౭. తిట్ఠగ్వాదీని

తిట్ఠగుఆదీని అఞ్ఞత్థేన సిద్ధాపి అస్మిం అసంఖ్యసమాసే నిపాతియన్తి. తిట్ఠన్తి గావో యస్మిం కాలేతి తిట్ఠన్తసద్ద+గోసద్దేహి పఠమాయోమ్హి కతే ‘‘వా+నేకఞ్ఞత్థే’’తి సమాసో, ఇమినా నిపాతనా లోపే నపుంసకత్థే చ కతే సిమ్హి గోస్స ‘‘గోస్సు’’తి ఉకారే ‘‘పుబ్బస్మా+మాదితో’’తి విభత్తిలోపో. ఏవం వహన్తీ గావో యస్మిం కాలేతి వహగ్గు ఇచ్చాది. వేలాప్పకాసకపాతోఆదీనమ్పి ఏత్థేవ సఙ్గహో, పాతో నహానన్తి సత్తమీఅమాదిసమాసే పాతనహానం, ఏవం సాయనహానం, పాతకాలం, సాయకాలం, పాతమేఘం, సాయమేఘం, పాతమగ్గం, సాయమగ్గం, ఏత్థ ‘‘ఏఓన+మ వణ్ణే’’తి అకారో, నిగ్గహీతస్స లోపో చ హోతి.