౩. కాలద్ధాన+మచ్చన్తసంయోగే

కాలద్ధానం దబ్బ+గుణ+క్రియాహి అచ్చన్తసంయోగే తేహి కాలద్ధానవాచీహి దుతియా హోతి. కాలే-సత్తాహం గవపానం, మాసం మంసోదనం, సరదం రమణీయా నదీ, సబ్బకాలం రమణీయం నన్దనం, తయో మాసే అభిధమ్మం దేసేతి. అద్ధని-యోజనం వనరాజి, యోజనం దీఘో పబ్బతో, కోసం సజ్ఝాయతి.

పుబ్బన్హసమయం నివాసేత్వా, ఏకం సమయం భగవా, ఇమం రత్తిం చత్తారో మహారాజానోతి ఏవమాదీసు కాలవాచీహి అచ్చన్తసంయోగే దుతియా, బహులంవిధానా విభత్తివిపల్లాసో వా. మాసేనా+నువాకో+ధీతో, కోసేనా+నువాకో+ధీతోతి కరణత్థే తతియా.