రాధసంయుత్త

సత్తసుత్త

పుచ్ఛా – రాధసంయుత్తే పనావుసో దుతియం సత్తసుత్తం భగవతా కత్థ కం ఆరబ్భ కిస్మిం వత్థుస్మిం కథఞ్చ భాసితం.

విస్సజ్జనా – సావత్థియం భన్తే ఆయస్మన్తం రాధత్థేరం ఆరబ్భ భాసితం. ఆయస్మా భన్తే రాధత్థేరో భగవన్తం ఏతదవోచ ‘‘సత్తో సత్తోతి భన్తే వుచ్చతి, కిత్తావతా ను ఖో భన్తే సత్తోతి వుచ్చతీ’’తి. తస్మిం భన్తే వత్థుస్మిం ‘‘రూపే ఖో రాధ యో ఛన్దో యో రాగో యా నన్దీ యా తణ్హా, తత్ర సత్తో తత్ర విసత్తో, తస్మా సత్తోతి వుచ్చతీ’’తి ఏవమాదినా భగవతా భాసితం.