౧౭౧. రా నస్స ణో

రన్తతో క్రియత్థా పచ్చయనకారస్స ణ హోతి. కరణీయో.

భర=భరణే, భరీయతీతి భరితబ్బో భరణీయో. గహ=ఉపాదానే ‘‘మం వా రుధాదీనం’’తి అన్తసరా పరోమం వా హోతి. మకారో+నుబన్ధో. ‘‘ణో నిగ్గహీతస్సా’’తి నిగ్గహీతస్స ణో, సంగయ్హతీతి సంగణ్హితబ్బో సంగణ్హనీయో, ‘‘తథనరా’’దినా ణకారే గహణీయో. రమ=కీళాయం, రమీయతీతి రమణీయో విహారో. ఆప=పాపుణనే, ‘‘సకాపానం కుకకూ ణే’’తి ఏత్థ ‘సకాపానం కుక+కూ’తి యోగవిభాగా కు, ఊఆగమే నాగమస్స ణే చ కతే పాపీయతీతి పాపుణితబ్బో. పరరూపే పత్తబ్బో, పాపుణనీయో, పాపనీయో.