౧౬౫. తుం+యానా

త్వాస్స వా తుం+యానా హోన్తి సమాసే క్వచి. అభిహరణం కత్వా అభిహట్ఠుం, అభిహరిత్వా, పాదిసమాసో, ‘‘పుచ్ఛాదితో’’తి తస్స ఠో పరరూపాది చ. అనుమోదనం కత్వా అనుమోదియాన అనుమోదిత్వా వా, కానుబన్ధేపి ‘‘వా క్వచీ’’తి వికప్పత్తా ‘‘లహుస్సుపన్తస్సా’’తి ఓకారో. క్వచా+సమాసేపి బహులాధికారా, దట్ఠుం, దిసతో త్వాస్స తుమాదేసే దిసస్స దస. అఞ్ఞత్ర ‘‘దిసా వాన+వా స చా’’తి త్వాస్స వాన+వా స హోన్తి, దిస్వా. ఏవం లభనం కత్వా లద్ధా ధనంతిఆదీసు తస్స ధో భవతి.

ఇతి పయోగసిద్ధియం ఖాదికణ్డో సత్తమో.