౧౦. సమ్మావత్తనసుత్తం

౯౦. [చూళవ. ౨౧౧] ‘‘తస్సపాపియసికకమ్మకతేన, భిక్ఖవే, భిక్ఖునా అట్ఠసు ధమ్మేసు సమ్మా వత్తితబ్బం – న ఉపసమ్పాదేతబ్బో, న నిస్సయో దాతబ్బో, న సామణేరో ఉపట్ఠాపేతబ్బో, న భిక్ఖునోవాదకసమ్ముతి సాదితబ్బా, సమ్మతేనపి భిక్ఖునియో న ఓవదితబ్బా, న కాచి సఙ్ఘసమ్ముతి సాదితబ్బా, న కిస్మిఞ్చి పచ్చేకట్ఠానే ఠపేతబ్బో, న చ తేన మూలేన వుట్ఠాపేతబ్బో. తస్సపాపియసికకమ్మకతేన, భిక్ఖవే, భిక్ఖునా ఇమేసు అట్ఠసు ధమ్మేసు సమ్మా వత్తితబ్బ’’న్తి. దసమం.

సతివగ్గో చతుత్థో.