౧౨. దుబ్బచ, సఙ్ఘాదిసేస సిక్ఖాపుచ్ఛా

పుచ్ఛా – యం తేన ఆవుసో భగవతా…పే… సమ్మాసమ్బుద్ధేన దుబ్బచస్స భిక్ఖునో యావతతియం సమనుభాసనాయ అప్పటినిస్సజ్జన్తస్స సఙ్ఘాదిసేసో కత్థ పఞ్ఞత్తో.

విస్సజ్జనా – కోసమ్బియం భన్తే పఞ్ఞత్తో.

పుచ్ఛా – కం ఆవుసో ఆరబ్భ కిస్మిం వత్థుస్మిం పఞ్ఞత్తో.

విస్సజ్జనా – ఆయస్మన్తం భన్తే ఛన్నం ఆరబ్భ పఞ్ఞత్తో, ఆయస్మా భన్తే ఛన్నో భిక్ఖూహి సహధమ్మికం వుచ్చమానో అత్తానం అవచనీయం అకాసి, తస్మిం భన్తే వత్థుస్మిం పఞ్ఞత్తో.