౨౧. గుణే

పరఙ్గభూతే హేతుమ్హి పఞ్చమీ హోతి వా. జళత్తా బద్ధో, జళత్తేనవా, పఞ్ఞాయ ముత్తో, హుత్వా అభావతో అనిచ్చా, సఙ్ఖారనిరోధా విఞ్ఞాణనిరోధో. బహులంవిధానా సత్తమ్యత్థేహిపి, తేన సమయేన, కాలేన ధమ్మసాకచ్ఛా, పురత్థిమేన ధతరట్ఠో, దక్ఖిణేన విరూళ్హకో, ఉత్తరేన కపిలవత్థు, యేన భగవా, తేనుపసఙ్కమి, సో వో మమ+చ్చయేన సత్థాతి. మాసేన భుఞ్జతి, ఏకాహేనేవ బారాణసిం పావిసి, నవహి మాసేహి విహారం కారాపేసి, కహాపణేన ఊనో, ధనేన వికలో, అసినా కలహో, ఆచారేన నిపుణో, గుళేన మిస్సకం, వాచాయ సఖిలో, మణినా అత్థో, ధనేన అత్థో, యోజనేన గచ్ఛతి ఇచ్చాది హేతుమ్హి కరణే వా తతియా. అత్తనావ అత్తానం సమ్మన్నతీతి పచ్చత్తే బహులంవిధానా కత్తరి తతియా. ఏవం తిలేహి ఖేత్తే వపతీతి కమ్మత్థే, సుముత్తా మయం తేన మహాసమణేనాతి పఞ్చమ్యత్థే చ.