౨౮. తం హన్త+రహతి గచ్ఛతు+ఞ్ఛతి+చరతి

దుతియన్తా హన్తీతి ఏవమాదీస్వ+త్థేసు ణికో హోతి. పక్ఖినో హన్తీతి పక్ఖికో, సాకుణికో, మాయూరికో, మచ్ఛే హన్తీతి మచ్ఛికో, మేనికో. మిగే హన్తీతి మాగవికో, వకారాగమో. మిగస్స ‘‘తదమినా’’దినా మగవాదేసేపి మాగవికో. ఓరబ్భికో, హారిణికో. సూకరికోతి ఇకో. సత+మరహతీతి సాతికం, సన్దిట్ఠికం, ఏహి పస్స విధిం అరహతీతి ఏహిపస్సికో. ఏత్థ త్యాద్యన్తసముదాయతో అనుకరణత్తా వా తద్ధితస్స అభిధానలక్ఖణత్తా వా బహులంవిధానేన వా పచ్చయో. సాహస్సికో, కుమ్భికో, దోణికో, అద్ధమాసికో, కహాపణికో, ఆసీతికా గాథా, నావుతికా. సహస్సియోతి ఇయో. పరదారం గచ్ఛతీతి పారదారికో, మగ్గికో, పఞ్ఞాసయోజనికో, పథికో. బదరే ఉఞ్ఛతీతి బాదరికో, సామాకికో. ధమ్మం చరతీతి ధమ్మికో, అధమ్మికో.