గిలానవగ్గ

పఠమ గిలానసుత్త

పుచ్ఛా – గిలానవగ్గే పనావుసో పఠమం గిలానసుత్తం భగవతా కత్థ కం ఆరబ్భ కిస్మిం వత్థుస్మిం కథఞ్చ భాసితం.

విస్సజ్జనా – సావత్థియం భన్తే అఞ్ఞతరం నవం భిక్ఖుం గిలానం ఆబాధితం దుక్ఖితం బాళ్హగిలానం ఆరబ్భ భాసితం. అఞ్ఞతరో భన్తే భిక్ఖు గిలానో ఆబాధికో దుక్ఖితో బాళ్హగిలానో భగవన్తం ఏతదవోచ ‘‘నఖ్వాహం భన్తే సీలవిసుద్ధత్థం భగవతా ధమ్మం దేసితం ఆజానామీ’’తి. తస్మిం భన్తే వత్థుస్మిం తం భిక్ఖుం పటిపుచ్ఛిత్వా తస్స చ వచనం సాధుకారం దత్వా ‘‘రాగవిరాగత్థో హి భిక్ఖు మయా ధమ్మో దేసితో, తం కిం మఞ్ఞసి భిక్ఖు, చక్ఖు నిచ్చం వా అనిచ్చం వాతి. అనిచ్చం భన్తే. యం పనానిచ్చం దుక్ఖం వా తం సుఖం వాతి, దుక్ఖం భన్తే’’తి ఏవమాదినా భగవతా భాసితం.

న మే భన్తే ఖమనీయం.

సాధు ఖో త్వం భిక్ఖు రాగవిరాగత్థం మయా ధమ్మం దేసితం ఆజానాసి,