౧౧. భేదానువత్తక సిక్ఖాపుచ్ఛా

పుచ్ఛా – యం తేన ఆవుసో భగవతా…పే… సమ్మాసమ్బుద్ధేన భేదానువత్తకానం భిక్ఖూనం యావతతియం సమనుభాసనాయ అప్పటినిస్సజ్జన్తానం సఙ్ఘాదిసేసో కత్థ పఞ్ఞత్తో.

విస్సజ్జనా – రాజగహే భన్తే పఞ్ఞత్తో.

పుచ్ఛా – కం ఆవుసో ఆరబ్భ కిస్మిం వత్థుస్మిం పఞ్ఞత్తో.

విస్సజ్జనా – సమ్బహులే భన్తే భిక్ఖూ ఆరబ్భ పఞ్ఞత్తో, సమ్బహులా భన్తే భిక్ఖూ దేవదత్తస్స సఙ్ఘాభేదాయ పరక్కమన్తస్స అనువత్తకా అహేసుం వగ్గవాదకా, తస్మిం భన్తే వత్థుస్మిం పఞ్ఞత్తో.