౪౭. నమ్హి

‘‘ఆగమా తగ్గుణీభూతా తగ్గహణేన గయ్హన్తీ’’తి పరిభాసా వచనమేతం తత్థ తగ్గుణీభూతాతి తస్మిం ఆగమిమ్హి గుణీభూతా, అవయవవసేన పచ్ఛా భవన్తో అముఖ్యభూతా, తగ్గహణేనాతి ఆగమిగ్గహణేన తగ్గహణేన గహణతోతి ఆగమిభూతస్స నం ఇచ్చస్స గహణేన గహణతో, ‘నమ్హి విభత్తిమ్హి’తి తు వత్తబ్బం, విపల్లాసో వా ఏత్థ దట్ఠబ్బో.

(౪౯) ఇకారస్సేవవాతిఆదినా వుత్తమేవ వివరతి తిస్స ఇచ్చాదినా, తస్స తిస్స, నిద్దిట్ఠత్తాతి తిస్స నిద్దిట్ఠత్తా, ‘‘నమ్హి తిచతున్నమిత్థియం తిస్స చతస్సా’’తి (౨-౨౦) తిస్సాదేసో ‘‘నమ్హి నుక ద్వాదీనం సత్తరసన్న’’న్తి (౨-౪౭) నుక, తిస్సన్నం.