౧౨౭. అన+ఘణస్వా+పరీహి ళో

ఆ+పరీహి పరస్స దహస్స ళో హోత+న+ఘణసు. పరిదహనం పరిళాహో. ఏవం దాహో. భఞ్జనం సఙ్గో. ఏవం సఙ్గో. సంఖరనం సంఖారో, ‘‘కరోతిస్స ఖో’’తి కస్స ఖో. ఏవం పరిక్ఖారో. ‘‘పురస్మా’’తి కరస్స ఖో, పురేక్ఖారో, ఏత్తం తదమినాదిపాఠా. ఏవం ఉపకారో, గాహో.

ఘ-వచతీతి వకో. సిచ=పగ్ఘరణే, సేచనం సేకో. ఏవం సోకో, ఏఓవుద్ధియో. యుఞ్జనం యోగో.

క-పీ=తప్పనే, పీనేతీతి పీయో, కానుబన్ధత్తా న వుద్ధి, ‘‘యువణ్ణాన+మియఙువఙ సరే’’తి ఇయఙ. ఖిప=పేరణే, ఖిపతీతి ఖిపో. భుఞ్జన్త్య+నేనాతి భుజో. యుధ=సమ్పహారే ఆయుజ్ఝన్తి అనేనాతి ఆయుధం.