౩౭. పఠమా+త్థమత్తే

నామస్సా+భిధేయ్యమత్తే పఠమావిభత్తి హోతీతి వత్తిచ్ఛావసా పఠమాయే+కవచనబహువచనాని. సి యోఇతి పఠమా. సిస్సి+కారస్సా+నుబన్ధత్తా అప్పయోగో. పయోజనం ‘‘కి+మంసిసూ’’తి సంకేతో, తథా అంవచనస్సా+కారస్స. ఏత్థ తథాతి వుత్తస్సాతిదేసో అఞ్ఞదీయధమ్మాన+మఞ్ఞత్థపాపన+మతిదేసో. ఏకమ్హి వత్తబ్బే పఠమేకవచనం సి.

అతోతి వత్తతే, అతోతి నామవిసేసనత్తా ‘‘విధిబ్బిసేసనన్తస్సా’’తి పరిభాసతో అకారన్తతో నామస్మా విధి.