౧౬౭. నజ్జా ధయాస్వామ

యోసు నదీసద్దస్స ఆమ వా హోతి. సుఞ+నక+ఆమ ఇత్యాది ఞ్ఞకార+కకార+మకారా ఆగమలిఙ్గా. స చ ‘‘మానుబన్ధో సరాన+మన్తా పరో’’తి మానుబన్ధత్తా సరాన+మన్తా పరో హోతీతి ఈకారా పరో. ‘‘యవా సరే’’తి యే దస్స జో, యస్స చ పుబ్బరూపం, నజ్జాయో. వా ప-లోప+యోలోపేసు నజ్జో నదీ నదియో ఇచ్చాది.

ఈకారన్తం.

యాగు, యాగూ యాగుయో. భో యాగు, యాగూ యాగుయో. యాగుం, యాగూ యాగుయో. యాగుయా, యాగూహి యాగూభి. యాగుయా, యాగూనం. యాగుయం యాగుయా, యాగూసు. ఏవం ధాతు+ధేను+కాసు+దద్దు+కణ్డు+కచ్ఛు+రజ్జు+కరేణు+సస్సు+పియఙ్గు ఆదయో.

ఏత్థ ధాతుసద్దో ‘‘మనోధాతునా’’తి అభిధమ్మావతారే వుత్తత్తా పుల్లిఙ్గేపి దిస్సతి, తం సక్కటమతేన వుత్తన్తి కేచి.

మాతా, మాతరో. భో మాత మాతా, మాతరో. మాతరం, మాతరే మాతరో. మాతరా, నాస్స యాదేసే ‘‘యే పస్సా’’తి యోగవిభాగా పలోపో, అనుఞ్ఞాతో అహం మత్యా, అఞ్ఞత్ర మాతుయా, మాతరేహి మాతరేభి మాతూహి మాతూభి. సలోపే మాతు, పసఞ్ఞత్తా ‘నో’ న హోతి, మత్యా మాతుయా, మాతరానం మాతానం మాతూనం. ఛట్ఠివిసయే ‘‘మాతుస్స సరతీ’’తిపి దిస్సతి. మాతరి, మాతరేసు మాతూసు. విసేసా+ఞ్ఞత్ర పితుసమం. ఏవం ధీతు+దుహితుసద్దా.

ఉకారన్తం.

రస్సనిసేధే సిలోపే చ కతే జమ్బూ. ‘‘జన్త్వా’’దినా యోలోపే, జమ్బూ జమ్బుయో. ‘‘గే వా’’తి రస్సే భో జమ్బు, జమ్బూ జమ్బుయో. జమ్బుం, జమ్బూ జమ్బుయో. జమ్బుయా, జమ్బూహి జమ్బూభి. జమ్బుయా, జమ్బూనం. జమ్బుయం జమ్బుయా, జమ్బూసు.

ఏవం వధూ చ సరభూ, సరబూ సుతనూ చమూ;

వామూరూ నాగనాసురూ, సమానా ఖలు జమ్బుయా.

ఊకారన్తం.

గో, గావో గవో ఇచ్చాది పుల్లిఙ్గసమం.

ఇత్థిలిఙ్గం.

నపుంసక, సి –