౩౩. బ్యఞ్జనే దీఘరస్సా

రస్స+దీఘానం క్వచి దీఘ+రస్సా హోన్తి బ్యఞ్జనే. తత్రాభిరతి, తత్రాయం, బుద్ధానుస్సతి, సాత్థికా, సఞ్ఞావా+స్స, తదాహం, యానీ+ధ భూతాని, గచ్ఛామీతి, అతీతో, కికీవ, బహూపకారం, మధూదకం, సూపధారితం, సోపాయం, ఇదానాహం, సచాయం, అప్పస్సుతాయం, ఇతరీతరేన, సద్ధీధ విత్తం, కమ్మూపనిస్సయో, తథూపమం, రత్తూపరతో, వూపసమో, లోకస్సాతి, దేవాతి, వీతిపతన్తి, వీతినామేన్తి, సఙ్ఘాటీపి, జీవితహేతూపి, విజ్జూవ, కింసూధ విత్తం, సాధూతి, త్యాస్స పహీనా, స్వాస్స, మధువా మఞ్ఞతీ బాలో, ఏవం గామే మునీ చరే, ఖన్తీ పరమం తపో తితిక్ఖా, న మంకూ భవిస్సామి, స్వాక్ఖాతో, య్వాహం, స్వాహం, కామతో జాయతీ సోకో, కామతో జాయతీ భయం, సక్కో ఉజూ చ సుహుజూ చ, అనూపఘాతో, దూరక్ఖం, దూరమం, దూభరతా. యిట్ఠంవ హుతంవ లోకే, యదివ సావకే, పుగ్గల ధమ్మదసా తే, భోవాది నామ సో హోతి, యథాభావి గుణేన సో, యథయిదం, సమ్మదక్ఖాతో, పరక్కమో, తణ్హక్ఖయో, ఝానస్స లాభిమ్హి, వసిమ్హి, థుల్లచ్చయో. క్వచీతి కిం, త్యజ్జ, స్వస్స, పతిలియతీతి దీఘనిసేధో, మాయిదం, మనసాదఞ్ఞా విముత్తానం, యథాక్కమం, ఆరక్ఖాతీతం, దీయతి, సూయతీతి రస్సకారియనిసేధో. కథం యానివ అన్తలిక్ఖేతి, ‘‘దీఘరస్సా’’తి యోగవిభాగా. (దీఘ+రస్ససన్ధి).

బ్యఞ్జనేతి వత్తతే.