౫,౧౭౩. గమ యమి+సాస దిసానం వా చ్ఛఙ

ఏతేసం వా చ్ఛఙ హోతి న్త+మాన+త్యాదీసు. ఙ-నుబన్ధత్తా అన్తస్స హోతి, గచ్ఛన్తో గచ్ఛమానో. యమ=ఉపరమే, యచ్ఛన్తో యచ్ఛమానో. ఇచ్ఛన్తో ఇచ్ఛమానో. ఆస=ఉపవేసనే, అచ్ఛన్తో అచ్ఛమానో, ‘‘బ్యఞ్జనే’’చ్చాదినా రస్సో. దిస=అతిసజ్జనే, దిచ్ఛన్తో దిచ్ఛమానో. వవత్థితవిభాసత్తా వాసద్దస్స అఞ్ఞపచ్చయేసు చ క్వచి, ఇచ్ఛీయతీతి ఇచ్ఛితబ్బం, ఇచ్ఛనం ఇచ్ఛా, ‘‘ఇత్థియ+మణా’’ దినా అప్పచ్చయో. ఇచ్ఛితం, ఇచ్ఛితబ్బం, ఇచ్ఛితుం. అఞ్ఞేసఞ్చ యోగవిభాగా, పవేచ్ఛన్తో.