౧౧౬. యే పస్సి+వణ్ణస్స

పసఞ్ఞస్స ఇవణ్ణస్స లోపో హోతి వా యకారే. ‘‘పరో క్వచీ’’తి అనువత్తితక్వచిగ్గహణా యే పరే చ-కార+పుబ్బరూపా- ని న హోన్తి. మత్యో. అఞ్ఞత్ర ‘‘జన్త్వా’’దినా యోలోపో, దీఘో, మతీ మతియో. భో మతి మతీ, మత్యో మతీ మతియో. మతిం, మత్యో మతీ మతియో. మతియా, మతీహి మతీభి. మత్యా మతియా, మతీనం. స్మినో యం, మత్యం మతియం మత్యా మతియా, మతీసు. ఏవం –

పత్తి యుత్తి వుత్తి కిత్తి, ముత్తి తిత్తి ఖన్తి కన్తి;

సన్తి తన్తి సిద్ధి సుద్ధి, ఇద్ధి వుద్ధి బుద్ధి బోధి.

భూమి జాతి పీతి సుతి, నన్ది సన్ధి సోణి కోటి;

దిట్ఠి వుట్ఠి తుట్ఠి యట్ఠి, పాళి ఆళి నాళి కేళి.

సతి ముతి గతి చుతి, ధితి యువతి వికతి;

రతి రుచి రస్మి అసని, వసని ఓసధి అఙ్గులి;

ధూలి దుద్రభి దోణి, అటవి ఛవి ఇచ్చాది.