౧౪౪. మనాదీహి స్మిం+సం+నా+స్మానం సి+సో+ఓ+సా+సా

మనాదీహి స్మి+మాదీనం సి+సో+ఓ+సా+సా హోన్తి వా యథాక్కమం. మనో, మనా. భో మన మనా, మనా. మనో, మనం, మనే. మనసా మనేన, మనేహి మనేభి. మనసో మనస్స, మనానం. మనసా మనా మనమ్హా మనస్మా, మనేహి మనేభి. మనసి మనమ్హి మనస్మిం, మనేసు.

ఏవం వచో పయో తేజో,

తపో చేతో తమో యసో.

అయో వయో సిరో సరో,

ఉరో+త్యే+తే మనాదయో.

రూపసిద్ధియం అహ+రహసద్దా మనాదీసు పఠితా. అహస్స ఆపాదిత్తా రహోతి నిపాతత్తా రహసీతి విభత్యన్తపటిరూపకనిపాతత్తా ఇధ న గహితా.

గచ్ఛన్త సి, ‘‘సిస్స’’ ‘‘వే’’తి చ వత్తతే. పరతో భియ్యో నానువత్తయిస్సామ, వుత్తియా ఏవ అనువత్తస్స గమ్యమానత్తా.