౨౭. అప

నను ఫుటోవ తేసం సాలాదీనం యోగోతి కిమేత్థ పఞ్హేన కస్స పనేతేహి యోగో’త్యాసఙ్కియాహ-‘వజ్జనం హిచ్చాది, వజ్జనానన్తి కత్తరి అనో, వజ్జనే సమ్బన్ధే వత్తమానేహీతి వజ్జనసఙ్ఖాతే సమ్బన్ధే వత్త మానేహి అపపరీహి, యుత్తస్మాతి యుత్తతోవ ఏకస్మా, నాఞ్ఞతో, కిమేత్థ వత్తబ్బన్తి ఇమినా అపపరీహి యుత్తస్మావ పఞ్చమీభవనే పసిద్ధత్తమాహ, పసిద్ధమ్పేతమాహరిత్వా పకాసేతుమాహ-‘కత్తునో’చ్చాది, యదత్థోతి యోసాలాది అత్థో పయోజనం యస్స వజ్జనకిరియా రమ్భస్స సో యదత్థో. ‘‘పఞ్చమ్యపాపరీహీ’’తి (౨-౩-౧౦) ఆయుత్తేపి పఞ్చమీ విధీయతే పరేహి, తదాహ-‘మరియాదాయ’మిచ్చాది, అవధిమా ఏత్థ వస్సనం.