కతిహి అసఙ్గహితా? ఏకేన ఖన్ధేన దసహాయతనేహి సోళసహి ధాతూహి అసఙ్గహితా.

౧౩౪. పరామాససమ్పయుత్తా ధమ్మా చతూహి ఖన్ధేహి ద్వీహాయతనేహి ద్వీహి ధాతూహి సఙ్గహితా. కతిహి అసఙ్గహితా? ఏకేన ఖన్ధేన దసహాయతనేహి సోళసహి ధాతూహి అసఙ్గహితా.

౧౩౫. సారమ్మణా ధమ్మా చతూహి ఖన్ధేహి ద్వీహాయతనేహి అట్ఠహి ధాతూహి సఙ్గహితా. కతిహి అసఙ్గహితా? ఏకేన ఖన్ధేన దసహాయతనేహి దసహి ధాతూహి అసఙ్గహితా.

౧౩౬. అనారమ్మణా ధమ్మా అసఙ్ఖతం ఖన్ధతో ఠపేత్వా ఏకేన ఖన్ధేన ఏకాదసహాయతనేహి ఏకాదసహి ధాతూహి సఙ్గహితా. కతిహి అసఙ్గహితా? చతూహి ఖన్ధేహి ఏకేనాయతనేన సత్తహి ధాతూహి అసఙ్గహితా.

౧౩౭. చిత్తా ధమ్మా ఏకేన ఖన్ధేన ఏకేనాయతనేన సత్తహి ధాతూహి సఙ్గహితా. కతిహి అసఙ్గహితా? చతూహి ఖన్ధేహి ఏకాదసహాయతనేహి ఏకాదసహి ధాతూహి అసఙ్గహితా.

౧౩౮. నో చిత్తా ధమ్మా అసఙ్ఖతం ఖన్ధతో ఠపేత్వా చతూహి ఖన్ధేహి ఏకాదసహాయతనేహి ఏకాదసహి ధాతూహి సఙ్గహితా. కతిహి అసఙ్గహితా? ఏకేన ఖన్ధేన ఏకేనాయతనేన సత్తహి ధాతూహి అసఙ్గహితా.

౧౩౯. చేతసికా ధమ్మా… చిత్తసమ్పయుత్తా ధమ్మా… చిత్తసంసట్ఠా ధమ్మా తీహి ఖన్ధేహి ఏకేనాయతనేన ఏకాయ ధాతుయా సఙ్గహితా. కతిహి అసఙ్గహితా? ద్వీహి ఖన్ధేహి ఏకాదసహాయతనేహి సత్తరసహి ధాతూహి అసఙ్గహితా.

౧౪౦. అచేతసికా ధమ్మా అసఙ్ఖతం ఖన్ధతో ఠపేత్వా ద్వీహి ఖన్ధేహి ద్వాదసహాయతనేహి అట్ఠారసహి ధాతూహి సఙ్గహితా. కతిహి అసఙ్గహితా? తీహి ఖన్ధేహి న కేహిచి ఆయతనేహి న కాహిచి ధాతూహి అసఙ్గహితా.

౧౪౧. చిత్తవిప్పయుత్తా ధమ్మా… చిత్తవిసంసట్ఠా ధమ్మా అసఙ్ఖతం ఖన్ధతో ఠపేత్వా ఏకేన ఖన్ధేన ఏకాదసహాయతనేహి ఏకాదసహి ధాతూహి సఙ్గహితా. కతిహి అసఙ్గహితా? చతూహి ఖన్ధేహి ఏకేనాయతనేన సత్తహి ధాతూహి అసఙ్గహితా.

౧౪౨. చిత్తసముట్ఠానా ధమ్మా చతూహి ఖన్ధేహి ఛహాయతనేహి ఛహి ధాతూహి సఙ్గహితా. కతిహి అసఙ్గహితా? ఏకేన ఖన్ధేన ఛహాయతనేహి ద్వాదసహి ధాతూహి అసఙ్గహితా.

౧౪౩. నో చిత్తసముట్ఠానా ధమ్మా… నో చిత్తసహభునో ధమ్మా… నో చిత్తానుపరివత్తినో ధమ్మా అసఙ్ఖతం ఖన్ధతో ఠపేత్వా ద్వీహి ఖన్ధేహి ద్వాదసహాయతనేహి అట్ఠారసహి ధాతూహి సఙ్గహితా. కతిహి అసఙ్గహితా? తీహి ఖన్ధేహి న కేహిచి ఆయతనేహి న కాహిచి ధాతూహి అసఙ్గహితా.

౧౪౪. చిత్తసహభునో ధమ్మా… చిత్తానుపరివత్తినో ధమ్మా చతూహి ఖన్ధేహి ఏకేనాయతనేన ఏకాయ ధాతుయా సఙ్గహితా. కతిహి అసఙ్గహితా? ఏకేన ఖన్ధేన ఏకాదసహాయతనేహి సత్తరసహి ధాతూహి అసఙ్గహితా.

౧౪౫. చిత్తసంసట్ఠసముట్ఠానా ధమ్మా… చిత్తసంసట్ఠసముట్ఠానసహభునో ధమ్మా… చిత్తసంసట్ఠసముట్ఠానానుపరివత్తినో ధమ్మా తీహి ఖన్ధేహి ఏకేనాయతనేన ఏకాయ ధాతుయా సఙ్గహితా. కతిహి అసఙ్గహితా? ద్వీహి ఖన్ధేహి ఏకాదసహాయతనేహి సత్తరసహి ధాతూహి అసఙ్గహితా.

౧౪౬. నో చిత్తసంసట్ఠసముట్ఠానా ధమ్మా… నో చిత్తసంసట్ఠసముట్ఠానసహభునో ధమ్మా… నో చిత్తసంసట్ఠసముట్ఠానానుపరివత్తినో ధమ్మా అసఙ్ఖతం ఖన్ధతో ఠపేత్వా ద్వీహి ఖన్ధేహి ద్వాదసహాయతనేహి అట్ఠారసహి ధాతూహి సఙ్గహితా. కతిహి అసఙ్గహితా? తీహి ఖన్ధేహి న కేహిచి ఆయతనేహి న కాహిచి ధాతూహి అసఙ్గహితా.

౧౪౭. అజ్ఝత్తికా ధమ్మా ద్వీహి ఖన్ధేహి ఛహాయతనేహి ద్వాదసహి ధాతూహి సఙ్గహితా. కతిహి అసఙ్గహితా? తీహి ఖన్ధేహి ఛహాయతనేహి ఛహి ధాతూహి అసఙ్గహితా.

౧౪౮. బాహిరా ధమ్మా అసఙ్ఖతం ఖన్ధతో ఠపేత్వా చతూహి ఖన్ధేహి ఛహాయతనేహి ఛహి ధాతూహి సఙ్గహితా. కతిహి అసఙ్గహితా? ఏకేన ఖన్ధేన ఛహాయతనేహి ద్వాదసహి ధాతూహి అసఙ్గహితా.

౧౪౯. ఉపాదా ధమ్మా ఏకేన ఖన్ధేన దసహాయతనేహి దసహి ధాతూహి సఙ్గహితా. కతిహి అసఙ్గహితా? చతూహి ఖన్ధేహి ద్వీహాయతనేహి అట్ఠహి ధాతూహి అసఙ్గహితా.

౧౫౦. నో ఉపాదా ధమ్మా అసఙ్ఖతం ఖన్ధతో ఠపేత్వా పఞ్చహి ఖన్ధేహి తీహాయతనేహి నవహి ధాతూహి సఙ్గహితా. కతిహి అసఙ్గహితా? న కేహిచి ఖన్ధేహి నవహాయతనేహి నవహి ధాతూహి అసఙ్గహితా.

౧౫౧. ఉపాదిన్నా ధమ్మా పఞ్చహి ఖన్ధేహి ఏకాదసహాయతనేహి సత్తరసహి ధాతూహి సఙ్గహితా. కతిహి అసఙ్గహితా? న కేహిచి ఖన్ధేహి ఏకేనాయతనేన ఏకాయ ధాతుయా అసఙ్గహితా.

౧౫౨. అనుపాదిన్నా ధమ్మా అసఙ్ఖతం ఖన్ధతో ఠపేత్వా పఞ్చహి ఖన్ధేహి సత్తహాయతనేహి అట్ఠహి ధాతూహి సఙ్గహితా. కతిహి అసఙ్గహితా? న కేహిచి ఖన్ధేహి పఞ్చహాయతనేహి దసహి ధాతూహి అసఙ్గహితా.

౧౫౩. ఉపాదానా ధమ్మా… కిలేసా ధమ్మా… కిలేసా చేవ సంకిలేసికా చ ధమ్మా… కిలేసా చేవ సంకిలిట్ఠా చ ధమ్మా… కిలేసా చేవ కిలేససమ్పయుత్తా చ ధమ్మా ఏకేన ఖన్ధేన ఏకేనాయతనేన ఏకాయ ధాతుయా సఙ్గహితా. కతిహి అసఙ్గహితా? చతూహి ఖన్ధేహి ఏకాదసహాయతనేహి సత్తరసహి ధాతూహి అసఙ్గహితా.

౧౫౪. నో కిలేసా ధమ్మా… అసంకిలిట్ఠా ధమ్మా… కిలేసవిప్పయుత్తా ధమ్మా అసఙ్ఖతం ఖన్ధతో ఠపేత్వా పఞ్చహి ఖన్ధేహి ద్వాదసహాయతనేహి అట్ఠారసహి ధాతూహి సఙ్గహితా. కతిహి అసఙ్గహితా? న కేహిచి ఖన్ధేహి న కేహిచి ఆయతనేహి న కాహిచి ధాతూహి అసఙ్గహితా.

౧౫౫. సంకిలేసికా ధమ్మా… సంకిలేసికా చేవ నో చ కిలేసా ధమ్మా… కిలేసవిప్పయుత్తా సంకిలేసికా ధమ్మా పఞ్చహి ఖన్ధేహి ద్వాదసహాయతనేహి అట్ఠారసహి ధాతూహి సఙ్గహితా. కతిహి అసఙ్గహితా? న కేహిచి ఖన్ధేహి న కేహిచి ఆయతనేహి న కాహిచి ధాతూహి అసఙ్గహితా.

౧౫౬. అసంకిలేసికా ధమ్మా… కిలేసవిప్పయుత్తా అసంకిలేసికా ధమ్మా అసఙ్ఖతం ఖన్ధతో ఠపేత్వా చతూహి ఖన్ధేహి ద్వీహాయతనేహి ద్వీహి ధాతూహి సఙ్గహితా. కతిహి అసఙ్గహితా? ఏకేన ఖన్ధేన దసహాయతనేహి సోళసహి ధాతూహి అసఙ్గహితా.

౧౫౭. సంకిలిట్ఠా ధమ్మా… కిలేససమ్పయుత్తా ధమ్మా… సంకిలిట్ఠా చేవ నో చ కిలేసా ధమ్మా… కిలేససమ్పయుత్తా చేవ నో చ కిలేసా ధమ్మా చతూహి ఖన్ధేహి ద్వీహాయతనేహి ద్వీహి ధాతూహి సఙ్గహితా. కతిహి అసఙ్గహితా? ఏకేన ఖన్ధేన దసహాయతనేహి సోళసహి ధాతూహి అసఙ్గహితా.

౧౫౮. దస్సనేన పహాతబ్బా ధమ్మా… భావనాయ పహాతబ్బా ధమ్మా… దస్సనేన పహాతబ్బహేతుకా ధమ్మా… భావనాయ పహాతబ్బహేతుకా ధమ్మా చతూహి ఖన్ధేహి ద్వీహాయతనేహి ద్వీహి ధాతూహి సఙ్గహితా. కతిహి అసఙ్గహితా? ఏకేన ఖన్ధేన దసహాయతనేహి సోళసహి ధాతూహి అసఙ్గహితా.

౧౫౯. న దస్సనేన పహాతబ్బా ధమ్మా… న భావనాయ పహాతబ్బా ధమ్మా … న దస్సనేన పహాతబ్బహేతుకా ధమ్మా… న భావనాయ పహాతబ్బహేతుకా ధమ్మా అసఙ్ఖతం ఖన్ధతో ఠపేత్వా పఞ్చహి ఖన్ధేహి ద్వాదసహాయతనేహి అట్ఠారసహి ధాతూహి సఙ్గహితా. కతిహి అసఙ్గహితా? న కేహిచి ఖన్ధేహి న కేహిచి ఆయతనేహి న కాహిచి ధాతూహి అసఙ్గహితా.

౧౬౦. సవితక్కా ధమ్మా… సవిచారా ధమ్మా చతూహి ఖన్ధేహి ద్వీహాయతనేహి తీహి ధాతూహి సఙ్గహితా. కతిహి అసఙ్గహితా? ఏకేన ఖన్ధేన దసహాయతనేహి పన్నరసహి ధాతూహి అసఙ్గహితా.

౧౬౧. అవితక్కా ధమ్మా… అవిచారా ధమ్మా అసఙ్ఖతం ఖన్ధతో ఠపేత్వా పఞ్చహి ఖన్ధేహి ద్వాదసహాయతనేహి సత్తరసహి ధాతూహి సఙ్గహితా. కతిహి అసఙ్గహితా? న కేహిచి ఖన్ధేహి న కేహిచి ఆయతనేహి ఏకాయ ధాతుయా అసఙ్గహితా.

౧౬౨. సప్పీతికా ధమ్మా… పీతిసహగతా ధమ్మా చతూహి ఖన్ధేహి ద్వీహాయతనేహి ద్వీహి ధాతూహి సఙ్గహితా. కతిహి అసఙ్గహితా? ఏకేన ఖన్ధేన దసహాయతనేహి సోళసహి ధాతూహి అసఙ్గహితా.

౧౬౩. అప్పీతికా ధమ్మా… న పీతిసహగతా ధమ్మా… న సుఖసహగతా ధమ్మా అసఙ్ఖతం ఖన్ధతో ఠపేత్వా పఞ్చహి ఖన్ధేహి ద్వాదసహాయతనేహి అట్ఠారసహి ధాతూహి సఙ్గహితా. కతిహి అసఙ్గహితా? న కేహిచి ఖన్ధేహి న కేహిచి ఆయతనేహి న కాహిచి ధాతూహి అసఙ్గహితా.

౧౬౪. సుఖసహగతా ధమ్మా తీహి ఖన్ధేహి ద్వీహాయతనేహి తీహి ధాతూహి సఙ్గహితా. కతిహి అసఙ్గహితా? ద్వీహి ఖన్ధేహి దసహాయతనేహి పన్నరసహి ధాతూహి అసఙ్గహితా.

౧౬౫. ఉపేక్ఖాసహగతా ధమ్మా తీహి ఖన్ధేహి ద్వీహాయతనేహి సత్తహి ధాతూహి సఙ్గహితా. కతిహి అసఙ్గహితా? ద్వీహి ఖన్ధేహి దసహాయతనేహి ఏకాదసహి ధాతూహి అసఙ్గహితా.

౧౬౬. న ఉపేక్ఖాసహగతా ధమ్మా అసఙ్ఖతం ఖన్ధతో ఠపేత్వా పఞ్చహి ఖన్ధేహి ద్వాదసహాయతనేహి తేరసహి ధాతూహి సఙ్గహితా. కతిహి అసఙ్గహితా? న కేహిచి ఖన్ధేహి న కేహిచి ఆయతనేహి పఞ్చహి ధాతూహి అసఙ్గహితా.

౧౬౭. కామావచరా ధమ్మా… పరియాపన్నా ధమ్మా… సఉత్తరా ధమ్మా పఞ్చహి ఖన్ధేహి ద్వాదసహాయతనేహి అట్ఠారసహి ధాతూహి సఙ్గహితా. కతిహి అసఙ్గహితా? న కేహిచి ఖన్ధేహి న కేహిచి ఆయతనేహి న కాహిచి ధాతూహి అసఙ్గహితా.

౧౬౮. న కామావచరా ధమ్మా… అపరియాపన్నా ధమ్మా… అనుత్తరా ధమ్మా అసఙ్ఖతం ఖన్ధతో ఠపేత్వా చతూహి ఖన్ధేహి ద్వీహాయతనేహి ద్వీహి ధాతూహి సఙ్గహితా. కతిహి అసఙ్గహితా? ఏకేన ఖన్ధేన దసహాయతనేహి సోళసహి ధాతూహి అసఙ్గహితా.

౧౬౯. రూపావచరా ధమ్మా… అరూపావచరా ధమ్మా… నియ్యానికా ధమ్మా… నియతా ధమ్మా… సరణా ధమ్మా చతూహి ఖన్ధేహి ద్వీహాయతనేహి ద్వీహి ధాతూహి సఙ్గహితా. కతిహి అసఙ్గహితా? ఏకేన ఖన్ధేన దసహాయతనేహి సోళసహి ధాతూహి అసఙ్గహితా.

౧౭౦. న రూపావచరా ధమ్మా… న అరూపావచరా ధమ్మా… అనియ్యానికా ధమ్మా… అనియతా ధమ్మా… అరణా ధమ్మా కతిహి ఖన్ధేహి కతిహాయతనేహి కతిహి ధాతూహి సఙ్గహితా? అరణా ధమ్మా అసఙ్ఖతం ఖన్ధతో ఠపేత్వా పఞ్చహి ఖన్ధేహి ద్వాదసహాయతనేహి అట్ఠారసహి ధాతూహి సఙ్గహితా. కతిహి అసఙ్గహితా? న కేహిచి ఖన్ధేహి న కేహిచి ఆయతనేహి న కాహిచి ధాతూహి అసఙ్గహితా.

సఙ్గహాసఙ్గహపదనిద్దేసో పఠమో.