౧౫౩. హిమవతో వా ఓ

హిమవతో సిమ్హి న్తుస్స ఓ వా హోతి, హిమవన్తో హిమవా. సేసం పురిమసమం.

ఆయస్మన్తుసద్దో కమ్మవాచాయ క్వచి బహులాధికారా ద్వివచనేన ఆయస్మన్తా, తిణ్ణం వచనేన ఆయస్మన్తోతి దిస్సతి.

ఏవం సతిమా ధితిమా గతిమా ముతిమా మతిమా జుతిమా సిరిమా హిరిమా థుతిమా రతిమా యతిమా సుచిమా కలిమా బలిమా కసిమా రుచిమా బుద్ధిమా చక్ఖుమా బన్ధుమా హేతుమా సేతుమా కేతుమా రాహుమా భాణుమా ఖాణుమా విజ్జుమా ఇచ్చాదయో.

ఉకారన్తం.

వేస్సభూ సిలోపో. తే చ రస్సాభావోవ విసేసో. ‘‘ఏకవచనయోస్వ+ఘోనం’’తి రస్సే ‘‘లా యోనం వో పుమే’’తి వో, వేస్సభువో, ‘‘వేవోసు లుస్సా’’తి వుత్తత్తా న టాదేసో, ‘‘లోపోతి యోలోపే వేస్సభూ. ‘‘గే వా’’తి వా రస్సే భో వేస్సభు వేస్సభూ, వేస్సభువో వేస్సభూ. వేస్సభుం, వేస్సభువో వేస్సభూ. వేస్సభునా ఇచ్చాది భిక్ఖుసమం. ఏవం సయమ్భూ పరాభిభూ అభిభూఆదయో. గోత్రభూ+సహభూసద్దేహి పన యోనం ‘‘జన్త్వాదితో నో వా’’తి నో, వో వా, గోత్రభునో గోత్రభువో గోత్రభూ. సహభునో సహభువో సహభూ, సేసం వేస్సభూసమం.